– Динә, бүген сезне шактый югалып торганнан соң кабат күрдек. Тагын Казанда, Татарстанда чыгыш ясарга планнарыгыз бармы?

– Минем бик күп чараларым әзерләнә. Якын тирәдә нәрсә булачак соң әле, искә дә төшерә алмыйм. Нигездә, мин альбомга җырлар яздыру белән мәшгульмен. Яңа җырлар яздырабыз һәм көзгә яңа альбом чыгарырга ниятлибез. Анда гел яңа композицияләр генә керәчәк. Алар минем тыңлаучыларыма-тамашачыларыма ошар дип уйлыйм. Эш бик күп. “Сольный” концертка да әзерләнәбез. Алар, мөгаен, шул альбом чыгу хөрмәтенә булыр.

– Казанда “сольник” куячаксызмы?

– Әйе, әлбәттә. Альбом әзер булуга Россия буйлап концерт турын планлаштырачакбыз. Казанны берничек тә калдыра алмыйбыз.

– Динә, “Голос”тан соң сезнең тормыш ничек үзгәрде?

– Үзгәрешләр күз алдында дип уйлыйм мин. Барысы да үзгәрде. Үз өстемдә эшләү дәрәҗәсе үзгәрде. Музыка белән күбрәк шөгыльләнә башладым. Күп вакытымны автор-композитор буларак сынауга багышлыйм. Мин хәзер күбрәк шушы юнәлештә эшлим. Үзгәрешләр дигәннән, мин хәзер илнең зур мәйданнарында чыгыш ясый алам. Төрле шәһәрләргә чакыралар. “Голос”ка кадәр боларның берсе дә юк иде.

– Тышкы кыяфәтегез дә үзгәрде. “Голос”тагы тулы гәүдәле кыз бөтенләй юк хәзер. Ябыгуның сере нидә?

– Аның үзенчәлекле сере дә юк инде. Тормыш ритмы, яшәү режимы, өстенлекләр үзгәрде. Актив яши, дөрес туклана башладым. Бу мода гына түгел, чыннан да уңайлы икәнен аңладым. Үземне яхшырак хис итә башладым. Шуның аркасында үземне эшкә күбрәк багышлый алам. Көчем күбәйде.

– Эльмира Кәлимуллина Казанда, Татарстан сәхнәләрендә еш күренә. Ә сезне күрмибез дә диярлек. Бу нәрсә белән бәйле?

– Минем татар мәдәниятен Татарстанда гына түгел, Мәскәүдә дә түгел хәтта, чит илләрдә танытасым килә. “Евровидение”га баргач, минем төрле илләр буйлап сәяхәт итү, төрле музыка тәкъдим итү мөмкинлеге туды. Шулай ук мин, гадәттә, татарча җырладым. Шул вакытта тамашачылардан уңай фикерләр ишеттем. Алар хәтта телне белмичә дә кызыксына башладылар. Шулай итеп безнең татар музыкасын чит илләрдә дә беләләр. Бу миңа бик ошый. Үзебезнең мәдәниятебез, телебез, музыкабыз турында сөйли, җиткерә алам.

– Сез бит әле кияүгә дә чыктыгыз. Хәзер кайда яшисез?

– Минем тормыш ике шәһәр арасында. Даниил Козловскийның шундый сүзләре бар: “Хәзер минем төп торыр урыным – өем юк”, – ди ул. Минем дә шундый очрак. Мин ике шәһәрдә – Яшел Үзәндә һәм Мәскәүдә яшим. Бу ике шәһәр минем өчен – үз өем. Беренчесендә мин туып үстем. Икенчесендә шулай ук күп вакытымны үткәрәм.

– Ирегез кайдан, Мәскәүдәнме?

– Юк, ирем Яшел Үзәннән.

– Әти-әниегез янына еш кайтасызмы?

– Тырышам. Шуңа күрә графигымны да бер атна әти-әни янында торырлык итеп планлаштырам.

– Ирегез Яшел Үзәндә яшиме?

– Ул да шулай сәяхәт итеп йөри. Шуңа күрә аның да төп йорты юк дияр идем.

Запись “Голос” проекты җиңүчесе Динә Гарипова ни өчен Татарстанда чыгыш ясамавын сөйли впервые появилась Tatar Today - татар яңалыклары..

Аларның урынын Дима Билан, Полина Гагарина, Григорий Лепс, Леонид Агутин алачак. Тагын бер сюрприз – проектка узган ел җиңүчеләрнең килүе дә көтелә.

Динә Гарипова, әлеге вакыйганы зарыгып көтүе турында инстаграм битендә дә язды.

“Яраткан проектыма кайтуыма бик шатмын. Барлык катнашучыларга  уңышлар телим. Кызык булачак”, дигән җырчы.

Как же приятно вернуться в эту атмосферу и вспомнить как все начиналось…? удачи всем участникам и их наставникам! Будет очень интересно! #Russia #thevoice5 #eurovision #garipova #dina #dinagaripova #динагарипова #голос #первыйканал

Фото опубликовано Дина Гарипова (@dinagaripova) Авг 28 2016 в 11:50 PDT

И снова на родном проекте! #Repost @voice1tv with @repostapp ・・・ Приветствуем Дину Гарипову! У нас в гостях – победители прошлых сезонов #голос! И они для вас готовят сюрприз! Юбилейный #Голос5 уже совсем скоро! 2 сентября на Первом канале сразу после программы “Время”!

Фото опубликовано Дина Гарипова (@dinagaripova) Авг 28 2016 в 4:57 PDT

Төп фото: ria.ru

Запись Динә Гарипова янә Голос тапшыруында! [фото] впервые появилась Tatar Today - татар яңалыклары..

Халыкара жюри татар телендә башкарылган җыр өчен 133 балл биргән. Динә быел Франциядә узачак халыкара OGAE Song Contest 2016 конкурсында Россия данын якларга җыена, дип хәбәр итә оештыручылар.

Татар-информ

Запись Динә Гарипова татар телендә җыр башкарып җиңү яулаган. впервые появилась Tatar Today - татар яңалыклары..