Архивы актер - Tatar Today - татар яңалыклары.

Актёр Максим Парфенов фаҗигале рəвештə һəлак булган

kadria — Wed, 01 Jul 2020 07:16:41 +0000

40 яшьлек актер Максим Парфенов Мәскәүдә фаҗигале рəвештə һәлак булды. Ир 11нче катта урнашкан үз фатирының тәрәзәсеннән егылып төшкән.

Артистның гәүдәсен узып баручылар иртә таңнан 2нче Пугачев урамында урнашкан йорт янында табканнар. Һәлакәт булган урынга килгән медикларга үлемне теркәргә генә калган.

Актерның үлем факты буенча полиция тикшерү үткәрә. Шул ук вакытта Парфеновның фатирында билгеле бер медицина препаратлары табылган. Полиция хезмәткәрләре фикеренчә, аларның анализы фаҗиганең сәбәпләрен ачыкларга ярдәм итәчәк.

Чыганак: KAZANFIRST

Запись Актёр Максим Парфенов фаҗигале рəвештə һəлак булган впервые появилась Tatar Today - татар яңалыклары..

Яр Чаллы театры актеры Фәнис Сәхәбетдинов үз-үзенә кул сала

Алина — Sat, 08 Dec 2018 11:08:44 +0000

8 декабрь Яр Чаллы театры актеры Фәнис Сәхәбетдинов үз-үзенә кул салган. Бу хакта “Татар-информ”га үз чыганаклары аша билгеле булды.

Беренчел мәгълүматлар буенча иренең гүдәсен мунчада хатыны тапкан. Фаҗиганең сәбәбе көнкүреш конфликт булган дип фаразлана.

Фәнис Сәхәбетдинов 1983 елда Сарман районы Саклаубаш авылында туа. 2002 елда Казан театр училищесын тәмамлый һәм шунда ук Чаллы дәүләт татар драма театрына эшкә урнаша.

Сәхәбетдинов 14 спектакльдә уйнады. Узган ел Фәнис Сәхәбетдинов «Ай тотылу төне ” спектаклендә Диван роле өчен “Икенче пландагы иң яхшы актер” исеменә лаек булган иде.

tatar-inform

Запись Яр Чаллы театры актеры Фәнис Сәхәбетдинов үз-үзенә кул сала впервые появилась Tatar Today - татар яңалыклары..

Татарстан моделе актер Алексей Чадов белән очраша

Алина — Sat, 15 Sep 2018 07:48:45 +0000

Шушы көннәрдә Мәскәүнең Халыкара музыка йортында ТВ-3 телеканалын тәкъдир итү булды. Бу чарада күп кенә телевидение һәм кино йолдызлары катнашты. Бина 2019 елда экраннарда күрсәтеләчәк “Аванпост” триллер стилендә бизәлгән иде. Фильмдагы төп рольләрнең берсен Алексей Чадов уйнады.

Тәкъдир итү кичәсенә ул Казан моделе Ләйсән Галимова белән килде. Актер Ләйсәнгә карата хисләрен яшермәде .Ләйсән һәм Алексей элек мондый чараларда бергә пәйда булган, ләкин элек алар үзләрен тыйнаграк тоткан. Галимова Казанда туып-үскән, “Журналистика” белгечлеге буенча Казан дәүләт университетын тәмамлаган, тик соңыннан модель бизнесы белән шөгыльләнеп киткән.

Чадов Агни Дитковскитига өйләнгән була. Алар алты елга якын бергә яшиләр, ә 2015 елда алар аерылышырга карар кыла. 2017 елда гына рәсмиләштергән аерылышуга карамастан, элеккеге ир белән хатын яхшы мөнәсәбәтләрне саклап калган, чөнки аларның уллары Федор үсә.

Агния Дитковскити шәхси тормышын кешегә чыгармый. 2017 елда актриса икенче тапкыр әни булды дигән сүзләр йөри. Әмма бернинди дәлилләр да юк. Йолдыз үзе әйтүенчә ул барлык буш вакытын да улы Федорга багышлый.

Чыганак:Life.ru

Запись Татарстан моделе актер Алексей Чадов белән очраша впервые появилась Tatar Today - татар яңалыклары..

Эмиль Талипов: «Андый елмаю беркемдә дә юк!»

