Татар җыры фестивале быел үзенең 20 еллыгын билгеләде. Казанда узган гала-концертны оештырырга дип, Мәскәүдә иҗат итүче танылган режиссер Лина Гарифуллина махсус чакырылды. Ай уртасында узган матбугат очрашуында: “Тамашачы хискә бирелерлек бер теманы сакларга тырыштык. Быелгы юбилей тамаша белән халыкны хискә юнәлдерергә телибез”, дип сөйләгән иде ул.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Җырчылар сәхнәгә чыгар алдыннан аларны “20 еллыкның иң яхшы җырчылары”, дип игълан итеп чыгардылар. Артистлар белән бергә, тамашачыны, зур экран аша, Казанның билгеле булган урыннары белән дә таныштырдылар. Һәр билгеле урынны бер җырчы белән бәйләргә тырышканнар оештыручылар. Мәсәлән, Татарстанның халык артисты Гүзәл Уразованы оештыручылар “Казан” гаилә үзәге белән чагылдырдылар. Әлфинә Әзһәмова тимер юл вокзалы, ә Ләйсән Гыймаеваны Габдулла Тукай исемен йөрткән Казан Һава аланы белән. Җырчыларның чыгышлары да, үз вакытында хит дәрәҗәсенә җиткән, җырлардан гына торды. Шулай итеп, тамашачыга “Тимәсен тик күзләрем”, “Төнге урам”, “Яшьлегем чишмәләре”, “Асыл яр”, “Син минем җанымның яртысы”, “Карамалы Гөбәй” җырларын тыңларга насыйп булды. Сүз уңаеннан, берничә җырчыга икешәр җыр башкарырга бәхет елмайды. Икешәр җыр башкарырга рөхсәт ителгән артистлар арасында, әлбәттә, Салават Фәтхетдинов, Айдар Галимов, Гүзәл Уразова, Ришат Төхвәтуллин кебек җырчылар иде.

Тамашаны башлап җибәрү Гүзәл Уразовага тапшырылды. “Тимәсен тик күзләрем” җыры вакытында биюче кызлар Гүзәлгә туй күлмәген кидертеп, анардан кәләш ясадылар. Икенче җырын Уразова Илдар Хәкимов белән башкарды. Илдар Хәкимов та кияүләр туйга кигән костюмнан иде. Кәләшнең кулында чәчәк бәйләмен күргәч, тамашачыга ыргытып, берәр кызга өмет бирердер бәлки, дигән уйлар башка килде, ләкин сценарийда мондый күренеш исәпкә алынмаган күрәсең һәм чәчәк бәйләме Гүзәл белән бергә сәхнә артына кереп китте.

Яңалык буларак, сәхнә артында “Татар җыры” музее булдырылган иде. Һәм, һәр җырчы үз чыгышыннан соң шунда кереп истәлеккә берәр “кыйммәтле” әйберсен бүләк итәргә тиеш булды. Музейга кемдер кием, кемдер милли ризык тотып керсә, Салават Фәтхетдинов үзенең иң беренче алган “Алтын барс”ын күтәреп керде, ә Ришат Төхвәтуллин исә, һәр чыгышына бары тик шуның белән генә чыккан, ак микрофонын тапшырды.

Инде алга таба ничек җырлар икән дигән сорау тудырып, тамашачыны уйга салды бу гамәле белән Ришат.

Тамаша кылган Татарстан президенты Рөстәм Миңнеханов халыкны әлеге җыр фестивале белән алдагы сүзләр белән котлады:

– 20 ел дәверендә шушы “Татар җыры” бара, һәммәбез бирегә җыелып киләбез. Киләчәктә дә татар җыры гөрләп торыр, без шатланырбыз, яңа талантларны күрербез һәм үзебезгә дә күрешергә бер матур сәбәп булып торыр бу фестиваль.

Республикабызның беренче президенты Миңтимер Шәймиев, хәзерге президентыбыз Рөстәм Миңнеханов алдында чыгыш ясаулар икеләтә җаваплылык өсти дип бүлеште хисләре белән Татарстанның атказанган артисты Филүс Каһиров: “Алар алдында җырлау бигрәк тә рәхәт, чөнки беррәттән халык һәм беррәттән зур җитәкчеләребез дә залда утырганда-концерт мәртәбәлерәк тоела. Чыгыш алдыннан борчылу хисе булганда үзеңне чын артист итеп тоясың, терелтеп җибәрә кебек бу хис. Дулкынлану булганда хис-тойгылар да тамашачыга үтемлерәк барып җитә”.

