Әбу Һөрайрадән (Аллаһ аннан разый булсын) риваять кылына, ул әйткән: Пәйгамбәребез Мөхәммәд (аңа Аллаһның рәхмәте һәм сәламе булсын) әйтте: «Ураза тоту бары тик ашау-эчүдән тыелып торуны гына белдерми. Чынлыкта, ураза – ул вакытны файдасыз уздырудан һәм әшәке сүзләрдән тыелу».

Әбу Һөрайрадән (Аллаһ аннан разый булсын) риваять кылына, ул әйткән: Пәйгамбәребез Мөхәммәд (аңа Аллаһның рәхмәте һәм сәламе булсын) әйтте: “Начар сүзләрдән һәм гамәлләрдән туктамаган кешенең ризык һәм эчемлекләрдән тыелуына Аллаһ мохтаҗ түгел”.

Әбу Һөрайрадән (Аллаһ аннан разый булсын) риваять кылына, ул әйткән: Пәйгамбәребез Мөхәммәд (аңа Аллаһның рәхмәте һәм сәламе булсын) әйтте: «Ураза – ул кешене җәһәннәм утыннан саклый торган калкан».

Әгәр дә сезнең берегез ураза тота икән, ул сүгенү сүзләре кулланмасын һәм тавыш күтәрмәсен. Әгәр кем дә булса аның белән сүзләшергә (тарткалашырга), яки кыйнашырга тели икән, ул: “Мин ураза тотам”, – дисен. (Мөслим).

Габдулла бин Гамердән (Аллаһ аннан разый булсын) риваять кылына, Пәйгамбәребез Мөхәммәд (аңа Аллаһның рәхмәте һәм сәламе булсын) әйткән: «Тотылган ураза һәм укылган Коръән Хисап көнендә кол өчен шәфәгать сораячак. Ураза әйтер: “Йә, Раббым! Мин аңа ашарга һәм нәфес теләкләрен үтәргә комачауладым. Минем шәфәгатемне кабул ит!” Коръән әйтер: “Мин аның төнге йокысына комачауладым. Минем шәфәгатемне кабул ит!» (Әхмәд, Бәйхакый, Хәким).

чыганак: https://kiziltan.ru/articles/iman/2022-04-07/uraza-totu-ashau-ech-d-n-gen-tyelu-t-gel-2760004

Запись Ураза тоту – ашау-эчүдән генә тыелу түгел! впервые появилась Tatar Today - татар яңалыклары..

Ел саен, май аеннан башлап (Казан өчен 5 нче майдан 6 нчы майга каршы төндә) һәм август башына кадәр, безнең төбәкнең географик үзенчәлекләренә бәйле рәвештә, кояш баткандагы шәфәкъ яктылыгы иртәнге шәфәкъ аклыгы белән кушыла, ягъни төн дәвамында офыкта яктылык югалмый. Шуңа бәйле рәвештә, астрономик исәпләүләр ярдәмендә, ястү намазы башлануның төгәл вакытын, шулай ук сәхәр тәмамлануны һәм иртәнге намаз вакыты керүне төгәл итеп билгеләп булмый башлый. Быел әлеге вакыт Рамазан аена туры килүенә игътибарыгызны юнәлтәсебез килә.

Нәкъ менә шуңа күрә ТР мөселманнары Диния нәзарәтенең Голамәләр шурасы намаз вакыты керә торган якындагы төбәккә карап, намаз вакытларын исәпләү юлы белән билгеләргә карар кылды. Бу карар Голамәләр шурасы тарафыннан ТР календарьләре өчен намаз вакытын билгеләү системасына һәм аны исәпләп чыгаруга кертелде.

Без илебезнең атаклы галиме, имам Шиһабетдин Мәрҗани фикеренә таяндык, ул без яшәгән төбәктә югарыда телгә алынган айлар өчен ястү һәм иртәнге намаз вакытларын исәпләгәндә әлеге намаз вакытлары чын-чынлап керә торган җирлеккә карап исәпләү кирәклеге турында әйткән. Мәсәлән, Әстерхан шәһәре 46-нчы географик киңлектә һәм, Татарстанныкы кебек үк, географик озынлыкта урнашкан.

