Архивы булган хәл - Tatar Today - татар яңалыклары.

Иркә Ландыш Нигъмәтҗанова белән аңлашырга әзер

Рамиля Валиахметова — Tue, 28 Jul 2026 08:50:54 +0000

Татар эстрадасының популяр җырчысы Иркә Ландыш Нигъмәтҗанова белән дуслашырга, аңлашырга әзер булуын әйтте. Ләкин, аның сүзләренчә, теләге булса, беренче адымны Ландыш үзе ясарга, Иркәнең номерын табып, аңа шалтыратырга тиеш. Бу хакта ул үзенең язылучыларның сорауларына җавап биргәндә сөйләгән.

«Мин дуслык турында фикеремне әйтер идем. Гомумән, дуслык турында. Тик «Ландыш Нигъмәтҗанова белән сезнең дуслык» димәгез. Әйдәгез, ул әйберләрне онытабыз. Кирәк булса, ул теманы күтәрәсе килсә, Ландыш номерымны таба да, сөйләшәбез дә, проблема чишелә. Мин ул проблеманы күтәрә алам, әмма аның үзе белән бергәләп. Килсен, чөнки мин анда инде ничә еллар кара исемлектә. Мин Ландыш белән бер утырып сөйләшер идем», – дигән ул.

Җырчы үзенә каршы чыккан күп кешеләр белән күзгә-күз очрашып сөйләшүен дә әйтә. «Аларның 70-80 проценты елап-елап гафу үтенде. Мин риза, бөтен теләгән кеше белән дә аралашырга, сорауларны уртага салып сөйләшергә әзер», – дип белдерә ул.

ЧЫГАНАК: https://intertat.tatar/news/min-inde-nica-ellar-kara-isemlekta-irka-landys-nigmatanova-belan-anlasyrga-azer-5880200

Запись Иркә Ландыш Нигъмәтҗанова белән аңлашырга әзер впервые появилась Tatar Today - татар яңалыклары..

Сиринә Зәйнетдинованы танымаганнар

Рамиля Валиахметова — Tue, 28 Jul 2026 06:46:36 +0000

“Нишләргә инде хәзер?” – дип аптырашта калган ул.

Берничә көн элек Сиринә Зәйнетдинова үзенең “ВКонтакте” төркемендә үзенең чыгышы белән видеоязма куйган һәм анда болай дип язган:“Хәерле көн, кадерле тамашачыларым! Кичә шундый күңелле хәл булды минем белән. Яңа образларга кибеттә тукымалар эзлибез. Һәм мине сатучы апа танымады. Карап-карап торды да сорады: “Сез кем әле?” – ди. Мин әйттем: “Сиринә!” Ул: “Абау, җаным, нишләдең, син бит ярты гына калгансың!” – диде. Аптырашта калдым мин. Әле телевизор экранына сыймыйсың, диләр, инде хәзер бөтенләй танып булмый, диләр! Нишләргә инде хәзер?”

1.“Шул килеш кал, Сиринә, кеше сүзенә карама, без сине бик яратабыз һәм хөрмәт итәбез, мин сезне таза килеш яратам”,

2.“Нинди барсыз, шулай яратабыз, исән-сау яшәгез, жырлагыз”. – бу комментарийларны ир-атлар язган.

Аларга җырчының хатын-кыз язылучылары да кушылган.

3.“Сиринәкәебез, нинди булсаң да бик яратабыз үзеңне, җырларыңны тыңлап туеп булмый, моңлы сандугачыбыз. Сау-сәламәт, бәхетле бул!”,

4.“Хәерле кичләр, Сиринә! Бигрәк мэгънәле матур җырлар җырлыйсың, исән-сау бул. Кайчан Әлмәт якларында котәргә сезне?”

5.“Тагын да нәфисрәк булырга тырышырлык урын бар, ә җырларыңа килгәндә, барысын да бик матур итеп башкарасың”.

6.“Нишлисең килә, сеңлем, шуны эшлә. Без сине любой образда яратабыз, хормәт итәбез, уңышлар, исәнлек сиңа!”

7.“Сиринә! Сине төрле килеш яратабыз, моңлы сандугач! Жырла гына, моңыңны тарат!”

ЧЫГАНАК: https://omet-rb.com/news/yoldyzlar-tormyshynnan-/2026-07-27/sirin-z-ynetdinovany-tanymagannar-4764034

Запись Сиринә Зәйнетдинованы танымаганнар впервые появилась Tatar Today - татар яңалыклары..

