2009нче елларда Казаннан Мәскәүгә китеп барган татар дискотекалары йолдызы, популяр җырчы, легендар Алла Пугачева белән Владимир Кузьминның «никахсыз туган улы» Иван Пугачев, икенче төрле Исхак Хан белән соңгы тапкыр аралашканда, ул үзенең концертларында кешеләрне дәвалый башлавын, мондый сәләт аңа көтмәгәндә килүен сөйләгән иде.

Бу интервьюдан соң ярты еллап вакыт та узып киткән. Исхак Ханның тормышында нинди үзгәрешләр, яңалыклар барлыгын белү өчен, җырчы белән элемтәгә чыктык.

– Исхак Хан исәнмесез, соңгы сөләшүебездә «Сәхнәдә дәвалау концертларыннан соң бик арыйм, энергиям бетә» дигән идегез. Бүген дә бу сәләтегез белән эш итәсезме, концертыгызга килгән кешеләрне дәвалыйсызмы?

– Әйе. Алдашмыйм. Андый сәләтем бар. Ләкин мин аны кулланмыйм диярлек. Чөнки ул миңа кызык түгел. Мин бу турыда әйтәм, ләкин концертларда афишаламыйм. Бик танылган концерт агентлыгы миңа кешеләрне дәвалау максаты белән концертларга чыгарга тәкъдим итте. Мин баш тарттым. Әгәр мин авыруларны гына дәвалый башласам, иҗатымны яратып тыңлаучыларны югалтачакмын, ә миңа алар бик кадерле.

– Пугачева артыннан әле дә йөрисез кебек, бу эш сезгә нәрсәгә кирәк?

– Алла Пугачеваның “никахсыз туган улы” дигән исем алу ул, әлбәттә, пиар гына иде. Мин моны яшермим. Ләкин моңа халык ышанды. Мине кызганып, концертларыма хәтта көнкүреш кирәк-яраклары алып килүчеләр дә булды.

Алла Борисовна миңа барысын да эшләргә рөхсәт итә иде, мин хәтта аның тәрәзәсе каршында басып җырлар башкардым. Ләкин журналистлар аны минем белән аралашып, аңлашырга берничектә күндерә алмады.

Хәзер ул мине кабул итүен белдерде. Бу сенсация! Зур бүләк – Кипрда замок бүләк итте.

– Хәзер ниләр белән шөгыльләнәсез? Нинди яңалыкларыгыз бар? Нинди планнар корасыз?

– Хәзеге вакытта мин Мәскәүдә балалар радиосында продюсерлык бүлегендә эшлим, шулай ук гастрольләр белән дә чыгам, танылган рус эстрадасы җырчыларына җырлар язам. Төнге клубларда эшлим, үземнең яңа альбомымны чыгарырга уйлыйм. Бу көннәрдә Алла Пугачевага багышланган съемкаларда катнашам.

– 90 елларны сагынасызмы, ул вакытка кайтыр идегезме?

– Минем Татарстаннан ул вакытта китүемнең сәбәбе – продюсерлар булмауда иде. Һәр кеше булдыра алганча үзе үрмәләде. Миңа бу кызык булмый башлады.

Әлбәттә, мин ул вакытларны сагынам. Кызыгырак иде кебек. Кассеталар, CD, DVD дисклар сатыла иде. Хәзер барысы да интернетта. Шуңа күрә интернетта элек Казанда якыннан белгән  дусларны эзләп таптым, шунда аралашабыз. Сүз уңаеннан, 7-8 мартта Казанда булдым. Анда минем хакта документаль фильм төшерәләр.

Фото һәм видео: җырчының шәхси аккаунтыннан

Запись “Бу сенсация!” – Алла Пугачева Исхак Ханга Кипрда замок бүләк итә? [фото-видео] впервые появилась Tatar Today - татар яңалыклары..

Легендар Алла Пугачева белән Валерий Кузьминның “никахсыз туган улы” Иван Пугачев, икенче төрле Исхак Хан инде бик күп еллар Мәскәүдә яшәп иҗат итә. Күптән түгел җырчыда тамашачыларның авыруларын күреп, музыка ярдәмендә дәвалау сәләте ачылган.

Яман чир белән авырган сеңлесен күрсәтергә дип Краснодар ягына бер әбигә барган Исхак Ханга әлеге карчык: “Синең үзеңдә дә дәвалау сәләте ачылачак”, дип кайтарып җибәрә.

Бүген сеңлесе исән-сау һәм, дөрестән дә, җырчының шушы сәләте ачылып, гадәти тормышта, чынбарлыкта чагыла башлый. Концертына килгән кешеләр арасында нык авырый торганнарын сәхнәдә басып торган килеш тоемлый башлый ул. “Андыйларны ничек сизәсез, күрәсез?” дигән сорауга: “Алар залда кап-кара төен кебек күренәләр”, дип җавап бирде Исхак Хан.

“Җырлый торгач концерт ахырына таба бу кара төеннәр алсуланып, кайберләре бөтенләй юкка чыга”, ди ул. “Мондый дәвалау концертларыннан соң бик арыймын, энергиям бетә, ләкин кешеләргә музыка һәм җырларым ярдәмендә ихлас ярдәм итә алуым күңелемә җиңеллек бирә”, дип сөйләде безгә җырчы.

Сүз уңаеннан, бүген Исхак Ханны НТВ каналыннан күрсәттеләр. «ЧП. Расследование» тапшыруында Исхак Хан – Иван Пугачевның Алла Пугачева улымы-юкмы икәнлеген ачыкладылар. Видеоны сезгә дә карарга тәкъдим итәбез:

Запись Алла Пугачеваның “никахсыз туган улы” Исхак Хан кешеләр дәвалый башлаган [НТВ видеосы] впервые появилась Tatar Today - татар яңалыклары..