Ришат Төхвәтуллин “Керим әле урманнарга” дигән җырны акапелла башкарды, халык бу күренешне бик җылы кабул итте дияргә кирәк. Айдар Галимовны да башкаларга караганда бик җылы кабул иттеләр, “Кызыл розалар” хитын башкарганда тамашачы Галимовка кушылып җырлады һәм көчле алкышларга күмде. Әллә, дөрестән дә, халык элек яңгыраган җырларга сусаган, әллә Айдар абый сәхнәдән төшеп, залда утырган хатын-кызларга кызыл розалар таратканга күрәме. Мондый күренешне Галимовтан соң чыккан Салават Фәтхетдинов та игътибарсыз калдыра алмады:

– Чәчәкләрегезне барыгыз да бирмәдегез. Айдар әйтте, абзый борчылма, чәчәк таратып чыктым, һәрберсе биреп чыгачак, дип тамашачыны көлдерде Салават абый.

Җырчыларның бер урында җыелуыннан файдаланып, татар-башкорт эстрадасы берлеген төзү кирәкме һәм аның рәисе кем була ала дигән сорау бирдек.

– Халык бит инде барыбер артистларга карый, аларны кайбер мәсьәләләрдә үрнәк итеп күрә. Шуңа күрә мондый берлекне оештыру да, минемчә, урынлы булыр иде. Бер-беребезгә таяныч, терәк булып дус-тату яшәсәк, тамашачыга тагын да зур үрнәк булыр идек. Ә инде рәис, җитәкчегә килгәндә, минемчә, бу эшне Салават абый башкара алыр иде, чөнки ул үзе Башкортстаннан һәм Татарстанда яшәп ничәмә ничә еллар дәвамында сәхнәне тотып тора. Ә бәлки, Салават абый белән Айдар абый Галимовны рәис итеп куеп булыр иде. Алар икесе дә төрле туган проблемнарны киңәшләшеп “шапылдатып” чишеп куярлык кешеләр, диде Филүс Каһиров Татар Тудейга.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Ришат Төхвәтуллин исә әлеге сорауга карата, җырчыларны берничә төркемнәргә бүлеп кенә берничә берлек оештырып була дигән фикердә:

– Андый берлекне оештырып буладыр бәлки, әмма аны ниндидер төркемнәргә бүлү кирәктер. Әйтик, гастрольдә йөрүче касса җырчылары аерым бер төркем, өлкән буын җырчыларыбыз аерым бер оешма буларак, ә инде “банкет” җырчыларын, ягъни гастрольләргә чыгып йөрмәүче, өйдә ятучы җырчыларга аерым оешма. Башкача мөмкин түгел, чөнки артистлар бер-берсенә карата бик көнче һәм гомүм бер берлек оештыру мөмкин булса да, бик авыр эшләрдән. Рәискә килгәндә, барыбыз да тыңлардай, фикеренә колак салырдай, лидер бармы икән арабызда? Андый кеше сәхнәдә генә түгел, тормышта да лидер сыйфатларына ия булырга тиеш. Илһам абый кебек көчле, ул әйткән сүзгә һәрбер җырчы да колак салырлык кеше бармы? Бу бик зур сорау, дип җиткерде фикерен Татарстанның һәм Башкортстанның атказанган артисты Ришат Төхвәтуллин.

“Егерме еллык тарихлы татар җырының юбилей концертында чыгыш ясармын дип хыялымда да булмаган иде. Хәтта әле дә, чыгыш ясап кергәч, ышанып бетеп булмый, чөнки балачакта телевизордан гына карый идек “Татар җырын”. Ул вакытта сәхнәгә чыгармын дигән уй гомүмән булмады. Инде җырлый башлагач, Рәсим Низамов, Салават абыйлар белән күрешкәч, бу төшме икән әллә дигән уйлар килә башлады. Ә инде “Татар җыры” концертында катнашкач – минем өчен әкияттәгедәй булды. Юбилей концертта катнашу минем өчен яңа зур адым кебек, тагын да яңа көч белән эшлисе килә. Бүгенге көнгә хәтле, үземнең шушы тамашада катнашуыма ышанып бетә алмадым, шалтыратып, берәр нинди үзгәрешләр булды дип әйтерләр кебек тоелган иде”, дип сөйләде кичергән хисләрен Азат Фазлыев. Татар-башкорт эстрадасы берлеген оештыру мәсьәләсенә килгәндә, Азат Фазлыев андый берлекнең мәгънәсен аңлап бетермим дип әйтте:

– Берлек булмаса да, бер-беребезгә ярдәмләшеп яшәгән артистлар бар. Миңа киңәш кирәккәндә, мин рәхәтләнеп Фирдүскә, Данирга, Рифат Зарипов, Рәсим Низамовка шалтыратып киңәш сорыйм.

Күпләр Elvin Grey да чыгыш ясар дип көтте, ләкин программада аның исеме торса да, җырчы тамашада булмады. Сәхнәдәшләре сүзләренчә, Elvin Мәскәүдән кайтып җитәргә өлгермәгән.

“Татар җыры” гала концертына багышланган матбугат очрашуында юбилей тамашаның башкалардан аерылып торачагы турында игълан ителгән булса да, моны артык сизмәүчеләр дә булды. Концерт азагында, гадәттәгечә җырчылар чыгып бергәләп җыр да башкармадылар, тамашага нокта куелганы да сизелмәде кебек. “Әллә өченче бүлек булачакмы, хәзер икенче тәнәфескә бүленүме бу?”, дип уйлаучылар булды.

Запись “Татар җыры – XX”: Филүс, Ришат татар-башкорт эстрадасы берлеге төзүгә ничек карый? [видео] впервые появилась Tatar Today - татар яңалыклары..

21 декабрь Казанның Пирамида залында Халыкара “Татар җыры” фестивале узды. “Татар җыры”на 20! Шунлыктан анда төрле елларда популярлык казанган җырлар яңгырады.

“Татар җыры – 2019″ның башкаларыннан нык аерылып торачагы тантана башында ук сизелде. “Алтын барс” сынына ия булган җырчыларны тамашачы фестиваль башында ук күрде. Ләкин бәйрәм барышында аларга алтын сыннарны тапшырып, изге теләкләр җиткерү өлеше булмады. Шулай ук ахырдан күмәк җыр башкару да төшерелеп калдырылган иде.  Бәлки шуңадыр да, тамашачылар концертның ахырына якынлашуын төшенеп бетмәделәр.

Татар Тудей җитәкчесе, журналист Рөстәм Исхакый да бу турыда искәртеп үтте. “Режиссер Лина Арифулина хуш китәрлек, рухланып сөйләрлек тамаша оештырды дип әйтә алмыйбыз. Ялгышмасак, ул бик кыйммәт ала бу эше өчен, ә нәтиҗәсе җилгә очкан акчалар диясе килә. Бу беренчел уйлар, субъектив фикер, тик Татарстан президенты катнашкан, 20 еллык юбилей бәйрәме буларак түгел, ә уйланып, төгәлләнеп бетмәгән Лина ханым эксперименты булды бу. Үзебезнең танылган татар артистлары гына бу фестивальне азагына кадәр карарга көч бирде. Азагы бигрәк күңелсез нотада туктады, бетте түгел, ә тамашаның компьютеры “тормозить” итеп туктап калды кебек, кечкенә кыз сөйләп бетерми көчле конфити шартлатып чәчә башладылар, алып баручылар нидер әйтте, һәм сәхнә буш калды… Күңелдә дә бушлык калды… Бәлки мин Мәскәүдән килгән Лина Арифулина “сәхнәсен” күрерлек үсмәгәнмен, бигайбә…”, диде Рөстәм Исхакый.

