Июльдә Казанда Татар яшьләре форумы рәисен алмаштырып куйганнар иде. Әмма әле элеккеге рәис Тәбрис Яруллин Инстаграмда бүген дә үзен Татар яшьләр форумы рәисе дип тора һәм ул тырыша-тырыша 17-18 август Казан үзәгендә узачак “Печән базары”на чакыра.

– Сез Печән базары турында күп сораулар бирәсез. Ике көн узачак бу бәйрәм. Иң кызыгы шимбә көнне була. Дизайн-маркетта кием-салым, сувенирлар, аксесуарлар, бизәнү әйберләре сатып алырга мөмкин булачак. Миллион әйбер… Башлана сәгать 12дә. Секонд-хенд мәйданчыгы булачак. Бу минем яраткан нәрсә, әти дә кия, димәк, ул да ярата. Сез нәрсәдер сатып алып, Камилә исемле кызга операция ясарга хәйрия ярдәме күрсәтәчәксез.

Әлбәттә, тагын бер мин яраткан нәрсә – ашау-эчү: чәй, кофе, ит, пылау, тәмле-татлы камыр ризыклары булачак! Үзегезнең чынаягыгыз белән килсәгез, ярты хакка чәй-кофе белән сыйланырга була.

Бакча үстермәүчеләрне кызыксындырыр – фермерлар үз продукциясен алып киләчәк.

Печән базары мәдәни чара. Була кино, аккустик музыка. Бию булачак, фламенко биергә өйрәнерсез.

Лекторий була. Темалар экология, чүпләрне аерым җыю, студентлар, укучылар өчен “Гыйлем” лекцияләре. “Гыйлем”нәр иң яхшы лекция алып килә, татар телендә биотехнологияләр темасы, мәсәлән.

Шигъри слем, язучылар белән очрашу, китап сатып алу…

Балалар өчен “ALIF» балалар үзәгеннән нейро-уеннар, кулинария мастер-класслары һәм башкалар. Алар анда печенье пешерергә дә өйрәнер.

Безнең остаханәләргә килгәндә, Фәнис Җиһаншин актерлык остаханәсе оештыра, каллиграфия, рәсем төшерегә өйрәнергә була. Алдан язылырга кирәк Ихсанда әле урыннар бар. Печә базары дип җыегыз ВК, одноклассники, инстаграм, фейсбукта tatardisain_afisha дигән аккаунт бар.

Күрешербез, шимбә-якшәмбе. Сезне берни дә – яңгыр я боз яуса да, ахырзаман җитсә дә – куркытмый дип ышанабыз! Печән базарында очрашырбыз, кочаклашырбыз, килегез!

View this post on Instagram

A post shared by Табрис Яруллин (@tabris.yarullin)

Мәгълүмат Тәбрис Яруллин инстаграмыннан

Запись Татар яшьләре форумы рәисе әле дә Тәбрис Яруллин икән… Бу ни бу? впервые появилась Tatar Today - татар яңалыклары..

Шартлар:
5 август көнне «Печән базары» фестиваленә стилизацияләнгән милли киемдә килергә.
Лотереяга үз исем-фамилияне, телефон номерын язарга (Лотерея барабаны фотозона янында торачак)
Нәтиҗәләрне сәг. 19:00дә «Лекторий» мәйданчыгында игълан итәчәкләр.

“Печән базары”ның программасы:
ДИЗАЙН-МАРКЕТ — 11:00-22:00
Бизәнү әйберләре, зәркән, кием-салым, күннән эшләнгән әйберләр һәм татар китапларын сату.

АШ-СУ — 11:00-21:00
11:00-21:00 Казан кафе һәм рестораннарыннан ашамлыклар.
14:00 — 15:30 Төрле төбәкләрнең татар ризыклары белән сыйлау, рецептлар белән бүлешү һәм әлеге ашамлык белән бәйле риваятьләр һәм мәзәкләр сөйләү.

БИЮ FOR YOU — 14:00-16:00
Һәр 15 минут саен Нигина Низамиевадан һәм кырым, әстерхан һәм себер татарларыннан татар биюләре буенча мастер-класс.