Рафис Кәлимуллин: «Коточкыч бу, дусларым, коточкыч…»

Рамиля Валиахметова — Mon, 29 Jun 2026 10:14:13 +0000

Җырчы Рәфис Кәлимуллинның, Башкортстан якларына барып чыккач, автозаправкалардагы хәлләрне күреп, исе киткән. Артистның сүзләреннән аңлашылганча, кайбер заправкаларда бензин юк. Ә булганына машиналардан озын чират тезелгән. Өстәвенә бәясе дә, җырчы үзе әйтмешли, «ат бәясе».

-Коточкыч, дусларым, коточкыч. Бигрәк ажиотаж. Кыскасы, Башкортстанда бензин беткән. Без Борайда, трассадан әйләнеп килеп кердек.

Бөтен чиратның алдыннан үтеп, ат бәясенә… Кыйнап үтерәләр безне хәзер, тизрәк китәргә кирәк. Мишәрлек менә шундый җирдә кирәк инде ул. Минем намус беләсеңме кайчан бетте, мәктәптә ашарга өстәмә ипи сораганда, – дип көлгән җырчы.

Ә сезнең якларда ягулык белән хәлләр ничегрәк?

ЧЫГАНАК: https://intertat.tatar/news/rafis-kalimullin-kotockyc-bu-duslarym-kotockyc-5879870

Запись Рафис Кәлимуллин: «Коточкыч бу, дусларым, коточкыч…» впервые появилась Tatar Today - татар яңалыклары..

Бер хатын-кыз урамда бәби тапкан

Рамиля Валиахметова — Wed, 10 Jun 2026 10:38:44 +0000

Новосибирск шәһәрендә бер хатын-кыз баласын урамда тудырган.

Төбәкнең Сәламәтлек саклау министрлыгы әлеге мәгълүматны раслады, дип хәбәр итә “РИА Новости”.

Телеграм-каналлар шәһәрнең Ленин районында Вертковская урамындагы йортлар арасында җирдә бер хатын-кызның бала табуы турында язганнар. “Урамда бала табучыга ашыгыч ярдәм чакыртылган. Пациентның хәле табиб сере булып кала”, – дип аныклап үтелгән Новосибирск өлкәсенең Сәламәтлек саклау министрлыгында.

ЧЫГАНАК: https://vatantat.ru/news/ber-xatyn-kyz-uramda-babi-tapkan-115890

Запись Бер хатын-кыз урамда бәби тапкан впервые появилась Tatar Today - татар яңалыклары..

“Башкорт хуҗабикәсе” гадәти булмаган образда чыккан

Рамиля Валиахметова — Wed, 10 Jun 2026 10:32:23 +0000

“Башкорт хуҗабикәсе” язылучыларын гаҗәпләндергән.

Танылган блогер алдында гадәти булмаган образда чыккан. Ул 46 ел эчендә беренче тапкыр үзенә тоташ су коену костюмы сатып алуын хәбәр иткән. Миләүшә Шәйхлисламова хәзер Төркиядә ял итә һәм матур образлары белән язылучыларны даими гаҗәпләндерә. – Сезнең тәкъдимегез буенча тоташ су коену киемнәре киеп йөрим. Ябыккан саен, шундый кием киям. “Пончик” булганда, бикини киеп йөри идем, үземнең матур, сусыл түгәрәк гәүдәмне, матур корсагымны күрсәтә идем. Ә хәзер минем тирем салынып төшкән, ямьсез булып асылынып тора, шуңа күрә тоташ су коену костюмы сатып алырга туры килде”, – ди блогер. Әйткәндәй, ачык кызыл купальник аңа бик килешә, аның яңа фигурасын ассызыклый.

ЧЫГАНАК: https://omet-rb.com/news/bolar-kyzykly/2026-06-10/ponchik-bulganda-bikini-kiep-y-ri-idem-4716450

Запись “Башкорт хуҗабикәсе” гадәти булмаган образда чыккан впервые появилась Tatar Today - татар яңалыклары..

Ришат Төхвәтуллин күңелсез хәлгә юлыккан

Рамиля Валиахметова — Sun, 07 Jun 2026 11:47:23 +0000

Кичә Буага Сабантуйга кайтканда Ришат Төхвәтуллинның машинасының тәгәрмәче шартлаган.

«Менә дуслар Буага барып җитә алмадык. Ходай саклады. Покрышка шартлады», – дип сөйли сториста җырчы.

Социаль челтәрләрдә Сабантуйда булган халык тарафыннан аның соңга калып чыгыш ясавына карата ризасызлыклар ишетелде. Баксаң, җырчының соңга калуының сәбәбе аңлатылмаган булган бугай.

