Татар Тудей коллективы тирән кайгыгызны уртаклаша.

Запись Җырчы Дилия Әхмәтшина гаиләсендә зур кайгы впервые появилась Tatar Today - татар яңалыклары..

Җырчы Дилия Әхмәтшинаның “Юлдаш булсын!” исемле җырга төшерелгән клибын тәкъдим итәбез. “Биргән вәгъдә, әйткән антлар берүк җилгә очмасын! Ир беләге һәм йөрәге кыз баланы сакласын!”, ди ул.

Запись Дилия Әхмәтшина башкаруында актуаль темага караган җыр [видео] впервые появилась Tatar Today - татар яңалыклары..

Запись Җырчы Дилия Әхмәтшинадан бала тәрбияләү серләре һәм йөклелек чорында үзеңне карау киңәшләре впервые появилась Tatar Today - татар яңалыклары..

Җырчы Дилия Әхмәтшина күргән-белгәннәрен инстаграмда хәбәр итә килә. Бу юлы да ул үзе өчен бик куркыныч булган вакыйганы язылучыларына җиткерә.

– Мәскәүдә парковкада бер хатынга игътибар иттем. Парковкада икәү генә булгангамы, никтер нәкъ шуңа күзем төште.

Аны хатын-кыз дип әйтеп тә булмый. Карап торышка 50-60 яшьләр чамасы. Ул үзенең Порше машинасы белән иде. Көч-хәл белән хәрәкәт итә, шундый таза, тормыштан туйган сыман, аның елмаерга да хәле калмаган. Үзендә кыйбатлы, матур бизәнү әйберләре.

Ул чыккач, мин дә аның артыннан киттем. Бу хатын ишектә, көч-хәл аяклары белән атлап, начар сүзләр әйтеп кемнедер сүкте. Әллә ирен, әллә малаен. Аннан коточкыч медикаментлар исе аңкып тора иде.

Бу минем тормышта күргән иң куркыныч хәл. Нәтиҗәсен үзегез ясагыз, – дип яза Дилия Әхмәтшина үзенең инстаграмында.

View this post on Instagram

A post shared by Дилия Ахметшина (@diliya.ahmetshina)

Мәгълүмат Дилия Әхмәтшина инстаграмыннан

Запись “Кемнедер сүкте. Әллә ирен, әллә малаен” – җырчы Дилия Әхмәтшинаны нинди күренеш хушын ала? впервые появилась Tatar Today - татар яңалыклары..

Хәзер көз һәм безнең күбебез көзге депрессиягә бирелә ала. Ә бала тудырганнан соң хатын-кызларга ул ел әйләнәсендә яный. Дилия Әхмәтшина да июль аенда беренче тапкыр әни булды, кайчагында ул да күңел төшенкелегенә бирешә икән. Яшь ана үзенең бала тудырганнан соң депрессияне җиңәргә ярдәм итү серләре белән уртаклашты.

— Иң беренчесе – ашарга, эчәргә һәм йокларга онытмаска.

2. Ярдәмчеләр булырга тиеш, бигрәк тә тернәкләндерү  чорында (бала туганнан соң 40 көн). Якыннарыңнан көнкүрештә ярдәм сорарга, шул исәптән иреңнән дә. Мәсәлән, кем дә булса коляска белән йөри икән, бушаган вакытны үзеңгә багышларга була.

3. Үз-үзеңне карарга. Минем “матурлык ритуалларым” бар. Мәсәлән, һәр көн битемә массаж ясыйм. 5-10 минутны үзегезгә багышлагсагыз да, сез инде бүтән кеше була алырсыз.

4. Бала белән аралашырга, аны үсешендә катнашырга. Бу бик күп шатлык китерә.

https://www.instagram.com/p/B10j041olUr/

5. Иртәнге сәгатьләрдә коляска белән саф һавада йөрү.

6. Әни, әби, дуслар, дуслар белән аралашу,бер генә очракта да үз-үзеңә бикләнергә ярамый, аннан чыкмау куркынычы бар. Тернәкләндерү чорыннан соң бездә кунаклар булды, бу аралашу миңа шатлык һәм уңай эмоцияләр бирде.

7. Паркка, кафега, мунчага, башка гадәти булмаган урыннарга барырга, гел өйдә генә утырырга ярамый.

View this post on Instagram

A post shared by Дилия Ахметшина (@diliya.ahmetshina)

8. Сабый йоклаганда, ашарга пешерергә яратам. Ләкин әлеге вакытта тиз әзерләнә торган ризыклар гына пешерелә

9. Спорт. Бала тудырганнан соң 1,5 ай узгач, мускулларны ныгыту һәм күтәренке кәеф өчен залга һәм бассейнга язылдым.

