Архивы Язмыш - Tatar Today - татар яңалыклары.

Диләрә Илалетдинова икенчегә әни булачакмы?

Рамиля Валиахметова — Thu, 30 Jul 2026 13:32:32 +0000

Җырчы Диләрә Илалетдинова шәхси тормышына кагылышлы зур сөенече белән уртаклашты. Ул икенчегә әни булырга җыена.

Матур хәбәр белән җырчы социаль челтәрләрдә бүлешә. Диләрә «йөклелек сериясеннән» матур видеокадрлар күрсәтә. Диләрә тормыш иптәше белән Данияр исемле малай тәрбияли.«1+1=4», – дип яза ул, тиздән гаиләсенең ишәячәгенә ишарә ясап.

Туачак сабыйның малаймы, кызмы икәнлеге әлегә сер булып калган.

ЧЫГАНАК: https://intertat.tatar/news/114-dilara-ilaletdinova-ikencega-ani-bulacak-5880227

Запись Диләрә Илалетдинова икенчегә әни булачакмы? впервые появилась Tatar Today - татар яңалыклары..

Иркә Ландыш Нигъмәтҗанова белән аңлашырга әзер

Рамиля Валиахметова — Tue, 28 Jul 2026 08:50:54 +0000

Татар эстрадасының популяр җырчысы Иркә Ландыш Нигъмәтҗанова белән дуслашырга, аңлашырга әзер булуын әйтте. Ләкин, аның сүзләренчә, теләге булса, беренче адымны Ландыш үзе ясарга, Иркәнең номерын табып, аңа шалтыратырга тиеш. Бу хакта ул үзенең язылучыларның сорауларына җавап биргәндә сөйләгән.

«Мин дуслык турында фикеремне әйтер идем. Гомумән, дуслык турында. Тик «Ландыш Нигъмәтҗанова белән сезнең дуслык» димәгез. Әйдәгез, ул әйберләрне онытабыз. Кирәк булса, ул теманы күтәрәсе килсә, Ландыш номерымны таба да, сөйләшәбез дә, проблема чишелә. Мин ул проблеманы күтәрә алам, әмма аның үзе белән бергәләп. Килсен, чөнки мин анда инде ничә еллар кара исемлектә. Мин Ландыш белән бер утырып сөйләшер идем», – дигән ул.

Җырчы үзенә каршы чыккан күп кешеләр белән күзгә-күз очрашып сөйләшүен дә әйтә. «Аларның 70-80 проценты елап-елап гафу үтенде. Мин риза, бөтен теләгән кеше белән дә аралашырга, сорауларны уртага салып сөйләшергә әзер», – дип белдерә ул.

ЧЫГАНАК: https://intertat.tatar/news/min-inde-nica-ellar-kara-isemlekta-irka-landys-nigmatanova-belan-anlasyrga-azer-5880200

Запись Иркә Ландыш Нигъмәтҗанова белән аңлашырга әзер впервые появилась Tatar Today - татар яңалыклары..

Сиринә Зәйнетдинованы танымаганнар

Рамиля Валиахметова — Tue, 28 Jul 2026 06:46:36 +0000

“Нишләргә инде хәзер?” – дип аптырашта калган ул.

Берничә көн элек Сиринә Зәйнетдинова үзенең “ВКонтакте” төркемендә үзенең чыгышы белән видеоязма куйган һәм анда болай дип язган:“Хәерле көн, кадерле тамашачыларым! Кичә шундый күңелле хәл булды минем белән. Яңа образларга кибеттә тукымалар эзлибез. Һәм мине сатучы апа танымады. Карап-карап торды да сорады: “Сез кем әле?” – ди. Мин әйттем: “Сиринә!” Ул: “Абау, җаным, нишләдең, син бит ярты гына калгансың!” – диде. Аптырашта калдым мин. Әле телевизор экранына сыймыйсың, диләр, инде хәзер бөтенләй танып булмый, диләр! Нишләргә инде хәзер?”

1.“Шул килеш кал, Сиринә, кеше сүзенә карама, без сине бик яратабыз һәм хөрмәт итәбез, мин сезне таза килеш яратам”,

2.“Нинди барсыз, шулай яратабыз, исән-сау яшәгез, жырлагыз”. – бу комментарийларны ир-атлар язган.

Аларга җырчының хатын-кыз язылучылары да кушылган.

