Архивы агу - Tatar Today - татар яңалыклары.

Ни сәбәпле ана үз баласына агу биргән?

Alina — Sun, 29 Mar 2020 10:04:49 +0000

Бу җан тетрәндергеч хәл Чиләбе өлкәсендә булган. 20 март көнне дәваханәгә эч авыртуы белән 7 яшьлек кыз бала эләккән. Табиблар тикшерүләр үткәргәч, балага агу биргәннәрен ачыклаган. Әлеге вакытта ул дәваханәдә реанимация бүлегендә.

Полиция хезмәткәрләре ачыклавынча, агуны балага әнисе ризыкка кушып биргән. Аны өч көн элек исерек килеш фатирында тоткарлаганнар. Ул анда кешеләр җыеп яткан. Хатын белдергәнчә, балага агуны сүз тыңламаганы өчен биргән.

Хәзер хатынны ата-ана хокукларыннан мәхрүм итәчәкләр.

Мәгълүмат Кызыл Таң

Запись Ни сәбәпле ана үз баласына агу биргән? впервые появилась Tatar Today - татар яңалыклары..

Тагын бер популяр ютәл даруы куркыныч тудыра. Дарумы ул, агумы?

Лейла — Fri, 30 Aug 2019 16:54:05 +0000

Аның аеруча йөрәккә зыянлы булуы ачыкланган.
Русиянең Сәламәтлек саклау министрлыгында илнең даруханәләреннән тагын бер ютәл даруын — “Фармаспал”ны сатудан алырга карар иткәннәр.

“Фармаспал” препаратында йөрәк өчен куркыныч тудыручы фенспирид матдәсе булуы ачыкланган. Франция белгечләре фенспирид матдәсенең зыянлы булуын, аның йөрәк ритмын бозуга, хәтта, йөрәк туктауга китерергә мөмкинлеген исбатлаганнар.

Агымдагы елның 14 августында “Фармаспал” сиропы дәүләт реестрыннан чыгарылган. Элегрәк сатудан “Эреспал”, “Эпистат”, “Эриспирус” дарулары алынуы турында хәбәр ителгән иде.

Чыганак: Кызыл таң

Запись Тагын бер популяр ютәл даруы куркыныч тудыра. Дарумы ул, агумы? впервые появилась Tatar Today - татар яңалыклары..

Татарстанның иң агулы “незамерзайка” исеме билгеле

Редактор1 editor1 — Fri, 13 Jan 2017 11:22:46 +0000

13 гыйнварда Русия Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтенең Татарстан буенча идарәсе башлыгы урынбасары Марина Трофимова “Татар-информ” агентлыгында уздырылган матбугат конференциясендә Татарстанда сатылган туңмый торган пыяла югыч сыеклыклардан сәламәтлек өчен иң куркыныч булганын атады.

Апаста шәхси эшкуар Фәйзуллинаның “Автозапчасти” кибетендә яшел төстәге “Super Tech -30С” ул. Аның составында метанол рөхсәт ителгән чиктән 902 тапкырга артык. Җитештерелү урыны – Владимир өлкәсе Петушки районы Новое Аннино авылы.

Спикер сүзләренчә, әлеге федераль күзәтчелек органы хезмәткәрләре Татарстан буенча азык-төлеккә кермәгән спиртлы сыекчалар әйләнешен күзәтү кысаларында 102 тапкыр тикшерү уздырган. Хилафлыклар 44 сәүдә урынында фаш ителгән. Сайлап алынган 72 пробаның 27сендә метанол 58 тапкырдан 902 мәртәбәгә артык булган.

Нормативларга туры килмәгән “незамерзайка”ларны республикага Владимир өлкәсеннән (5 проба таләпләргә туры килмәгән) генә түгел, Мәскәү (14) һәм Мәскәү өлкәсеннән (6), Ульяновск һәм Түбән Новгород өлкәләреннән (1әр проба) дә ташыганнар. Метил спирты нормативларга туры килмәгән 675 литр продукция булуы ачыкланган. Шушы очраклар буенча административ хокук бозу турында 30лап беркетмә төзелгән. Калган очраклар буенча административ-процессуаль эшләр башкарыла, диде Марина Трофимова.

Татар-информ

Запись Татарстанның иң агулы “незамерзайка” исеме билгеле впервые появилась Tatar Today - татар яңалыклары..