Архивы Алабуга - Tatar Today - татар яңалыклары.

Татарстанда югалган бала табылган, тик…

Алсу Мансурова — Thu, 08 Apr 2021 06:35:03 +0000

Татарстанның Алабуга районында суга баткан 8 яшьлек малайның мәете табылган.

Бүген иртәнге җидедә 5нче Эзләү һәм коткару отряды коткаручылары һәм Liza Alert волонтерлары Юраш елгасы яры буенда югалган баланың мәетен тапкан.

Һәлак булган баланың мәетен полиция хезмәткәрләренә тапшырдылар. Малайны зләүдә 61 кеше катнашкан.

Чыганак: "Татар-информ" МА

Запись Татарстанда югалган бала табылган, тик… впервые появилась Tatar Today - татар яңалыклары..

Алабугада 14 яшьлек кыз 5 нче каттан егылып төшеп, һәлак була

Alfia — Wed, 14 Aug 2019 15:28:58 +0000

13 август Алабугада 22.00 сәгатьтә фаҗига була. 14 яшьлек кыз 5 нче каттан егылып төшә. Алынган җәрәхәтләрдән ул шунда ук үлә.

Чыганакларга караганда, кыз балигъ булмаганнар белән эшләү буенча исәптә торган. Һәлакәт Нефтьчеләр урамындагы 12 нче йортта булган.

Хәзерге вакытта вакыйга буенча тикшерү бара.

Мәгълүмат: tve24.ru

Запись Алабугада 14 яшьлек кыз 5 нче каттан егылып төшеп, һәлак була впервые появилась Tatar Today - татар яңалыклары..

Алабуга мәдәният һәм сәнгать көллияте студентлары бай булулары белән мактана [видео]

Редактор1 editor1 — Thu, 23 Mar 2017 11:43:18 +0000

Алабуга мәдәният һәм сәнгать көллияте студентларының “N.V. I. B.” төркеме HIP-HOP стилендә клип төшергән. //Tatar Today//

Бу төркемнең җитәкчесе Инсаф Әлмөхәмәтов әйтүенчә, шундыйрак клипны күптән түгел Минзәлә театры артистларының “”TATARY” төркеме төшергән булган. Егетләр «Татарка – Алтын», ягъни Ира Смелаяның клибына җавап-пародия ясаганнар. Клипны Ютуб каналында 8 млн артык кеше караган.

Әлеге ике төркем үзара тыгыз элемтәдә тора, иҗади фикерләре белән уртаклаша.

Запись Алабуга мәдәният һәм сәнгать көллияте студентлары бай булулары белән мактана [видео] впервые появилась Tatar Today - татар яңалыклары..

“Уянып китеп, ишегалдына чыктым да тавыш ишеттем: яңгыр ява дип торам. Ишекне ачсам, ут ялкыны!”

Редактор1 editor1 — Mon, 06 Mar 2017 16:44:33 +0000

Бәла агач башыннан йөрми, кеше башыннан йөри. Алабуга районының Бехтерево авылында килеп чыккан янгын нәтиҗәсендә 6 кешелек гаилә йорт-җирсез калган. Бәхеткә, зыян күрүчеләр юк, барысы да исән-сау. Тик 3 нарасый гына хәзер торыр урынсыз…//Интертат//

Янгын иртәнге 5 ләр тирәсендә башлана. Беренче булып хуҗабикә уяна.

“Уянып китеп, ишегалдына чыктым да тавыш ишеттем: яңгыр ява дип торам. Ишекне ачсам, ут ялкыны! Тизрәк иремне һәм балаларымны уяттым”, – ди Любовь Вдовина.

Хокук саклау органнары вәкилләре янгынның ут төртү нәтиҗәсендә килеп чыгуын ачыклаган һәм бу кырын эштә хуҗабикәнең 32 яшьлек элеккеге ирен шикләнгән. Ул үзенең элеккеге хатынын һәм аның 2 кечкенә баласын гына түгел, бер бала белән биредә яшәүче хатынының сеңлесен, аларның олы яшьтәге әти-әниләрен торактан мәхрүм иткән.

Янгын нәтиҗәсендә йорттан да, сарайдан да берни калмаган. Барысы да янып беткән. Хуҗалар бары документларын гына алырга өлгергән.

Ут төртүдә шикләнүче ир үз гаебен таныган. Янгыннан зыян күрүчеләр әлегә танышларында яшәп торачак. Әмма алар кием-салым, балалар исә уенчыкларга мохтаҗ.

Запись “Уянып китеп, ишегалдына чыктым да тавыш ишеттем: яңгыр ява дип торам. Ишекне ачсам, ут ялкыны!” впервые появилась Tatar Today - татар яңалыклары..

Татарстанда 11 айлык сабый үлгән янгынның сәбәпләре билгеле булды [фото]

Редактор1 editor1 — Thu, 18 Aug 2016 00:58:52 +0000

Алабуга районының «Нефтехимик» бакчачылык ширкәтендә чыккан янгында 11 айлык бала үлү факты буенча тикшерү бара, дип хәбәр итә Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий.

Исегезгә төшерәбез:янгын 16 августта көндез чыга. өйдә 31 яшьлек хатын-кыз һәм аның 8, 6 яшьлек, 11 айлык өч улы булган. Төпчек улы аерым бүлмәдә йоклаган. Ана һәм олы малайлар сабый яткан бүлмә ишеген ача алмаган, чөнки пластик эреп төшкән. Тәрәзә аша чыгарганга олы малайлар исән калган, ә кечкенәсе янып үлгән. Ана үзе тын юлы пешү җәрәхәтләре белән госпитализацияләнгән.