View this post on Instagram

A post shared by Дилия Ахметшина (@diliya.ahmetshina)

10. Витаминнар. Авитаминоз вакытында витаминнар курсы эчәргә кирәк. Ризык аша гына барлык кирәкле  витаминнарда кереп бетми. Йөклелек чорында да, аннан соң да мин витаминнар кулландым.

11. Һәм дә инде  үзеңә һәм балаңа әйберләр алу. Монда инде аңлату кирәкмидер диеп уйлыйм (колә).

12. Музыка. Җырлыйм, тыңлыйм, язам. Музыка һәрчак минем “эчке двигателем” иде. 1 октябрьдә, Музыка көнендә, «Юлдаш булсын» җырына клипның премьерасы булачак, ул кечкенәдән үк иҗатымда аерым урын алып тора.  Клипны ТНВ, “Мәйдан” телеканалларында, минем YouTube каналымда һәм инстаграм битемдә карый алачаксыз. Җыр яшь кызга кияүгә чыкканда һәм балачагы белән саубуллашканда хәер-фатиха булып яңгырый.

Запись Дилия Әхмәтшина бала тапканнан соң күңел төшенкелегенә бирешмәс өчен нишләргә кирәклеген сөйли впервые появилась Tatar Today - татар яңалыклары..

Бүгенге көндә Волгоградта яшәп, иҗат итүче җырчы Дилия Әхмәтшина беренче тапкыр әни булды. Ул «Татар тудей» хәбәрчесенә хис-кичерешләрен сөйләде.

– Әни булгач нинди хисләр кичердегез, шуның белән бүлешсәгез иде…

– Ана булып, зур җаваплылыкны үз өстемә алырга мин әзер идем,хәзер инде тойдым да. Аңа кадәр күпме наз, мәхәббәт хисләрен кичермичә яшәгәнмен! Бу бәхетемә хәзер дә ышанып бетә алмыйм.

– Сабыйга нинди исем куштыгыз?

– Асель (гарәпчә «балдай татлы», «йомшак», «назлы» дип тәрҗемә ителә). Бигрәк тә исемгә хас сыйфатлар ошады: хайваннарны һәм балаларны ярата, аралашучан, максатчан. Шуңа күрә кызыбызга Асель диеп куштык.

– Күбрәк кемгә охшаган дип уйлыйсыз?

– Кызыбыз азрак безгә һәм әби-бабайларга охшаган.

– 3 ел буе декрет ялында булырга планлаштырасызмы? Әллә инде бала караучы яллап, эшкә чыгаргамы исәп?

– Үземә ана булу бәхетен тоярга максат куйдым, шуңа да карамастан, карьера белән бергә алып барырга уйлыйм. Йөкле вакытта балам өчен бишек җырлары язган идем, аларны интернеттан табарга мөмкин.

View this post on Instagram

A post shared by Дилия Ахметшина (@diliya.ahmetshina)

– Сез – инстаграмны актив кулланучы җырчы. Анда нәрсә белән бүлешәсез?

– Йөкле булганчы иҗади проектлар, музыка өлкәсендәге яңалыкларым белән бүлешә идем. Барлык идеяләрен үзем уйладым. Ә хәзер исә үземнең хис-кичерешләрем, йөклелек вакытындагы тышкы кыяфәт, бала тапканнан соң тернәкләнү һәм дә инде кызымның уңышлары белән бүлешәчәкмен. Әлбәттә иҗат турында да онытмаячакмын. Яңа җырлар языла.

View this post on Instagram

A post shared by Дилия Ахметшина (@diliya.ahmetshina)

– Күп кешеләр артистларны социаль челтәрләрдә үзләренең 100 % тормышын күрсәтә дип уйлый. Бу шулаймы? Сез шәхси тормышыгызның ничә процентын башкаларга күрсәтәсез дип саныйсыз?

– Башкалар турында бер ни әйтә алмыйм. Тормыштагы күңелле, шатлыклы вакыйгалар белән һәрвакыт бүлешәсе килә бит ул. Шул очракта тормыш үзе дә күбрәк шатлыклы көннәрдән торыр дип саныйм.

Запись Ана булу бәхетен тулысынча тату яки карьера: Дилия Әхмәтшина нинди фикердә? впервые появилась Tatar Today - татар яңалыклары..

