Архивы татарча - Tatar Today - татар яңалыклары.

Диләрә Илалетдинова Төркиянең гладиаторлар сугышы узган амфитеатрында кычкырып татарча җырлый [фото-видео]

Лейла — Wed, 15 Sep 2021 12:28:57 +0000

Хәзерге вакытта җырчы Диләрә Илалетдинова @dilyara_ilaltdinova тормыш иптәше белән Төркиядә ял итәләр. Әлеге илнең матур, истәлекле урыннары буйлап сәяхәт итәләр.

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

Җырчы Инстаграмдагы битендә фотолар куя, укучыларына ялда күргән-белгәннәрен сөйли.

– Тарихи антик театр тулысынча диярлек сакланып калган. Анда шундый матур, гид сөйләгәнчә, мин элеккеге вакытларда гладиатор сугышларының ничек узуын, хайваннар белән сугышларны, төрле тамаша куюларын һәм җырлар башкарганнарын турыдан-туры күз алдына китердем. Ә акустика… ул шулкадәр шәп нәрсә, әгәр дә тәңкә акчаны зал уртасына төшерсәң, бу тавыш 8000 тамашачыга ишетеләчәк икән! Гаҗәп! – ди Диләрә Илалетдинова .

Запись Диләрә Илалетдинова Төркиянең гладиаторлар сугышы узган амфитеатрында кычкырып татарча җырлый [фото-видео] впервые появилась Tatar Today - татар яңалыклары..

Хәмдүнә Тимергалиева: Ул вакыйгаларны искә алган саен күңелемдә горурлык хисе уяна [видео]

Рамиля Валиахметова — Mon, 31 Aug 2020 13:29:52 +0000

Татарстан суверенитеты өчен көрәш елларында үзе дә Казанның Ирек мәйданындагы кайбер вакыйгаларда катнашкан җырчы Хәмдүнә Тимергалиева Азатлыкка хатирәләрен, Татарстан һәм татар халкы турында фикерләрен уртаклашты.

— Суверенитет декларациясе турында ишеткәч беренче хисләрегез нинди булды?

— Ул көн татарлар өчен бик сөенечле көн булды. Чөнки моңарчы татарча сөйләшү дә чикләнгән иде. Без үскән вакытта троллейбус, трамвайга кереп татарча сөйләшә башласак, бездән көлә башлыйлар иде: “Тагын “калябаля” башлана инде”, дип. Шуңа күрә, үзебезнең телебез, үзебезнең республикабыз, суверенитетлы булуыбыз барлык халыкны сөендерде.

— Татарстан мөстәкыйльлек өчен көрәшкән чорны ничек хәтерлисез?

— Ул елларда Казанга Сергей Шахрай белән Сергей Филатов килгәндә мин парламент бинасы алдында йөрдем, “Җомга”ны җырлап. Аягымдагы оекларыма хәтле тишелеп бетте кичкә хәтле. Иртән сәгать алтыда барган идек, төнге сәгать бердә кайттык. Бигрәк каты исемдә калган Вафирә Гыйззәтуллина. Филатов авызы янында бармак болгап торды. Без үзебезнең президентыбызны беркемгә дә бирмибез дип. Миңтимер Шәймиев иде ул вакытта. Үзебез хәл итәрбез, дөнья болгатып йөрмәгез, кайтып китегез Мәскәүгә дип Вафирә Филатовларны куды. Кертмәделәр Ак йортка берсен дә. Бөтен артистлар иде анда, Рөстәм Вәлиев бер почмакта гармун уйный, бер почмакта Зөһрә Шәрифуллина җырлый, бер почмакта мин җырлыйм, бер почмакта Рабит Батулла рупор белән йөри. Кертмәделәр Мәскәүдән килгән кешене.

— Татар халкы ирешә алдымы теләгәненә? Бәйсезлек теләделәр бит. Ул вакытларны искә төшерсәгез, хәзер бит инде анализ ясый аласыз. Татар халкы ирештеме, юкка гына булмадымы Ирек мәйданына чыгып җырлаулар, берләшүләр?

