Архивы Татар ашлары - Tatar Today - татар яңалыклары.

Балтырган ашы пешерегез

Рамиля Валиахметова — Tue, 19 May 2026 11:37:08 +0000

Май аенда берничә тапкыр балтырган ашы пешереп ашасаң, шифасы зур була, ди халык медицинасы.

Яшь балтырган яфракларын юка итеп турагыз һәм кайнар су белән пешекләп алыгыз.

Бәрәңгене чистартабыз һәм шакмаклап турыйбыз. Кишерне угычтан чыгарабыз.
Кәстрүлгә су салабыз, бәрәңгене бераз тозлы суда пешерәбез.

Оннан һәм йомыркадан умач өчен камыр ясыйбыз.
Бәрәңге пешкәч, балтырган яфракларының суын саркытып, бәрәңге янына өстибез.

Аш кайнап чыккач умачны шулпага салабыз. Кайнап чыкканнан соң 7 минут пешерәбез.

Катык яисә каймак кушып ашыйбыз.

ЧЫГАНАК: https://kiziltan.ru/articles/poleznoe/2026-05-17/baltyrgan-ashy-pesheregez-4688648

Запись Балтырган ашы пешерегез впервые появилась Tatar Today - татар яңалыклары..

Нарат күркәсеннән варенье

Рамиля Валиахметова — Sun, 26 Apr 2026 09:49:55 +0000

Нарат күркәсеннән варенье

Нарат урманында йөргәнегез булса, андагы исне тәгаен хәтерлисездер. Сулышларны киңәйтеп, үпкәләрне ачып җибәрә торган ис ул. Наратның исе генә түгел, ылысы да, бөресе дә, күркәсе дә, сумаласы да файдалы. Ә сез наратның бары 15 елдан соң гына чәчәк атканын белә идегезме? Май аенда, әле башка агачлар яфрак кына ярырга әзерләнгәндә ата ул чәчәкне. Дару өчен наратның бөресен, ылысын, согын һәм чәчәк серкәсен җыялар. Март ае нәкъ менә нарат бөреләре җыя торган вакыт. Алар әле тыгыз, сумалалы, хуш исле һәм бик-бик файдалы була. Нарат бөресен салкынча һәм күләгәле урында озаклап – 3-4 атна киптерәләр. Җылыда киптерсәң, алар ачылып бетә һәм шифасы кими. Салкын тигәннән, бронхиттан, грипптан иң яхшы халык медицинасы чарасы булып санала ул. Подагра һәм ревматизм булганда сызлануны басарга булыша. Бәвелне арттыра, организмнан артык суны чыгара.

Шифалы эчемлек ясар өчен: 10 г кипкән нарат бөресен 1 стакан кайнар суга салып, сөлгегә төреп 25 минут төнәтәләр. Аннары сөзеп, һәр 2 сәгать саен 1 аш кашыгы күләмендә эчәләр. Нарат бөресе төнәтмәсен сөттә дә әзерлиләр. Аның өчен 25 г нарат бөресен ярты литр су кушылган ярты литр сөттә 15 минут талгын гына кайнаталар. Суынгач, сөзеп, көнгә 3-4 тапкыр яртышар стакан җылытып эчәләр. Бу төнәтмә тын юлларын йомшарта, сулышны киңәйтә, ютәлне баса. Наратның ылысыннан да шифалы төнәтмә ясарга була. Ләкин бары тик яңа өзгән ылысларны гына кулланалар, дару өчен кипкән ылыс файдалы түгел. Ылыста С витамины күп. Сугыш вакытында ылысны төнәтеп эчертеп, солдатларны зәңгелә авыруыннан дәвалаганнар. Зәңгелә витаминнар кытлыгы аркасында килеп чыга торган чир. Нарат ылысыннан шифалы квас ясар өчен: 4 стакан ваклап туралган ылысны 4.25 литр салкын суга салып, 2 аш кашыгы алма серкәсе өстәргә һәм 2-3 көн җылы урында тотарга кирәк. Аннары сөзеп, көнгә 1 стакан эчәсе. Әле наратның күркәләреннән тәмле варенье да ясыйлар. Нарат күркәсе вареньесы шулай ук салкын тигәннән, үпкә ялкынсынганнан, тын юллары авыруларыннан булыша. Үтне һәм бәвелне арттыра. Бавырның эшләвен яхшырта. Начар бактерияләрне үтерә. Күркәләрне май ахырында яки җәй башында, нарат чәчәк аткан вакытта җыярга кирәк. Бу вакытта алар әле яшел һәм йомшак була. Вареньены нержавейка кәстрүлдә пешерегез, эмаль савыттан нарат сумаласын юып бетерүе кыен. 1 кило нара күркәсенә 1 кило шикәр комы һәм ярты литр су салып, утка куябыз.