4 майдан 5 майга каршы төндә Казанда иртәнге намаз 23:44 сәгатьтә керә, ә 5 май көнне, кояш баю белән, чын төн юк. Санау юлы белән исәпли башлау элекке көн вакыты белән чагыштырганда шактый аерма китереп чыгара. Шунысын да билгеләп үтәргә кирәк, иртәнге намазның башлану вакыты – ураза башлану вакыты булып тора.

Игътибарлы булыгыз һәм намаз вакытларын күзәтеп барыгыз!

Чыганак: ТР Диния нәзарәте матбугат хезмәте

Запись Игътибар: Татарстанда намаз вакытлары үзгәрә впервые появилась Tatar Today - татар яңалыклары..

16 май – Уразаның беренче көне. Ураза бәйрәме 15 июньдә узачак. Гает намазы авылларда 3 сәгать 30 минутта, шәһәрләрдә сәгать 7 дә укылачак.

Сәхәр ашап бетергәч, уразага ният кылына. Татарча: “Иләһи ният кылдым, Раббым, Үзеңнең ризалыгың өчен Рамазан уразасын тотмакка, таң беленгәннән алып кояш баеганга кадәр”. Гарәпчә ният кылу мөстәхәб булыр: “Нәүәйтү ән әсуумә саумә шәһри рамәдаанә минәл-фәҗри иләл-мәгъриби хаалисан лилләәһи тәгааләә”.

Сәхәр ашап бетергәч, уразага ният кылына. Татарча: “Иләһи ният кылдым, Раббым, Үзеңнең ризалыгың өчен Рамазан уразасын тотмакка, таң беленгәннән алып кояш баеганга кадәр”. Гарәпчә ният кылу мөстәхәб булыр: “Нәүәйтү ән әсуумә саумә шәһри рамәдаанә минәл-фәҗри иләл-мәгъриби хаалисан лилләәһи тәгааләә”.

Запись Сәхәр ашау һәм авыз ачу (ифтар), намаз вакытлары, ураза догасы [таблица 2018] впервые появилась Tatar Today - татар яңалыклары..

Татарстан мөселманнары Диния нәзарәте Голәмәләр берлеге карары нигезендә пленумда Татарстанда изге Рамазан аен уздыру тәртибе расланды. 2018 елда рамазан ае башлану вакыты 16 майга туры килә, ә беренче тәрәвих намазы Татарстан мәчетләрендә 15 майда укыла.

Татар-информ билгеләп үтүенчә, быел иң аз күләмле фитыр сәдакасы 100 сум итеп билгеләнде, ә зәкят түләргә мөмкинлеге булучыларга фитыр сәдакасы 600 сумнан тәкъдим ителә. Ураза тота алмаучылар өчен һәр калдырылган көн фидиясе 200 сум күләмендә. Сәдакалар күләме пәйгамбәребез Мөхәммәд салләллаһу галәйһи вә сәлләм сүзләренә таянып һәм бодай, арпа ярмасы, хөрмә һәм йөзем җимеше бәяләреннән чыгып билгеләнә. Зәкят түләү өчен нисаб күләме алтын буенча – 210 мең сум, ә көмеш буенча – 18 мең сум тәшкил итә. Шулай ук 2018 елда Ураза бәйрәменең датасы расланды, ул быел 15 июньгә туры килә.

Татарстан мөфтие Камил хәзрәт Сәмигуллин Рамазан ае һәр имам, мөхтәсибәт һәм Татарстан мөселманнары Диния нәзарәте өчен бик җаваплы булуын билгеләп үтте. Халыкка Рамазан аеның өстенлекләре турында аңлату, мөселманнарны ураза тотуга тарту, зәкәт түләү, тәрәвих намазына йөрү, гает намазы, ифтар – һәммәсе турында да аларны югары дәрәҗәдә оештыру, үтәү турында белдерү кирәк. Бу – төп бурыч булып тора.

