Архивы Марат Яруллин - Tatar Today - татар яңалыклары.

Марат Яруллин & Ринат Рәхмәтуллин арасы нинди конфлик була яза? “Чакыр гына мине” җыры кемнеке? [видео]

Alfia — Tue, 05 Nov 2019 10:16:05 +0000

// Татар Тудей // Татар Бүген //

Җырчы-актер, автор-башкаручы, Мәскәүдә яшәп иҗат итүче татар егете Марат Яруллин танылган җырчы Ринат Рәхматуллин белән хезмәттәшлеге турында сөйләде һәм аның белән булган аңлашылмаучанлыкка ачыклык кертте. Шулай ук җырчы татар эстрадасында сыйфат ягына зур өстенлек бирелергә тиешлеге хакында да сөйләде.

– Татар эстрадасын беләсеңме? Синеңчә, татар эстрадасында кемнәр популяр?

– Мин барысы белән дә таныш диярлек. Популяр җырчылар дип Салават Фәтхетдинов, Фирдүс Тямаев, Элвин Грей, Гүзәл Уразова, Ришат Төхвәтуллин, Әнвәр Нургалиев, Ринат Рәхмәтуллинны саныйм.

– Сезнең Ринат Рәхмәтуллин белән арагызда нәрсә булып алды ул ?

– Ринат абый 2018 елда Мәскәүдә үзенең концерты белән килгән иде. Миңа Рәсимә апа шалтыратты һәм Ринат Рахматуллинның концертында чыгыш ясарга чакырды. Аннан соң без Ринат абый белән элемтәгә кердек, ул миңа үз репертуарыннан җыр җырларга тәкъдим итте. Мин “Чакыр гына” җырын үземнең аранжировка белән җырладым. Халыкка әлеге җыр минем башкаруымда бик ошады. Шуннан соң Ринат абыйдан бу җырны җырларга рөхсәт сорадым, ул ризалашты. Татарча газета бу турыда язып чыгып, аңлашылмаучанлыклар аркасында бу хәл болганчыкка әйләнеп бетте. Мине Ринат Рахматуллинның җыры белән популяр булырга теләгән, дигән эчтәлектәге язма чыккан иде. Халык фикере икегә аерылды. Кемдер “җырласын, талантлы егет” дисә, кемдер “юк, болай ярамый бит” диде. Ләкин бу аңлашылмаучанлыкларга ачыклык кертелде. Хәзер без дуслар.

– Ничек уйлыйсың, татар эстрадасы кайсы юнәлештә үсәргә тиеш?

– Татар җырларында кешенең күңеле булырга тиеш. Мин татар эстрадасына үзгәрешләр кирәк дип әйтә алмыйм. Ләкин дизайн, клип, концертлар сыйфатлы булырга тиеш. Вакыт бер урында гына тормый, алга бара. Минем татар җырларын башка халыкларга да танытырга теләгем бар. Мәсәлән, инглиз телендәге җырларны тыңлыйбыз бит.

– Ә татар җырларын шулай танытыр өчен, нәрсә эшләргә кирәк, синеңчә?

– Минемчә, кайсыбер очракларда бераз кыю да булырга кирәк.

– Син үзеңне шундый дип саныйсыңмы?

– Мин үземне кыю түгел дип әйтмәс идем. Мәсәлән, “Ләйлә” җырына төшерелгән клип турында фикерләр күп яңгырады. Әлеге клипны “бик әйбәт килеп чыккан, татар эстрадасына тагын шундый клиплар кирәк”, диючеләр дә, шулай ук “татар клибы мондый булмый”, дигән фикердә торучылар да булды.

https://www.instagram.com/p/B4QBFQlCeDn/

Запись Марат Яруллин & Ринат Рәхмәтуллин арасы нинди конфлик була яза? “Чакыр гына мине” җыры кемнеке? [видео] впервые появилась Tatar Today - татар яңалыклары..

