Архивы айваз садыйров - Tatar Today - татар яңалыклары.

Айваз Садыйров тәүге тапкыр әти булган

Алсу Мансурова — Sat, 20 Feb 2021 09:26:15 +0000

Тагын бер әти кызы тууы хакында алып баручы үзе хәбәр итте.

“Бүген мин әти булдым! Бүген дөньяга тагын бер әти кызы (үпкәләмә, әнисе) аваз салды! Рәхмәт Бөек Раббыбызга!Рәхмәт сөеклемә!Рәхмәт әти-әниләребезгә!Рәхмәт якыннарга!”, – дип язган алып баручы социаль челтәрдә.

Чыганак: Инстаграм

Запись Айваз Садыйров тәүге тапкыр әти булган впервые появилась Tatar Today - татар яңалыклары..

“Татар радиосы”ның элекке баш мөхәррире Айваз Садыйров вазифасыннан китү сәбәбен әйтте

Alfia — Wed, 15 Jan 2020 13:26:24 +0000

// Татар Тудей // Татар Бүген //

Танылган алып баручы Айваз Садыйров “Татар радиосы”ндагы вазифасыннан китү сәбәбен әйтте.

Айваз Садыйров:

– Генри ага Форд әйтмешли: “Кешене ике стимул эшләргә мәҗбүрили: хезмәт хакы һәм эшне югалтам, дигән курку”. Башка өлкәләрдә ничектер, белмим, әмма безне бу ике төшенчә генә җиктертми камыт кидереп. Иҗат итү, милләткә хезмәт, гамәлләреңнең бөртеген генә булса да тарихта калдыру теләкләре һәм яну – менә ул иҗат өлкәсе стимуллары!

Соңгы ярты елда радиода мөхәррирлек белән директор вазифасын бергә алып барырга туры килде миңа. Яңа ел алдыннан мөхәррирлекне коллегам кулына тапшырдым. Менә хәзер төп яңалыгым: кичә акционерлар һәм хәзерге җитәкчелек белән радио директоры вазыйфасы турында сөйләшкәндә уртак фикергә килә алмадык. Ике якның шартлары да бер-берсен канәгатьләндермәде.

Шулай итеп “Татар радиосы”ндагы 5 ел җитәкчелек итүем мантыйкый ахырына якынлашты, диик.
Ә “яну”га килгәндә, алга таба иҗаттан аерылып, административ эшләрне алып бару гына бирмәячәк миңа бу януны. Хәзерге вәзгыять минем өчен иң дөресе, уңайлысы.

Журналистларны алга таба планнарым кызыксындырыр. Хәзер үк әлегә әйтергә яраганын гына әйтеп куйыйм да, башка борчымый торыгыз. Алда ял итеп торырга бер генә көн дә вакыт юк. Ниһаять, соңгы 1,5 ел әзерләгән шәхси зур проектыма ныклап тотына алам. Аның турында соңрак үзем сөрән салырмын. Аннан, языла башлаган кандидат эшен тәмамлап, аны яклауга әзерләнергә кирәк.

Яраткан радиома һәрвакыт үсештә, эзләнүдә булуын, маркасын гел югары тотуын телим! Ура!

Мәгълүмат Айваз Садыйров инстаграмыннан

Запись “Татар радиосы”ның элекке баш мөхәррире Айваз Садыйров вазифасыннан китү сәбәбен әйтте впервые появилась Tatar Today - татар яңалыклары..

Яңа хайп – “Красивая/Хороший” җырын Айваз Садыйров җырлый, Филүс Каһиров видеога төшерә [видео]

Габдулла Тукай — Thu, 18 Oct 2018 11:18:24 +0000

17 октябрь Казанның “Татар-информ” агентлыгында “Татар радиосы”ның җанлы концертына багышланган матбугат очрашуы узган иде. Бу чара үзе бер концертны хәтерләтте. Алар нинди җырлар булачагын җырлап та күрсәттеләр.

