Архивы Рифат Фәттахов - Tatar Today - татар яңалыклары.

Рифат Фәттахов Илһам Шакиров истәлегенә бәйле күңелле яңалыклар белән таныштырды

Alfia — Wed, 11 Sep 2019 12:19:22 +0000

11 сентябрь матбугат очрашуында Ваһапов фонды октябрь-декабрьдә Татарстанның халык артисты Илһам Шакировка багышланган концертлар циклын тәкъдим итәчәген хәбәр итте. Бу – Илһам Шакиров фестивале башымы? Азатлык шул сорауга ачыклык кертте.

Илһам Шакиров белән хушлашканда дәүләт киңәшчесе Миңтимер Шәймиеваның исемендәге фестиваль кирәк дигән иде. Ваһапов фонды шушы эшне үз өстенә аламы? Продюсер Рифат Фәттахов әйтүенчә, бу – Илһам Шакировка рәхмәт сүзебезне белдерү. Аныңча, бөек җырчыга мөстәкыйль фестиваль кирәк.

— Татарның һәрбер проекты Илһам Шакировка игътибар итәргә тиеш. Безнең игътибар күрсәтү дә табигый. Чөнки минем Рәшит Ваһаповка килүемдә дә Илһам абыйның роле зур булды. Фестивальнең үсүендә Илһам абый хәлиткеч роль уйнады. Соңгы мөмкинлегенәчә фестивальдә катнашты. 2008 ел – безнең өчен авыр булды. Рәсми даирәләрдә Ваһапов фестиваленә кагылышлы ыгы-зыгы башланды, аның туктап калуы да мөмкин иде. Ә бу – Рәшит Ваһаповның тууына 100 ел тулуны билгеләп үткән ел. Киңәш сорап Илһам абыйга бардым. Ул Миңтимер Шәймиевкә барырга кирәк, диде. Шуннан без Илһам Хаҗиев белән Илһам абыйга фестивальнең президенты дигән махсус вазифа уйлап таптык, ул үз куллары белән Миңтимер агага хат язды. Шул хаттан соң фестивальгә караш үзгәрде.

Илһам абый хәзер популяр булып киткән бик күпләргә хәер-фатихасын бирде. Шуңа күрә без Илһам абыйга багышланган концертларны аның туган авылы – Тукай районы Яңа Бүләк авылыннан башлап җибәрәбез. Планда Уфа, Рим бар. Римны сайлавыбыз очраклы түгел. Италия вокал мәктәбе белән элемтәләрне ныгытасыбыз килә. Париждагы ЮНЕСКО штабында да татар җырын тәкъдим итү нияте бар.

Ваһапов фонды “Яңа татар җыры” бәйгесен дә игълан итте. 1 октябрь җыр үрнәкләрен кабул итү башлана. Әлеге бәйге җырның сәнгати дәрәҗәсенә, яңалыгына, текстның поэтик байлыгына, милли үзенчәлегенә игътибар итә. Җырлар 1 июльгә кадәр кабул ителәчәк. Аннан 10-15 җыр икенче турга үтә һәм ел азагында гала-концерт үткәрү карала. Бәйгенең приз фонды 1 миллион 350 мең сумны тәшкил итә. Беренче урынга 200 мең сум тапшырылачак. Өч урын билгеләнә һәм кызыксындыру бүләкләре дә бирелә. Рифат Фәттахов әйтүенчә, авторларга яшь буенча чикләүләр юк, профессионал композитор яки шагыйрь булу мәҗбүри түгел. Аныңча, татар эстрадасында бөтен таләпләргә туры килгән, татар җыры дип атарлык әсәрләр юк дәрәҗәсендә. Без Зәлиләгә әле дә үз җырын таба алмыйбыз, дип аңлатма бирде ул.

Очрашуда шәхесләрне мәңгеләштерү темасы да кузгатылды. Рифат Фәттахов бу җәһәттән Илһам Шакировка һәйкәл өчен иң кулай урын – Камал театры каршысы диде. Ул чакта бөекләрнең өчлеге: Тукай, Сәйдәш, Илһам һәйкәлләре барлыкка килер иде, диде ул.

Мәгълүмат чит ил агентлыгыннан

Запись Рифат Фәттахов Илһам Шакиров истәлегенә бәйле күңелле яңалыклар белән таныштырды впервые появилась Tatar Today - татар яңалыклары..

