Нәкъ менә гарәп культурасы дөньяны кара әниснең могҗизага тиң үзенчәлекләре белән таныштырган. Галимнәр, хәдисләрне өйрәнеп, кара әниснең иммунитетны ныгытуын, күзәнәкләрне вирусларның җимергеч көченнән саклавын, яман шеш күзәнәкләрен үтерүен раслаган.  Әнис маеның эчәктәге суалчаннарны бетерүе, бактерияләргә һәм гөмбәчекләргә каршы үзенчәлекләре билгеләнгән.

Халык медицинасында шундыйрак рецептлар бар. Аларны табиблар да хуплый.

Грипп, ОРВИ вакытында (коронавирус инфекциясе вакытында иммунитетны күтәрү өчен дә кулланырга була) кара әнис маена зәйтүн мае кушып (1:1 нисбәтеннән), көненә 2-3 тапкыр борынга тамызалар. Ялкынсыну һәм йөткерүдән котылуга ярдәм итә ул. Томау төшкәндә, борын тишекләренә әнис маенда чылатылган мамык куеп торырга мөмкин (15-20 минутка). Болай эшләгәндә, организмда шундук җиңеллек сизелә.  Нык йөткергәндә, күкрәк читлеген шушы май (бераз зәйтүн мае кушарга) белән ышкырга мөмкин: кан әйләнеше яхшырып, какырык тизрәк кубачак. Моннан тыш аны сулыш алуны җиңеләйтү өчен борын төбенә тидерергә дә мөмкин.

Күзләрнең күрү сәләтен яхшырту өчен төелгән әнисне иснәү киңәш ителә.

Әнис орлыкларын (төеп – 3 грамм) бер чәй кашыгы бал кушып куллану хәтернең яхшыруына, яман шеш авыруларын кисәтүгә ярдәм итә.  Шулай ук әнис маен да бал белән эчәләр. Әче булу сәбәпле тамакны яндырмасын өчен аңа бераз гына зәйтүн мае өстәргә мөмкин.

Кара әнис мае – шикәр чиреннән дә дәва. Аны эчкәндә, канда шикәр микъдары кими. Әлеге май шулай ук баш авыртканда, сулыш органнарындагы чирләрне дәвалауда кулланыла. Ул кан тамырларын чистарта, тромблар барлыкка китерми, кан басымын нормада тота. Шуңа күрә әнис мае атеросклероз, йөрәктә ишемия авыруыннан, веналар киңәюдән интегүчеләргә киңәш ителә. Табиблар йөрәк мускуллары һәм кан тамырлары эшчәнлеген яхшырту өчен кимендә 2 ай дәвамында көненә икешәр тапкыр берәр чәй кашыгы май эчәргә киңәш итә.

Гомумән, кара әнис иммунитеты йомшарган кешеләр, аеруча өлкән яшьтәгеләр өчен бик файдалы. Организмны ныгыту өчен тәүлегенә бер чәй кашыгы әнис мае эчеп җибәрү киңәш ителә.

Табиб белән киңәшләшергә онытмагыз!

Мәгълүмат Ватаным Татарстан

Запись “Үлемнән кала барлык авыруларга да дәва…” впервые появилась Tatar Today - татар яңалыклары..

Үзебез утыртабыз

Рассадага петуния утырту өчен нейтраль яисә аз оксидлашкан җир катнашмасы (землесмесь) кирәк. Ул йомшак, туклыклы матдәләр белән ашланган, суны тотып торырлык булырга тиеш. Андый җир катнашмасы махсус кибетләрдә сатыла. 5 литр туфракка 500 г агач көле, 250 г перлит, 1 кашык калий сульфаты алына. Җир катнашмасын үзебез дә ясый алабыз. Моның өчен ком, бакча туфрагы һәм торфны 1:1:2 нисбәтендә алырга кирәк. Аннан әзер җиргә «Превикур» эремәсе яки марганцовка сибәбез.