— Вакыт үз агымы белән бара. Безнең татар халкы булган, булачак, яшәячәк. Мин шул мәйданнарда йөрмәсәм дә, ирекле булып яшим. Татар мин. Бәйсезлеккә ирештегезме дигәндә, шуны әйтәсем килә, чит илләргә, Кытайга, Австралиягә бардым, Италиядә, Төркиядә булдым, анда шул ук татарлар иркен булып яшиләр, өйдә татарча гына сөйләшәләр. Безнең татар халкы гомер буе үзен саклаган, гомер буе кирәген биргәннәр, гомер буе басып килгәннәр, беркайчан да бетми, татар халкы яши торган халык, татар халкы эшли торган халык. Кемдер, нәрсәдер басым ясаган икән, ул “ярар” дияргә, әмма кәҗә тоягын күрсәтергә мөмкин. “Ярар, сезнекечә булсын”, ди ул, менә болай иттереп йодрыгын күрсәтәчәк. Тукайны гына кара әле, теге заманда яшәгән бит. Ә бүген аны искә алмаган берәр татар бармы? Татар яши, чын татарлар яши. Аның булдыксызы үзе дә яши алмый, кешегә дә яшәргә бирми.

— Ул чакта мөстәкыйльлек өчен көрәшкән артистлар белән соңгы елларда бу хакта сөйләшкәнегез бармы? Нәрсә әйтәләр, бу турыда фикерләре нинди?

— Беләсезме, ул вакытта артистлар гына түгел, бөтен милләтебез җиткерде үз фикерен. Мөстәкыйльлекне алу көрәшендә бөтен халык катнашты. Ул вакыйгаларны искә алган саен күңелемдә горурлык хисе уяна, безнең ул йөрүләр юкка булмады дим. Уйлап карасак, республикабыз шул еллардан башлап үсеш алды, кешенең аңы үзгәрде, үз фикерен әйтә башлады халык. Ә Казаныбыз ничек үзгәрде, танымаслык бит. Мин кайчандыр килгән Казан белән чагыштырсак, бүгенге Казан — оҗмах. Чит илдән килүче кешеләргә Казаныбызны һәм гомүмән республикабызны горурланып күрсәтә алабыз.

— Татарстан үссен өченгә тагын өстәмә нәрсә эшләргә, кайсы өлкәдә яңарту, яисә үзгәреш кертү кирәк дип саныйсыз? Әйтик, мәдәни, мәгариф өлкәләрендә, мәсәлән?

— Республикабыз күптән үскән ул. Һәрвакыт алга омтылып, камилләшү юлында булырга кирәк. Америка, Франция, чит ил дибез, әмма бу безнең өчен кыйбла булырга тиеш түгел. Безнең үзебезнең мөстәкыйль илебез бар. Халкыбызның яшәеше, мәдәнияте, гореф-гадәтләребез үрнәк булырга тиеш һәм шул рәвешле дөньяви дәрәҗәгә җитәргә кирәк, түгел анда башка халык, чит илләргә карап. Базарга чыксам “Менә Төркиядән алып кайткан тауар” дип мактый башлыйлар. Минем ачу килә дә, алмый китеп барам. Чит илнеке түгел, Татарстан, татарлар җитештергән тауарлар бу дип әйтерлек хәлгә җитәргә кирәк. Безнең милләтебезгә чисталык, сафлык, тәүфыйклылык, миһербанлык, булдыклылык хас. Ходай шуннан аермасын. Башкаларга да үрнәк булырлык милләт булып яшик.

— Киләчәккә бер күз салсак, Татарстанның киләчәген ничек күзаллар идегез? 30 ел үтте, тагын 30 елдан Татарстан нинди булыр икән, сезнеңчә?

— Татарстаныбыз чәчәк атачак, башкача мөмкин түгел. Татар халкы беркайчан да бетми ул, чөнки безнең халык эшчән, гадел, үз милләте өчен һәрчак янып-көеп яши торган халык. Татарны элек тә бетерә алмаганнар, хәзер дә бетерә алмаячаклар.

Чыганак: Азатлык радиосы

Запись Хәмдүнә Тимергалиева: Ул вакыйгаларны искә алган саен күңелемдә горурлык хисе уяна [видео] впервые появилась Tatar Today - татар яңалыклары..

Җырчы Гүзәлем һәм Салават Миңнехановларга зур кунак килгән, кем дип уйлыйсыз? [видео]

Рамиля Валиахметова — Tue, 18 Aug 2020 19:12:52 +0000

// Татар Тудей // Татар Бүген //

18 август, татар эстрадасы җырчылары Гүзәлем һәм Салават Миңнехановларга көтелгән, зур кунак, “Кил кил” , ” Ай яй яй” клипларының төп героинясы – Тәслимә апа килгән!

Салават Миңнеханов аны каршы алган арада, Гүзәлем үзе токмач кисеп, аш пешерә.

-Әнием өйрәтте, ди ул.

Тәслимә апа авылдан бүләккә күп итеп күчтәнәчләр алып килгән.

-Син безгә мәңгегә килдеңме әллә? , ди Салават, шаяртып.