– Дилия, син кайсы яктан, кем кызы?

– Мин 1991 елның 29 июнендә Иҗау шәһәрендә дөньяга килдем. Аллаһыга шөкер кылам, чөнки тату гаиләдә һәм татар мохитендә тәрбияләнеп үстем. Өйдә татар телендә генә аралашабыз. Шуны да әйтәсем килә: гаиләдә бер бәйрәм дә гармун моңыннан һәм самовардан чәй эчүдән башка узмый. Сабан туй, Нәүрүз, Сөмбелә, Карга боткасы бәйрәмнәрен көтеп алам. Татарларның ризыклары ошый, бәлеш һәм өчпочмак пешерергә яратам.

Безнең татар халкында борынгыдан әти кеше – гаилә башлыгы. Бездә дә шулай, әтием Фәрит безнең өчен зур терәк. Гаиләбездә җыр-моңга гашыйк кешеләр күп, ләкин әтине беребез дә уздыра алмый. Оста итеп гитара да уйный, моңлы итеп җырлый, үзе дә җырлар иҗат итә. Әбием Фәүзия дә бик матур җырлаган, бик күп концертларда катнашкан кеше. Аларның үрнәге миңа киләчәккә юнәлеш биргәндер, чөнки кечкенәдән музыкага тартылдым. Җырчы булмасам, хәзер чәчтараш булып эшләгән булыр идем. Җырчы булуыма үкенмим, киресенчә, бу өлкәдә тырышып эшлим. Чыгышларым аша тамашачыга миллилекне күрсәтергә тырышам. Гомумән, мин мәгънәсез җырлар башкара алмыйм. Көе ничек кенә матур булмасын, шигыре күңелгә ятмаса, ул җырны сайламыйм. Мин әле өйрәнеп кенә киләм, хәзер иң мөһиме – алга бару. Кем нәрсә генә әйтсә дә, хыялларыма тугры калачакмын.

Гаиләм белән танышуыбызны дәвам итсәк, әбием белән бабаемны да искә алмый булдыра алмыйм. Алар икесе дә Бөек Ватан сугышы ветераннары. Бабайның орден-медальләр тагылган кәчтүмен әле дә зур горурлык хисләре белән карыйм. Безнең гаиләбез өчен ул зур истәлек, тарих. Кызганыч, хәзер алар исән түгел. Тик әйткән сүзләрен, биргән киңәшләрен һәрвакыт исемдә тотам. Гаиләмне яратам, якын кешеләрем минем өчен беренче урында. Минемчә, һәр хатын-кыз өчен гаилә беренче урында булырга тиеш.

– Дилия дигән исемнең мәгънәсе нинди?

– Якыннарым нинди исем кушарга белми, озак уйлашканнар. Татар эстрадасында бүтән Дилия исемен йөртүчеләр юк, миңа ул яктан бәхет елмайды. Әлеге исем фарсы теленнән тәрҗемә итсәк, күңелне үзенә тартучы буларак әйтелгән. Ягъни, күңел, йөрәк, акыл. Исемем үземә туры килә, эчке дөньям бик нечкә минем.

– Татар эстрадасына ничек килеп кердең?

– Тугыз яшемнән бирле җырлыйм. Татар гимназиясендә белем алдым, анда татарча җырларга һәм милли моң төшенчәсен аңларга өйрәттеләр. Бишенче сыйныфта укыганда телевидениедә “Күңелле кыңгырау” дигән тапшыру алып бардым. Һәр тапшыру өчен 65 сум акча түлиләр иде. Балалар тапшыруы гына булса да, аны аерым павильонда, махсус сценарий буенча, профессиональ режиссерлар, операторлар катнашында төшерделәр. Шул вакытта экран каршында каушамаска, гримм салу, ут кую, киенү серләренә төшендем. Яшүсмер чагымда Яңа Гасыр каналында барган “Җырлыйк әле” тапшыруында катнаштым, җиңү яуладым.

Профессиональ рәвештә җыр сәнгате белән музыка мәктәбендә шөгыльләндем, аны уңышлы гына кызыл дипломга тәмамладым. Аннан соң Казан дәүләт сәнгать һәм мәдәният университетына укырга кердем. Анда романслар, катлаулы арияләр башкару осталыгына өйрәндем.