Әзер грунтны торттан бушап калган пластик савыт, су шешәләрен буйга ярып тутырабыз. Чәчүгә 24 сәгать кала туфракны яхшылап дымландырырга кирәк. Бу очракта орлыкларны тигез итеп чәчәргә мөмкин булачак. Орлыкларны чәчәр алдыннан коры ком белән бутау да хәерле. Петунияне чәчәбез һәм пульверизатордан су сиптерәбез. Өстән пыяла яки полиэтилен белән каплыйбыз. Әзер «түтәл»не җылы урынга куябыз. Көн саен җилләтеп алырга онытмыйбыз! Петуния – яктылык ярата торган үсемлек. Кечкенә шытымнар күренү белән, яктылыкны арттыру кирәк. Һич югы ул 14 – 16 сәгатьне яктыда үткәрергә тиеш. Суны исә баштарак шприц белән сибү дөрес булыр. Петуниянең дүрт – алты яфрагы барлыкка килү белән сирәкләп утыртырга мөмкин дигән сүз. Алай эшлисегез килмәсә, рассада чәчкән вакытта ук орлыкны аерым стаканнарга (йогырт савытлары, пластик шешә төпләре) утыртырга киңәш ителә.

Билгеле, әзер үсентеләр сатып алып, вакыты җиткәч, ачык һавага утыртучылар да юк түгел. Артык мәшәкатьләнәсе дә булмый. Әмма үсенте сатып алганда да кайбер киңәшләрне истә тотарга кирәк икән. Мәсәлән, петуния үсеп утырган субстрат юеш булырга тиеш түгел. Аннан, артык үсеп киткән петунияне сатып алырга да ашыкмагыз. Андыйлар ачык грунтта үрелә яки бөтенләй үсүдән туктый. Яфракларга күз салыгыз: корткычлар оялаган булмасын!

Ак кар өстендә… орлыклар

Петуния чәчәгенең орлыгы тузан сыман вак була. Шуңа да аны чәчү авырлык тудыра. Бакчачыларга орлыкны утырту буенча бер хәйлә бар: аларны кар өстенә чәчәбез. Бу – бик җайлы ысул. Беренчедән, кар өстендә вак орлыклар күренә һәм аларны аралап, тигезләп, бер-бер итеп утыртып була. Икенчедән, кар эрегәч, орлыклар туфрак өстенә төшәчәк. Алар үзләренә кирәк тирәнлекле сайлаячак. Аннан кар суы орлыклар өчен дә файдалы. Ул туфракны дым белән туендыра. Кар өстенә утырткан орлыклар тизрәк тә шытып чыга.

Карга ничек орлык утыртабыз соң? Башта орлык утыртасы тишекле савытка туфрак салабыз, тигезлибез, тыгызлыйбыз. Туфрак өстенә 2-3 сантиметр калынлыкта кар салабыз. Шуннан кар өстенә орлыкны сибеп чыгабыз. Тагын бер катлам кар өстибез. Азакта полиэтилен белән каплап, җылы урынга куябыз.

Тәрбияләп тору мөһим

Петуния 24-25 градус җылыда тиз шытып чыгачак. Чәчәкнең гибрид төрләре җылыга аеруча таләпчән. Артык җылы булса, чирләп китәргә, температура түбәнәйсә – шытмаска мөмкиннәр. Шуны да онытмагыз: орлыкларга башлангыч чорда өстәмә яктылык кирәк. Моның өчен фитолампа кулланырга да була. Бу очракта мартта чәчкән петуниягез май уртасыннан башлап октябрь азагына чаклы шау чәчәктә утырыр. Вакытында су сибеп, ике атнага бер мәртәбә сыек ашлама белән тукландырып торырга онытмагыз.

Петуния чирләп китәргә дә мөмкин. Күп очракта моның сәбәбе – артык дымлылык. Авыру үсентеләрне юк итәргә кирәк. Алар үскән урынны исә марганцовка, «Формалин» яисә «Максим» кебек дарулар белән дезинфекциялисе булачак.

Петуния хлороздан (тимер җитмәү) тилмерергә мөмкин. Бу очракта «Феровит» дигән махсус препарат ярдәм итәр. Анда туфрак өчен кирәкле матдәләр була.

Чәчәкнең яфракларына корткычлар ияләшү ихтимал. Алар чәчәкнең согын суыра, вирус тудыра. Корткычлар белән көрәштә акарицид препаратлар булыша. Мәсәлән, «Неорон», «Актеллик».

Нәрсәне кайчан чәчәбез? 