ЛЕКТОРИЙЛАР — 13:00-18:30
13:00-13:30 «Хатира. Рецепты татарского счастья» китабын презентацияләү.
13:30-14:00 “Татар театры: кичә, бүген, иртәгә?” — Нияз Игъламов.
16:15-16:45 Сөйләшләр марафоны.
16:45-17:15 Ирландизация юлы буенча татарлаштыру. Ничек татар әйберен сатырга? — Солнце внутри, Чәк-чәк музее, Илдар Әюпов, Visit Tatarstan.
17:15-18:00 «Регион 16: КамАЗ, Убыр, ОПГ и СССР тм» — Шамил Идиатуллин.
18:00-18:30 Татар мәгарифенең тарихы — Ян Гордеев.

АКУСТИК КОНЦЕРТ — 19:00-21:00
Акустик музыка: Азат Гыймадиев, Булат Шәймиев, Эльнар Байназаров, Ислам Калимуллин, Марат Сөләйманов, Зәринә Вилданова.

СӘНГАТЬ — 12:00-20:00
12:00-19:00 Радик Мусин һәм Назыйм Исмагиловтан арт-перформанс.
12:00-20:00 Гарәби каллиграфия күргәзмәсе — Исмәгыйлева Гөлназ Илдар кызы, каллиграф.

ЭКСКУРСИЯЛӘР — 14.00:17.00
14:00-15:30 “Казан ханлыгы археологиясе» — Фаяз Хуҗин.
15:45-17:00 “Татарстанга — 100 ел” — Әскар Гатин.

БАЛАЛАР МӘЙДАНЧЫГЫ — 13:00-18:00
Центр “Сабыйлар”, “Остабикә” иҗади студиясе, “Юлбасма” нәшрияте.

ГЫЙЛЕМ МӘЙДАНЧЫГЫ — 12:00-18:00
12:00 – 18:00 «Гыйлем» үзәге һәм «Яңа нәшрият»нең сату ноктасы.
12:00 – 17:00 «Qayyum» ачык фәнни олимпиадасы.
13:00 – 14:30 Һарри Поттер, Алисә һәм башкалар: ихтыяриларның тәрҗемә проектлары турында ачык сөйләшү.
15:00 – 18:00 «Хәлбуки»: татарча химия, экология, фәлсәфә һәм башка фәннәр.

TATAR STYLE — 15:30-17:00
Гөлназ Сәфәровадан уңыш тарихы — Гөлназ Сәфәрова, “МИН” тапшыруының алып баручысы.
Милли акцент белән стиль — Мира Рахмат, дизайнер.
Лекторий дәвамында визажистлар кызларны бизәндерә, киңәшләр бирә.

Фото: pixabay.com

Запись Казанның бер паркында бушлай iPhone X бирәләр – бер шарт белән впервые появилась Tatar Today - татар яңалыклары..

Әлеге максат турында тулырак мәгълумат бирү өчен уздырылган матбугат очрашуында Бөтендөнья татар яшьләре рәисе урынбасары Айрат Фәйзрахманов әйтеп үткәнчә, әлеге форум 30 елдан соң татар яшьләрен күз алдына китерергә ярдәм итәчәк. Шуңа күрә чараларның күбесе киләчәкне барлауга юнәлдерелгән.

Бөтендөнья татар яшьлре форумы рәисе Тәбрис Яруллин кыскача программа белән таныштырып үтте:

– Без интеллектуаль, белемле яшьләрне җыярга тырышабыз. Шуңа күрә махсус шул өлкәдәге кунакларны чакырдык. Алар мотивацион лекция укыячак. Төп игътибар авыл темасына игътибар юнәләчәк. Шуңа күрә делегатлар бүленеп төрле якларга сәяхәт кылачаклар. Элек Арчага барсак, бу юлы һәр районның үз темасы күрсәтеләчәк. Бездә бит иҗади делегатлар да катанаша. Сүз уңаеннан, Ришат Төхвәтуллин Казан сәхнәсендә беренче тапкыр форумда чакта чыгыш ясаган булган.

Ә форумның программасында исә, пленар утырыш, татар яшьләре проектлары аллеясе, округлар буенча проектлар сессиясе, 7 юнәлеш буенча дискуссион мәйданчыклар оештырылачак. Форум кысаларында лекцияләргә, музейларга, Татарстанның һәм Казанның тарихи-мәдәни урыннарына бару һәм төрле мастер-классларда катнашу каралган. Мәсәлән, 5 нче августта уздырылачак “Печән базары” фествалендә Әстерханлылар балыктан өчпочмак пешереп күрсәтәчәкләр.

