Илдар кая караган?!
Гүзәл Уразова «20+1» программасы белән октябрь аена 23 концерт планлаштырган. Аларның һәркайсында артистларны бүләкләргә күмәләр. Бу хакта Гүзәл белән Илдар социаль челтәрдә язып бара.
Шушы көннәрдә Магнитогорск шәһәрендә Гүзәл Уразовага сәхнәгә менеп тәкъдим ясаганнар. Баксаң, тәкъдим ресторанда төшке аштан гыбарәт икән.
Сәхнәгә аның янына чәчәк бәйләме тотып бер ир менгән. Бу хакта Гүзәл болый яза:
«Кинәт кенә: «Помните меня?» — дип сорагач, тиз генә искә төшә мени әле ул?! — ди Гүзәл. — Всё, хәзер менә искә төште инде. Чиләбе шәһәрендә былтыр концерттан соң Илдар белән ресторанга ашарга кергән идек. Өстәл артында утырганда дүрт кеше безнең белән фотога төшеп киткәннәр иде. Соңрак, официанттан түләү өчен счет сорагач, «За Вас уже оплатили!» — диде. Шул егет түләгән булган инде, күрәсең. Әнә бит, тагын обедка чакыра. Рәхмәт инде хөрмәтегезгә!» — дигән җырчы һәм шул мизгелнең видеосын социаль челтәрләргә куйган.
Анда күренгәнчә, әлеге ир-егет Магнитогрскига Учалыдан килгән, чөнки үзе яшәгән шәһәрдә концертка билетлар сатылып беткән. Ә ресторанда ул артистларны Учалыда көтәчәк.
чыганак: https://kiziltan.ru/articles/kultura/2023-10-29/g-z-lg-s-hn-d-t-k-dim-yasagannar-video-3497316 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday