Татарстанда туып үскән яшь җырчы Динар Рахматуллин вафат. Бу хакта җырчының шәхси аккаунты аша туганнары хәбәр итте.
— Бүген Динар вафат булды. Җомга көнне соңгы юлга озатабыз. Динарның иҗатын яраткан һәм хөрмәт иткән һәрбер кешегә рәхмәт белдерәбез, — диелә хәбәрдә.
Гаилә җырчының үлем сәбәбен белдермәскә карар кылган.
— Кызганычка каршы, үлем сәбәбен әйтә алмыйбыз. Безнең гаилә шулай хәл итте. Барысын да аңлап кабул итүегезне сорыйм, — ди җырчының туганы.
Динар Рахматуллин — Татарстанда туып үскән һәм рус телендә иҗат итүче яшь җырчы. 2019 елда «Мама», «Дорога» җырлары аша киң танылу алды.
чыганак: https://vatantat.ru/2023/04/110391/