Кайнап чыккач, 5 минут пешерәбез дә, утны сүндерәбез. Озак пешерергә кирәкми, алайса күркәләр ярыла. Бер тәүлек торган вареньены икенче тапкыр утка утыртабыз. Бу юлы инде кайнап чыкканнан соң 10 минут пешерәбез һәм утны сүндерәбез. Тагын бер тәүлек узгач, вареньены өченче тапкыр кайнатырга куябыз. Бу юлы 20 минут пешерәбез. Әзер вареньены кайнар килеш пыяла банкаларга тутырабыз. Болай әзерләгәндә күркәләр йомшак, сусыл була, ә ширбәте аз чыга. Варенье дип аталса да, ул күбрәк дару чарасы. Шуңа күрә аны артык күп итеп ашарга кирәкми.

ЧЫГАНАК: https://omet-rb.com/news/faydaly-ki-shl-r/2026-04-25/narat-k-rk-senn-n-varenie-4665083

Запись Нарат күркәсеннән варенье впервые появилась Tatar Today - татар яңалыклары..

Кычыткан ашы пешердегезме әле?

Рамиля Валиахметова — Mon, 20 Apr 2026 11:55:07 +0000

Яшел аш тансык та, файдалы да.

Язның иң файдалы үләненнән тәмле аш әзерлик, дуслар. Аны май аенда бер-ике тапкыр пешереп ашасаң, файдасы ел буена җитә, дип әйтә иде нәнәйләр.

Ит шулпасын кайнатырга, сөзәргә, шулпага бер-ике бәрәңгене саламлап турап салырга. Майда кыздырылган кишер белән суганны да кушып җибәрергә.

Яңа гына җыйган кычыткан яфракларын юып, кайнар су белән пешекләргә, аларны вак итеп турарга һәм дүрт-биш йомырка салып тугларга. Шулпага йомыркалы кычыткан яфракларын салырга, кайнап чыккач та бераз сүрән утта тотарга. Дәфнә яфрагы салырга онытмагыз.

Бу язгы аш файдалы да, тәмле дә була!

ЧЫГАНАК: https://kiziltan.ru/articles/raznoe/2026-04-19/kychytkan-ashy-pesherdegezme-le-4656900

Запись Кычыткан ашы пешердегезме әле? впервые появилась Tatar Today - татар яңалыклары..

«Кантри» салаты ашаганыгыз бармы?

Рамиля Валиахметова — Wed, 15 Apr 2026 11:37:59 +0000

Бер бик тәмле салат рецепты тәкъдим итим әле сезгә.

Майонез кушмыйча гына ясый торган туклыклы, итле салат ул. Җайлы гына ясала, әллә нәрсәләр дә кирәк түгел. Бөтенесе яңа ел көнне өйдә булмый калмый торган ризыклар гына.

200 г саламлап туралган терлек ите, 200 г юка итеп туралган ак башлы кәбестә, 200 г кореяча кишер, 200 г саламлап туралган свежий кыяр, 200 г кызыл баллы борыч. Боларның барысын да зур табакка салып, катнаштырырга кирәк.

Соус өчен: 1 аш кашыгы бөртекле горчица, 3 аш кашыгы сыек май, 3 аш кашыгы соя соусы алына. Теләсәгез, 1 тырнак сарымсак та уып куша аласыз. Әзер соусны салат өстенә сибеп, яхшылап болгатасы гына кала.

ЧЫГАНАК: https://omet-rb.com/articles/faydaly-ki-shl-r/2026-04-11/kpntri-salaty-retsepty-4648630

Запись «Кантри» салаты ашаганыгыз бармы? впервые появилась Tatar Today - татар яңалыклары..

