26 гыйнвар Казанның УНИКС залында “Балалы солянка” концерты узды. 

“Балалы солянка” концертны алып барган Зәлия Зиннурованың сихри төш күрүеннән башланып китте. Тамашаны алып барган Рамил Шарапов белән Зәлия кич буе төштә күргән шарны эзләделәр, залдагы халык белән уйнап, мәзәкләр сөйләп, сәхнәгә берсеннән-берсе матур чыгышларны тәкъдим иттеләр. Концерт азагында бу шарның кешенең хыяллары булуы ачыкланды. Биредә шарны эзләү юлында төрле хәлләр булган кебек, тормышта да хыялларга таба ашкынганда кеше нинди генә киртәләрне җимерми дә, нинди генә хәлләргә юлыкмый бит. Ләкин, ни генә булмасын, хыялы, өмете бар икән, кеше яши, хәрәкәт итә. Гаилә бәйрәменә әверелгән бу концертның да  нигезендә шушы фикер ята иде.

Татарстанның атказанган артисты Гөлназ Сәфәрова җитәкләгән проект кысаларындагы әлеге концерт балаларга – тәҗрибә, әти-әниләренә – зур җаваплылык, ә тамашачылар өчен гадәти булмаган чыгышларны карап, һәр җырчының гаиләсен үзе өчен яңа яктан ачу иде. Җырчылар гаиләләре белән үзенчәлекле чыгышлар әзерләп, балаларының да төрле талантларын күрсәттеләр.

Илназ Баһ һәм Гүзәл Идрисова гаиләсе тулы составта чыгыш ясады. Залдагы халык аларның баларын гына түгел, ә Илназ белән Гүзәлнең үзләрен дә зур кызыксыну белән күзәтте. Ни өчен дисәгез, аларның бу юлы кулларында микрофон түгел, ә уен кораллары иде. Шулай итеп, Баһлар гаиләсе үзләре бер ансамбльне хәтерләтте.

Шулай ук Рәфинә Ганиуллина һәм Рәзил Камалов, Гөлназ һәм Илсур Шәрипҗановлар, Марат Галимов һәм Линара Батталова гаиләләре балалары белән берлектә үз репертуарларындагы җырларны башкардылар. Татарстанның атказанган артисты Раяз Фасыйхов улы һәм кызы белән инде күптән халык үз итеп өлгергән “Гаилә бәхете” исемле җырларын Казан тамашачысына тәкъдим итте.  Булат Бәйрәмов белән Ләйсән Гыймаева да бәйрәмгә ике кызы белән килгән иде. Таңсылуның “Әйтелмәгән мәхәббәтем” җыры кешеләрне уйланырга мәҗбүр итсә, Ләйсән Гыймаева “Әйдә, бас” җырын башкарганда, Булат белән уртанчы кызлары Зифаның биюләре тамашачыга позитив кәеф бүләк итте. УНИКС залын таң калдырган Илдар Ямалиев һәм аны улы Нурсолтанның чыгышын да әйтеп үтәргә кирәк. Нурсолтан, әле бик кечкенә генә булуына карамастан, баянга кушылып “Уфтанма” җырын башкарды. Бу минутларда тамашачы хәтта тын да алырга куркып утырды кебек.

Гомумән, һәр җырчы әлеге концертка ныклы итеп әзерләнгән, үз чыгышын истә калырлык итеп башкарды. Бу проект дәвамлы булсын, тагын да кызыклы идеяләргә баесын, дигән теләктә калабыз, чөнки мондый концертлар тамашачыда аеруча зур кызыксыну уята һәм җырчыларны төрле яктан ачу мөмкинлеген бирә.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Фото Ләйсән Гыймаева инстаграмыннан

⠀

Запись “Балалы солянка”: Булат Бәйрәмов нинди яңа һөнәр үзләштергән, кем баласы “Уфтанма”ны баянга кушылып башкара? [видео] впервые появилась Tatar Today - татар яңалыклары..