Пленум утырышында катнашучылар шулай ук мәхәлләләрдә идеология өчен мәчет имамнарының җаваплылыгы, мөхтәсибәтләрдә балаларның ялын оештыру, Диния нәзарәтенең​ Татарстандагы төзәтү колонияләрендә алып барган дәгъват эшчәнлеге һәм Татарстан Республикасы мөселманнары Диния нәзарәтенең Голәмалар шурасының эшчәнлеге турындагы мәсьәләләрне карады.

Запись Татарстанда Рамазан ае башлану көне һәм сәдака күләме билгеле булды впервые появилась Tatar Today - татар яңалыклары..

Ураза тоткан кешенең нинди эшләре уразасын бозмый? Бу сорауга җавапны Татарстан мөселманнары Диния нәзарәтенең дәгъвәт бүлеге җитәкчесе, Казанның Апанай мәчете имам-хатыйбы Нияз хәзрәт Сабиров бирде.

Запись Ризыкны татып карау уразаны бозамы? [сорау-җавап] впервые появилась Tatar Today - татар яңалыклары..

Тәравих намазында Коръәнне нинди тизлектә укырга, тәсбихне ничек башкарырга? Бу  хакта Intertat.ru электрон газетасына Татарстан мөселманнары Диния нәзарәте рәисе урынбасары Мансур хәзрәт Җәләлетдин сөйләде.

Запись Мансур хәзрәт Җәләлетдин Рамазанда тәравих намазын кыскартырга теләүчеләргә җавап бирде [видео] впервые появилась Tatar Today - татар яңалыклары..

 Мөслимәләр ифтарын быел Җәннәт Минһаҗева исемле энтузиаст ханым һәм аның дуслары мөселман эшмәкәрләр берләшмәсе ярдәмендә оештырды. Алар чараны яшьләрчә итеп, матур һәм дәрәҗәле итеп уздырырга тырышты. Анда фотоссессия ясау өчен махсус фото төшерүчеләр дә чакырылган иде, бер флористик салоннан чыгыш ясаучыларга алма, груша һәм башка җиләк-җимештән бәйләмнәр бүләк ителде, яшь мөселман дизайнерның соңгы кием коллекциясен күрсәтү дә оештырылды, мөслимәләр селфилар да ясады, соңгы мода белән артларына биштәрләр асып килгәннәр иде.

Әлбәттә, мәҗлестә ураза аеның әһәмияте турында да чыгышлар булды. Чарада Иран консуллыгының хәләл җефете чыгыш ясады, “Гадел Русия” фиркасе һәм “Казан Кирмәне” музей-тыюлыгы җитәкчеләренең сәламләү хатлары укылды.

VIP кунаклар арасында Татарстан мөфтиенең тормыш иптәше Лола Сәмигуллина да булды.

Оештыручылар Татарстан президенты Рөстәм Миңнехановның җәмәгате Гөлсинә ханымга да чакыру җибәрелүен хәбәр итте. Әмма ул күренмәде.

Иң зур һәм илһамлы чыгышны “Йөрәктән йөрәккә” хәйрия фондының элекке җитәкчесе, казаннарга күбрәк элекке шәһәр башлыгы Камил Исхаковның кызы буларак таныш Тереза Камалова ясады. Аның чыгышы авыз ачу вакытына туры килде һәм ул сәхнәгә җырчы Сәйдә Мөхәммәтҗанованы да чыгарып аның белән бергә авыз ачу догаларын да укыды, тоткан уразаларны багышлау сүзләрен әйтте.

Рамазан чатырына ул көнне көтелгәннән дә күбрәк кеше килде, оештыручылар аңа әзер түгел иде. Соңга калучылар өстәмә өстәлләр, урындыклар алып, яңа табыннар корылганчы тамашаны аягурә карады. “220 кеше сыйдырышлы Рамазан чатырына сыймаган тагын 80ләп кеше якындагы кафега кереп авыз ачты”, дип хәбәр итте оештыручылар.

Запись Рамазан чатырында гламур рухта мөслимәләр ифтары үтте [фото] впервые появилась Tatar Today - татар яңалыклары..