• Баклажан: 7 – 10, 15, 16 март
• Кыяр: 7 – 10, 15, 16 март
• Патиссон, ташкабак: 7 – 9, 15, 16 март
• Яшел тәмләткечләр (петрушка, укроп һ.б.): 7 – 10 март
• Берьеллык чәчәкләр: 15, 16, 23 март
• Кәбестә: 16 март
• Чөгендер, кишер: 24, 28, 29 март

Мәгълүмат Ватаным Татарстан

Запись Җәй әйләнәсе шау чәчәктә утырган петунияне үстерү серләре впервые появилась Tatar Today - татар яңалыклары..

“Бурыч түләр өчен… хезмәтче булып эшлим”

Казанда яшәүче Гүзәл Нуриәхмәтовага (исеме үзгәртелде) бер тапкыр матурлык салонына барып кайту 108 меңгә төшә. Хәзер ул банкка кредитын түләр өчен ике эштә эшли. Ял көннәрендә исә байларга хезмәтче булып тора. 7 һәм 5 яшьлек ике улын ялгызы тәрбияли, әтиләре узган ел юл һәлакәтендә вафат булган.

– Мондый көнгә калырмын дип уйламаган идем, – ди Гүзәл. – Бер ай элек таныш түгел номердан шалтыратып, бер матурлык салонына чакырдылар. Бары сезнең өчен генә бүгенге процедуралар бушка диделәр. Кызыктым инде. Матур буласы килә бит!

Гүзәлне салонда бик җылы каршы алалар. Чәй эчертәләр, кунак итәләр. Аннан косметолог дигәннәре битендә 40 минуттан артык нидер эшли һәм нәтиҗә чыгара: тирегез начар, башка процедура кирәк, тик ул хезмәт 15 мең сум тора ди. Матурая торгач, бәя 35 меңгә кадәр күтәрелә. Түләр акчасы булмагач, кредит алырга тәкъдим итәләр. Артык төпченеп тормыйча, Гүзәл берничә документка кул куя. Өенә кайткач, ачып караса – елына 35 процентлы кредит рәсмиләштерелгән. 35 мең өчен 108 мең түлисе булачак!

– Башта бу хакта кешегә сөйләргә дә курыктым. Юристларга мөрәҗәгать итәргә акчам юк. Болай да очын-очка ялгап яши идем. Бер ай кредит түләгәч, дус кызыма ачылырга булдым. Ул өстәмә эш эзләргә киңәш бирде. Хәзер шимбә һәм ял көннәрендә байларга өй җыештырам, ашарга пешерәм, – ди Гүзәл.

“Хәзер авырсам да, зарланмыйм”

Сания апа Вәлиева Кукмара районында яши. Гомер буе сыер сауган. Аякларына салкын тиеп, умырткаларына зыян килүе дә – шул хезмәт нәтиҗәсе.
– Без эшләгән вакытта җылы киемнәр булмады. Резин итек харап итте, – ди ул. – Улым Казанга алып килде. Бер клиникада умырткалыкны бушлай карыйлар, диде. Капка төбенә хәтле машина кайткач, утырып чыгып киттем. Клиника дигәннәре подвал шикелле җирдә урнашкан иде. Мине бер аппаратта карадылар. Аркада бүсер, остеохондроз барлыгын әйттеләр. Бер туташ үзләренә кыйммәтле җиһаз кайтуын, шунда 20 минут ятканнан соң, аркадагы авыруларның бетәсен әйтте. Ышандык…

Әлеге 20 минут рәхәтлек аңа 80 меңгә төшә. Шул арада кулына берничә язу да бирәләр. Үзе дә ике-өч җиргә кул куйганын яшерми. Бу кредит кәгазьләре булып чыга.

– Түләп бетерәбез инде. Тагын ике ай түлисем калды. Шул кредит аркасында улым өйләнә алмыйча йөрде. Аны да сүкмәдем. Минем сызлануыма түзә алмыйча алып барды бит. Хәзер сызлансам да, авырыйм димим. Минем кебек алдана күрмәгез! – ди Сания апа.

“Дога булышты”

Газетаның даими укучысы Балык Бистәсендә яшәүче Илшат Кәримов та ташламага кызыгып төп башына утырган. Яңа ел алдыннан интернетта бер автосалонда машина бәясен 200 меңгә киметәләр дигән язу күргән.

