Салават абый Фәтхетдиновның 31 сезоны гөрли.  Ул анда яшь җырчы Идел Нургалинның да җырын башкарган. Без Иделдән Салават абый белән  танышу тарихы белән кызыксындык, татар-башкорт эстрадасы турында фикерләрен сораштык. 

— Салават абый Фәтхетдинов яңа 31нче сезонында сез язган җырны җырлый. Салават абый белән ничек таныштыгыз? 

— Без Салават абый белән күптәннән таныш, чөнки мин 2008-2014 еллар Башкортостанның халык артисты Вильдан Яруллин командасында жырчы-музыкант буларак эшләдем. Ә алар бик якын дуслар.  Шулай булгач Казанга күп тапкырлар Салаватка кунакка баргаладык. Кунакка дип юбилей концертларына инде (50 яшъ). Акъсает авылында да,Уфада булса да гел бергә идек.

— Беренче тапкыр Салават абый белән кайда күрешкән идегез?

— Беренче тапкыр 2010 юбилейына барганда күрештек. Концерттан сон кунакка алып кайтты безне. Ул вакытта Рифат Зарипов та, Ришат Фазлиахметов та анда эшлиләр иде.

— Ничек аңа җырыгызны тәкъдим итә алдыгыз?

— Җырны инде яңа сезонга әзерләнә башлагач, Вильдан абый  миннән җырлар авторы буларак җырлар сорады. Бер ничәсен җибәрдем һәм  ул шушы “Якыннар китә” җырын сайлап алды да инде.

— Җырның сүзләрен дә, көен дә үзегез яздыгызмы?

— Көе дә, сүзләре дә үземнеке.Үземнең концертларда да бу җырны башкарам.

View this post on Instagram

A post shared by 🔥ИДЕЛЬ НУРГАЛИН🔥 (@idel_nurgalin_music)

— Салават абый сезгә кайсы ягы белән ошый, нинди сыйфатларын үрнәк итеп алыр идегез?
— Салават Зәки улы ул чын ир-ат идеалы дип әйтер идем. Төгәл, аз сүзле, кырыс, юмарт, юмор хисле. Очрашкан саен  “Ооо,  башкорт егетләреее” дип күрешә.

View this post on Instagram

A post shared by 🔥ИДЕЛЬ НУРГАЛИН🔥 (@idel_nurgalin_music)

— Татар-башкорт эстрадасына нәрсә җитми дип уйлыйсыз?

— Татар-башкорт эстрадасына бераз оешканлык җитми кебек. Артистлар бердәмерәк булса яхшырак булыр иде дип уйлыйм. Әйбәт аралашканнары күп әлбәттә, ләкин бу аралашу күп очракта күз буяу гынадыр кебек. Бердәмлек булса дәүләт кимәлендә дә эстрадага игътибар артыр иде.

— Башкорт эстрадасы татар эстрадасыннан нәрсәсе белән аерыла?

— Татар-башкорт эстрадасы аермасын әлегә әйтә алмыйм, ләкин проблемалар бердер дип уйлыйм.

— Сез милләтегез буенча татармы?

— Милләтем буенча мин чиста башкортмын. Башкортстанның Бөрҗән районы Агыйдел бистәсеннән.

— Рус милләтеннән булсам зур уңышларга ирешеп булыр иде дигән уйлар килмиме?

— Эш милләттә түгелдер. Кем генә булсаң да бар нәрсә кешенең үзенән тора. Хәзерге заманда тырышкан кешегә бөтен мөмкинлекләр дә бар.Үз милләтем белән горурланам һәм башка милләтне дә хөрмәт итәм.

— Элвин Грей да Башкортстаннан, аның уңышы нидә дип уйлыйсыз, аның кебек популяр булырга теләр идегезме?

— Радикны күптәннән беләм. Үзе аранжировкалар яза, җырлар яза, тырыш та. Продюссер белән эшләп китүе һәм күп еллар тату эшләүләре дә бик нык алга этәрде. Генерал булырга хыялланмаган солдат, начар солдат инде ул.

— Элвин белән Салават абый дуслашуын теләр идеңме, алар чын-чынлап сөйләшми микән бер-берсе белән?

— Сәхнәдә һәр кемгә урын җитә. Салават абый ул эстраданың аксакалы, моң патшасы, халыкчан җырчы.
Радик – ул коммерция проекты, креатив,  яңа алымнар кертүче. Алар икесе ике төрле юнәлеш. Аларны дошманнар итеп күрергә ярамый. Әммә алда әйткән бердәмлек булса күпкә яхшырак булыр иде.