Марат Яруллин Казан кызлары, дуслары, Гөлназ Солтанова турында кайбер серләрне ачты [видео]

Alfia — Wed, 16 Oct 2019 01:26:03 +0000

// Татар Тудей // Татар Бүген //

Марат Яруллин Казандагы зур планнары, үзе белән булган үзенчәлекле хәлләр, иҗат юлыннан китү сәбәпләре турында сөйләде. Яшь кенә булуына карамастан, җырчы буларак кына түгел, актер буларак та үзен сынап караган шәхес Казанның Филармония залында үтәсе концертына әзерлек белән дә таныштырып үтте.

– Марат, Казанда нинди планнар белән йөрисең?

– Казанда концертларым, чыгышларым була. Зур планнарымнан 24 ноябрь Филармониядә узачак беренче сольный концертым.

– Бу адымга ничек батырчылык иттең?

– Мин кечкенәдән сәхнәдә. Безнең гаиләдә һәрвакыт баян тавышы яңгыраудан туктамады, чөнки әтием иҗат кешесе, гомерен мәдәнияткә багышлады, яшь чагыннан бирле баянга гашыйк. Абыем да баянга гашыйк кеше. Буш вакытларымда аның гаиләсенә килеп, бергәләп уйныйбыз. Ул безнең бабайдан килә торган сәләт. Мин күбрәк җыр башкаруга тартылдым.

– Ә үзең берәр уен коралында уйный беләсеңме?

– Юк, мин үзем уйный белмим. Кызыксынуым булды, ләкин аннары тагын онытылды. Бу осталык әтидә, абыйда гына бар. Ә әнием укытучы, буш вакытында шигырьләр яза. Мәсәлән, ”Кемнәр сине шулай яратыр?” җырының сүзләре әниемнеке.

View this post on Instagram

Казань! Впервые еду к вам со своим сольным концертом! Если быть честным, для меня это очень волнительно и мне просто необходима ваша поддержка! 🙏 Обещаю вам, будет жарко🔥 Жду вас, ваш Марат Яруллин❤️ #казань #сольныйконцерт #маратяруллин #татарскийконцерт #татарскаяэстрада #татарэстрадасы #татарстан #филармония #песня

A post shared by Marat (@marat_yarullin) on Sep 30, 2019 at 6:35am PDT

– Булачак концертыңа ничек әзерләнәсең? Нәрсәләр була?

– Барысы да: җырлар да, биюләр дә, халык белән аралашу да булачак. Төркемебез Мәскәүдән киләчәк.

– Казан сине ничек итеп үзенә тарта?

– Казан – үзенчәлекле, матур шәһәр. Монда ничектер күңелле, танышларым да бик күп, дусларым да бар.

– Җырчы дусларың бармы? Алар концертыңда чыгыш ясаячакмы? Гөлназ Солтанова белән матур җыр яздыра башлагансыз, дип күрдек.

– Гөлназ Солтанова белән мин күптәннән таныш. Бергәләшеп җыр яздырдык, аның чыкканын гына көтәсе. Композитор Гүзәлия миңа шул җырны Гөлназ Солтанова белән җырларга тәкъдим итте. Миңа җыр ошады һәм мин бик теләп ризалыштым. Концертымда да Гөлназ чыгыш ясаячак.

– 26 яшьтә җырчы булу ничегрәк ул? Син һөнәрең буенча кем?

– Үземнең иҗат юлыннан китүемә шатмын. Мин һөнәрем буенча – актер. Мәскәүдә театрларда да уйнадым, фильмда да төштем. Иң зур театраль проект – “Русалочка” мюзиклында ике ел эшләдем. Ул чит ил проекты. Фильмда төшүне эпизодик рольләрдән башлап җибәрдем. Иң зур проектым 2018 елда чыккан “Счастье здоровья” киносында катнашу иде. Россиянең бөтен кинотеатрларында да күрсәттеләр. Мәскәүнең иң текә кинотеатрында да куйдылар, тулы гаиләбез белән премьерага килдек, кызыл келәмнәрдән үттем. Мин бу проектка үзем кастинг аша килеп эләктем.

Запись Марат Яруллин Казан кызлары, дуслары, Гөлназ Солтанова турында кайбер серләрне ачты [видео] впервые появилась Tatar Today - татар яңалыклары..