«Бу бик кечкенә нәрсә кебек, покрышка шартлаган – ни инде ул. Тик бу хәл юлда барганда булгач, көлке түгел. Бу мизгелдә бер генә уй: ничек тә туктарга кирәк. Бик куркыныч хисләр.

Аллаһка шөкер, беркем зыян күрмәде. Әйе, без Буага соңга калып килдек, тик бу шундый кечкенә мәсьәлә, нәрсә була алу белән чагыштырганда», – дип яза ул.

ЧЫГАНАК: https://intertat.tatar/news/bua-saban-tuena-kaitkanda-risat-toxvatullin-kunelsez-xalga-yulykkan-5879644

Запись Ришат Төхвәтуллин күңелсез хәлгә юлыккан впервые появилась Tatar Today - татар яңалыклары..

“Мин шок хәлендә…”

Рамиля Валиахметова — Fri, 05 Jun 2026 10:18:33 +0000

Башкортстанның атказанган артисткасы Гөлназ Асаева гаҗәеп яңалыгы белән уртаклашты.

Аның социаль челтәрләрдәге битендә Филипп Киркоров үзе пәйда булган. Русиянең халык артисты җырчыга язылып кына калмаган, ә аның бер видеосы астында шәрехләр дә калдырган.

Кыска гына роликта Гөлназ, шаяртып, үз кул астындагыларны шелтәли.

“Ни өчен пиротехника кушылмады? Минем җавапны хәзер үк беләсем килә!” – дип ачулана артистка ясалма кырыслык белән.

Әмма чын сюрприз Асаеваны соңрак көткән, Киркоров үзе бу пост астында реакция калдырган һәм кул куйган.

“Мин шок хәлендә”, — диде Гөлназ, гаҗәпләнүен яшермичә.

Хәер, Филипп видео астына шәрехне очраклы гына калдырмаган булып чыкты. Ролик Киркоров концертларының берсендә булган реаль вәзгыятькә пародия. Аның номеры вакытында пиротехник җайланмалар чыннан да техник сәбәпләр аркасында эшләмәгән. Команда әгъзалары булган хәлне сигналның тоткарлануы белән аңлатырга тырышып караган, ләкин бу артистны ул вакытта ярсыткан гына. Шуңа карамастан, соңрак Филипп үз командасыннан кискен булуы өчен гафу үтенгән. Ә хәзер, күрәсең, Башкортстандагы коллегасының шул эпизодка пародиясен юмор белән бәяләгән.

ЧЫГАНАК: https://kiziltan.ru/articles/kultura/2026-06-03/min-shok-h-lend-4708328

Запись “Мин шок хәлендә…” впервые появилась Tatar Today - татар яңалыклары..

“Мунчага мәрхүм туганнарны чакырган идек…”

Рамиля Валиахметова — Thu, 04 Jun 2026 08:09:09 +0000

“Ул төн безгә зур кайгы алып килде”.

Мариларда шундый гореф-гадәт бар, искә алу көне алдыннан мунча ягып мунча керергә кирәк. Ә аннан соң төнгә мунчага үлгән туган-тумачаларны юынырга чакыралар. Төнгә алар өчен себерке, табак белән су, сабын белән мунчала калдыралар. Әмма шуннан соң мунчага ул көнне кире ишек ачып керергә ярамый.

Күршеләрдә яшь гаилә яши иде. Алар яшь булгач, гореф-гадәтләргә исләре китми иде. Ышанмыйлар иде мондый әйберләргә. Боларга менә шул көнне (Илья көне дип йөртәбез) бабалары кайта. Мунча яга. Бөтенесе дә юынып чыгалар. Аннан соң бабалары әйтә: хәзер мунчага башка керергә ярамый бүген, уйлап та карамагыз ишеген ачарга, ди. Мин үлгән туганнарны чакырдым, бу изге көн алдыннан юынсыннар, ди. Ә кияве көлеп, юк-бар белән мавыгып йөрмә әле, ди.

Һәм менә төн уртасында боларның кызларының бәдрәфкә чыгасы килә. Ул әнисен уятып, алар бергә чыгалар. Хәзер кызы сөйләгәнен язам: мунча яныннан үтеп барабыз шулай, ә анда тавышлар ишетелә. Көлешәләр, чабынган тавышлары ишетелә. Ә әни кызыксынып кереп карарга булды. Мин ярамый, кермә, бабай кермәскә кушты бит, дим. Ә ул миннән кулын тартып алып кереп китте. Минут та үтмәде әнинең бик каты кычкырганы ишетелде. Мин ишекне ачмакчы булам, ләкин анда кемдер эчтән ачарга бирми. Тизрәк өйгә йөгердем ярдәм сорарга. Бабай белән әти йөгерделәр мунчага. Ишеген ачтылар, ә анда әни идәндә ята. Күзләре, авызлары шар ачык. Йөрәк тибешен тикшерделәр. Пульс юк. Врачлар шок хәлендә үлгән, диделәр дип сүзен тәмамлады.