– Хатыным белән шундук барырга булдык. Дөрес, Зөләйханың күңеле сизенгән иде, тик кая инде ул хатын сүзенә колак салу! Үземнең дә акча бар, әмма 330 мең җитми иде. Кредит рәсмиләштерүче кыз банктан мин әйткән сумманы түгел, күбрәк итеп сорады. Ике минут эчендә акча бирәләр дигән хәбәр килеп төште. 330 мең урынына 400 мең бирделәр. Шул арада теге кыз әллә ниләр исәпләде, бушка дигән дүрт көпчәк тә, иминиятләштерү дә үз хисабыма булып чыкты, – дип сөйли Илшат. – Мин салонга киресенчә ташлама эзләп килгән идем. Үзем дә сизмәстән, капкынга эләктем. Өйгә кайткач кына, башыма барып җитте. Салонга да кире бардым. “Килешүдә сезнең паспорт мәгълүматлары тора, кул куйгансыз. Без сезне мәҗбүр итмәдек”, – диделәр. Әле ярый намаз укыйм. Догалар гына күңелемә тынычлык бирде. Алайса чиргә сабыша идем. Танышларым да, 6 ай түләгәч, башка банктан азрак процентлы кредит алырсың, дип тынычландырды…

Берәү – алдана, икенчеләр – алдый. Казанның бер сәүдә үзәгендә эшләүче Гөлназ Саттарова, кешегә кредит бирсәң, премия язалар, ди.
– Мин кәрәзле телефоннар сатам. Безнең максат – кешегә ничек тә кредит алдыру. Мәсәлән, телефон карый башлыйлар. Кайсы яхшы дигәндә, кыйммәтрәкне тәкъдим итәбез. Акчасы булмаган кеше, кредитка риза була. Безгә оста психолог та булырга кирәк. Мине аңламаучылар да табылыр, әмма без шулай итеп акча эшлибез, – ди ул.

Психолог Эльвира Сафина кредит алырга ашыкмаска куша.
– Кеше банкка барганчы кат-кат уйларга тиеш. Бурычка батып, алган әйбере аңа кирәкме? Бу сумманы ай саен түләп бара алачакмы? Хезмәт хакы җитәме? Әгәр әйе дип җавап бирәсез икән, әлбәттә, алыгыз. Күңелегездә бераз гына булса да икеләнү бар икән, алмый торырга да була. Шунысын да онытмагыз: кредит алгач, каешлар кысыла. Яшәү рәвешегез үзгәрә, – ди ул.

Юрист Рәзил Билданов киңәшләре

Кредит алганчы нәрсәләргә игътибар итәргә?
Процентларга игътибар итәргә кирәк. Нинди банктан алырга телисез, аның хакында да мәгълүмат эзләргә кирәк. Кайбер җиһаз кибетләре аерым банклар белән эш итә. Һәм әйбер сатып алганда шул банкка мөрәҗәгать итә. Шуңа да аеруча игътибарлы булу кирәк. Ә микрофинанс үзәкләргә бөтенләй мөрәҗәгать итмәвең хәерлерәк. Чөнки анда процентлары да югары, бурычны кайтару көннәре дә аз.

Кредит алганда ничек алданмаска?

Кредит килешүен җентекләп өйрәнеп чыгарга кирәк. Төрле шартлар була. Кайбер очракта процентлары ай саен үсә торган, кайберләре киресенчә кими. Вакытында түли алмаган очракта пеня күпмегә артып барачак, моны да белеп торырга кирәк.

Иминиятләштерүдән баш тартып буламы?

Закон буенча иминият бәясен кайтартып була. Үзәк банк карары буенча, бу эш 14 көн эчендә эшләнергә тиеш. Мисал өчен, әйтик, сезгә кибеттән кредитка берәр техника яки җиһаз сатып алганда иминиятләштерү тәкъдим итәләр. Үзегез дә теләмичә ризалашсагыз, әмма соңыннан уегыздан кире кайткан очракта, ике атна эчендә кредит килешүендә күрсәтелгән иминиятләштерү үзәкләренә барып гариза язарга тиеш буласыз. Төрле очраклар була. Сезнең гаризаны кире кагарга да мөмкиннәр. Шуңа да әлеге эшне башлаганда килешү белән җентекләп танышып чыгарга кирәк.