Быел мөселманнар уразаны 6 июньнән тота башлады, соңгы көне 4 июльгә туры килә, 5 июльдә – Ураза гаетенең беренче көне (Гает 3 көн билгеләп үтелә). Гает көнне иртән хәллерәк, акчалырак кешеләр фәкыйрьләргә һәм мохтажларга, ятимнәргә фитра сәдакасы өләшә. Гаилә башлыгы хатыны һәм балалары өчен дип тә сәдака бирә.

ТР мөселманнары Диния нәзарәтендә үткән Голәмәләр шурасы һәм казыйлар утырышында әлеге мәсьәләләргә ачыклык кертелде һәм фитра сәдакасы күләмен арпа һәм йөзем бәясеннән чыгып билгеләргә килешенде.

Фитра сәдакасы бер кешегә, арпа бәясенә карап, – 100 сум, йөзем бәясенә карап, – 600 сум. Фидия сәдакасы – 200 сум. Зәкят нисабы – 224 мең сум, фитра сәдакасы нисабы – 21,6 мең сум.

Татарстан Диния нәзарәтенең дәгъвәт бүлеге җитәкчесе Нияз хәзрәт Сабиров: “Әлеге сәдакалар кешенең матди мөмкинлекләреннән чыгып бирелә. Әгәр дә андый акчалар юк икән, азрак күләмдә бирергә була. Мөмкинлеге була торып та, фитраны бирмисең икән — бу гөнаһ гамәл санала. Гадәттә, сәдаканы Рамазан ае азагында бирәләр. Пәйгамбәребез фитра сәдакасы кимчелекләребезне бетерә, дигән. Ураза тотсак та, кайчагында ялгыш гамәлләр кылырга мөмкинбез. Сәдака исә шул кимчелекләрне юкка чыгара һәм тоткан уразабызның кабул булуына сәбәп булып тора”, – диде.

Рамазан аенда ураза тота алмаган кешеләр уразаларын башка айларда тота ала, уразаны бөтенләй тота алмаганнар исә фидия сәдакасы түләргә тиеш була. Фидия – ураза тотмаган көннәр өчен бирелә торган сәдака. Фидия акчалата түләнергә мөмкин.

Рамазан аенда фитра сәдакасе һәм зәкәт билгеләнә. Фитра сәдакасе бирү һәр мөселманга да вәҗеб гамәлләрдән санала. Әлеге сәдака мохтаҗларга бирелә. Фитра сәдакасен, мөселман булмаганнардан һәм фәкыйрьләрдән тыш, бар кеше дә бирергә тиеш. Фитраны гаилә башлыгы барлык гаилә әгъзалары һәм аның тәрбиясендә булган кешеләр өчен үзенең кеременнән түли. Ир бала балигъ булуга, фитраны үзе өчен үз кеременнән түләргә омтылырга тиеш. Андый мөмкинлеге булмаган очракта, бу бурыч гаиләдәге башка ир-атлар өстенә төшә.

Лилия Локманова

(Диния нәзарәте сайтыннан алынды)

Запись Фитра сәдакасын бирергә санаулы көннәр калды впервые появилась Tatar Today - татар яңалыклары..

Шушы серле кичнең шәрәфәте вә хикмәтен аңлатып, Аллаһ Сүбехәнәһү вә Тәгалә мөэминнәргә: “Кадер киче мең айдан да хәерлерәк”, – дигән сөенечле хәбәр бирә, ягъни ошбу кичтә кылынган гыйбадәт мең айлык (83 еллык!) гыйбадәтнең әҗереннән дә артыграк булуын аңлата.