Илдар Хәкимов һәм Гүзәл Уразоваларның кечкенә кызлары зур сәхнәгә беренче адымнарын ясый башлаган. 26 гыйнварда Казанның “Уникс” концертлар залында узган “Балалы солянка” концертыннан җырчыларның кечкенә кызлары Камилә дә читтә калмаган.

Әнисе әйтүенә караганда, Камиләнең әлеге концертта “зур сәхнәдә дебют чыгышы” булган. Җырчы әлеге чыгыштан өзекне үзенең Инстаграм битенә “элеп куйган”. Гүзәлнең язуына караганда, Камилә башта зур сәхнәдә чыгыш ясарга оялган, кеше көләр дип курыккан. Әмма әнисе кызын барыбер күндергән. Камилә “Дуслык күпере” җырын башкарган.

View this post on Instagram

Камилюшканың кичә зур сәхнәдә дебют чыгышы булды. Моңарчы ул минем белән бергә "Балаларым" җырын җырлый иде. Бик тартынды инде башта, Әни мин оялам, мин җырлый белмим, миннән кеше көләр дип киреләнде. Аннары ничектер үзе белән сөйләшеп аңлатканнан соң җаена төштем тагын. Ярар Әни! Мин тырышырмын диде! #гузельуразова #Камиллахакимова #балалысолянка. Бу җырның хуҗасы Амина Аглиуллина @amina_agliullina матур итеп җырлый бу җырны. "Дуслык куперләре" дип атала.

A post shared by Гузель Уразова (@guzelurazova) on Jan 26, 2019 at 11:15pm PST

Видео язмасы астында комментарийларда исә Камиләне әнисе Гүзәлгә охшатканнар, матур җырлавы турында комментарийлар калдырганнар.

Әмма комментарий язучылар арасында Уразованың кызын җырлый белмәүдә тәнкыйтьләүчеләр дә табылган. Мәсәлән, @reginazigan551 һәм @rumiya66 аккаунтлары башкаларның сүзләре белән килешмичә, Камиләне җырлый белми, сәхнәгә менмәве яхшырак булыр иде кебек фикерләр белдереп язганнар. Ә менә @alsina.39 исә кызның оялчанлык хисен төп сыйфат итеп билгели һәм, аныңча, “сәхнә әлеге хисне бетерә һәм кыз бозылачак”.

Ни дисәләр дә, кыз әле тәүге адымнарын гына ясый.

Запись Гүзәл Уразованың кызы нигә “Балалы солянка”да катнашырга теләми? впервые появилась Tatar Today - татар яңалыклары..

26 гыйнварда “УНИКС” концертлар залында узган “Балалы солянка” концертыннан соң Ләйсән Гыймаева Рамил Шәрәповның кызларын сәхнәгә ничек итеп чакырып чыгаруы ошамаганлыгын язды.

“Концертта алып баручы Рамил Шәрәповның кызларны Бәйрәмовалар дип сәхнәгә чыгаруы бик дөрес булмады дип уйлыйм. Балаларга бу фамилиянең бөтенләй катнашы юк. Бу псевдонимны Булат Татар радиосында эшли башлаган вакытларда истә калдырырга уңайлы булсын өчен сайлаган булган. Шуңа күрә ул сәхнәдә һәм медиа өлкәдә Булат Бәйрәмов дип билгеле. Ә чынлыкта, пасторт буенча Булат та, балалар да – Җиһангәрәевләр. Гаиләбездә дә бары тик шушы фамилия. Шуңа курә, икенче юлы мондый аңлашылмаучанлыклар булмас диеп уйлап калабыз. Белсеннәр өчен яздым! Иремне, аның Әнисе хакын яклап язасым килде. Монда бернинди дә гаеп эш курмим”, дип уртаклашкан Ләйсән Гыймаева.

Шулай ук бу концертта катнашучылар гаиләләре белән төшкән фотоларын интернет битләренә урнаштырды. 

Барлык фотолар да җырчыларның шәхси Инстаграм битләреннән алынды

Запись “Балалы солянка”да Рамил Шәрәповның әйткән сүзләренә Ләйсән Гыймаева ризасызлык белдерә впервые появилась Tatar Today - татар яңалыклары..