Архивы Чиләбе - Tatar Today - татар яңалыклары.

Коронавируслы авыруларны дәвалый торган хастаханә шартлаган

Лейла — Sun, 01 Nov 2020 09:34:23 +0000

Чиләбедә коронавирус йоктыручыларны дәвалый торган хастаханәдә шартлау булган. Аның дулкыны якын тирәдәге йортларның тәрәзәләренә кадәр коеп төшергән! Фаҗиганың сәбәбе – хастаханәне кислород белән тәэмин итә торган бинада янгын чыгу.

Нәтиҗәдә, пациентларның барысын да якындагы стадионга урнаштырганнар. ИВЛ аппаратына тоташтырылган пациентларны башка хастаханәләргә озатканнар.

Гомумән алганда, 198 кеше эвакуацияләнгән. Аларның 40 сы медицина персоналы. Зыян күрүчеләр хакында хәбәр юк, әмма кислород җитмәү сәбәпле, ике кешенең гомере өзелү хакында фаразлар бар, дип яза “ТАСС”.

Чыганак: ТАСС

Запись Коронавируслы авыруларны дәвалый торган хастаханә шартлаган впервые появилась Tatar Today - татар яңалыклары..

Ни сәбәпле укучылар мәктәп ашханәсен шартлатмакчы булган?

Alina — Mon, 03 Feb 2020 14:17:38 +0000

9нчы сыйныфтан ике укучы мәктәп ашханәсен шартлатмакчы һәм, сыйныфташларын пневматик мылтыктан атып, яндырып үтермәкче булган. Бу коточкыч хәл Чиләбе өлкәсендә булган. Моның турында балаларның әниләре белеп калган. Алар балаларының Интернет челтәрендә язышканын укыган.

Укучылар бу вакытка шартлаткыч тапкан, шулай ук, мылтык сатучы кеше белән элемтәгә чыккан. Полиция хезмәткәрләре тикшерүләр үткәргәч, мәктәп җитәкчелеге эштән куылган.

Бу гамәлне кылмакчы булган укучылар тәрбия эше белән шөгыльләнүче укытучыга үз планнары турында сөйләгән булган, әмма ул аларга ышанмаган.

Бу хәл буенча җинаять эше кузгатылган.

Мәгълүмат Кызыл Таң
Фото ЯндексДзен

Запись Ни сәбәпле укучылар мәктәп ашханәсен шартлатмакчы булган? впервые появилась Tatar Today - татар яңалыклары..

ГАИ хезмәткәре миһербанлык, игелеклелек үрнәге күрсәтә [видео]

Гузель — Wed, 20 Feb 2019 18:09:28 +0000

//Tatar today//

Шушы көннәрдә социаль челтәрләр буенча Чиләбедә ГАИ хезмәткәре юлны чыга алмый торган аксак атлаучы эткә юл аша чыгарга булышкан видео таралды. Бер карашка гадәти булып күренгән бу видео, тиз арада популярлык алды, бик күп уңай фикерләр җыйды.

Әлеге видеога карата: “Мондый миһербанлы кешеләр дә калган икән”, “Изгелекләре үзенә меңе белән кайтсын”, “Аллаһының рәхмәте булсын! Изге теләкләр, уңышлы эшләр, хәерле юллар аңа, гаиләсенә, якыннарына!”, дип фикерләр язганнар.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись ГАИ хезмәткәре миһербанлык, игелеклелек үрнәге күрсәтә [видео] впервые появилась Tatar Today - татар яңалыклары..

Чиләбедә җир тетрәүне нигә алдан хәбәр итмәгәннәр?

Алина — Wed, 05 Sep 2018 15:41:12 +0000

5 нче сентябрьгә каршы төндә Урал халкы җир асты бәрелешләреннән уянып китә. Кешеләрне җир тетрәү уята. Чиләбе халкы сөйләвенчә, алар 11 көчле бәрелеш кичерә. Җир тетрәвен Свердловск өлкәсенең көньягында яшәүчеләр дә сизә. Урал халкы өчен җир тетрәү сирәк күренеш. Шуңа да алар моңа әзер булмый. Халык ни өчен аларны алдан кисәтеп куймаулары белән кызыксына.

Көн дәвамында диспетчырлык хезмәтенә җирле халыктан хәбәрләр килеп тора. Алар стеналарның җиңелчә шартлау, ярылулары, йортларга зыян килүе турында хәбәр итә. Җир тетрәү вакытында шәһәр хастәханәсендә стена ярыла. Авыруларны шунда ук эвакуациялиләр. Рәсми мәгълүматларга караганда үлүчеләр юк. Җир тетрәүнең сейсмик активлыгы 5,6 баллга бәяләнә. Махсус комиссия тикшеренүләренә караганда, әлеге табигать күренешеннән һәр өченче бина зыян күрә.

“Минем эш кабинетымда шкаф киштәләре белән бергә китаплар, сувенирлар ишелеп төшкән иде. Түшәм һәм стеналар да зыян күргән. 5 нче сентябрь көнне , 4:00 сәгаттә шәһәр башлыгына сигнализация эшли башлауга бүтән бинага күчәргә туры килде” , дип язып куйган Катав- Ивановск депутатлар советы рәисе Галина Федосеева үзенең социаль челтәрдәге битенә.

Мәгълүмат URA.RU сайтыннан алынды.

Запись Чиләбедә җир тетрәүне нигә алдан хәбәр итмәгәннәр? впервые появилась Tatar Today - татар яңалыклары..