“Кадер” сүрәсеннән белүебезчә, ошбу мөбарәк төндә Аллаһ әмере буенча җиргә бик күп фәрештәләр иңәр һәм алар белән Рух – Җәбраил фәрештә… Раббыбызның тугры мәхлуклары – фәрештәләр – гыйбадәт кылучы кешеләрне эзләрләр, шундыйларны тапсалар, аларга бәхет-изгелек теләп, гөнаһлары кичерелүен үтенеп, догалар кылырлар, “мөэмин-мөселманга сәләм!” дип дәшерләр һәм бу таң атканчыга кадәр дәвам итәр…

“Кадер кичәсе” гыйбарәсен, гадәттә, “Кодрәт киче” дип тәрҗемә итәләр, шулай ук “кадер” сүзен “тәкъдир” төшенчәсе белән бәйләп, шушы изге кичтә барлык Адәм балаларының алдагы елда булачак язмышлары каралыр дигән фикер белдерүчеләр дә бар: алар кешеләрнең Рамазан аендагы эш – гамәлләре, тоткан уразалары һәм, әлбәттә, бу изге төндә укыган намазлары, кылган догалары, белдергән теләк-үтенечләре киләсе елдагы тәкъдирләренә үз йогынтысын ясый, дип әйтәләр.

Галимнәр билгеләп үткәнчә, Кадер кичәсен кайбер галәмәтләрдән, шул кичкә хас булган аерым билгеләрдән тәгаенләргә мөмкин : бу кичә нурлы, тыныч һәм матур булыр; бик салкын да булмас, бик эссе дә булмас; ул кичтә болытлар йөрмәс һәм җил исмәс, һавадан йолдызлар атылмас, яңгыр яумас, барча җиһанда тылсымлы тынгылык урнашыр…

Хәдисләрдәге мәгълүматка караганда, Кадер кичәсе Ураза аеның ахыргы ун көнендә була. Пәйгамбәребез Мөхәммәд (с.г.в.с.): “Әгәр әлеге мөбарәк кичәне табарга теләсәгез, аны Рамазанның ахыргы 7 так төнендә эзләгез”, – дигән. Гайшә (р.г.) риваять кылуы буенча, Мөхәммәд (с.г.в.с.) Рамазан аеның ахыргы 10 төнен йокламыйча гыйбадәттә үткәргән булган, гыйбадәтендә гадәттән тыш тырышлык күрсәтеп, шул дәвердә хатыннарын да уяткан һәм аларга бу вакытта җимаг (якынлык) һич тә кылмаган. Бервакыт мөэминнәр анасы Гайшә (р.г.) пәйгамбәребездән (с.г.в.с.) сорады: “Әгәр мин Кадер кичәсен белсәм, ул кичтә нинди дога кылыйм?”. Мөхәммәд (с.г.в.с.) җавап итеп аңа: “Аллаһүммә иннәкә гафуввүн, түхиббүл гафвә фә әгфүганни” (“Йә Аллаһ, дөреслектә Син гафу итүче, гафу итәргә яратасың, минем гөнаһларымны гафу ит”), – дигән доганы өйрәткән.

“…Йә Раббым Аллаһ! Син бит гафу итүче, гафу итәргә яратасың. Мине, гаҗиз колыңны, гафу ит, белеп вә белми кылган гөнаһларымны ярлыка, үземә дә, туганнарыма дә тәүфыйк-һидәят юлында булырга, дөнья һәм ахирәт бәхетенә ирешергә насыйп кыл! Мине ярдәмеңнән ташлама… Ташлама…”. Ошбу догалар һәм башка шундый сорау-үтенечләребез белән Аллаһка мөрәҗәгать итеп, изге Рамазан аенда, Кадер кичәсендә генә түгел – ел әйләнәсендә, тормышыбыз дәвамында – һәрдаим гыйбадәт әһеле булуыбызны белдереп, Раббыбызны зурлап, Аңа шөкер итеп һәм мәхәббәтебезне баглап яшәсәк – Яратучы вәгъдә иткән олуг дәрәҗәгә ирешүчеләрдән булырбыз. Ошбу олуг дәрәҗәне Аллаһы Тәгалә һәммәбезгә дә насыйп кылсын, әәмиин.

Ришат Курамшин, Кукмара мәдрәсәсе мөдире

Запись Рамазан аеның соңгы 10 көне башланды. Кадер кичәсен ничек танып белергә? впервые появилась Tatar Today - татар яңалыклары..