21 декабрь Чаллыда татар дөньясына билгеле шәхес Маузир Гыйниятуллин 57 яшендә вафат булды. Аның тормыш иптәше Гөлирә Гыйниятуллина бу авыр кайгыны бергә күтәрергә булышкан һәр кешегә рәхмәтен җиткерде.

“Беркемгә дә мондый кайгы килмәсен. Үзегезгә һәм якыннарыгызга бәхет-шатлык телим. Булганыгызга рәхмәт!” – дип яза ул үзләренең кайгысына битараф калмаган, ярдәм иткән кешеләргә.

Гөлирә ханым Маузир Гыйниятуллинның тормыш сөючән, үзенең гаиләсе, эшчәнлеге өчен гомерен бирергә әзер торуын, беркайчан да беркемне дә гаепләмәвен искә алды. “Ике дә уйламыйча, бергә кичкән 30 ел гомерне янәдән синең белән үтәр идем. Син безне ныклы гаилә булырга өйрәттең. Кыен булса да, без синең өчен алга таба яшәргә тырышачакбыз. Син һәрчак безнең күңелдә. Догаларыбыздан калдырмабыз! Тыныч йокла, сөеклебез безнең! Синең җаның Гөлирә” – дип мөрәҗәгать итә ул гаилә башлыгына.

View this post on Instagram

A post shared by Гиниятуллин Маузир Мирхатович (@mauzir.agidel)

Мәгълүмат: mauzir.agidel

Запись Маузир Гыйниятуллинның тормыш иптәше: “Кыен булса да, без синең өчен алга таба яшәргә тырышачакбыз” впервые появилась Tatar Today - татар яңалыклары..

21 декабрь Чаллыда татар дөньясына билгеле шәхес Маузир Гыйниятуллин 57 яшендә вафат булды. Бу көннәрдә улы Артур инстаграмдагы посты аша әтисенә мөрәҗәгать итеп, аның үлем сәбәбе турында язды.

“Әти һәрвакыт шат күңелле, көчле, елмаючан һәм бик аралашучан булды. Шимбә көнне кич белән алар әни белән театрга баралар. Ул яраткан костюмын кигән, торт сатып алган. Артистларны – премьера, ә театрны туган көне белән котларга теләгән. Тамаша башлангач, әнигә аңа чыгарга кирәк булуын һәм тиздән кире керәчәген әйткән. Әйләнеп кермәгәч, әни холлга чыккан”, – дип башлый сүзен Артур.

Әнисе әтисен хәлсез килеш таба һәм ашыгыч ярдәм чакырта, алар реанимациягә китәләр. Юлда сөйләшеп баралар, әтисе хастаханәгә күпме калганлыгы турында сорый. Әнисе барып җитәргә 3 минут калганлагын әйтеп, берничә секунд үткәч, Маузир Гыйниятуллин мәңгелеккә күзләрен йома.

“Дөньядан тыныч кына китте. Чын ир-ат. Театрдан соң, матур костюмда, әни янәшәсендә. Инфаркттан үлде. Сәламәтлегенә беркайчан да зарланмады, эчмәде-тартмады, спорт белән шөгыльләнде. Нәрсәдер борчый башласа, табибка бара иде. Сәламәтлеген кайгыртты. Яшәргә ярата иде. Матур лаеклы, ләкин кыска гомер кичерде.

Әти, безгә шундый зур истәлекләр калдырганың өчен рәхмәт. Тормыш өчен, матур мизгелләр өчен рәхмәт. Син идеаль кеше идең.

Ул минем белән горурлана иде. Мин аның күңелен кайтармам. Бирешмәм. Барысын да эшләрмен!” – дип рәхмәтен, хөрмәтен җиткерә улы әтисенә һәм хәленнән килгәннең барысын да эшләргә вәгъдә бирә.

View this post on Instagram

A post shared by Sax in Dubai🎷 (Saxophone) (@arthurmauzer)

Мәгълүмат Артур Гыйниятуллин инстаграмыннан

Запись “Бирешмәм. Барысын да эшләрмен!” – Маузир Гыйниятуллинның үлем сәбәбе һәм улының аңа мөрәҗәгате впервые появилась Tatar Today - татар яңалыклары..