Рәфидә Галимҗанова // Tatar-today порталы

Запись Татар яшьләре форумы белән Ришат Төхвәтуллин да бәйле булып чыкты, меңләгән яшьләр Казанга җыена впервые появилась Tatar Today - татар яңалыклары..

Көн шактый эссе булуга карамастан, аның кысаларында оештырылган чараларда катнашырга, тәкъдим ителгән милли төсмерле эшләнмәләрне сатып алырга килүчеләр саны артканнан арта гына барды. Ярминкә кунаклары арасында кече яшьтәге балалардан алып әби-бабайларга кадәр бар иде. Милли үзенчәлекне күрсәтү максатыннан, киеменә татар элементы кертеп җибәргән – калфак, читек, түбәтәй, камзул киеп, милли бизәнү әйберләре тагып килгәннәр дә шактый булды. Оештыручыларның андыйларга бүләк тапшырылачагы турында әйтүен дә искәртик. Шул рәвешле, бүгенге чарада катнашкан һәркемгә XIX гасыр ахыры – XX гасыр башы чоры киемнәре, көнкүреше белән танышу, үзен шул чор кешесе буларак хис итә алу мөмкинлеге булдырылды.

Быелгы “Печән базарында” Казан, Мәскәү, Чиләбе, Төмән, Перьм дизайнерлары татар милли үзенчәлекле продукцияләрен – төрле сәнгать эшләнмәләре, бизәнү әйберләре, сувенирлар, шамаилләр, стильләштерелгән татар киемнәре, шулай ук татарча әдәби китаплар һ.б.ларны тәкъдим итте.

Бөтендөнья татар яшьләре форумы рәисе урынбасары Айрат Фәйзрахманов милли дизайнерлар санының елдан-ел артуын, яңа милли формаларның табылып торуына игътибарны юнәлтте. Ул ярминкәдә 7 төбәктән 70кә якын дизайнер катнашуын искәртеп: “Кайсы халык милли юнәлештә эшли торган 70 дизайнеры белән мактана ала? Минемчә, дөньяда андый милләтләр күп түгел. Милли үзенчәлекләрне истә тотып, яңа әйберләр эшләүчеләр мәдәниятне үстерә. Хәтта чәчәк сату бизнесында да шушы юнәлештә эшчәнлек алып баручы дизайнерларыбыз бар”,  диде.

Ярминкәнең уку паркында укырга яратучылар өчен  татарча китаплар тезелгән “Укы” сүзе рәвешендәге киштә тәкъдим ителде, шулай ук сирәк очрый торган татар китаплары буккросингы һәм әдәби квест оештырылды. Биредә үк республиканың татар телендә чыга торган журналларына язылу, аларны сатып алу мөмкинлеге булдырылган иде.

“Уку паркы”ның төп максаты – белем тарату. Биредә һәркем китап алып укып утыра ала. Китапларны бушлай өләшүчеләр дә бар. Әйтик, Балык Бистәсеннән килгән өлкән буын вәкиле – Равил Сафин анда үзенең кулъязмаларын тәкъдим итә һәм китап бастыру өчен иганәче эзли”, дип сөйләде Айрат Фәйзрахманов.

“Печән базары” кысаларында “Сабыйлар” балалар үзәге тарафыннан оештырылган балалар мәйданчыгы эшләде. Әлеге үзәк вәкиле Ләйлә Нурмөхәммәтова мәйданчыкта сабыйлар өчен квест оештырылуын әйтте.

“Сабыйлар 4 урында төрле биремнәр үтәде. Иҗади мәйданчыкта балалар үз куллары белән таякка беркетелгән калфак, түбәтәй яисә рәсем ясады. Моннан тыш, алар вак моториканы үстерүгә юнәлтелгән остаханәдә катнашты, уеннар уйнады, физик күнегүләр ясады, викторина сорауларына җавап бирде. Әлеге мәйданчыкта Габдулла Тукайның “Печән базары яһүд Яңа Кисекбаш” әсәре дә уен формасында сәхнәләштереләчәк”,  диде ул.

