Архивы Сәйдашстанга сәяхәт - Tatar Today - татар яңалыклары.

Ни өчен Камал каршында халык “Сәйдашстан”га бармыйча эсседә басып кала?

Редактор1 editor1 — Mon, 15 Aug 2016 09:16:28 +0000

13 августта Югары Ослан районының Кызыл Байрак авылында узган “Сәйдәшстанга сәяхәт” сәнгать бәйрәменә 100 артык казанлы бара алмыйча, эсседә басып калган. Иртәнге 9да, халыкны Кызыл Байрак авылына алып барырга тиешле вәгъдә ителгән автобуслар килмәгән.

Камал театры, “Сәйдашстан”га бара алмыйча калган кешеләргә, ихлас гафу сүзләре җиткерде. Алдагы елны әлеге бәйрәмгә бару өчен бушлай 6 автобус оештырылган булган. Тик 6 нчы автобус, халык булмау сәбәпле, Казанда калган. “Узган ел тәҗрибәсеннән чыгып, быел 5 кенә автобус оештырдык”, дип акланды камаллылар.

Шундый шау – шу булыр дип көтмәгән икән алар. “Икенче юлы транспортны кирәкле санда оештырырбыз” дип вәгъдә иттеләр театрның матбугат хезмәтендә.

Запись Ни өчен Камал каршында халык “Сәйдашстан”га бармыйча эсседә басып кала? впервые появилась Tatar Today - татар яңалыклары..

Камаллылар “Сәйдашстанга сәяхәт”кә чакыра

Редактор1 editor1 — Fri, 12 Aug 2016 11:32:25 +0000

13 августта, 12:00 сәгатьтә Югары Ослан районының Кызыл Байрак авылында Салих Сәйдәшев истәлегенә багышланган бәйрәм чарасы узачак.

Бәйрәмдә Хәмдүнә Тимергалиева, Георгий Ибушев, Эмиль Җәләлетдинов, Айгөл Хәйри, Камал театры артистларыннан Илдус Әхмәтҗанов, Раил Шәмсуаров, Ришат Әхмәдуллин, Фәнис Җиһаншин, Ләйсән Фәйзуллина һәм башка яшь артистлар катнашыр дип көтелә. Камаллылар М.Фәйзинең “Галиябану” спектакленнән өзекләр күрсәтәчәк.

Данлыклы композитор музыкасын тамашачыларга Анна Гулишамбарова җитәкчелегендәге “Яңа музыка” камера оркестры җиткерәчәк (София Гобәйдуллина Заман музыкасы үзәге).

Бәйрәмнең сценарий авторы һәм режиссеры җырчы Идрис Газиев.

“Сәйдәшстанга сәяхәт”кә барырга теләүчеләр өчен 13 август көнне иртәнге 9.00 сәгатьтә Камал театры яныннан автобуслар кузгала.

Запись Камаллылар “Сәйдашстанга сәяхәт”кә чакыра впервые появилась Tatar Today - татар яңалыклары..