Тәслимә апа әллә яңа клипта төшергә килгәнме?

Чыганак: Гүзәлем һәм Салават Миңнехановларның инстаграмы

Запись Җырчы Гүзәлем һәм Салават Миңнехановларга зур кунак килгән, кем дип уйлыйсыз? [видео] впервые появилась Tatar Today - татар яңалыклары..

Камал театры артисты Илдар Хәйруллин: “Яшь чакта күп эчелде…” [видео]

kadria — Tue, 04 Aug 2020 18:46:16 +0000

// Татар Тудей // Татар Бүген //

Камал театры артисты Илдар Хәйруллин журналист кыз Нәзилә Хуҗинага яшь чакта ник күп эчкәне турында сөйләде.

“Уйлап утырдым да, ник яшь чакта эчелде икән, атистлар гына эчмәде бит, бөтен җәмгыять эчте. Завод бар иде, анда бөтен эшчеләр эчә иде.

Чөнки максат юк иде! Кешеләрне бер калыпка җыялар, куштаннанырга, бер-берсен сатырга өйрәтләр иде… Менә шуны күреп, шуны аңлаган кешеләрнең җаны әрнеп, эчүгә салышалар иде…”- ди Илдар Хәйруллин

Видео Нәзилә Хуҗина инстаграм битеннән

Запись Камал театры артисты Илдар Хәйруллин: “Яшь чакта күп эчелде…” [видео] впервые появилась Tatar Today - татар яңалыклары..

Рифат Зарипов балыкка барган. Эләктерә алганмы икән? [видео]

kadria — Mon, 03 Aug 2020 19:49:57 +0000

// Татар Тудей // Татар Бүген //

Татар эстрадасы артисты Рифат Зарипов 3 июль кич белән балыкка барган. Улы Ислам да әтисе янында йөри.

Рифат Зарипов кайсы күлдә Стерлядка, кайсында Сазан балыгы икәнен күрсәтә. 3-4 сәгать эчендә ярыйсы гына балык тотып өлгерәләр. Балыкның зурысы да, кечкенәсе дә бар!

Видео Рифат Зарипов инстаграмыннан

Запись Рифат Зарипов балыкка барган. Эләктерә алганмы икән? [видео] впервые появилась Tatar Today - татар яңалыклары..

Этнең карлыган, крыжовник ашаганын күргәнегез бар идеме? [видео]

kadria — Sun, 02 Aug 2020 16:41:32 +0000

// Татар Тудей // Татар Бүген //

Музыкант, автор-башкаручы Рәсим Фасыйховның Хан исемле эте – карлыган да, крыжовникта ашый.

Хан кара карлыганны бик яратып ашады, карлыганнан соң, крыжовник янына да бардылар, ләкин аның чәнечкеләре булгач, ансын ашавы авыррак шул, алай да, тырышты! Кызыл карлыганны гына бик яратмады бугай.

“Беркем ашамый аны, син булса да аша”, ди Рәсим Фасыйхов

Видео Рәсим Фәсихов инстаграмыннан

Запись Этнең карлыган, крыжовник ашаганын күргәнегез бар идеме? [видео] впервые появилась Tatar Today - татар яңалыклары..

Татар ютуберы Фагилә Шакирова белән журналист Алсу Исмәгыйлова яңгыр астында Раифа күлендә катамаранда кая йөзәләр? [видео]

kadria — Sun, 02 Aug 2020 11:22:32 +0000

// Татар тудей // Татар Бүген //

Фагилә Шакирова белән Алсу Исмәгыйлова Раифа күлендә катамаранда йөзәргә чыкканнар. Яңгыр яуса да, рәхәтләнеп ял иткәннәр.

Нишләп йөрисең анда дип сораучыларга Фәгыйлә апа инстаграм битендә җавап язган:

-Биииик нык арган идем соңгы арада. Ял итеп кайттым! Журналистика турында күп сөйләштек! Эх, яраткан темаларымның берсе! Журналистика һәм халык аерылгысыз булырга тиеш – бу закон. Фәгыйлә белән фикерләребез туры килә икән. Буген Татар матбугатының патриоты, Татаринформ журналисты Алсу Исмәгыйлова белән Раифа җирлегендә йөрдек, кулдә катамаранда йөздек. Авылларын аркылы буйлы әйләнеп чыктык, коеп яңгыр яуды. Әле урманына да барып җитә идек, авызлыксыз эт кенә шүрләтте… Яңгыр плащы сатып алдык 100 сумга…Ай матур җирләр, барыгыз , курегез! Тәмле итеп табигатьтә чәй эчеп кайттык. Кайтканда сузгә бирелеп юлны бутаганбыз. Иннополис шәhәрен әйләнеп чыктык. Мин анда беренче тапкыр булдым, кешесе юк, бераз куңелсез шәhәр икән ( марсианнар шәhәре кебек), кайтканда кайнар кофе эчтек. Көн яңгырлы булса да, онытылмаслык узды!)