Рифат Фәттахов “Кайнар хит” та гадел тавыш бирү-бирмәү турында үз фикерен әйтә [видео]

Лэйсирэ — Wed, 08 May 2019 15:15:19 +0000

//Tatar today//

Рәшит Ваһапов фонды рәисе, продюсер Рифат Фәттахов Tatar Today’га “Голос. Дети”да Алсу кызы белән һәм “Болгар радиосы” хит-парадында тавыш бирүдә төгәлсезлекләр чыгу сәбәпле, объектив тавыш бирү формасы турында уйларга кирәклеген әйтте.

“Мин шәхсән аның чыгышын карамадым. Шуңа күрә мин Алсуның кызының чыгышын бәяли алмыйм. Әмма ләкин бу шоуларда, тавыш бирүләрдә бик сак һәм игътибарлы булырга кирәк”, дип искәрттә ул.

“Заманында мондый хәл белән без үзебез дә очраштык. ТНВда барган “Болгар радиосы” тавыш бирүендә нәрсә килеп чыкканын үзебез дә аңлап бетермәдек. Шулай ук “Кайнар хит” хит-парадында тавыш бирүне мин объектив дип санамыйм.

Мәсәлән, мин бервакытта да беркем белмәгән, бернинди таланты булмаган кемгәдер, “кемгәдер”, чөнки мин аны җырчы дип әйтә алмыйм, шул кадәр күп объектив тавыш киләдер дип тә уйламыйм. Мин монда беркемне дә гаепләмим. Бу очракта мин “Болгар радиосы”н да гаепләмим. Әмма дә ләкин объектив тавыш бирү формасы турында уйларга кирәк.

Ә инде кабат Беренче каналга кайтсак, менә бит алар хәзер тикшерү үткәрәләр – тикшерү нәтиҗәләрен күрик. Бу өлкәдә объективлыкка ирешу авырдыр, ләкин бу бик актуаль проблема булып кала бирә”, диде Ваһапов фонды рәисе, продюсер Рифат әфәнде.

Посмотреть эту публикацию в Instagram

Рәшит Ваһапов фонды рәисе, продюсер Рифат Фәттахов Tatar Today’га “Голос. Дети”да Алсу кызы белән һәм “Болгар радиосы” хит-парадында тавыш бирүдә төгәлсезлекләр сәбәпле, объектив тавыш бирү формасы турында уйларга кирәклеген әйтте. – Мин шәхсән аның чыгышын карамадым. Шуңа күрә мин Алсуның кызының чыгышын бәяли алмыйм. Әмма ләкин бу шоуларда, тавыш бирүләрдә бик сак һәм игътибарлы булырга кирәк, дип искәрттә ул. – Заманында мондый хәл белән без үзебез дә очраштык. ТНВда барган “Болгар радиосы” тавыш бирүендә нәрсә килеп чыкканын үзебез дә аңлап бетермәдек. Шулай ук “Кайнар хит” хит-паратында тавыш бирүне мин объектив диеп санамыйм. Мәсәлән, мин бервакытта да беркем белмәгән, бернинди таланты булмаган кемгәдер, кемгәдер чөнки мин аны җырчы диеп әйтә алмыйм, шул кадәр күп объектив тавыш киләдер диеп тә уйламыйм. Мин монда беркемне дә гаепләмим. Бу очракта мин “Болгар радиосы”нда гаепләмим. Әмма дә ләкин объектив тавыш бирү формасы турында уйларга кирәк. Ә инде кабар береенче каналга кайтсак, менә бит алар хәзер тикшерү үткәрәләр, шуңа тикшерү нәтиҗәләрен күрик. Бу өлкәдә объективлыкка ирешу авырдыр, ләкин бу бик актуаль проблема булып кала бирә, диде Ваһапов фонды рәисе, продюсер Рифат әфәнде.

Публикация от Tatar today порталы (@tatar_today) 5 Май 2019 в 9:03 PDT

Запись Рифат Фәттахов “Кайнар хит” та гадел тавыш бирү-бирмәү турында үз фикерен әйтә [видео] впервые появилась Tatar Today - татар яңалыклары..

“Илсөя мактаулы исемгә лаекмы?”

Лэйсирэ — Wed, 10 Apr 2019 17:00:51 +0000

Татар эстрадасында теге яки бу артистка мактаулы исем бирелү һәрвакыт бәхәсле тема булды. Тамашачыларның кайберләре аны җырчыга лаеклы бирелгән дип санаса, күбесе исә, киресенчә, тәнкыйть утына тотып, моның белән һич килешми. Халык хәтта “Сәхнәдә бот күрсәтеп сикергән”, “Берәрсе белән түшәк бүлешкән”, “Акча төртеп алган” ише гаепләүләр дә белдерә.