Кыстыбый рецепты

Рамиля Валиахметова — Sun, 05 Apr 2026 08:22:55 +0000

Камыр өчен: йомырка – 2 данә, сөт – 200–250 мл, үсемлек мае – 60 г, он – 600–700 г, тәменчә тоз. Бәрәңгедән эчлек: уртача зурлыктагы бәрәңге – 24 данә, атланмай – 150 г, сөт – 600 мл, тәменчә тоз. Тары ярмасыннан эчлек: тары ярмасы – 200 г, атланмай – 60 г, сөт – 1 л, тәменчә тоз, шикәр комы.

Эш барышы: савытка йомырка сытып, сөт, үсемлек мае, тоз кушып, барысын бергә болгатабыз. Он өстәп, камыр басабыз.

Камырны 12 кисәккә бүләбез дә һәркайсын десерт тәлинкәсе зурлыгында юка итеп җәябез. Кызган коры табада башта бер ягын, аннары икенче ягын пешереп алабыз. Җәймәнең яртысына эчлек салып, икенче ягы белән каплыйбыз.

Кыстыбыйны табынга майлап чыгарабыз. Чәй яисә сөт белән бирәбез.

Рецепт «Татар халык ашлары» китабыннан алынды.

Запись Кыстыбый рецепты впервые появилась Tatar Today - татар яңалыклары..

Яңа ел табынына шифалы салат

Рамиля Валиахметова — Tue, 30 Dec 2025 11:40:42 +0000

Бәйрәмгә без әллә ничә төрле салат эшлибез. Һәм аларның барсы да, гадәттә, майонез кушып әзерләнгән була. Әйдәгез, 2026 елны иң тәмле һәм шифалы салат ясап каршылыйк әле, дуслар!

1 стакан тозлы кәбестә, 1-3 балкашык шикәр комы, ярты әфлисун, ярты суган, көнбагыш мае алабыз. Теләгән кешегә бераз әчтерхан чикләвеге өстәргә була. Тозлы кәбестә әчебрәк киткән икән, аны юарга кирәкми. Моның белән сез андагы күп витаминнарны харап итәсез. Иң яхшысы, кәбестәгә шикәр комын күбрәк салыгыз, юка итеп тураклап һәм кайнар суда пешекләп алынган әфлисун (пешекләмәскә дә мөмкин), суган кушыгыз һәм үсемлек мае өстәп болгатыгыз. Шәп сәлат бу!

ЧЫГАНАК: https://omet-rb.com/articles/faydaly-ki-shl-r/2025-12-30/ya-a-el-tabynyna-shifaly-salat-4525260

Запись Яңа ел табынына шифалы салат впервые появилась Tatar Today - татар яңалыклары..

Гүзәл Уразовадан «Тун астында сельдь» салат рецепты

Рамиля Валиахметова — Fri, 26 Dec 2025 11:05:52 +0000

Гүзәл Уразова социаль челтәрдәге сәхифәсендә «Тун астында сельдь» салатын яңача итеп ясау ысулын күрсәтте. Җырчы бу традицион Яңа ел салатын рулет итеп ясый икән.

«Яңа ел табынына гел үземнең традицион рецепт буенча яраткан казымны пешерә торган идем. Быел инде яңача итеп «Тун астында сельдь» салатын ясап карыйк әле бергәләп», – ди җырчы.

Ингредиентлар:

сельдь балыгы,
чөгендер,
кишер,
йомырканың агы һәм сарысы,
бәрәңге,
майонез,
бизәү өчен укроп белән гранат.

Башта яшелчәләр белән йомырканы пешерергә һәм угычтан уарга кирәк. Аннары полиэтиленга чөгендер, кишер, йомырка, бәрәңге һәм иң азактан сельдь балыгын җәеп салырга. Катлам саен майонез сыларга. Аннары катлап җәйгән ингредиентларны рулет итеп төрергә. Рулет өстен укроп һәм гранат белән бизәргә.

Бик тәмле «Тун астында сельдь» рулеты әзер! Гүзәл Уразова әйтүенчә, ул мондый рулетны еш ясый һәм Яңа ел табынына да әзерләргә җыена.

ЧЫГАНАК: https://intertat.tatar/news/guzal-urazova-tun-astynda-seld-salatyn-rulet-itep-torep-yasarga-oiratte-5877364

Запись Гүзәл Уразовадан «Тун астында сельдь» салат рецепты впервые появилась Tatar Today - татар яңалыклары..

