12 июньдә Башкортстанның атказанган артисты Хәким Мортазин вафат булган. Аңа 48 яшь иде. Ул, үзе яшәп, иҗат иткән шәһәрендә-Уфада җан биргән. Артист — Мәҗит Гафури исемендәге драма академия театрында хезмәт куйган шәхес. Кайгылы хәбәр «Башинформ» басмасынннан килеп иреште.
Хәким Мортазин 1975 елның 14 мартында Башкортстанның Зианчура районы Яңыбай авылында дөньяга килә. 1996 елда Уфаның З.Исмәгыйлев исемендәге мәдәният институтында укып чыга. Бер елдан соң аны Мәҗит Гафури исемендәге тетр труппасына кабул итәләр.
Театрда иҗат иткән елларында ул дистәләгән спектакль, телевидение өчен төшерелгән фильмнарда уйнады. Башкортстанның атказанган артисты исемен аңа 2010 елда бирәләр.