ЧЫГАНАК: https://kiziltan.ru/articles/donja/2026-06-03/munchaga-m-rh-m-tugannarny-chakyrgan-idek-4708625

Запись “Мунчага мәрхүм туганнарны чакырган идек…” впервые появилась Tatar Today - татар яңалыклары..

Айрат Закиров үзенең кыланмышлары өчен гафу үтенгән

Рамиля Валиахметова — Tue, 02 Jun 2026 12:03:57 +0000

Саксафончы, сәхнәдә бии-бии уйнавы белән аерылып торучы музыкант Айрат Закиров гафу үтенгән. Соңгы вакытта Айрат үзен җырчы буларак та, пародияләр остасы буларак та сынап караган иде. Баксаң, аның бу кыланмышлары кайбер кешеләрнең ачуын китергән икән. Музыкант үзе пародияләр ясаган артистлардан да, язылучыларыннан да гафу сорый.

«Минем үземне начар тотканым өчен чын күңелдән гафу үтенәсем килә. Минем пародияләрем күңеленә тигән һәр кешедән. Алга таба андый әйберләрне эшләмәячәкмен. Бары тик сәхнәдә генә тилерергә уйлыйм.

Мин аңлыйм – дөрес эшләмәдем. Соңгы 3 айдагы мавыгуларым аркасында миңа бик күп негатив ишетергә туры килде. Мин алга таба болай эшләргә ярамаганны аңладым. Дөрес, минем бу кыланмышларымны хуплаучылар, «алга таба да дәвам ит» дип әйтүчеләр дә булды. Рәхмәт, ләкин башка алай эшләмәячәкмен.

Миңа берәү дә шалтыратмады, кәнәгатьсезлек белдермәде. Ләкин башкалар аша әлеге артистларның миңа үпкәләгәнен ишеттем. Һәрберсе алдында шәхсән гафу үтенәм. Минем өчен көлке һәм юмор булып тоелган әйберләр, төрлечә кабул итүләре аркасында, башкаларга кызык булмаска да мөмкин икән, – дигән ул.

ЧЫГАНАК: https://intertat.tatar/news/airat-zakirov-uzenen-kylanmyslary-ocen-gafu-utengan-5879578

Запись Айрат Закиров үзенең кыланмышлары өчен гафу үтенгән впервые появилась Tatar Today - татар яңалыклары..

“Синдә кызлар кайгысы…”

Рамиля Валиахметова — Fri, 29 May 2026 08:34:25 +0000

Җырчы Фирдүс Тямаев төркеме күңелсез хәлгә тарыган.

Мәскәүгә барышлый машиналарының бензины бетеп, алар ярты юлда торып калган. Берәү булса, машина йөртүчесен гаепләр, эттән алып эткә салып сүгәр иде. Тямаев исә бу хәлне көлкегә генә борган, дип яза “Интертат”.

Дуслар, бүген иртәнге дүрттә чыккан идек Мәскәүгә барырга. Ну шофер шәп минем, шуңа трассада калдык. Нәрсә дип әйтим инде… – ди ул.
Кермәдек бит беренче заправкага, ошамады бит, – дип акланмакчы була йөртүчесе.
Төне буе кызлар янында йөргәч, синдә заправка кайгысы түгел шул. Заправкага барып җитәргә 14 чакрым калган иде бит, 14! Әйдә, җәяү барабыз, ябыгырбыз азрак. 14 чакрым нәрсә инде ул безгә. Әй, юләр, – дип көлгән шоферыннан җырчы.

Ләкин төркемгә трассада озак утырырга туры килмәгән – ярдәмгә җырчының дуслары бик тиз килеп җиткән.

«И, булдыра да инде үзе. Берәү булса, котырыр иде. Безнең Фирдүсебез һәр нәрсәдән ямь таба белә»;

«Баш эшләмәсә, аяк йөри булган инде бу», «Хуҗасы нинди, шоферы да шундый», – дип язганнар видео янында. «Кереп чәй эчеп чыгыгыз», – дип, җырчыны кунакка чакыручылар да бар.

ЧЫГАНАК: https://intertat.tatar/news/tone-bue-kyzlar-yanynda-iorgac-firdus-tyamaev-torkeme-belan-yulda-tuktap-kalgan-5879505

Запись “Синдә кызлар кайгысы…” впервые появилась Tatar Today - татар яңалыклары..