3.“Сиринәкәебез, нинди булсаң да бик яратабыз үзеңне, җырларыңны тыңлап туеп булмый, моңлы сандугачыбыз. Сау-сәламәт, бәхетле бул!”,

4.“Хәерле кичләр, Сиринә! Бигрәк мэгънәле матур җырлар җырлыйсың, исән-сау бул. Кайчан Әлмәт якларында котәргә сезне?”

5.“Тагын да нәфисрәк булырга тырышырлык урын бар, ә җырларыңа килгәндә, барысын да бик матур итеп башкарасың”.

6.“Нишлисең килә, сеңлем, шуны эшлә. Без сине любой образда яратабыз, хормәт итәбез, уңышлар, исәнлек сиңа!”

7.“Сиринә! Сине төрле килеш яратабыз, моңлы сандугач! Жырла гына, моңыңны тарат!”

ЧЫГАНАК: https://omet-rb.com/news/yoldyzlar-tormyshynnan-/2026-07-27/sirin-z-ynetdinovany-tanymagannar-4764034

Запись Сиринә Зәйнетдинованы танымаганнар впервые появилась Tatar Today - татар яңалыклары..

Эссе вакытта ни сәбәпле аппетит булмый?

Рамиля Валиахметова — Sat, 25 Jul 2026 13:02:16 +0000

Эссе һава торышында аппетит кимү организмга җылылык балансын сакларга һәм сусызлану куркынычын киметергә ярдәм итә. Бу хакта «СберЗдоровье» медицина компаниясе табиб-эндокринологы Маргарита Белоусова сөйләгән.

Аның сүзләренчә, ризык эшкәртелгәндә организмда җылылык барлыкка килә, ә эссе вакытта бу кирәкмәгән күренеш. Шуңа күрә организм артык кызудан саклану өчен аппетитны үзе киметә.

«Эссе көннәрдә су балансын, энергия дәрәҗәсен һәм гомуми хәлне сакларга суга бай ризыклар – җиләк-җимеш һәм яшелчәләр ярдәм итә», – дигән Белоусова.

Белгеч шулай ук рационга җиңел үзләштерелә торган аксымга бай ризыклар өстәргә киңәш иткән. Алар эремчектә, тавык һәм күркә итендә, шулай ук майсыз балык сортларында күп. Моннан тыш, Белоусова спиртлы эчемлекләр һәм кофеин булган эчемлекләр бәвел кудыру үзлеге аркасында сусызлану куркынычын арттыра, дип кисәткән.

Үз чиратында, терапевт, кардиолог, медицина фәннәре кандидаты Андрей Кондрахин RT белән әңгәмәдә эсседә сусауны басу өчен иң яхшысы – гади су эчү, дип әйткән.

«Әгәр сүз организмдагы сыеклык югалтуны тулыландыру турында бара икән, тәүлеккә һәр килограмм тән авырлыгына уртача 30–40 миллилитр су кирәк. Ә кеше бик нык эссе шартларда булса, бу күләм 50–80 миллилитрга кадәр җитәргә мөмкин», – дип аңлаткан табиб.

Аның сүзләренчә, суны бүлмә температурасында һәм вак-вак йотымнар белән эчәргә кирәк. Әгәр аны тиз генә эчеп бетерсәң, сыеклык организм тарафыннан тулысынча үзләштерелергә өлгермәячәк.

ЧЫГАНАК: https://radio1.ru/news/zdorove/vrach-raskrila-s-chem-svyazana-poterya-appetita-v-zharu/

Запись Эссе вакытта ни сәбәпле аппетит булмый? впервые появилась Tatar Today - татар яңалыклары..

“Башкорт хуҗабикәсе” якын кешесе белән хушлашкан.

Рамиля Валиахметова — Thu, 23 Jul 2026 07:00:52 +0000

Популяр блогер, “Башкорт хуҗабикәсе” Миләүшә Шәйхлисламованың кызы Азалия бер айга Кытайга китә. Миләүшә үзенең кичерешләре турында социаль челтәрләрдә сөйләде.

Сәфәр җитди булачак: кыз телләр лагеренда шөгыльләнәчәк, анда йөзгә якын бала җыелачак. Ул әтисе Альберт белән Хабаровскига оча, аннан Кытайга сәяхәте башланачак.

Мин бу хәлне ничек кичерәчәгемне белмим, – дип белдерде блогер.

Миләүшәне кызының да, иренең дә бөтенләй тыныч булуы аптырата. Сүз рядовой прогулка турында баргандай, бернинди дулкынлану әсәре юк. Азалия, Миләүшәнең кәефе киткәнен күреп, аны юатырга тырыша.