“Быелгы “Печән базары”ның тагын бер үзенчәлеге – Иске татар бистәсе буенча экскурсияләр оештыру. Экскурсияләрне Г.Камал исемендәге Татар дәүләт академия театрының әдәби бүлек мөдире Нияз Игъламов, ТР Президенты киңәшчесе Олеся Балтусова, күренекле архитекторторлар Айвар Саттаров һәм Нияз Халит, бистәнең үзендә яшәүче 86 яшьлек Нурания әби Биктимерова уздыра. Алар Иске Татар бистәсе турында җирле халык күзлегеннән сөйли”,  диде Айрат Фәйзрахманов.

Моннан тыш, ярминкә кунаклары тарихи квестта, викторинада катнашты, интерактив әкият тыңлый алды. Мастер-класслар, ди-джейлар, заманча татар башкаручылары чыгышлары чараны тагын да ямьләндерде.

“Печән базары”нда Шигьри перформанс та үтте. Яшь шагыйрьләр үзләренең шигырьләрен төрле көйләргә сөйләделәр. Катнашучылар арасында Илнар Нотфуллин, Азат Миргаязов, Гүзәл Закирова, Рузилә Әмирова һ.б.лар бар иде.

Тәмле мәйданда “Түбәтәй” милли фастфуд челтәре, борынгы рецептлар буенча әзерләнгән ризыклар тәкъдим ителде. Фотомәйдан эшләде. “Кисекбаш” арт объекты тәкъдим ителде.

Әйтик, Пермьнан килгән Әлфия Галина – “Әкият” блок-остаханәсе җитәкчесе. Ул милли бизәкле киемнәр тегә. “Печән базары”нда дизайнерның икенче тапкыр катнашуы.

Казаннан Алсу Борһанова ярминкәдә КФУның “Tatar style” дизайнерлык студиясе эшләнмәләрен тәкъдим итте. Әлеге студия Идел буе татарларының мәдәниятен өйрәнеп, милли үрнәкләрне кул эшләрендә куллана. Шулай ук борынгыдан килгән челтәр үрү һөнәрен торгызуны да максат итеп куйганнар.

Алсу Борһанова әйтүенчә, кулланучыларны күбрәк күн мозаикасы, шамаилләр кызыксындыра. “Хәзерге вакытта милли мәдәниятне алга этәрергә тырышучылар шактый күп. Татар милли мәдәнияте үсә, аның белән татарлар гына түгел, Казанга килгән туристлар, бигрәк тә чит илләрдән килүчеләр бик кызыксына. Бу сөенечле күренеш”,  диде ул.

“Юлбасма” нәшрияты җитәкчесе Гүзәл Хәсәнова ярминкәгә нәниләргә “Үчтеки”, “Чырык чыпчык” китапларын, карточкалар алып килгән. Әлеге нәшрият әзерләгән Иске Татар бистәсе буенча юлкүрсәткеч “Печән базары”на килгән беренче мең кунакка бушлай таратылды.

Зәрканче Наил Сөбханкулов гаиләсе белән Башкорстанның Уфа шәһәреннән килгән.  Ул зәркан сәнгате белән 40 ел шөгыльләнә, милли бизәнү әйберләрен дистә еллап эшли. Чакмагыш районында кибет тә тоталар. Башкорстанда бу юнәлешкә беренчеләрдән булып ул игътибар биргән. Наил әфәнденең “Печән базарында” беренче мәртәбә катнашуы. Зәрканчы, нигездә, алкалар, изүләр эшли. Аларның эскизларын да үзе ясый.

Омскида туып үскән Равил Хөсәенов бүген Казанда яши. Ул ярминкәдә “Татар чәе”н тәкъдим итте. Егет Себер һәм Татарстанда үскән хуш исле үләннәрдән чәй ясап сата. Бизәкле чәй капларын Томск өлкәсендә ясаталар, чәйне исә Мамадышта тутыралар. Чәйгә мәтрүшкә, сары мәтрүшкә, кура, җир җиләге яфраклары кергән. Шулай ук уникаль үлән – саган дайля дә кушылган. Соңгысы безнең якларда юк, бу бары тик таулы якларда үсә торган үлән.

Искәртеп үтик: “Печән базары”на бүген Болгардан кайтып төшкән VII Бөтендөнья татар яшьләре делегатлары да килеп кушылды. Алар да үзләренең ярминкәгә кагылышлы фикерләре белән уртаклашты.

