Татарстанның атказанган артисткасы, “Голос” тамашасы җиңүчесе, “Евровидение” катнашучысы Динә Гарипова “Күңел” җыры белән Russia Decides 2016 илкүләм сайлап алу конкурсында җиңү яулаган.
Халыкара жюри татар телендә башкарылган җыр өчен 133 балл биргән. Динә быел Франциядә узачак халыкара OGAE Song Contest 2016 конкурсында Россия данын якларга җыена, дип хәбәр итә оештыручылар.