“Мин синең ни өчен бик нык борчылуыңны аңлыйм, син бит – әни! Ләкин кемдер тыныч булырга тиеш” – ди кыз.

ЧЫГАНАК: https://kiziltan.ru/articles/raznoe/2026-07-22/min-bu-h-lne-nichek-kicher-ch-gemne-belmim-4758990

Запись “Башкорт хуҗабикәсе” якын кешесе белән хушлашкан. впервые появилась Tatar Today - татар яңалыклары..

Данир Сабиров кайларда йөри?

Рамиля Валиахметова — Thu, 23 Jul 2026 06:58:21 +0000

Ул Камчаткага ук барып чыккан.

Данир Сабиров Петропавловск-Камчатский шәһәрендә ял итү мизгелләре белән уртаклаша. Ул үзенең социаль челтәрләрендә Камчаткада краблар тотуын күрсәтте.

– Монда Мәскәү белән вакыт аермасы 9 сәгать тәшкил итә. Камчатка – Русиянең иң көнчыгыш төбәкләренең берсе, шуңа күрә нәкъ менә монда илебезнең яңа көне башлана. Алда безне мәһабәт вулканнар, Тын океан һәм онытылмас маҗаралар көтә. Бүген иртәнге алтыда безне Авачинск бухтасына алып килделәр, сәяхәт шуннан башланды. Безне чын диңгез балыкчылыгы көтә иде – краблар тотарга киттек. Бүген меню: башта тот, аннары ашап кара, – диде Данир Сабиров.

Ул крабларны үзе тота алган, хәтта диңгез йолдызы да капкан, аннары аны кире диңгезгә җибәргәннәр. Балык тотудан кызыклы видеолар белән артист үзенең социаль челтәрләрендә уртаклаша.

ЧЫГАНАК: https://kiziltan.ru/articles/kultura/2026-07-23/danir-sabirov-kaylarda-y-ri-4760163

Запись Данир Сабиров кайларда йөри? впервые появилась Tatar Today - татар яңалыклары..

Әнвәр Нургалиев: Йөрәк әрни…

Рамиля Валиахметова — Thu, 23 Jul 2026 06:54:26 +0000

Әнвәр Нургалиев: Шушы көннәрдә яңадан туган авылыбызда булдык…

Туган йортның бусагасын атлаган саен йөрәк әрни. Менә-менә ишек ачылыр да, алар безне элеккечә елмаеп каршы алырлар кебек.…

Өйдә инде беркем дә яшәмәсә дә, без аларның үз хезмәтләре һәм мәхәббәте белән эшләнгән бар нәрсәне кадерләп сакларга тырышабыз. Маратка зур рәхмәт — аның ярдәме белән йорт һәм хуҗалык тәртиптә кала.

Ә монда эш һәрвакыт җитәрлек. Кайчандыр безне әти-әниләр юлга фатиха биреп озатып кала иделәр. Хәзер Марат озата. Вакытны туктатып булмый, әмма әти-әни йорты мәңгегә иң җылы хатирәләр, мәхәббәт һәм күңелнең бер өлеше яши торган урын булып кала.

Без әти-әниләребезне хәтерләгәндә, алар һәрвакыт безнең янда. Аллаһы Тәгалә әти — әниләребезгә мәңгелек тынычлык бирсен, ә безгә алар калдырган бар нәрсәне сакларга көч бирсен. Амин.

ЧЫГАНАК: https://omet-rb.com/news/yoldyzlar-tormyshynnan-/2026-07-22/nv-r-nurgaliev-y-r-k-rni-4758953

Запись Әнвәр Нургалиев: Йөрәк әрни… впервые появилась Tatar Today - татар яңалыклары..

Ришат Төхвәтуллин: Ир белән хатын бер җирдә эшләргә тиеш түгел

Рамиля Валиахметова — Wed, 22 Jul 2026 12:38:28 +0000

– Ришат үзе «ир белән хатын бер җирдә эшләргә тиеш түгел» дип саный.

Без сыналдык – мин 8 ел аның төркемендә эшләдем. Шуңа да ул мине сайлагандыр, миндә тукталгандыр, чөнки без гел бергә. Миңа алай бик кыен түгел.

– Кайчан кыен?

– Ришат бит инде ул – җитәкче. Ул минем белән дә төркемдә эшләгән һәр кеше белән сөйләшкән кебек сөйләшергә тиеш. Шуңа күрә кайбер вакытларда әзрәк тавышын үзгәртсә, эмоцияләр белән берәр нәрсә кычкырып әйтсә, мин шундый кеше – шунда ук елыйм. Ул шуңа: «Нигә шунда ук еларга тотынасың? Синең белән сөйләшеп тә булмый», – ди. «Шундый кеше мин. Елыйсы килә, бетте-китте», – дим.