Видео Фагилә Шакирова инстаграмыннан

Запись Татар ютуберы Фагилә Шакирова белән журналист Алсу Исмәгыйлова яңгыр астында Раифа күлендә катамаранда кая йөзәләр? [видео] впервые появилась Tatar Today - татар яңалыклары..

Алмаз Мирзаяновка кырынганда ни өчен теннис хәтле шар каптырып куйганнар? [видео]

kadria — Fri, 31 Jul 2020 18:59:28 +0000

// Татар Тудей // Татар Бүген //

Алмаз Мирзаянов беренче сезонның бер өлеше белән бүлеште. Ул үзе белән булган кызык хәлләрне сөйләде.

Сакалын кырыр өчен барбершопка барган булган, анарга теннис шары хәтле шарны авызына кабырга кушканнар. -Ә мин моны ялгыш йотсам?, дигәч
-Иртәгә алып килерсез, бөтен кеше шулай эшли, дигәннәр.
Шуннан Алмаз Мирзаянов тизрәк чыгып качкан инде. Аквапаркта булган хәлен дә сөйләде, “Анда хәзер мине кертмиләр”, ди ул.

Видео Алмаз Мирзаянов Инстаграмыннан

Запись Алмаз Мирзаяновка кырынганда ни өчен теннис хәтле шар каптырып куйганнар? [видео] впервые появилась Tatar Today - татар яңалыклары..

Җырчы-продюссер Салават Миңнеханов Корбан сарыгы белән фотога төшүчеләргә кискен фикерен әйтә [видео]

kadria — Fri, 31 Jul 2020 12:30:39 +0000

// Татар Тудей // Татар Бүген //

Җырчы-продюсер, эшмәкәр Салават Миңнеханов халыкка, үзең коллегаларына мөрәҗәгать ясый. Инстаграмга чалынган сарык белән бергә фотога төшеп куючыларга үз фикерен әйтә.

Күп кешенең инстаграмында күргәнем бар, чалынган сарык белән фотога төшәләр, тиресен салдырганнар һәм шул сарык белән фотога төшәләр. Дуслар, андый фотоларны куймагыз зинһар, без сарыкларны Аллаһ ризалыгы өчен чалабыз, лайклар өчен түгел!, ди Салават әфәнде.

Видео Салават Миңнеханов инстаграмыннан

Запись Җырчы-продюссер Салават Миңнеханов Корбан сарыгы белән фотога төшүчеләргә кискен фикерен әйтә [видео] впервые появилась Tatar Today - татар яңалыклары..

Туй көнне яшь килен чишмәдән көянтә белән су алып кайта. Йоламы бу әллә… [видео]

kadria — Tue, 28 Jul 2020 17:39:55 +0000

// Татар тудей // Татар Бүген //

Кешенең үз гомерендә иң олуг һәм күркәм бәйрәмнәрнең берсе – туй. Бу бәйрәмне матур, зәвыкь, кызык һәм башкалар кызыгырлык күңелле итеп үткәрү өчен бик күп көч түгәргә кирәк. Кияү белән кәләшнең бәйрәме булганга, моның барысы да алар өстенә төшә. Нәрсә алырга, ничек каршыларга, ни сөйләргә, йоласы ничек? Бу сорауларның барысына да алдан ук җавап табып, әзерләнеп куелса, туйлар гөрләп үтә.

Туй көнне көянтә белән суга төшү йоласы күпчелек авылларда күзәтелә. Килен үзе алып килгән көянтә-чиләкләре белән чишмәгә суга бара. Әлбәттә инде, барлык яшьләр дә гармунга кушылып җырлый-җырлый килен белән баралар. Чишмә буенда килен үзенең бүләген калдыра. Ул чиләктәге суны түкмичә алып кайтырга тиеш. Әгәр чиләктәге су түгелмәсә, килен дә, кияү дә уңган була.
Судан кайткач, кияүнең әнисе һәм килгән кунаклар килен алып кайткан чишмә суын бәялиләр. Шуннан соң кунакларга чәй куялар.

Видео Рәсим Фәсихов инстаграм битеннән

Запись Туй көнне яшь килен чишмәдән көянтә белән су алып кайта. Йоламы бу әллә… [видео] впервые появилась Tatar Today - татар яңалыклары..