Запись Салаватка җырлар язучы Идел Нургалин аның Elvin Grey белән мөнәсәбәтләренә ничек карый? впервые появилась Tatar Today - татар яңалыклары..

Артист тормышы, читтән караганда, бик кызык, көн дә концерт-тамашадан торган бәйрәм сыман күз алдына килә. Ләкин артист кешенең ярты гомере юлда уза, дигән сүз дә бар бит әле. Татарстанда да танылып килүче, Башкортстан җырчысы Идел Нургалин хәзерге вакытта туган ягы буйлап гастрольләрдә. Гастрольләр вакытында булган кызыклы хәл  белән  ул безнең белән дә уртаклашты.

View this post on Instagram

A post shared by 🔥ИДЕЛЬ НУРГАЛИН🔥 (@idel_nurgalin_music)

— 3 ел элек Баймак районында концерт барышында, сәхнәгә менеп, колын бүләк иттеләр. Шуннан башлап ел саен төрле җирләрдә бүләк итә башладылар.

Менә узган атнаны шул беренче булып бирелгән бүләк үзе колынлады. Шуңа бик куанып йорим әле.

Хәзер миндә барысы 4 баш колын булды. Алар барсыда туган йортта, әти-әни карамагында. Ә мин менә печән әзерләмичә, гастрольләрдә йорим, – дип шаяра  Идел.

Шул вакыйгадан соң тагын ике җирдә “Ат булмаса да, бу да ярый” диеп ике сарык та бүләк иткәннәр әле яшь  җырчыга.

Запись “Сәхнәгә менеп, колын бүләк иттеләр” – Идел Нургалинга тагын нинди үзенчәлекле бүләкләр бирәләр впервые появилась Tatar Today - татар яңалыклары..

Tatar today эстрадада танылып килүче җырчылар белән танышуын дәвам итә. Бу юлы без Башкортстан җырчысы Идел Нургалин белән аралаштык. Күптән түгел Идел Татарстан тамашачысына беренче клибын тәкъдим итте һәм Татарстан халкы белән күрешү, танышу теләге барлыгын җиткерде.

– Идел, иҗат белән ныклап шөгыльләнүгез ничек башланды?

– Иҗатымны 2008 елда Уфа сәнгать училищесында укыганда башладым. Ул вакытта “Рәхмәт әти, әни” дигән беренче җырымны ижат иттем. Әлеге җыр белән “Гәлсәр сандугач” телефестивалендә лауреат исемен алдым.

– Сезгә җырлау якынракмы, әллә алып барумы? Ниндидер үзенчәлекле чаралар алып барырга туры килгәне бармы?

– Мин профессиональ баянчы, җырга укымадым. Бала чактан җырлагач, әти-әни моңлы булгач, җырлап киткәнмендер. Әммә бер концертымны да баянда уйнамый үткәрмим. 2013 елдан мәҗлесләр дә алып бара башладым. Җыр барыбер якынрактыр. Үзенчәлекле чаралар алып баруга килсәк, туй, юбилейлар, корпоративлардан тыш, башка чаралар алып баруга ризалашмыйм.

View this post on Instagram

A post shared by 🔥ИДЕЛЬ НУРГАЛИН🔥 (@idel_nurgalin_music)

– Гаиләгез бармы?

– Әйе, гаиләлемен. Тормыш иптәшем Ирина белән Айдар исемле ул үстерәбез. Ирина белән студент чактан дуслашып йөрдек һәм 2013 елда өйләнештек.

– “Ярларыгыз ятка калмасын” клибын төшергәндә кызыклы яки көтелмәгән хәлләр булдымы?

– Бу клип Казандагы беренче иҗат җимешем. Съемкаларга бик дулкынланып барган идем, әммә барсы да җиңел үтте. Төшерүче команда, актерлар үз эшләренең остасы булулары бик ярдәм итте. Тик ресторанда төшерәсе кадрларны бер кафеның барында төшерергә туры килде. Ресторанда алдан әйтелгән урыннар сакланмаган иде.

– Ялгышмасам, быел бишенче сезон концертларыгызны оештырдыгыз. Татарстанда да концертларыгызны планлаштырасызмы?

– Әйе, үземнең концертларымны 2015 башладым, хәзерге вакытта бишенче программам белән гастрольләрдә йөрим. Әлбәттә, Татарстан тамашачысы белән дә күрешәсем, танышасым бик килә.

View this post on Instagram

A post shared by 🔥ИДЕЛЬ НУРГАЛИН🔥 (@idel_nurgalin_music)

Запись Кем ул Идел Нургалин? Elvin Grey, Әнвәр Нургалиевлар артыннан Башкортстаннан Татарстанга яңа җырчылар килә впервые появилась Tatar Today - татар яңалыклары..