Архивы 23 миллион - Tatar Today - татар яңалыклары.

Луизага охшаш кешене тапканнар дигән фараз бар

irina — Wed, 03 Jul 2019 10:43:59 +0000

Үзе эшләгән банктан 23 миллион алып югалган Луиза турында сүзләр хаман тынмый.
Хәйруллиннарның якыннарыннан ДНК анализлары алулары Луизаның әтисенең күңеленә тагын да шом сала. Тапканнармы, үле гәүдәләре килеп чыкканмы – ачык кына аңлатучы булмаган. Чынлыкта исә, криминалистлар бу фаразны да кире какмый.
Югалган кешеләрнең туганнарыннан ДНК анализы алу – гадәти практика. Кайвакыт бик күптән вафат булган кешеләрнең гәүдәләре табыла яки ерткыч хайваннар корбаны булучылар очрый. Аларны, гадәттә, танырлык булмый. Шундый очракта, алдан алынган ДНК анализлары белән чагыштырып карап, фәлән кешеме-юкмы икәнлгеген тиз ачыклап була.
ДНК анализы алуның тагын бер сәбәбе – розыск игълан ителгән кешеләргә охшашларның табылуы. Кулга алынган кешенең документы булмаса, исемен әйтмәсә, тиз арада кемлеген ачыклауда ДНК анализы ярдәмгә киләчәк.
Криминалистлар бу соңгы фаразга игътибарлырак карый: бәлки аларны исән килеш тапканнардыр да, кемлекләре тулысынча ачыкланганчыга кадәр әйтми торалардыр.

Фото: соцсети

Чыганак: ufa.kp.ru

Запись Луизага охшаш кешене тапканнар дигән фараз бар впервые появилась Tatar Today - татар яңалыклары..

Луиза һәм аның гаиләсе әтисенең гаражында качып яткан?..[видео]

irina — Wed, 26 Jun 2019 05:15:06 +0000

Банктан зур сумма акча урлап югалган Луиза Хәйретдинованы гаиләсе белән “Рено Дастер” машиналарына утырып качканнар дигән фараз булган иде. Ләкин, тикшерүләр нәтиҗәсендә, 2017елда бурычларын түләү өчен “тимер ат”ларын ломбардка биргәннәре билгеле булды.

Ә бүген оперативниклар көтелмәгән табышка юлыга: Луизаның әтисенең гаражын ачсалар, шул “Рено Дастер” килеп чыга. Өстәвенә, машина эчендә мендәр-юрганнар да була. Тикшерү эшен бу хәл тагын да катлауландыра…

Димәк, баштагы мәлдә бөтен халык аларны чит илдә итеп күзаллаган чорда Хәйретдиновлар 25 миллионнары белән машиналарында көн күргәннәр? Моны әтиләре белмәгәнме, дигән сорау туа. Юкса, ата кеше беренче көннәрдән үк, кара кайгыга батып, балаларының югалулары турында чаң сукты. Ә машина табылгач ул: “Мин гаражыма күптәннән кергәнем юк иде, анда машина барлыгын белмәдем”, – дип җавап биргән.

Хәйретдиновлар 2017 елда, чынлап та, бурыч түләү өчен ломбардта булганнар, ләкин тимер атларын калдырмаганнар, ә аның документын (ПТС) тапшырган булганнар.
Хөрмәтле укучыларыбыз, сезнең дә фикерләрегезне беләсебез килә. Ничек уйлыйсыз, бу гаилә беренче көннәрдә машиналарында яшеренеп ятты микән, әллә мендәр-юрганнар очраклы рәвештә, башка сәбәпләр белән машинага килеп эләккәнме?

Фото: life.ru/

Чыганак: life.ru/

Запись Луиза һәм аның гаиләсе әтисенең гаражында качып яткан?..[видео] впервые появилась Tatar Today - татар яңалыклары..

23 миллион урлап юкка чыккан кассирга бәйле яңалык бар

irina — Tue, 18 Jun 2019 05:00:51 +0000

Башкортстанның Эчке эшләр министрлыгы 23 миллион урлап юкка чыккан хатынның балаларын эзләү игълан иткән.

Хәзер полиция хезмәткәрләре 12 яшьлек Регина белән 8 яшьлек Елена Хәйруллинаны эзлиләр, дип хәбәр итә proufu.ru.

Элегрәк миллионнар урлаган Луиза Хәйруллинаның әтисе аларның гаиләләре югалу турында хәбәр иткән. Ике балаларын алып, ир белән хатын 27 май иртәсендә юкка чыккан иделәр. Хәзер әлеге факт буенча тикшерү һәм эзләү эшләре дәвам итә.

Фото: proufu.ru

Мәгълүмат Шәһри Казан сайтыннан алынды

Запись 23 миллион урлап юкка чыккан кассирга бәйле яңалык бар впервые появилась Tatar Today - татар яңалыклары..

Банктан 23 миллион акча белән югалган кассирның инстаграм бите табыла [фото]

Гузель — Thu, 06 Jun 2019 09:59:11 +0000

//Tatar today//

“Россельхозбанк” кассасыннан 23 миллион сум акча белән югалган Луиза Хәйруллинаның “Инстаграм”да бите табыла. Анда бер шәһәр фотосы һәм машинада төнлә бару мизгеле сториска кертелгән. Кайберәүләр моның чын булуына шикләнән, кайберәүләр ышанып фикерләр яза, полициягә барып гаепне танырга чакыра. Берәүләр ниһаять банкны да кирәкле урынга утыртучы табылды дип яза.

Әлеге битнең хуҗасы фото астына берничә җөмлә дә язып куя.

“Хәерле көн. Кемгә безнең язмыш кызыклы, безнең белән барсы да әйбәт. Бу биткә пычрак сүзләр язмавыгызны сорар идем. Барлык башка фотоларны бетерергә туры килде, үзебезнең кайдалыкны мин әйтә алмыйм”, диелә Луиза Хәйруллинаның “Инстаграм”дагы ахыргы постында.

https://www.instagram.com/p/ByKAglRpYy2/

Бу хакта хәбәрләр тарала башлагач, бераздан инстаграм бите югалды, хуҗасы аны бетергән дигән язу чыга.

23 миллион скмнар белән югалган ханым Таҗикстанга качкан булырга мөмкин дип фаразлыйлар. Белгечләр Хәйруллинаның банктан акча урлау операциясе җентекләп уйланылган һәм Таҗикстанда туып үскән ире Марат ярдәме белән башкарылган дип саный. Качкыннар үзләре белән балаларын һәм якыннарын алып, Маратның туган ягына юл тоткан булуы ихтимал.

Исегезгә төшерәбез, 27 май эш көне азагында, банкта кассир булып эшләүче Луиза Хәйруллина, зур суммада акча алган. Яшәү урыны буенча Луиза үзе дә, ире дә, балалары да табылмаган.

Хайруллинар гаиләсе, юкка чыкканчы, машиналарын саткан. Моннан тыш, Луизаның кызлары гаиләләре белән “җылы диңгезгә” китәргә теләве турында сөйләгән була.

Шулай итеп, Башкортстан республикасы, Салават шәһәрендә яшәгән Луиза Хәйруллина әлегә кадәр тотылмаган. Аңа карата зур күләмдә акча үзләштерү маддәсе буенча җинаять эше кузгатылган, аңа 10 елга кадәр ирегеннән мәхрүм ителү куркынычы яный.

LIFE.RU

Запись Банктан 23 миллион акча белән югалган кассирның инстаграм бите табыла [фото] впервые появилась Tatar Today - татар яңалыклары..