Кредит килешүен юкка чыгарып буламы?

Кредит килешүенә кул куйганнан соң акчаны алу вакыты 3–5 эш көнгә сузыла. Килешүне бу стадиядә өзү җиңелрәк, чөнки хезмәт әле күрсәтелмәгән, ә банк Гражданнар кодексының 821 нче маддәсенең 2 нче пункты нигезендә клиентның карарын кире кага алмый. Тик моның өчен банкка акча счетка күчерелгәнче хәбәр итәргә кирәк. Әгәр автокредит алырга уйлаган булсагыз, беренче кертем дә керткәнсез икән, автосалон бу акчаны кире кайтарырга тиеш. Вакытында кайтарылмаган акча өчен салонны судка биреп була. Сезгә банкка документларны рәсмиләштерү һәм счет ачкан өчен түләргә туры киләчәк. Бу эш сезнең кредит тарихына йогынты ясамаячак.

Түли алмаган очракта нишлисе?

Кредит ул – процентлар дигән сүз. Шуңа да, бушка яки процентсыз кредитка акча бирәбез дисәләр, ышанмаска кирәк. Мондый очракта кредит килешүен юкка да чыгарып булмый, түләргә генә кала. Ләкин ай саен түли торган сумманы, әйтик, киләсе айны тулысы белән түли алмыйсыз икән, паникага бирелмәгез. Күп кенә кешеләр мондый очракта әлеге бурычны каплар өчен, яңадан кредит ала. Болай эшләү дә дөрес түгел. Сезгә бурычыгыз булган банкка барып, күрсәтелгән сумманы түли алмавыгыз турында гариза язарга кирәк. Һәм банк алдан куелган сумманы киметә. Әмма кредит вакытын озынайтачак. Әйтик, мисал өчен, сез кредитны 2 елга алдыгыз, ай саен 7 мең түли идегез. Ә хәзер 4 мең түлисез һәм инде 3 ел.

Хәзерге вакытта физик затларның банкротлыкка еш чыгуы аркасында, банк аларның хәленә керә. Әгәр дә кеше киләсе айда тиешле сумманы түли алмый икән, аңа шулай ук банкка барып, кредит каникулы бирүне сорап гариза язарга кирәк. Мондый очракта кайбер банклар процент суммасын гына түләргә калдыра, ә кайберләре, гомумән кредит һәм ипотека суммасына каникул бирә.

Мәгълүмат Ватаным Татарстан

Запись Белгечләр кредит сазлыгына батмас өчен нәрсә киңәш итә? впервые появилась Tatar Today - татар яңалыклары..

1. Коронавирусны кул киптергеч ярдәмендә кисәтү. Интернет челтәрендә иң еш очрый торган “киңәш” бу. Кулларны 30 секунд дәвамында кул киптергечтән бөркелгән кайнар һава астында тотсаң, коронавирус эләктерүдән куркасы юк, имеш. “Куллар чиста булса, теләсә нинди чирне кисәтергә мөмкин. Монда кул киптергечнең бернинди катнашы юк. Ул фәкать кулларны корытып киптерә генә, бактерияләрне үтерми”, – ди белгечләр.

2. Ультрафиолет яктырткыч коронавирус тудыручы бактерияләрне юк итә, дигән фикер дә еш яңгырый. Чынлыкта исә ул тән тиресенең ялкынсынуына гына китерә. Озак вакыт кулланган очракта ул организмны бөтенләй какшатырга мөмкин. Шуңа күрә ультрафиолет яктырткычны хастаханәләрдә дә җитди күзәтү астында гына файдаланалар.

3. Сарымсак ашау. Грипп вакытында иң еш бирелгән бу киңәшне соңгы арада коронавируска карата да әйтә башладылар. Кайнар суда төнәтелгән сарымсак – бу чирдән менә дигән дәва, янәсе. Микробларны җиңүе яхшы билгеле булса да, сарымсакның коронавирусны кисәтә алуына бернинди фәнни дәлил юк.

4. Көнҗет мае ярдәмендә чирне кисәтергә теләүчеләр дә очрый башлады. Тән тиресенә көнҗет мае сыласаң, коронавирус организмга үтеп керә алмаячак, янәсе. Әмма бу чир бары тик һава юлы белән генә күчә. Аның белән авырган кешене, ким дигәндә, 2 метрдан урап узарга киңәш ителә. Шуңа күрә бу очракта көнҗет маена гына ышану – сафсата.

