2 апрель Казанның 4нче кызлар гимназиясендә беренче тапкыр “Асылташ” шәһәркүләм татар кызлары бәйгесе узды. Мәктәп укучыларына конкурсны оештыручылар, татар теле гаиләдә сакланырга тиеш дигән фикере алга сөрелде. 10 сыйныф укучысы  мәктәпнең дә моңа җаваплы булуын әйтте. Яраткан татар җырчыларын да белдек.

Тыйнаклык һәм “дөрес” итеп сөйләү – “Асылташ” бәйгесендә жюри булган ханымнарның телегән төп таләпләренең берсе иде. “Сәхнәгә чыгучы кызлар белемгә омтылырга, тыйнак булырга, гаилә традицияләрен белергә тиеш”, диде журналистларга психолог Миннур Әхмәтова. Жюрида шулай ук шагыйрә Йолдыз Шәрәпова, Татар конгрессыннан Гөлназ Шәйхи, телевидение-радио хезмәткәрләре Нурания Җамали һәм Шәмсия Җиһангирова конкурста катнашучы 14-18 яшьлек 15ләп кыз арасыннан иң яхшыларын барладылар.

“Дөресен әйткәндә, бу конкурс турында укытучым иң соңгы көнне әйтте. Бер көндә әзерләнеп, бәйгегә җибәрдек. Икенче этапка чыгуым турында билгеле булды. Эсседа үзем турында яздым. Икенче этапта исә үземнең гаиләм турында сөйләдем. Бу конкурслар минем өчен конкурс та түгел, ә бәйрәм шикелле. Бәйге башланганчы биредә шундый татар рухы сизелде, бик рәхәт булды. Күп кенә кызлар үзләренең гаиләләре, гореф-гадәтләре турында сөйләде, бу, минемчә, бик әйбәт. Татар телен, җырларын бик яратам. Илһам Шакиров, Гүзәл Уразова, Гүзәлем, Элвин Грей кебек җырчыларны тыңлыйм”, диде Азатлык хәбәрчесенә башкаладагы 96нчы гимназиянең 11 сыйныф укучысы Айсылу Хәерова. Аның белән сөйләшкәндә, мондый бәйгеләрдә аны татар теле укытучылары катнаштырырга тырыша дигән хис калды, үзе исә ул табибә буласым килә дип белдерде.

Казандагы 144нче мәктәпнең 10 сыйныф укучысы Диләрә Рамазанова да “Асылташ” бәйгесе турында укытучылары әйтә. Аның сүзләренчә ул конкурска җиңәр өчен түгел, яңа кешеләр белән танышырга, милләт турында сөйләргә килә. Диләрә сәхнәгә чыгыш ясарга менгәч, жюрига татар халкының үсеш стратегиясенә бәйле фикерләрен дә җиткерде. Чыгышын укытучылары белән әзерләгән дип аңладык. Сөйләмендә татар теле үсешенә гаилә генә түгел, мәктәптә тә җаваплы булуы бер җөмлә белән булса да әйтелеп үтте.

“Мин укучы буларак милли үсеш стратегиясенең нигезләрен аңлый алмыйм әле. Шулай булуга карамастан, гаиләдә милли үзенчәлекләрне өйрәнү, милли шәхес үстерү аерым бер тема буларак билгеләнергә тиеш дип саныйм. Эзләнгәннән соң мондый фикергә килдем, гаилә – милләтне, телне саклый торган, дәүләтнең бер тармагы буларак күзаллана. Гаилә белән мәктәпнең бердәмлеге булганда гына татар телен, гасырлардан килгән гореф-гадәтләрне сакларга, үстерергә мөмкин ”, ди 10 сыйныф укучы Диләрә, кәгазьдә әзерләгән чыгышын укып.

Башкаладагы 2нче татар гимназиясенең 8 сыйныф укучысы Зөһрә Камалова да татар теле укытучысы тырышлыгы белән әлеге бәйгедә катнаша.

“Бу конкурс турында татар теле укытучысы әйтте. Үземә дә кызык булды, шуңа катнашырга уйладым. Үземнең сәләтемне, татар кызы нинди булырга тиешлеген күрсәтәсем һәм тәҗрибә туплау максаты белән дә килдем. Мин фортопианода уйнарга, чигү белән шөгыльләнәм, татар шагыйрьләренең шигырьләрен укырга яратам. Киләчәктә кем булуымны әйтә алмыйм, әмма министрлыкта эшлисем килә”, диде Зөһрә. Конкурста ул ачык дәресләрдә еш кулланылган шагыйрь Зөлфәтнең “Тел ачылгач әйтә алсаң: “Әни” – дип” шигырен сөйли.

Быел беренче узучы “Асылташ” бәйгесенең авторы, 4нче кызлар гимназия-интернатында китапханә мөдире, педагог Гүзәл Гыймадиева. Ул бу конкурсы ел саен үткәрү теләге белән янып йөри.

