Эш вакыты: 9:00 – 22:00

Бәясе: үз тимераягың белән шуу – 50 сум, тимераякны 1 сәгатькә прокатка алу – 200 сум,  7 яшькә кадәр балалар өчен 100 сум.

Кремль яр буе шугалагы

Эш вакыты: 12.00 -23.00
16.00-18.00 аралыгында шугалак тәнәфескә ябылып тора.
Бәясе: үз тимераягың белән шуу – 50 сум, тимераякны 1 сәгатькә прокатка алу – 150 сум.

“Хезмәт резервлары” шугалагы 

Шугалак Горький исемендәге үзәк мәдәният һәм ял паркында урнашкан. Биредә буфет, гардероб, тимераякларның лезвиесен очлау урыны бар.
Эш вакыты: 14.00-22.00
Бәясе: үз тимераякларың белән шугалакка керү – 60 сум. Прокатка коньки алсаң – 120 сум. 7 яшькә кадәр балаларга бушлай.

“Черек күл” паркындагы шугалак

Эш вакыты: 1 гыйнвар 12.00 -22.00, 1-9 гыйнвар 09.00-22.00.
15.00 -16.00 аралыгында – техник тәнәфес.
Бәясе: үз тимераягың белән керү бушка. Прокат бәясе: олыларга сәгате – 150, 7 яшьтән олырак балалар өчен – 100 сум.

“Чирәмдәге хоккей үзәге”

Эш вакыты: 11.00-22.00
Бәясе: тимераякны прокатка алу – 100 сум, үзеңнеке белән – бушлай.

“Ракета” стадионы каршындагы шугалак (Дәрвишләр бистәсе)

Эш вакыты: 2-8 гыйнвар көннәрендә 16.00-21.00 сәгатьләрдә эшли.
Бәясе: олылар өчен – 100, 14 яшькә кадәрге балалар өчен – 50 сум.
Тимераякны арендага алып тору мөмкинлеге бар: 36нчы размерга кадәр – 50, 37нче размердан алып – 100 сум.

Запись Казанда кайда тимераякта шуып була? впервые появилась Tatar Today - татар яңалыклары..

Быел Кремль шугалагы шактый үзгәрешләр кичерә. Елдагыча бирегә үз тимераякларың белән килергә була, шулай прокаттан алып та шуарга да мөмкин. Прокатның берсе элеккеге урынында – француз каруселе янында, ә икенчесе Милли мәдәни үзәк павильонында булачак. Тимераяклар саны да быел 100дән 300гә кадәр арткан.

1000 метрлы Кремль шугалагы быел әйләндереп алынган. Ял итеп йөрүчеләр тимераякларсыз бирегә үтә алмый. Үз тимераяклары белән килүчеләр өчен кием алыштырырга махсус павильон ачылачак. Яр буенда кыш көне 8 кафе эшләячәк. Шуган вакытта бирегә кереп кайнар чәй эчәргә һәм тамак ялгап алырга мөмкин булачак. Тиздән Кремль яр буенда кечкенәләр өчен дә  махсус шугалак ачыла һәм анда керү ирекле булачак.

Гадәти көннәрдә шугалак 16дан 23 сәгатькә кадәр, ә ял көннәрендә – 12 дән 23 сәгатькә кадәр (техник ял вакыты 16 дан 18 сәгатькә) эшләячәк.

Гадәти көннәрдә биредә ятим һәм ата-ана назыннан мәхрүм калган балалар, инвалид балалар, шулай ук I, II и III төркем Бөек Ватан сугышы инвалидлары, хәрби бәрелешләрдә катнашкан ветераннар (тиешле документларын күрсәтеп) түләүсез шуа алалар. Күп балалы гаиләләрдәге балалар бәйрәм көннәреннән кала атна саен дүшәмбе һәм чәршәмбе көннәрендә, ә пенсионерлар сишәмбе һәм пәнҗешәмбедә, шулай ук бәйрәм көннәреннән тыш, шуа алалар, дип җиткерелгән хәбәрдә.

Татар-информ

Запись Казанда Европадагы “иң текә” шугалак ачылган [фото] впервые появилась Tatar Today - татар яңалыклары..

Кичә Татарстанда көчле бозлавык турында игълан ителде. Ашыгыч хәбәрне республиканың Гидрометеорология һәм әйләнә-тирә мохитны күзәтү идарәсе таратты. Шуңа да кармастан, бу бозлавыкта зыян күрүчеләр шактый. Өч сәгать эчендә – иртәнге җидедән сәгать унберенче яртыга кадәр, 156 кеше аяк-кулларын сындырып хастаханәгә мөрәҗәгать итәргә мәҗбүр була.

Иртәнге тугыздан юлларда алты баллык бөкеләр хасил булды. Шушы өч сәгать эчендә 100 дән артык юл һәлакәте теркәлгән. Мәсәлән, бер машина Казандагы “Кырлай” паркы янындагы зур гына чокырга төшеп киткән. Тагын бер “Камаз” машинасы таеп, ипи сату киоскын бәреп китә. Ә кызыл автобус шулай ук шугалак аркасында, койманы ишеп, бинага килеп бәрелә.

Татарстанда автобус йөртүчеләргә шәһәрдән читкә чыгарга кушмадылар. Бүген бик нык бозлавык хасил булу сәбәпле җәмәгать транспортына ерак юлга чыгуны тыйдылар.

Татарстанда бүген көчле бозлавык, бозлы яңгыр күзәтелә. Социаль челтәрләрдән файдаланучылар Казан – Чаллы трассасында автобусларны юлга чыгармауларын хәбәр итә. Республиканың башка маршрутларында да шундый ук хәл күзәтелә.

РФ Гадәттән тыш хәлләр министрлыгының Татарстан буенча Баш идарәсе бүген шторм чыгарга мөмкин, дип кисәтә. 11 ноябрьдә көндезге вакытта, 12 ноябрьдә төнлә һәм иртән Татарстанда, шулай ук Казанда көчле бозлавык сакланачак. Республиканың ЮХИДИ идарәсе дә автомобиль хуҗаларына ерак юлга чыкмаска киңәш итә.

Запись Казанда шугалак: 100ләп юл һәлакәте, 150дән артык кеше хастаханәдә, асфальтта тимер аякта шуалар [фото, видео] впервые появилась Tatar Today - татар яңалыклары..