Россия Гадәттән тыш хәлләр министрлыгының Татарстан буенча Баш идарәсе матбугат хезмәте җитәкчесе Андрей Родыгин хәбәр итүенчә, янгын электр үткәргечендәге кыска ялганыштан чыккан. Йорт хуҗабикәсе 90нчы елларда төзелгән бу өйне җиде ел элек сатып алганнарын әйтә. 2010 елда электр үткәргечләрен алыштыралар. Ул эшне бер ир-ат башкара, ханым аның исемен белми. Зыян күрүчеләрнең күршеләре урамда еш кына электр көчәнешенең уйнаклавын әйтәләр, сәбәбен исә янәшәдә төзелә торган фонтан, дип аңлаталар.

Хәзерге вакытта Тикшерү комитеты тикшерүчесе тарафыннан суд-медицина һәм янгын-техник суд экспертизасы үткәрү билгеләнгән. Килеп чыккан хәлнең сәбәпләре ачыклана. Нәтиҗәләр буенча процессуаль карар кабул ителәчәк.

Татар-информ

Запись Татарстанда 11 айлык сабый үлгән янгынның сәбәпләре билгеле булды [фото] впервые появилась Tatar Today - татар яңалыклары..

Татарстанда ана кеше балаларын караусыз калдырып өч көнгә китеп барган

Редактор1 editor1 — Fri, 29 Jul 2016 11:36:46 +0000

Алабуга районының Олы Шүрнәк авылында яшәүче ана кеше кечкенә балаларын өч көнгә караусыз калдырып, Алабугага китеп барган.

Мәктәп яшендәге балаларның берүзләре булуын күргән авылдашлары чаң суга башлаганнар, дип хәбәр итә Алабуга эчке эшләр бүлеге.

Бу хатын-кызның дүрт баласы бар, үзе белән шәһәргә ул ике һәм дүрт яшьлекләрен алып киткән, ә 8 һәм 9 яшьлек ике малаен өйдә калдырган.

“Малайлар үз-үзләренә ашарга пешергәннәр, этне ашатканнар һәм хәтта кәҗә дә сауганнар. Балалар хәзер приютка урнаштырылган. Ата-ана вазифаларын тиешле дәрәҗәдә үтәмәгән 31 яшьлек хатын-кызга протокол төзеләчәк. Балаларны өйләренә кайтару-кайтармау мәсьәләсен балигъ булмаганнар эшләре буенча комиссия хәл итәчәк”, ди инспектор Любовь Бикмуллина.

Үзенең бу гамәлен ана кеше олы балаларына билетка акчасы җитмәү белән аңлаткан. Балаларны ул берүзе тәрбияли.

Татар-информ

Запись Татарстанда ана кеше балаларын караусыз калдырып өч көнгә китеп барган впервые появилась Tatar Today - татар яңалыклары..

Алабугадагы юл һәлакәтендә “Ока” машинасы икегә “өзелгән”. Зыян күрүчеләр бармы? [фото,видео]

Редактор1 editor1 — Fri, 01 Jul 2016 11:31:36 +0000

Юл-транспорт һәлакәте бүген Алабуга районында, Тугарово – Окружная чатында, булган.

Юл чатында FORD TRANZIT вахта автобусы “Ока” машинасы белән бәрелешкән. Һәлакәт икенчел дәрәҗәдәге юлдан чыгып килүче FORD TRANZIT машинасының, төп юлдан җилдерүче “Ока”га юл бирмәве аркасында килеп чыккан.

Бәрелеш шулкадәр көчле булган ки, “Ока” машинасы икегә “бүленгән”. Бәхеткә, “Ока” машинасы йөртүче вак-төяк тән җәрәхәтләре белән генә котылган.

Интертат

Запись Алабугадагы юл һәлакәтендә “Ока” машинасы икегә “өзелгән”. Зыян күрүчеләр бармы? [фото,видео] впервые появилась Tatar Today - татар яңалыклары..

Чаллы-Алабуга арасында коточкыч юл һәлакәте үлемгә китерә [фото-видео]

Редактор1 editor1 — Wed, 01 Jun 2016 10:22:08 +0000

Юл-транспорт һәлакәте кичә, 31 майда, Чаллы белән Алабуга арасында булган иде. Социаль челтәрләрдә, кеше үлеменә китергән әлеге һәлакәтне төшереп алган видео пәйда булды.

ЮХИДИ хезмәткәрләре мәгълүматларына караганда, юл-транспорт һәлакәте Мәскәү-Уфа М7 “Волга” трассасының 1030 нчы чакрымында 7:45 сәгатьтә килеп чыккан. “МАЗ” машинасының төп юлдан баручы “КамАЗ”га юл бирмәве ачыкланган. Бәрелеш аркасында “МАЗ”ның кабинасы “өзелгән”, аның йөртүчесе – 60 яшьлек Чаллы кешесе үлгән. Ә “КамАЗ”ның йөртүчесе төрле тән җәрәхәтләре алган.

Запись Чаллы-Алабуга арасында коточкыч юл һәлакәте үлемгә китерә [фото-видео] впервые появилась Tatar Today - татар яңалыклары..