“Безнең гимназиядә “Мәгърифәт йолдызлыгы” дигән проект эшләп килә. Тугыз ел дәвамында республика күләмендә конференцияләр оештырабыз. Ул аеруча татар хатын-кызлары мәгърифәтенә багышланган. Без гасыр башында батыр йөрәкләре, зыялы татар хатын-кызларына багышланган эзләнү эшләре алып барабыз.

“Асылташ”ның максаты – милли үзаң булдыру, кызларны мәгърифәтле, белемле итү. Тагын бер максаты: зур уңышлар казанган кызларны барлап, аларны күрсәтү, яңа үрләргә этәргеч бирү”, диде безгә Гүзәл ханым. Аның сүзләренчә, әлеге конкурсны оештырырга Татарстанның Мәгариф һәм фән министрлыгы, Казанның мәгариф идарәсе, КФУның  филология факультеты, Татар конгрессы, 4нче кызлар гимназиясе ярдәм итә.

“Асылташ”ның икенче этабына узган 15 укучы кыз жюри әгъзалары белән җанлы аралашу узды. Катнашучыларның тышкы кыяфәте, сөйләме, фикерләү сәләте, үз-үзен тотышы игътибарга алынды. Укучылар “Милли үзенчәлекнең асылы – гаилә тәрбиясенең нигезендә” темасына 3 минутлык презентация йәисә видеоязма тәкъдим итте. Татар тарихы, мәдәнияте, әдәбияте, гореф-гадәтләренә кагылышлы сорауларга җавап бирделәр Әдәби сүз бүлегендә, җюри әзерләгән әдәби әсәрләрдән өзекләрне сәнгатьле итеп укып мәгънәсен аңлатырга тырыштылар.

12 апрельдә “Мәгърифәт йолдызлыгы” конференциясе кысасында шушы “Асылташ” бәйгесенә нәтиҗә ясалып, җиңүчеләр әйтеләчәк.

Запись “Илһам Шакиров, Элвин Грей…” – Казанның 14-18 яшьлек татар кызлары җаваплары зурларча впервые появилась Tatar Today - татар яңалыклары..

Ә миңа узган ел ахырында Кукмара районында узган “Татар кызы” бәй­гесен карау насыйп булды. Әлеге бәйгенең үткәрелү тарихы, нечкә­лек­ләре турында район мәдәният йортының өлкән методисты, “Ак калфак” оешмасы җитәкчесе урынбасары Регина Хәкимҗанова белән сөйләштем.

– “Татар кызы” бәйгесе Кукмарада кайчан һәм ни сәбәпле оештырыла башлады?

– Бервакыт “Ак калфак” оешма­сының җитәкчесе Зөмәрә апа Җиһаншина белән Зәй районына бардык. Анда 44 район, 6 регион җыелды. Халкыбызның гореф-гадәтләрен, бәйрәмнәрен карап, кунак булып кайттык. “Татар кызы”н оештырасы иде”, – диде Зөмәрә апа шул чагында. Икенче көнне эшкә килгәч, илһамланып авыл клубларына шалтыратып чыктым да 22 “Ак калфак” оешмасы оештырдым. Шунда клуб мөдирләренә: “Татар кызы” бәйгесе оештырырга исәплибез, кыз әзерләп торыгыз”, – дип әйтеп куйдым.

– Ризалаштылармы?

– Әйе. Аннан үзебезнең район мәдәният йорты директоры Айгөл Сафинага мөрәҗәгать иттем. Директорыбыз моны хуплап алды. Чөнки безнең районда милләтне, татарлыкны күрсәтә торган мондый КВН кебек бәйгеләр арткарак калып бара иде. Хәзер авылларда “Әйдәгез, кызлар”, “Әйдәгез, егетләр” кебек ярышлар, КВНнар да сирәк оештырыла бит. Ә “Татар кызы” авыл клубларын да ничектер җанландырып җибәрде.

– Ни өчен нәкъ менә “Татар кызы” дип атадыгыз? Башка исемнәр дә куярга була бит.

– Чөнки татар кызы – татар милләтен, рухын чагылдырган образ ул. Гореф-гадәтләрен, йолаларын һәм иң мөһиме – телен онытмаган. Татар кызы – әни буласы кеше дә. “Балага ана теле ана сөте аша тапшырыла”, диләр. Шуңа вакытында татарлыгыбыз белән горурланып, киләчәк буынга гореф-гадәтләребезне тапшырып калырга кирәк.

Румия Сәйфуллина

Язманы тулысынча "Акчарлак" газетасының 5 нче саныннан укый аласыз.

Запись Чын татар кызлары шундый була! впервые появилась Tatar Today - татар яңалыклары..

Узган елгы бәйге финалында катнашучыларның сәхнәдән фонограммага сөйләүләре, ягъни алдан яздырылып куйган тавышка авыз ачып торуларын белгәч, кызларның татар телен белү дәрәҗәсе сәхнәдән сөйләрлек булмаган дигән нәтиҗә ясалган иде. Быел андый җитешсезлекләр күренмәде.