5. Тән тиресенә спиртлы, хлорлы катнашмалар сөртергә кирәк, дигән киңәшне дә ишеткәнегез бардыр. Бу шулай ук – зур хата. Әлеге катнашмалар ярдәмендә тән тиресен яндырырга мөмкин. Кайбер кеше аларның исен иснәп тә кәефсезләнә ала. Шуңа күрә спиртлы, хлорлы катнашмаларны йорт җиһазларын, өслекләрне дезинфекцияләү өчен генә кулланырга кирәк.

6. Гриппка каршы ясалган бер генә прививка да коронавируска каршы тора алмый. Шуңа күрә “гриппка каршы ясалган вакцина коронавируска да каршы тора ала” дигән сүзләргә ышанмагыз. Профилактика өчен антибиотиклар да эчәргә кирәкми. Алар бактериаль инфекциядән генә коткара ала. Коронавирус исә – вируслы инфекция.

7. Әлегә коронавирусны кисәтергә, дәваларга ярдәм иткән бер генә дару да юк. Шуңа күрә, иммунитетны ныгытам, дип төймә артыннан төймә ашаучылар ялгыша. Ул гына да түгел, иммунитеты нык булган кешеләргә андый дарулар зыян гына салырга мөмкин.

Мәгълүмат Ватаным Татарстан

Запись Коронавирустан саклану ысуллары турында ялгыш фикерләр впервые появилась Tatar Today - татар яңалыклары..

“Хөрмәтле хатын-кызларыбыз һәм дә мөхтәрәм ир-егетләр!

Чәчләрне юу гадәти күренеш булса да, төптәнрәк уйласак, бу гамәлнең дә безгә билгесез яшерен серләре бар. Шунысы сөендерә, матурлык өлкәсе алга бару сәбәпле, күп кенә җитешсезлекләр уңай борылыш ала. Без үз юнәлешебезне табабыз.

Бүген әйтер сүзем миф та, әкият тә түгел. Ә чынбарлык. Чөнки үзем, нәкъ шулай эшлим. Чәчләрне шампунь белән юар алдыннан 10 минут су белән юешләп торам. Мин бары сульфатсыз шампуньнар гына кулланам. Әгәр дә киңәшләремә моңа кадәр дә колак салган булсагыз, дымлы тән тиресе агулы матдәләрне канга үткәрми диеп сөйләгән идем инде.

Чәчләрне атнасына бер яки ике мәртәбә юган очракта, шампунь белән ике тапкыр юу киңәш ителә. Әлеге шартны үтәсәң озак кына чиста-пөхтә йөрергә мөмкин. Шулай ук, бальзам, кондиционерлар белән дуслыкны ныгыту, бары уңай нәтиҗәләргә генә китерәчәк.

Шәхсән мин, соңыннан салкын су белән чайкап алырга яратам. Салкын суның өстен якларына килгәндә, тәгаен шуны әйтер идем, ул чәч сабагын шомарта, кабыкларны яба, ялтырата һәм дә тыгызлата. Аеруча бөдрә чәчләрнең холкына нык тәэсир итә. Чәч төзелеше искәтмәле нык, күркәм сикертмә пружиналарны хәтерләтә. Үзем бөдрәләр хуҗасы булганлыктан ышандырып әйтә алам. Ваннадан чыкмый гына юеш чәчләргә май, крем сөртүнең дә зыянын күрмим. Иң мөһиме, мамык сөлгеләрне чыгарып ыргытырга. Чөнки алар, бу очракта, шактый дымны юкка чыгару вазифасын башкара. Ә бит күпләр, нәкъ менә, чәчнең корылыгына, рәте югалуына, икеләнүенә, сынуына зарлана.