Филүс Каһиров Айвазны видеога төшерә

“Татар радиосы” мөхәррире янә хайп ясады, Элвин Грей белән Гүзәл Уразоваларның шау-шулы “Красивый-Хороший” җырын җанлы уен коралында уйнап, җырлап бирде. Бу күренеш Татарстанның атказанган артисты Филүс Каһировка бик тә ошады булса кирәк, ул журналистлар алдында утырган җиреннән торып басып видеога төшерә башлады.

Журналистларның тирән эчтәлекле сорауларына да җавап бирделәр. Фонограмманы тере тавышан аерырга да өйрәттеләр.

Чарада «Татар радиосы» директоры Динә Гәрәева, радионың редакторы Айваз Садыйров, алып баручы Гөлназ Сәфәрова һәм татар эстрадасының кайбер танылган җырчылары катнашты.

“Хәзер җырчылар без тере тавышка җырлыйбыз дип әйтергә ярата. Фонограммага җырлау, җырламау мәсьәләсендә һәр җырчы үзе өчен үзе җавап бирә. Без берәүне дә ник син фонограммага җырлыйсың дип гаепли алмыйбыз.Тик концертлар оештырганда иң беренче таләп ул – тере тавыш. Кешенең тере тавышка җырлаганын белеп була. Кеше тере тавышка җырлаганда, аның тавышы аудиотасмага яздырылган кебек бертөрле бармый. Аның эмоцияләре, хәрәкәте тавышта чагыла. Тереләй җырлаганда һәм сөйләшкәндә кан тамырлары бүртә. Аннары кеше тере тавышка җырлаганда үз-үзенә ышанып җырлый. Бу психологлар күзәтүе”, диде Гөлназ Сәфәрова.

“Популяр җырлар радиода гел яңгырый, кеше ул яңгырашка ияләшә. Әгәр сәхнәдән нәкъ радиодагы яңгыраш ишетелә икән, уйланып калырга урын бар”, дип сүзгә кушылды Айваз Садыйров.

Гөлназ Сәфәрова һәм Айваз Садыйров сөйләгәннәрне раслау өчен, концертта катнашучыларның берсе, җырчы Филүс Каһиров җырлап та күрсәтте.

Оештыручылар әйтүенчә җанлы концертта 30 дан артык җырчы тере тавыш белән оркестрга кушылып җырлыячак. Болар – Айдар Галимов, Асаф Вәлиев, Әнвәр Нургалиев, Иркә, Гүзәлия –Хәким , Рифат Зариипов һәм башкалар.

“Җырчыларның бөтенесе дә, Филүс Каһиров кебек көчле вокалга ия булмаса да, һәрберсе үзенчәлекле тембрга ия. Концертка оркестрга кушылып, тере тавышка җырлый алмаган җырчылар чакырылмады”, диде “Татар радиосы” директоры Динә Гәрәева.

Матбугат конференциясендә җырдан хит ясау темасы да күтәрелде. “Иң начар җыр өчен акча түләсәң, ул хит була аламы?” , дигән сорауга Айваз Садыйров болай үзенчә җавап бирде.

“Дөресен генә әйткәндә хитны акча гына эшләми. Әлбәттә, җыр радио-телеведениенең форматына туры килә икән, аны халыкка чыгарырга, әйләндерергә мөмкин. Тик әллә нинди зур суммалар түләп уйнатылган җыр да хит булмаска мөмкин. Акча хит булдыруның төп инструменты түгел. Барысы да халыкның җырны ничек кабул итүеннән тора”, ди ул.

“Татар радиосы” концерты 27 октябрь, 17:00 сәгатьтә «Пирамида» күңел ачу үзәгендә узачак. Мондый концерт өченче ел рәттән оештырыла. Гала- концертны Татарстанның атказанган артисты Гөлназ Сәфәрова, “Татар радиосы” мөхәррире белән ди-джее Айваз Садыйров һәм Рамил Шәрәфиев алып барачак.

Алинә Кадриева // Tatar-today.ru

Запись Яңа хайп – “Красивая/Хороший” җырын Айваз Садыйров җырлый, Филүс Каһиров видеога төшерә [видео] впервые появилась Tatar Today - татар яңалыклары..