“Борынгы заманнарда үткәрелгән Печән базарлары турында ишеткәнем бар. Бу традициянең яңартылуы шатландыра, әлбәттә. Үземнең дә Чиләбе өлкәсендә милли идея белән сугарылган кафе ачасым яисә киемнәр җитештерәсем килә. Ихтыяҗ булыр дип уйлыйм”,  диде Чиләбе өлкәсеннән килгән 26 яшьлек Дилшат Галиев.

Казан делегаты Алмаз Гыйниятуллин фикеренчә, “Печән базары” ярминкәсе татар милли мәдәниятен популярлаштыра. Ул “Укы!” дигән китап киштәсенең бик файдалы проект булуына игътибарны юнәлтте. “Казан үзәгендә яшьләр күп йөри. Алар, киштә янында туктап, татар китаплары белән кызыксына. Мине ярминкәгә әбиләрнең күпләп килүе дә сөендерә. Бәлки, бу әбиләрнең инде туган авыллары да юктыр. Ләкин алар, “Печән базарына” килеп, яшьлек хатирәләрен яңартып, күңелләрен хушландырадыр төсле тоела”,  диде ул.

“Печән базары” мине Казанга аеруча тартып торган проектларның берсе булды. Эшләнмәләр барысы да сыйфатлы, матур, һәркем кызыгырлык. Мин татар курчагы һәм чәе алдым”, дип билегеләп үтте Украинаның Киев шәһәре делегаты Илдар Кантиев.

Иң мөһиме сатучылар канәгать булып кайтып китте. Һава эссе булуга карамастан сәүдә яхшы барды. Бераз гына кызыклы саннар: “Печән базарында” 70 оста үз иҗат җимешләре – кул эшләнмәләрен тәкъдим итте. Барлыгы 123 түбәтәй, 74 милли бизәкле түштамга, 58 казылык, 98 “Baldan” брендының балы, 500 өчпочмак, 400 өлеш, 200 чәкчәк, 100 вак-бәлеш, 200 литр җимеш суы сатылган. Махсус технология бәлен ясалган бизәкле туңдырма белән 150 кеше сыйланган. 2017 елның “Тәмле календаре”нең 100 данәсе бер сәгать эчендә таралып беткән. Махсус мәйданчыкта “Сабыйлар” үзәге тамаша оештырып 60 баланың күңелен күргән. Әмма  иң сорала торган тауар ул су булды. Тик Печән базарында гына аны сатучы күренмәде. Салкын су саткан кеше, һишчиксез, кесәсен калынайтып кайтып китәр иде. Бу юлы чаттагы киоск хуҗаларыннан кешеләр өзелмәде.

Татар-информ, Азатлык радиосы

Запись Заманча “Печән базары” нинди тауарлар тәкъдим итә? [фото] впервые появилась Tatar Today - татар яңалыклары..

Җәйнең иң эссе көннәре торуга карамастан киләсе ел өчен Татар календаре инде әзер. “Тәмле календарь” 7 август Печән базарында тәкъдим ителәчәк. //Азатлык радиосы//

Елламаның һәр бите бер милли ризыкка багышланган. Татарча азу, зур бәлеш, кыстыбый, өчпочмак, чәкчәк, пәрәмәч кебек танылган татар ашлары монда урын алган. Аш төрләренең фотолары гына түгел, алар турында бераз тасвирлама һәм нинди продуктлардан ничек итеп әзерләнгәне дә күрсәтелгән. Татар чәе календарьда аерым бер урын алган. Хуш исле мәтрүшкә һәм бөтнек салып, куе итеп ясалган сөтле чәй – шулай ук танылган татар милли ризыкларының берсе. “Татар чәе – төрле үләннәр кушып пешерелгән хуш исле чәй. Татарлар бигрәк тә көрән мәтрүшкәне һәм бөтнекне үз итә. Татар чәе куе итеп пешерелеп, сөт яисә күрәгә, кипкән урман җиләкләре салып ясала”,  дип язылган календарь битләрендә.

Автор фотолары бу календарьне кабатланмас итә. “Татар ашлары формалары белән шулкадәр төрле һәм кызыклы, аларны сурәткә төшерү үзе бер рәхәт. Без татар милли ризыкларын яңача күрсәтергә булдык. Халык күнеккән совет чорыннан калган рәсемнәрдәгечә түгел. Һәр аш төренә үзенә генә туры килә торган фон һәм форма бик җентекләп сайланды. Кайбер ризыкларны нинди формада төшерергә икәнен аның тышкы кыяфәте үк әйтеп торды. Мәсәлән, өчпочмак, каймак бәлеше, чәкчәкне күрсәткәндә кызыклы уңышлы формалар табылды дияргә була”, дип сөйләде Mardesign студиясенә нигез салучы, дизайнер Айдар Мәрдәншин.