Мин Казанга гашыйк, беренче җырларымны да әлеге шәһәрдә яздырдым. “Чын сөю” исемле иде ул, әлеге җырны сәнгать эшлеклеләре дә югары бәяләде. Үз җырым, образым белән татар эстрадасына яңалык, яңа сулыш кертергә теләдем. Татар эстрадасын яңа үзгәрешләргә этәрә алдым. Бик күп олы шәхесләр белән дәрәҗәле җирләрдә чыгыш ясарга туры килде. Казанның Кол Шәриф мәчетен, Бауман урамнарын, Г.Камал театрын яратам. Башкала миңа яңа дуслар, “Ямьле” төркемен бүләк итте. Төркемнән киттем, кызлар мине аңлады. Анда эшләү дәверендә сәхнә осталыгымны арттырдым һәм тамашачы белән аралашырга өйрәндем. Мин һәрвакыт үземә ошаган, кызык булган эшне генә башкара алам. Яратып эшләмисең икән, ул эшнең нәтиҗәсе уңай була алмый. Хәзер Мәскәүдә яшим, күп вакытымны иремә багышлыйм. Сәнгатьтән читләшмәдем, актерлык осталыгы буенча курсларга йөрим. Тиздән репертуарымны яңа җырлар белән тулыландырырга уйлыйм. Үземне фотомодель буларак та сынап карарга телим, реклама һәм кинода төшәргә хыялланам.

– Ирең сәнгать кешесеме?

– Ирем сәнгать кешесе түгел, ләкин ул бик талантлы. Һөнәре буенча ул инженер. Ул ачык йөзле, тәрбияле, акыллы кеше. Һәркем белән уртак тел таба белә, аның белән беркайчан да күңелсез булмый. Тормышта сине хөрмәт итүче, аңлаучы кеше кирәк. Өеңдә тынычлык булмаса, иҗат итеп булмый.

– Ничә ел бергә торасыз?

– Аллаһыга мең шөкер, бергә торуыбызга 6 ел. Никахлашуыбызга 5 ел, 2014 елда законлы рәвештә ир белән хатын булдык. Шәхси тормышым хакында артык күп сөйлисе килми. Бер сүз белән әйткәндә, мин бәхетле.

– Бәби алып кайтырга җыенмыйсызмы?

– Андый теләк бар һәм ул бик көчле. Әти-әни булырга без әзер. Бәби алып кайтасыбыз килә, инде вакыты җиткәндер дип уйлыйбыз. Якын киләчәктә булыр, үзебез дә көтәбез. Әлегә барлык серләрне дә чишеп бетерәсе килми.

– Нинди кешеләрне яратасың?

– Игелекле, пөхтә, акыллы, укымышлы, тырыш, кайгыртучан, юмор хисле, гади, үз максатларына ирешүчән кешеләр ошый. Мин матурлыкны яратам, шуңа күрә һәр нәрсәдән матурлык эзлим. Кешеләрнең сиңа уңай мөнәсәбәттә булуларын теләсәң, үзең юньле бул.

– Буш вакытларыңда нишлисең?

– Ашарга пешерергә яратам. Буш вакытларымны актив рәвештә уздырырга тырышам, шуңа күрә сәяхәт итәм һәм спорт белән шөгыльләнәм. Үземнең идеяларым бар, шуларны гамәлгә ашыру юнәлешендә эшлим.

– Дилия, нинди сәер гадәтләрең бар?

– Минем бик озак уйланып утыра торган гадәтем бар. Бер ноктага карап, 4-5 минут күземне дә йоммыйча, сөйләшмичә, тик кенә утыра алам. Кешеләр әлеге хәләтемнән курка.

Үз-үзем белән сөйләшәм – андый сәерлегем дә еш күзәтелә.

Затлы һәм сыйфатлы, кулдан эшләнгән әйберләргә сәгатьләр буе карап тора алам.

– Үзең турында гайбәтләр ишетсәң, күңелең төшәме?

– Күңелем төшми, бөтенләй игътибар итмим. Гайбәт сүзләр таратучылар – көнләшүчеләр һәм эшсезләр.

– Җырчылардан кемнәрнең иҗатын яратасың?

– Санап китсәң алар бик күп. Зәйнәб Фәрхетдинова, Гүзәл Уразова, Раях Фасыйхов, Филүс Каһиров, Ришат Төхватуллинның җырларын бертуктаусыз тыңлый алам.

Автор: Ләйлә ХӘКИМОВА
Фото: Рамил Гали, Социаль челтәрдән

intertat.tatar

Запись “Кешеләр әлеге хәләтемнән курка” – җырчы Дилия Әхмәтшина сәер гадәтләрен сөйли впервые появилась Tatar Today - татар яңалыклары..