Чулпан — Thu, 12 Oct 2017 06:00:29 +0000

Г. Камал театры артисты, Муса Җәлил исемендәге республика премиясе лауреаты Эмиль Талипов турында кызыклы 11 факт: //Туйлар.ру//

1. 1984 елның 27 гыйнварында Казанда туа. 2008 елда Казан мәдәният һәм сәнгать университетын тәмамлый. Шул ук елны Г. Камал исемендәге Татар дәүләт академия театрында уйный башлый.

2. Мәктәптә укыганда КВНнарда катнаша, мәктәп театрында уйный, район фестивальләрендә җиңеп чыга. Берара вокал буенча китәргә дә уйлый. Соңыннан язмышның башкача борылыш алуына сөенә дә – чөнки җырлаучылар болай да күп.

3. Рольләрнең барысын да ярата. Юкса алар үземне яратмаячак ди.

4. Иң матур татар ир-атлары исемлегендә дүртенче урында тору хәбәрен очраклылык дип аңлата. Гомумән, ир-ат матур була алмый, дигән фикердә. Ир кеше матур сөйләргә, матур эшләр башкарырга яки маймылдан чак кына кайтыш булырга мөмкин. Хатын-кыз гына матур була ала, ди Эмиль.

5. «Мулла» спектаклендәге роленә кереп китәр өчен Коръәнне күп укыган, сүрәләр, аятьләр ятлаган. Өйләре янындагы мәчеткә йөреп, яшь мулланың үз-үзен тотышын өйрәнгән. Алар бернинди изгеләр түгел, бары тик яхшы мәгънәдә әйбәт кешеләр, ди Эмиль. Мәдрәсәдә дә шәкертләр үзләрен гадәти мәктәп укучылары кебек тота икән: кемдер лекциядә йоклап утыра, кемдер СМС яза.

6. «Үлеп яраттым» спектаклендә Эмиль Талипов, сорау алганда, Дания Нуруллинага кычкырырга тиеш була. Ә ул баштагы мәлләрдә берничек тә кычкыра алмый, сугып җибәрү турында сүз дә булу мөмкин түгел. «Ул бит Дания Нуруллина! Ничек аңа кычкырыйм!» – ди яшь артист һәм репетиция саен аңардан гафу үтенә. Ә Дания апасы, киресенчә: «Катырак тот, кычкыр, бар көчеңә җилтерәт, паригыма гына тия күрмә!» – дип өйрәтә икән.

8. Өйләнмәгән егет буларак, Эмильгә кызлар күп шалтырата. Подъездында, машинасында «хат»лар калдыралар. Идәндә роза чәчәге таҗлары белән дә язалар. Көннәрдән бер көнне машинасының дворнигына кыстырып, бер кыз мондый хат калдыра: «Элек телевизордан татар спектакльләрен күрсәтә башласалар, карый алмыйм, «Дом-2»га күчерик, дия идем әнигә. Театрга килгәч, башта – сез тудырган образларга, аннары театрга ук гашыйк булдым». Кызлар өчен театр дөньясын да ача Эмиль шулай!

9. Эмиль әти-әнисе белән бергә яшәгәндә, ашарга әзерләү, кер үтүкләү мәшәкатьләреннән азат була. Хәзер аның үз фатиры. Егет мөстәкыйль тормышка өйрәнә. Тузан да сөртергә кирәк, идән дә юарга…

10. Эмиль Рөстәм Миңнехановка пародияләр уйнавын болай аңлата: «Һәр кешедә нәрсәдер булмый калмый. Ул һәрчак төгәл сөйләшә, менә шундый президент. Аның елмаюын тотып ала алмыйм менә. Андый елмаю беркемдә дә юк».

11. Хатын-кызларга пародияләр уйнарга җөрьәт итми. Ир кеше хатын-кыз булып кыланса, зәвыксыз килеп чыга дип исәпли. Ә Салават менә пародияләрне рәхәтләнеп кабул итә икән. «Эмиль дускай, мин булып кайда телисең шунда сөйләп йөр», – ди икән. Эмильнең Минтимер Шәймиевкә пародиясен тамашачылар гына түгел, Беренче Президентыбыз үзе дә яратып кабул итә икән.

Запись Эмиль Талипов: «Андый елмаю беркемдә дә юк!» впервые появилась Tatar Today - татар яңалыклары..