Айдар әйтүенчә, татар ашларыннан төзелгән календарь чыгару уе узган елда башларына килгән. Быелгы календарь татар тәрәзә кашагаларына багышланган иде. “Елламага керергә тиешле ашларны, кулинар китаплар белән танышкач, әти-әниләребез белән киңәшеп сайладык. Җыентыкка кергәннәрен “татар аш өстәленең титаннары” диеп атарга була – бәлеш, өчпочмак, чәкчәк, гөбәдия, пәрәмәч, кош теле, кыстыбый. Калган ризыкларны без үзебез тоемлаганча яисә матур кыяфәтенә карап керттек”, ди Айдар.

Дизайнер ризыкларны фотога төшергәндә аның тышкы кыяфәте матур булырга тиешлеген ассызыклый. “Календарь өчен фотолар төшергәндә бик күп ризыклар сатып алынды һәм әзерләнде. Иң яхшыларын сайлап алдык. Татар ашлары йорты белән хезмәттәшлек нык ярдәм итте. Алар без мөрәҗәгать итүгә үк пешерүе аеруча катлаулы булган ризыкларны әзерләп бирергә һәм фотога төшерерүне оештыруга булышырга риза булдылар”, дип сөйләде Айдар Мәрдәншин. Татар ашлары йортыннан кала, календарьда сурәтләнгән ризыкларны “Бәхетле” челтәре, Чәй йорты әзерләгән. Айдарның хатыны Ләйсәннең әнисе, кайбер танышлары пешереп биргән ризыклар да бар. Матур “картинка” өчен иң яхшы формалар эзләгәннәр.

Ә менә татар ашларының тасвирламаларын язганда кыенлыклар килеп чыккан, чөнки интернетта бер-берсеннән шактый аерыла торган күпсанлы рецептлар очратырга була. Авторларга мәгълүматны элек чыккан татар кулинариясе китапларыннан алырга туры килә.

Татар календаре заманча татар мәдәниятен популярлаштырудан тыш, татарларда борынгыдан кулланылып килгән ай исемнәрен әйләнешкә кире кайтару максатын да куя. Мисал өчен, гыйнвар ае календарьда акман дип атала, март – яңарыш яисә нәүрүз, сентябрь – билек, октябрь – каракөз.

Mardesign студиясенең беренче Татар календаре 2014 елда дөнья күргән иде. Тәүге календарьне иҗат итүчеләр сәләтле татар яшьләре булды. Алар арасында рәссамнар, дизайнерлар, архитекторлардан башлап, рәсем сәнгатенең классик төрләрендә иҗат итүче осталар да бар иде. Ул проектта Мәскәү, Казан, Уфа, Новосибирски, Петербур, Британиядән милләттәшләр катнашкан иде.

Календарьның җәй уртасында ук дөнья күрүе очраклы түгел. Ул татар дизайны өлкәсендә елның иң күренекле вакыйгасы – Печән базары кысаларында тәкъдим ителәчәк. Печән базары Казаннын Татар бистәсендә 7 август көнне узачак.

Запись Татар дизайнерлары өчпочмак, бәлеш, чәкчәкле “Тәмле календарь” чыгара [фото] впервые появилась Tatar Today - татар яңалыклары..

 Тәбрис Яруллин Печән базарының Казан шәһәренең үзенчәлекле бренды булуын искәртеп үтте. “Дүрт ел элек, Габдулла Тукайның вафатына 100 ел булганда, Казанның актив яшләре белән җыелышып, бу көнне ничек уздырып булыр икән дип, фикер алыштык. Хәтер көне нинди форматта булырга тиеш? Тукайны күз алдына китергәндә, Печән базары да күз алдына килә. Шуннан чыгып, без ул чордагы Печән базарын яңадан торгызып, аны заманча форматта эшләргә кирәк дигән фикергә килдек. Бу безнең принцип: барлык актуаль форматларны “татарлаштырырга” тырышабыз. Татарларга хас булган нәрсәләрне яңартылган форматта тәкъдим итәбез”, – дип сөйләде.