Яңа ел табынына 7 салат рецепты

Рамиля Валиахметова — Mon, 22 Dec 2025 11:37:22 +0000

Яңа ел өстәленең патшасы – салат. Ә иң яхшысы – берничә салат булсын: төрле-төрле, ләкин туклыклы, күптөрле ингредиентлы һәм майонез яки башка аппетитлы соус белән. Чөнки елга бер генә тапкыр төн уртасында туйганчы ашарга ярый. Шуңа күрә тавык түшләре, ананас банкалары һәм сусыл креветкалар сатып алыйк. Яхшы помидорлар һәм кетердәп торган салат та комачау итмәс.

Итле һәм гөмбәле салат

300 г суда яки фольгага төреп мичтә пешерелгән тавык ите (яки сыер ите)
200 г шампиньон гөмбәсе
1 суган
2 аш калагы үсемлек мае (кыздыру өчен)
майонез һәм каймак
1 чәй калагы горчица
тоз һәм борыч

1. Итне суда яки фольгага төреп духовкада пешерергә. Суынгач, шакмаклап турарга.

2. Суганны вак итеп турап, үсемлек маенда кыздырырга.

3. Шампиньоннарны ваклап, суган белән бергә кыздырырга.

4. Иткә гөмбә һәм суганны кушарга, бераз горчица өстәргә, каймак-майонез катнашмасы белән заправка ясарга, тоз-борыч салырга.

Гранат беләзеге

2 уртача зурлыктагы чөгендер
3 уртача зурлыктагы кишер
300 г тавык филесы
2 суган
2 йомырка
үсемлек мае
бер уч әстерхан чикләвеге
3 бәрәңге
1 зур гранат
тоз, кара борыч
майонез

1. Барлык яшелчәләрне пешерергә, йомырканы – каты итеп.

2. Барлык ингредиентларны аерым-аерым эре угычтан уарга, йомырканы да аерым уарга.

3. Тавыкны суда пешереп вакларга.

4. Суганны турап, алтынсу төскә кергәнче кыздырырга.

5. Чикләвекне ваклап, чөгендергә кушарга.

6. Зур тәлинкә сайларга, уртага стакан куярга.

7. Стакан тирәли бәрәңге катламы салып, өстенә майонез сыларга.

8. Аннары – кыздырылган суган белән болгатылган тавык, майонез.

9. Шуннан соң йомырка, кишер, чөгендер. Катламнарга майонез сылап барырга мөмкин.

10. Өскә гранат бөртекләрен тезәргә, аннары стаканны алырга. Салатны 2 сәгать суыткычта тотарга.

Җылы баклажан салаты

2 уртача зурлыктагы баклажан
3 помидор
100 г фета сыры
2 тырнак сарымсак
3 аш калагы зәйтүн мае
яшел үләннәр, тоз, борыч

1. Баклажанны боҗралап турарга, тоз сибеп, 10 минутка калдырырга, аннары чайкап алырга. Сөлге белән киптерергә.

2. Зәйтүн маенда йомшарганчы һәм кызарганчы кыздырырга.

3. Помидорларны эре итеп турарга.

4. Сарымсакны ваклап, зәйтүн мае белән бутарга.

5. Баклажан һәм помидорны тәлинкәгә салырга, өстенә фета сырын ваклап салырга һәм яшеллек сибәргә, сарымсаклы май салырга.

Тавык һәм ананас салаты

300 г тавык түше ите
1 банка консервланган ананас
бер уч әстерхан чикләвеге
3 йомырка
майонез
тоз, кара борыч
бер чеметем карри

1. Тавыкны суда пешерергә яки духовкада пешерергә, суынгач турарга.

2. Ананас сиробын түгеп, ананасларны турарга.

3. Чикләвекне вакларга.

4. Йомырканы пешерергә, суытып турарга.

5. Барлык ингредиентларны кушып, майонез салып болгатырга.

Креветка һәм авокадо салаты

2 өлгергән авокадо
250 г креветкалар (пешерелгән яки кыздырылган)
3 йомырка
петрушка бәйләме
яшел салат яфраклары
лимон согы
2 аш калагы зәйтүн мае
тоз һәм борыч

1. Йомырканы пешереп турарга.