Һәр җырчы чыгышы алдыннан аның хакында кыска вакытлы видео күрсәтелде. Шулай да искәрмәләр дә булды. Мәсәлән, Илдар Хакимов һәм “Казан егетләре төркеме” сәхнәгә чыгар алдыннан видеоролик тәкъдим ителмәде. Һәр видео диярлек Казанның истәлекле урыннары белән бәйләп эшләнелгән иде.
⠀
Фестивальнең тагын бер кызыклы яңалыгы ул – иҗади музей. Бирегә һәр җырчы диярлек үзләренең чыгышыннан соң килеп, алып баручы Байбулатның сорауларына җавап биреп, үзләре өчен кадерле булган истәлекле бүләкләрен тапшырдылар. Бу күренешне тамашчыга экраннардан күзәтү мөмкинлеге бирелгән иде. Бүләкләрнең күбесе “Татар җыры” белән турыдан-туры бәйләнгән. Мәсәлән, Салават Фәтхетдинов әлеге күргәзмәгә үзенең беренче алган “Алтын барс”ларыннан берсен бүләк итеп калдырса, Азат Фазлыев апасы тарафыннан 2004 елда бүләк ителгән “Татар җыры” афишасын музейда калдырды. Калганнары да үзенчәлекле. Ришат Төхвәтуллин үзенең ак микрофонын тапшырды, ә Нәфкать Нигъмәтуллин татар халкының милли ризыгы өчпочмак белән килгән иде.
⠀
“Татар җыры”ның 20 еллык юбилеенда төрле елларда популярлык казанган җырлар яңгырады. Арабыздан киткән татар җырчылары турында искә алу тамашаның үзәген тәшкил итте дисәк тә була.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись “Татар җыры – 2019” – Салават Фәтхетдинов – “Алтын барс”сыз, ә Ришат Төхвәтуллин микрофонсыз калды [фото-видео] впервые появилась Tatar Today - татар яңалыклары..

“Татар җыры” фестиваленең юбилее – 20 еллыгы. Казанда узачак “Татар җыры”ның гала-концертына багышланган мәгълүмат конференциясендә, тамашачыны нәрсә көтәчәге турында сөйләделәр. Оештыручылар фестивальның узган елдагылардан аермалы булачагын вәгъдә итә. Билетлар бәясе 4 мең 500 дән башлап 8 мең 900гә кадәр. Журналистлар белән узган әлеге очрашу, халык артисты Хәмдүнә Тимергалиеваның популяр җырчы Фирдүс Тямаевка шелтә белдерүе белән истә калды.

 “Татар җыры”ның юбилей тамашасының баш режиссеры Мәскәүдән килгән Лина Гарифуллина. Сүз уңаеннан, Гарифуллина, күп кешегә “Фабрика звезд” проекты белән таныш.

“Барабан тавышларына «Ура! Ура!» дип кычкырулар белән түгел, ә тамашачы хискә бирелерлек бер теманы сакларга тырыштык. Быелгы юбилей тамаша белән халыкны хискә юнәлдерергә телибез”, диде ул.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

“Барс-Медиа” компаниялар төркеменең директорлар советы рәисе Камил Гәрәев “Татар җырында” яңгыраячак җырлар ничек сайланып алына дигән сорауга җавап бирде: “Татар җыры”на иң матур, тамашачы яраткан җырлар эләгә. Җырларның популярлыгы халык тарафыннан күпме каралган, тыңланганы аша билгеләнә” . 21 декабрь Пирамида концертлар залында узачак “Татар җыры” фестивалендә Фирдүс Тямаев, Илсөя Бәдретдинова да канашмаячагы билгеле булды. Камил Гәрәев сүзләренчә, Фирдүс әлеге юбилей тамашага чакырылган булган.

“Фирдүскә килгәндә, ул бүгенге көндә бик популяр җырчы, без аңа карата бик әйбәт карашта. Чынлыкта без аны үз фестивалебезгә чакырдык, ләкин, без аңлыйбыз, һәр артистның ел дәвамында планлаштырылган эше бар. Аңа уңышлар телибез һәм аның белән башкарыр эшләребез алда әле дип уйлыйбыз”, дип белдерде Камил әфәнде.

Спикерлар арасында булган Татарстанның халык артисты Хәмдүнә Тимергалиева Тямаевның катнашмавына карата үз фикерен белдерергә ашыкты.

“Татар җырының” үткәрелүе инде әллә кайчан билгеле. Гастрольләр графигын ул бит үзе карый. Аны чакырганнар, ни өчен ул шушы көнне үз концертын куярга тиеш? Бер көн буш калдырсын иде. Безнең артистларыбыз әз генә популярлашты дисә – югары менәләр. Фән Вәлиәхмәтовка, бигрәк зур булып китәләр артистларыбыз әз генә популярлашса, дигәч: “Ник буш башак өскә карап тора инде ул”, диде. Аңладыгызмы? Тулысы аска карап тора. Шуңа күрә, бер көн буш калдырырга була иде Фирдүс Тямаевка”, диде ул.