Тәбрис Яруллин, чараның тарихы турында сөйләгәндә, аның беренче елда апрель башында узганлыгын, Печән базарына бик күп яшьләрнең чыгуын, аларның үз көчлере белән төрле тәм-томнар, милли ризыклар әзерләп сатуын искә төшерде. “Печән базарында үз эшләнмәләрен сатарга унга якын кул остасы чыккан иде. Моннан тыш, китаплар сатылды, “ирекле” микрофон куелды, төрле флеш-моблар оештырылды.  Икенче тапкыр оештырганда, чара куәтләнде, Иске шәһәр префектурасы ярдәме белән тагын да үсте һәм фестиваль буларак тәкъдим ителде”, – диде әңгәмәдәш. Былтыргы чараның ни дәрәҗәдә колачлы булуын күзалларга мөмкинлек булсын дип, Тәбрис Яруллин мисал китерде: “Узган ел 1200 өчпочмак, 12 пар читек саткан идек. Чарада хәтта Америка татарлары да бар иде”.

Казанның “Иске шәһәр” территориясе префекты Марат Усманов Иске Татар бистәсендә оештырылучы “Печән базары”ның әһәмияте турында сөйләде: “Турист, казанлы, кунак булсынмы ул, без аларга татар мохитенә кереп китәргә мөмкинлек бирәбез. Бөтен кызыгы, мәгънәсе шул чордагы көнчыгыш базарына кереп китү. Безгә әлеге чараның рухи ягын күрсәтү мөһим. Монда ниндидер керем алырга дигән максат куелмый. Узган елны әлеге чарада 5 меңнән артык кеше катнашты. Су спорты төрләре буенча Дөнья чемпионатына килгән бик күп чит ил кешеләре Печән базарында кызыксынып йөрделәр. Хәзер бит шәһәрнең архитектурасы белән генә кызыктырып булмый, һәр туристка ниндидер истәлек алып китү өчен шундый интерактив мәйданга эләгү кирәк”, – диде ул.

Быелгы “Печән базарында” Казан, Мәскәү, Чиләбе, Төмән, Перьм дизайнерлары татар милли үзенчәлекле продукцияләрен тәкъдим итәчәкләр. Алар арасында – төрле сәнгать эшләнмәләре, сувенирлар, шамаилләр, стильләштерелгән татар киемнәре булачак, шулай ук әдәби китаплар, хәтта сирәк очраучы китапларны сатып алу мөмкин булачак дип вәгъдә итә оештыручылар.

Оештыручыларның Печән базарында кунак булырга теләүчеләргә бер шартлары бар –  бирегә килүче һәркем, милли үзенчәлекне күрсәтү максатыннан, киеменә, стиленә татар элементы кертергә тиеш (мәсәлән, калфак, читек, камзул киеп килергә, я милли бизәнү әйберсен тагарга һ.б). Оештыручылар милли киемнән булган һәркемгә бүләк вәгъдә итә.

“Печән базары” кысаларында Әдәбият паркы да оештырылачак. Әлеге мәйданда китап киштәләре, йомшак утыргычлар урнаштырылачак. Шунда ук әдәби квест, яңа китапларны тәкдим итү, шигырь сөйләү, ирекле микрофон да булыр дип көтелә. Кабан күле буенда буккроссинг өчен “Укы” сүзе рәвешендә китап стеллаж урнаштырылачак, диде Тәбрис Яруллин.

Печән базарында “Сабыйлар” балалар үзәге тарафыннан оештырылган балалар мәйданчыгы да эшләячәк. Моннан тыш, теләүчеләр Тукай әкиятләре буенча төзелгән тарихи квестта, викторинада катнаша, интерактив әкият тыңлый алачак. Мастер-класслар, ди-джейлар чыгышы, Иске Татар бистәсе буйлап экскурсия оештырылачак.

Тәмле мәйданда “Түбәтәй” татар фастфуд челтәре, “Татар чәе” маркасы, борыңгы рецептлар буенча әзерләнгән ризыклар да тәкъдим ителәчәк.

Чара көн дәвамында барачак.

Татар-информ

Запись Казанда заманча форматлы “Печән базары” фестивале узачак впервые появилась Tatar Today - татар яңалыклары..