Кыш көне, бигрәк тә, чәчләр магнитлана башлый. Димәк, безгә дым җитми. Хәзер исә, фатирларларда, эш бүлмәләрендә коры һава шартлары саклана. Чыннан да ягулык сезонында, тереклек ияләре коточкыч сусау белән яши. Мамык сөлгеләргә алмашка микрофибра тукымасын яки полителен башлыклар кулланырга мөмкин. Берәр сәгатьтән инде, чәчләр артык дымны сеңдереп тә бетерә. Алар кипкән, әмма коры түгел. Тотып карагач та, чәчләр арасында ниндидер сыекчалы савып чайкалып йөргән күк тоела. Бу чәч сабагының дым белән баетылганын аңлата. Мондый гамәлләрдән соң, нәкъ менә минем бөдрәләрем икенче сулыш алып, күркәм кыяфәткә кереп, ай үсәсен көн үсә башлады. Киңәшле эш таркалмас диләр. Уңышлар сезгә!”

View this post on Instagram

A post shared by Илназ Кадыйров (@ilnazkad)

Запись ТНВдагы “Мин” тапшыруыннан чәчтараш Илназ Кадыйров чәчләрне дөрес юарга өйрәтә впервые появилась Tatar Today - татар яңалыклары..

Гипертониядән:

а) 1 стакан суга 2 аш кашыгы алма серкәсе салып эчәргә;

б) кан басымын төшерү өчен ашаган саен бал кабарга;

в) тозлы ризыклар ашаудан тыелырга;

г) бодай ярмасы урынына кукуруз оны кулланырга;

д) терлек аксымы куллануны киметергә.

Гипертония авыруын дәвалауда халык медицинасы, нигездә, җиләк-җимеш, яшелчәләр файдалануга корылган. Иске “дарулык” китапларында мүк җиләге (клюква) һәм шикәрне бермә-бер кушуның файдалы булуы язылган. Аны көн саен 3 тапкыр берәр аш кашыгы ашау әйбәт.

20 грамм фасоль орлыгы кузагын 1 литр суда 3 сәгать кайнатып, ашар алдыннан ярты сәгать алдарак чирек стакан эчәргә кирәк. Шулай ук кызыл чөгендер белән бал (1:2 исәбеннән) кушып (моңа лимон сутын да кушалар) эчәргә мөмкин.Мичтә кабыгы белән пешерелгән бәрәңге дә гипертониядән яхшы дәва.

Башлы яшь суган, кара карлыган да бик файдалы. Карлыганның кайнатмасы да, киптерелгән җимешләре дә сәламәтлек өчен яхшы.Сарымсак та шул ук авырулардан дәваланганда кулланыла. Аны көн саен 2-3 тырнак кулланырга кирәк.

Гипотонияне дәвалаганда:

а) шайтан таягы (татарник) яхшы. 20 грамм киптерелгән чәчәкләрен һәм яфракларын 1 стакан суга ваклап салырга да, уртача утта ярты сәгать тотып, 30 минут төреп торганнан соң, сөзеп, берәр аш кашыгы төнәтмәне көнгә 3-4 мәртәбә эчәргә. Ул кан басымын күтәрә һәм хәл кертә.

б) шиңмәс чәчәкне (бессмертник) 1 стакан кайнар суга 10 грамм салып, төреп, 30-40 минут төнәтергә. Суытып, ашар алдыннан 30 минут элегрәк чирегәр стакан итеп көнгә 3 мәртәбә эчәргә.

Кызыл таң

Запись Кан басымын ничек көйләргә? [файдалы киңәшләр] впервые появилась Tatar Today - татар яңалыклары..

1. Диетологиянең нигезендә калорийларны киметү тора. Ябыгучы кеше ашаган кадәр каллорийларын чыгарырга тиеш. Күбрәк ашап, азрак хәрәкәтләнсәң, ризык май булып организмды җыелып бара. Әйтик, кешегә нормаль тән массасын саклап калу өчен якынча 1700 кило каллорий кирәк. Ябыгырга теләгән кеше каллорийлар күләмен 150-200гә киметергә тиеш. Каллорийларны санау өчен хәзер телефонда махсус кушымталар бар, алар күпме ашагыныңны санап бара.

2. Аксым, май һәм углеводлар баллансы да булырга тиеш. Моның өчен “тәлинкә методын” куллансаң яхшы. Тәлинкәнең бер өлешендә аксым булырга тиеш (ит, күкәй, сөт ризыклары), бер өлеше углеводлар (ярмалар, макарон, бәрәңге) һәм клетчатка – яшелчәләр булуы шарт. Баллансны саклап калу өчен 30 грамм (1 чәй кашыгы) файдалы майлар (сыр, зәйтүн мае, авокадо) кулланырга кирәк.