Шушы көннәрдә Интернетта Илсөя Бәдретдинованың “Атказанмаган” исемле яңа җыры дөнья күрде. “Дан казанган Илсөя атказанмаган булып йөри! Вакыт бит инде! Килешәсезме?” дип язды ул Инстаграмында. Төрттерүле җырда: “Өй түрендәге сервантым премия белән тулган. Башкалар күптән мидәлле. Ник мин атказанмаган?!” дигән сүзләр дә бар.

Посмотреть эту публикацию в Instagram

Менә әйме…ваще акыллы сүзләр язмыйча гына ,бер яңа җыр тәкъдим итәм сезгә! Ренат Галиаскар сүзләре @renat_gali_askar Ильназ Гарипов көе @ilnaz_garipov “Атказанмаган” Бөтен уйлаганыгызны языгыз…

Публикация от Ильсия Бадретдинова (@ilsiiabadretdinova_) 8 Апр 2019 в 11:03 PDT

Моңа җавап итеп, күптән түгел Гүзәл Уразованың “Татарстанның халык артисты” исеменә лаек булуын беренчеләрдән булып хәбәр иткән Рәшит Ваһапов фонды рәисе Рифат Фәттахов шундый фикер белән чыккан:

“Илсөя Бәдретдинова “Татарстанның атказанган артисты” исеменә лаекмы? Әлбәттә! Үзенең репертуары , үз җыры, ярылып яткан индивидуаль башкару осталыгы, үз тамашачасы булган, 16 ел иҗаты булган җырчы, һичшиксез, рәсми танылуга да лаек. Әгәр дә кирәк икән без, безнең фонд бу эштә рәсми катнашырга әзер“, дип яза ул.

Илсөя Бәдретдинова белән Рәшит Ваһапов фонды – иҗади хезмәттәшлектә. Әйтик, Илсөя Бәдретдинова 13 апрельдә Казанның “Пирамида” залында башланып китәсе “Дуслык күпере” концертларында да катнашачак.

Посмотреть эту публикацию в Instagram

Илсөя Бәдретдинова @ilsiiabadretdinova_ “Татарстанның атказанган артисты”исеменә лаекмы? Әлбәттә! Үзенең репертуары ,үз җыры, ярылып яткан индивидуаль башкару осталыгы, үз тамашачасы булган, 16 ел иҗаты булган җырчы, һичшиксез,рәсми танылуга да лаек. Әгәр дә кирәк икән без,безнең фонд бу эштә рәсми катнашырга әзер.Илсөя Бәдретдинова белән без – иҗади хезмәттәшлектә. Әйтик, 13 апрельдә Казанның “Пирамида”залында башланып китәсе “Дуслык күпере” @duslik_kupere концертларында да Илсөя-иң көтеп алынган җырчыларыбыздан. Уңышлар сиңа, Илсөя! Барысы да әйбәт булыр! #илсоябадретдинова #рифатфаттахов #дуслыккупере #вагаповфест @r_fattakhov_ @vagapovfest

Публикация от Рифат Фаттахов (@r_fattakhov_) 9 Апр 2019 в 11:47 PDT

13 апрель Казанда башланып китүче “Дуслык күпере” II Бөтенроссия татар-башкорт эстрада фестиваленең гастрольләр графигын исегезгә төшерәбез:

13 АПРЕЛЬ – КАЗАН, Пирамида

14 АПРЕЛЬ – САРАТОВ, ДК “Россия”

16 АПРЕЛЬ – ПЕНЗА , ЦКиД

17 АПРЕЛЬ – УЛЬЯНОВСК, ДК

18 АПРЕЛЬ – САМАРА, ДК Кирова

19 АПРЕЛЬ – ОРЕНБУРГ, Филармония

20 АПРЕЛЬ – СТӘРЛЕТАМАК, ГДК

21 АПРЕЛЬ – ЧИЛӘБЕ, Театр ЧТЗ

22 АПРЕЛЬ -МАГНИТОГОРСК , ДК Орджоникидзе

23 АПРЕЛЬ – ЕКАТЕРИНБУРГ , КЗ им. Лаврова

24 АПРЕЛЬ – ТӨМӘН, ДК “Железнодорожник”

25 АПРЕЛЬ – НИЖНЕВАРТОВСК, Дворец искусств

26 АПРЕЛЬ – СУРГУТ, Филармония

28 АПРЕЛЬ – ПЕРМЬ, Большой зал филармонии

30 АПРЕЛЬ – ЯР ЧАЛЛЫ, КЗ им. С.Садыковой

29 АПРЕЛЬ – УФА, ГКЗ «Башкортостан»

Билетлар Кассир.ру сайтында.

Запись “Илсөя мактаулы исемгә лаекмы?” впервые появилась Tatar Today - татар яңалыклары..