Хәмдүнә апа, халык артисты Гүзәл Уразованың “Татнефть-Арена”да, Мәскәүнең Кремль сараенда концертлар оештыруына Татар Тудейның сокланабыз, быелгы “Татар җыры” да “Татнефть-Арена”да узсын иде, күбрәк кеше карый алачак диюенә, “Барс-Медиа”дан башка Гүзәл хәзерге Гүзәл булмас иде”, дип “Барс”ларга рәхмәтләрен яудырды. Гүзәл Уразова да аларга рәхмәтен әйтте, әмма аңлашырлык итеп, бүгенге югарылыкка үзенең һәм төркеменең тырышлыгы белән үсүен белдерде.

Ни гаҗәп, соңгы ике елда татар эстрадасында булган конфликт очракларында күренгән популяр җырчы Elvin Grey, быелгы юбилей “Татар җыры”нда үзен тыйнак, тыныч кына тотачагын әйтте

“Быел без тыныч кына яшибез. Булган конфликтлар да махсус уйланып эшләнмәгән бит. Быел без елмаеп, шом гына сәхнәгә чыгып җырлаячакбыз”, дип елмайды Элвин.

Татарстанның халык артисты Гүзәл Уразова да быелгы фестивальнең дәрәҗәсен шау-шулар куптарып төшерергә ярамый дигән фикердә иде.

“Дөрестән дә, булган конфликтлар очраклы рәвештә килеп чыккан. Алар онытылгандыр инде. “Татар җыры” – дәрәҗәле тамаша, шау-шу куптарып йөри торган җир түгел. Бөтен илдән килгән тамашачы матурлык, зәвык күреп татар җырын тыңлап кайтып китәргә тиеш. Һәм популяр артист үзенең иң популяр җырын башкарса – бу тамашачы өчен иң зур бүләк булачактыр”, дип белдерде Татар Тудей соравына Гүзәл.

Гүзәл Уразова шулай ук фестивальдә башкарачак номерының серләрен  ачты: “Булачак тамашада мине яңа образда күрсәтергә телиләр. Мин режиссерларны аңлыйм, алар ниндидер яңалык кертергә тели фестивальнең гала-концертына. Минем номерга килгәндә, анда бик күп кеше катнашачагы турында әйтә алам. Һәм бу юлы мин беренче бүлектә чыгыш ясаячакмын”, диде ул безгә.

Оештыручылар вәгъдә иткәнчә, “Татар җыры” тамашасында Татарстан президенты Рөстәм Миңнеханов та, республикабызның беренче президенты Миңтимер Шәймиев тә булачак.

Запись Хәмдүнә Тимергалиева Фирдүс Тямаевка бәйләнгән “Татар җыры” очрашуында ниләр булды? Гүзәл Уразова белән Элвин Грейдан ни көтәргә? [видео] впервые появилась Tatar Today - татар яңалыклары..

12 декабрь “Татар җыры”ның 20 еллык матбугат очрашуында халык артисты Хәмдүнә Тимергалиева Татарстанның атказанган артисты Фирдүс Тямаевка тәнкыйть белдерде, “буш башак” белән чагыштырды.

“Буш башак өскә карап тора ул”, диде популяр автор-башкаручы Фирдүс Тямаевка карата 12 декабрь “Татар җыры”ның 20 еллык матбугат очрашуында халык артисты Хәмдүнә Тимергалиева. Татар эстрадасында яңа конфликт көтелә, ахры. Хәмдүнә Тимергалиева Фирдүс Тямаевны “Татар җыры”нда катнашмавы өчен әрләде. Оештыручылар да нигә катнашмавына төгәллек кертмәде.⠀

ТУЛЫРАК РЕПОРТАЖ ТАТАР ТУДЕЙ САЙТЫНДА, ЮТУБ КАНАЛЫНДА БУЛАЧАК

Запись Хәмдүнә Тимергалиева Фирдүс Тямаевка “буш башак” диме? [тулы видео] впервые появилась Tatar Today - татар яңалыклары..