Заманында татар дискотекалары йолдызы булган җырчы Исхак Хан югалды. ”Исәнме икән ул?” дигән сораулар да таралып алды социаль челтәрләрдә. Заманында Исхак Хан турында журналист Данил Сәфәров: “Бар яхшы җырчылар, бар начар җырчылар һәм бар Исхак Хан” дигән иде. Мин 2009нче елда соңгы тапкыр аның белән күрешкән идем.  Ул Мәскәүгә китеп барды. ”Исхак Хан Казанда” дигәнне ишетү белән, аның белән элемтәгә кердем.

– Чын исемеңне язсам ярыймы?
– Юк, язма инде.Сер булып калсын.Исхак-хан икән-шулай булып калсын инде.

– Ярый, кайларда йөрдең син?
– 2009 елдан Мәскәүдә эшләдем.

– Нинди өлкәдә?
– Һаман шул шоу-бизнеста инде. Җырладым, чыгышлар ясадым.

– Син киткәндә Мәскәү продюсерлары чакыра дигән идең.
– Чакырдылар… Бари Алибасов миңа силикон күкрәкләр тагып “Екатерина беренче һәм фавориткалар” дигән төркем ясарга тәкъдим итте. ”Мин егет кеше Бари Каримович”, –  дидем мин. Витасның продюсеры Сергей Пудовкин 49 елга контракт төзергә теләде – коллыкка эләгәсем килмәде. ”Союз=Продакшн” студиясе эшләргә тәкъдим ясады. Беркем белән дә бәйләнмәдем.

– Син бит әле безнең Исхак-хан булудан тыш Иван Пугачев та. Алла Пугачеваның никахсыз “туган” малае…
– Әйе, андый проект та булды. Иван Пугачев исеме астында берничә русча диск та чыгардым. НТВ каналы зур тапшыру ясады бу турыда.

– Синең “Әни мин табылдым” дигән дискың чыккач, Алла Пугачева Казанга килгән чакта, аның янына барганыңны ишеткән булды.
– Әйе, ул Казан циркында чыгыш ясагач, “Мираж»  кунакханәсенә килде. Фойеда мин чыктам да: ”Әни,мин табылдым”, – дип алдына барып тезләндем.. .Шундый русча җырым да бар иде бит:
“Я все прощу, я все забуду мама,
Кристину ты в достатке воспитала…” дигән сүзләр белән…

– Ул ни диде?
– Әй,анысын әйтеп тормыйм инде… Пугачева белән телефоннан да шактый аралаштым мин. Мәскәүдә чакта, аның ул вакытта эшләгән “Алла” радиосына җырларымны да биреп әйләндердем. Ул Мәскәүдә яши торган йорт янына барып, гитарада уйнап, күп серенадалар да җырладым.

– Син – Казан малае. Татар сәхнәсе белән мавыгуың ничек башланды?
– Заманында, мин сәхнәгә Владимир Кузьмин җырларын тыңлагач кына килдем. Тора бара: ”Ә нишләп бездә, татарда, заманча җырлар юк” дип үзем иҗат итә, җырлый башладым.

– Владимир Кузьмин белән аралашкалап та тордың бугай син?
– Әйе.Очраша идек.Мин үземне Пугачева белән аның улы дигәч ул үпкәләде.

– Барлыгы ничә җырың бар?
– Йөздән артык инде. Дистәдән артык компакт-диск кына чыгардым. Хәзер менә “Аксу” студиясендә барлык җырларымны бергә туплап чыгарырга ниятләп йөрим. Берәр ай эчендә чыгар дип торабыз.

– Заманындагы нинди хитларың бүген дә яңгырый?
– “Сау бул”, “Сине яратам” ,”Казачок” … күп инде алар. ”Казачок”ка элек мәктәпләрдә дә, корпаративларда да котырып биииләр иде. ”Татар эстрадасына керткән өлеше өчен” ,”Тамашачы мәхәббәте” кебек дипломнарым да шул елларда алынган.

– Махсус музыкаль белемең бармы синең?
– Әлбәттә. Җырлый башлаганчы мин музыка мәктәбенә барып кердем. 18 яшемдә чакта, 12-13 яшлек балалар белән парта артына утырып, музыка нигезләренә төшендем. Аннан гитара буенча музыка көллиятендә, мәдәният һәм сәнгать институтында укыдым.

– Син җырларны гел үзең яздың, хәзер дә иҗат итәсеңме?
– Заманында көйләрен дә, сүзләрен дә үзем яза идем. Кайбер җырларым Гөлүсә Әхмәтҗанова сүзләренә язылды. Бүген яңадан иҗат итә башладым.

– Казанга озакка кайттыңмы?
– Озакка. Җиң сызганып эшләргә дип. Монда продюсерлык итү бик аксый. Бер кыз белән яңа проект өстендә эшли башлыйм. Татарда тагын бер “бомба” ясыйсым килә.

– Бүгенге татар эстрадасы турында ни әйтер идең..
– Дәшмим…

– Бүген җырларыңны интернеттан тыш кайдан тыңларга була?
– “Татар радиосы”нда берничә җыр  әйләнә.

– Димәк озакламый без сәхнәдә яңадан Исхак Ханны көтәбез:
– Әйе.Көтегез.

Илфак Шиһапов

Шәһри Казан

Запись Татарстанда Алла Пугачеваның никахсыз “туган” малае табыла впервые появилась Tatar Today - татар яңалыклары..