3. Мин ябыга торган кешеләргә беркайчан да ипине тыймыйм. 20 грамм ипидән авырлык артмый. Ипи белән чагыштырганда 10 грамм конфетның зыяны күбрәк. Конфет кешегә зыяннан кала бернәрсә дә бирми, ипидә әле B витамины бар. Ләкин чама хисе булырга тиеш инде.

ФМД дигән диета бар. Ул вакытта без бер ай нормаль тукланабыз да, аннан соң бер атна ризык күләмен ике тапкыр киметәбез. Бу көннәрдә хайван аксымнарын кулланмыйча гына, яшелчәләргә өстенлек бирергә кирәк. Бу үзенчә ач тору эффектын бирә. Кеше шулай ябыга. Аннан кабат нормаль туклануга күчәсең.

Сәламәт булыгыз

Запись Ябыгу буенча диетолог киңәшләре впервые появилась Tatar Today - татар яңалыклары..

В витамины терәк-хәрәкәт системасын ныгыта, әлеге витамин сөт продуктларында, йомырка, балык, бавыр, яшелчәләрдә бар. А витамины фосфор белән кальцийны үзләштерергә булыша. Ул «кызыл» продуктларда күп: болгар борычы, помидор, абрикос, кызыл ит, брокколи, сыр, балык, кишердә. С һәм Е витаминнары организмдагы тернәкләнү процессларын тизләтә, ялкынсынуны бетерә. Организмыгызны әлеге витаминга баету өчен, рационыгызга алма, гөлҗимеш, цитруслылар, чөгендер, брокколи, манго һәм үсемлек мае кертегез.
Остеохондрозны дәвалауда кальций мөһим роль уйный, ул, белгәнегезчә, сөт продуктларында күп. Кальцийны үзләштерү өчен D витамины кирәк. Аны йомырка сарысыннан, сыер маеннан һәм эремчектән эзләгез. Селен зыян күргән тукымаларны яңадан торгызу өчен мөһим. Моның өчен креветка, арыш ипие һәм тәрәч балыгы (треска) ашагыз. Магний нерв системасы өчен җавап бирә, ул терәк-хәрәкәт аппараты эшчәнлеге белән турыдан-туры бәйле. Әлеге микроэлемент карабодайда, фасоль, чикләвек, ачы шоколадта бар. Буыннар сәламәтлеге өчен Омега-3 тә кирәк. Аның өчен әстерхан чикләвеге, арахис, майлы балык, үсемлек маен кулланыгыз.

Нәрсәләр ашарга ярамый?

Беренче чиратта рационнан итнең майлы сортларын, кыздырылган ризыкларны, баллы газлы суларны, туңдырманы алып ыргытыгыз. Составында фосфат булган ризыкларны ашамагыз, фосфат организмда җыелып бара һәм остеопороз китереп чыгара. Мондый продуктларга куертылган сөт (сгущенка), спиртлы эчемлекләр, йомшак сыр (плавленый), краб таякчыклары, чүпрәле ак күмәч, казылык керә. Кузгалак, шпинат, редистан да баш тартыгыз, чөнки аларда буыннар өчен зарарлы булган кузгалак кислотасы бар. Составында пурин булган продуктларны да сак кулланыгыз: каһвә, кара һәм яшел чәй, шоколад, бавыр. Кыздырылган әйбер урынына парда пешкәнен ашагыз, газлы суны сок яки компотка алыштырыгыз, баллы ризыклардан күрәгә, кара җимешкә күчегез. Тозны да чамалап кына ашарга кирәк, чөнки ул организмдагы сыеклыкны тоткарлый.

Сәламәт булыгыз

Запись Буыннар сызлаганда нәрсә ашарга ярый, ә нәрсә ярамый? [киңәш] впервые появилась Tatar Today - татар яңалыклары..

Сабантуй журналы

Запись Иммунитетны ничек ныгытырга? [киңәш] впервые появилась Tatar Today - татар яңалыклары..

Нур сайты

Запись Көчле салкыннар вакытында суык тиюдән саклану чаралары [киңәшләр] впервые появилась Tatar Today - татар яңалыклары..