Шул вакытларда гына авыр. Ә ул бит инде әйтмичә булдыра алмый. Берәр кисәтү әйтергә кирәк булса, ул бит әйтергә тиеш. Ришатның ачуы чыкса, ничектер, мине читләтеп, кайбер кешеләргә акырып, миңа акырмаска тиеш түгел бит инде.

ЧЫГАНАК:https://omet-rb.com/news/yoldyzlar-tormyshynnan-/2026-07-17/rishat-t-hv-tullin-ir-bel-n-hatyn-ber-ird-eshl-rg-tiesh-t-gel-4755391?utm_campaign=yandex.ru&utm_medium=organic&utm_referrer=yandex.ru&utm_source=yandex.ru

Запись Ришат Төхвәтуллин: Ир белән хатын бер җирдә эшләргә тиеш түгел впервые появилась Tatar Today - татар яңалыклары..

Венера Аитова гендер-пати үткәргән

Рамиля Валиахметова — Wed, 22 Jul 2026 12:35:00 +0000

Телевизион тапшырулар алып баручы, блогер Венера Аитова тормыш иптәше Динар һәм уллары белән бергәләп гендер-пати үткәргән. Аларның гаиләсендә ике малайдан соң, кыз бала дөньяга аваз салачак.

«Безнең беренче гендер-пати. Аллаһның бүләге инде. Көтәбез сине, кызым. Бу сүзгә әле тел дә ияләшмәгән. Малайларның берсе:«Ур-ра, кыз!» – ди, икенчесе: «Ур-ра, малай!», – дип яза ул бу хакта үзенең сәхифәсендә.

Социаль челтәрдәге дусларының да күбесе кыз туачак дип фаразлаган булган. «Мин алдан белгәнмен икән», «Без дә кыз булыр дип уйлаган идек», «Сезнең бәхетегез булып тусын. Белдем бит мин, белдем» – дип сөенәләр алар өчен. Калганнар Венера Аитовага йөклелеген җиңеллек белән күтәрүне, сабыйның сау-сәламәт булып тууын теләгән.

ЧЫГАНАК: https://intertat.tatar/news/allahnyn-bulage-venera-aitova-gener-pati-utkargan-5880125

Запись Венера Аитова гендер-пати үткәргән впервые появилась Tatar Today - татар яңалыклары..

Иркә: «Янына барып кайттым, кочакладым, матур сүзләр әйттем…»

Рамиля Валиахметова — Tue, 21 Jul 2026 10:53:53 +0000

Иркә инде 26 елга якын Тольятти шәһәрендә гомер кичерүче уртанчы абыйсы янына барып, аны туган көне белән котлап кайткан. Җырчы үзенең сәхифәсендә яраткан абыйсы турындагы матур истәлекләр белән дә уртаклаша.

«Әнием миңа 1 яшь вакытта эшкә чыга, ә мине күбрәк абыйларым карап үстерә. Тигрәк тә Таһир абый. Чәчемне тарап үргәнен, күлмәкләремне пөхтә итеп үтүкләп киендереп, бакчага илткәнен әле дә хәтерлим. Кышның салкын иртәләрендә зур шәлгә төреп, чанага утыртып, мине бакчага илтә дә, тирләп-пешеп мәктәпкә чаба иде….

Ул мине орышмый, ләкин мин аннан курка идем. Беркайчан да тәпи йөртмәде, гел җилкәсенә утыртып йөри иде. Беренче сыйныфка да җилкәсенә утыртып алып барды ул мине.

42 яшемә җитеп, аның миңа бер авыр сүз әйткәне юк.

Ник язасың моны, Иркә, дисезме? Мин аны бик яратам. Бу язманы үзе укымаса да, бүлешәсем килде бу бәхетем белән. Бүген бөтен эшләремне ташлап, янына барып кайттым. Кочакладым, матур сүзләр әйттем. Шундый рәхәт булды», – дип язган җырчы.

ЧЫГАНАК: https://intertat.tatar/news/irka-yanyna-baryp-kaittym-kocakladym-matur-suzlar-aittem-5880069

Запись Иркә: «Янына барып кайттым, кочакладым, матур сүзләр әйттем…» впервые появилась Tatar Today - татар яңалыклары..