2. Авокадоны чистартып турарга, каралмасын өчен, лимон согы сибәргә.

3. Креветкаларны әзерләргә, кирәк булса – турарга.

4. Авокадо, йомырка, креветкаларны салат савытында кушарга, яшеллек өстәргә.

5. Зәйтүн мае сибеп, тоз-борыч салырга, сак кына бутарга.

Күркә ите белән яшелчә салаты

300 г күркәнең түш ите
2 кыяр
2 помидор
50 г кешью чикләвеге
2 аш калагы зәйтүн мае
бер бәйләм яшел салат
берничә ботак петрушка һәм сельдерей
тоз, борыч

1. Күркә итен кыздырып, борысчыклар итеп турарга.

2. Яшелчәләрне һәм салатны юып, киптереп, эре итеп турарга.

3. Яшеллек һәм чикләвекне ваклап өстәргә.

4. Зәйтүн мае, тоз-борыч белән заправка ясарга.

5. Өстенә күркә ите кисәкләрен салырга.

Кыздырылган сосискалы салат

3-4 сосиска
кыздыру өчен үсемлек мае
1 зур помидор
кызыл болгар борычы
берничә яфрак пекин кәбестәсе
70 г каты сыр (уылган)
тоз
майонез
кара борыч

1. Сосискаларны түгәрәкләп турап кыздырырга.

2. Помидор һәм борычны шакмаклап турарга.

3. Пекин кәбестәсен юка итеп турыйсы. Яшелчәләрне кушарга.

4. Өстенә сосискаларны салырга, майонез белән заправка ясарга, сыр сибәргә. Тоз-борыч кушарга.

ЧЫГАНАК: https://aif.ru/food/recipies/pod-mayonezom-i-s-kuricey-top-7-receptov-novogodnih-sytnyh-salatov

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Яңа ел табынына 7 салат рецепты впервые появилась Tatar Today - татар яңалыклары..

Грушалы-сырлы пирог рецепты

Рамиля Валиахметова — Sat, 04 Oct 2025 10:46:52 +0000

Блогер Илүзә Галиәхмәтова социаль челтәрдәге сәхифәсендә тәмле рецептлары белән бүлешеп тора. Менә тиз генә әзерләнә торган грушалы-сырлы пирог рецепты.

Ингредиентлар: катлы камыр (кибеттә сатыла), камамбер сыры, груша, 1 йомырка сарысы, 1 аш кашыгы сөт, бал, әстерхан чикләвеге.

Камырны сак кына җәяргә, пергамент кәгазьгә аз гына он сибәргә һәм камырны куярга. Камыр кырыйларына пычак белән эз ясап чыгарга.

Аннары грушаны һәм сырны телемләп турарга да, чиратлаштырып, камыр өстенә тезеп чыгарга. Пирогның камырын һәм эчлеген йомырка белән «майларга».

190 градуска кадәр кызган духовкада 20 минут пешерергә.

Әзер пирог өстенә бал агызырга һәм вакланган, табада «уятып» алынган чикләвек сибәргә.

Чәегез тәмле булсын!

Блогер Илүзә Галиәхмәтова социаль челтәрдән

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Грушалы-сырлы пирог рецепты впервые появилась Tatar Today - татар яңалыклары..

Кишер кәтлитләре рецепты

Рамиля Валиахметова — Sun, 28 Sep 2025 11:23:14 +0000

Кишердән бик тәмле кәтлитләр пешереп була.

Кирәк

Кишер – 3 данә
Җитен оны – 2 аш кашыгы
Үсемлек мае – 2 аш кашыгы
Бодай оны – 100 г
Тоз – тәменчә

Әзерләү тәртибе

Кишерне әрчеп, эре кыргычтан уыгыз.
Ике төрле онны һәм тозны кушып, яхшылап болгатыгыз.
Табаны утка куеп, үсемлек мае салыгыз.
Кәтлитләр ясап, табага салыгыз һәм ике ягын да кызарганчы кыздырыгыз.
Аннары сүрән утта, табаны капкач белән каплап, берничә тапкыр әйләндерә-әйләндерә пешереп бетерегез.

ЧЫГАНАК: https://aif.ru/food/recipies/1141223

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Кишер кәтлитләре рецепты впервые появилась Tatar Today - татар яңалыклары..