“Татар кызы” финалы Милли шура рәисе Васыйл Шәйхразиевның Татарстан президенты исеменнән сәламләве белән башланды. Васыйл әфәнде Сәкинә Шәймиева вафатын да искә алды, бер минут тынлык игълан иткәннән соң,”Сәкинә ханымның авыр туфрагы җылы булсын” дип әйтмәсенме.

Ахырда кулына конверт тотып сәхнәгә янә Васыйл Шәйхразиев чыкты. Жюри әгъзалары киңәшләшеп “Татар кызы-2018” титулын Удмуртиядән килгән Диләрә Гыйлметдиновага бирергә булган. Диләрә күчмә таҗ һәм Татарстан президенты Рөстәм Миңнеханов исеменнән Лада Гранта машинасы белән бүләкләнде.

“Татар кызы-2018” җиңүчесе Диләрә Гыйлметдинова (уртада)

Узган ел Уфада үткәрелгән бәйгедә Татарстан кызы Гөлназ Гатина җиңеп, бәйгене Казанда үткәрү хокукын яулап кайткан иде. Быел бәйгенең Татарстан өлеше җиңүчесе Гүзәл Габдрахманова Азатлыкка Ижау кызының күләгәсендә калдым дип күңеле төшүен әйтте. Гүзәл финалда җиңәчәгенә ышанган, бүләк машинасына утырып туган ягы Балтачка кайтуын да күзалларга өлгергән иде.

“Җиңәрмен кебек иде. Финалы да әллә ни авыр булмады, безне сәхнәдә генә сынадылар. Моңа кадәр булган җиңүләргә игътибар да биреп тормадылар. Миңа әле дә бик күп язалар, шалтыраталар. “Гүзәл, син җиңүче, без синең яклы”, диләр. Миңа шундый рәхәт, хәтта үземне җиңүче итеп хис итәм. “Син бит аңлыйсың, ике ел рәттән Татарстан җиңеп чыга алмый. Мораль яктан әзерлән”, дип алдан кисәттеләр. Ләкин мин ахырга кадәр өметләндем. Кызганыч, булып чыкмады”, дип сөйләде Татарстан данын яклап чыгыш ясаган Гүзәл Габдрахманова.

Бәйге күренеше

Тамашачылар арасында да ризасызлык белдерүчеләр булды. Ландыш туташ та камерага сөйләргә теләмәде, фикерләрен болай гына әйтте.

“Конкурсның финалын яхшылап оештырганнар: кызлар әзерлекле, тамашачы күңелен яуларлык чыгышлар да шактый иде. Тик күңелдә бер ризасызлык калды: ни өчен башкалардан матур сөйләм теле, артистлык сәләте белән аерылып торган, сәхнәдә аккош кебек йөзеп йөргән Татарстан данын яклаучы кыз җиңүче исемен алмады? Аннан кызларны ничектер өстен-өстен генә сынадылар кебек, барлык биремнәр күмәк үткәрелде. Мөгаен, монысы осталыгы азрак булган катнашучыларны күрсәтмәү өчен булгандыр.

“Татарстан ике ел рәттән җинүче булып кала алмый”, дигән фикер ачуны чыгарды. Әлеге сүзне бәлкем кычкырып йөрисе булмагандыр? Ни өчен гаделлек юк? Нигә әле лаеклы катнашучы барында ике ел рәттән җиңүче булырга ярамый? Аптырашта калдым, күңел кайтты. Әлеге яшерен системның спортта, татар көрәшендә булуына күптән шикләнә идем, тик “Татар кызы” бәйгесе шул түбәнлеккә төшәр дип уйламадым! Әмма күзе күргән, колагы ишеткән һәм сәләтле кешеләрне күрә белгән тамашачылар лаеклы җиңүчене күргәндер”, диде “Татар кызы” бәйгесен башыннан азагына кадәр күзәткән Ландыш туташ.

Кайбер тамашачылар һәм бәйгедә катнашучы кызлар да бәйгенең быел Казанда үткәрелүе татарстаннар өчен кулай булмады дигән фикердә. Фестивальне оештыручы Татар конгрессының Дөнья татар яшьләре форумы җитәкчесе Тәбрис Яруллин бәйге алдыннан биргән әңгәмәсендә, “Татар кызы” бәйгесенең финалын ике ел рәттән Татарстанда уздыру дөрес түгел, дип әйткән. Республика исеменнән катнашучылар бу сүзләрне, быел ничек кенә әйбәт булсагыз да, Татарстан кызлары барыбер җиңеп чыкмаячак дип кабул иткән.

Жюри әгъзасы, Камал театры артисты Фәнис Җиһанша фикеренчә, барлык катнашучы кызлар да җиңүче, аларга ул милләтнең үрнәк әниләре булуларын теләде.

Азатлык радиосы язмасы  (чит ил агентлыгы)

Запись “Ни өчен гаделлек юк?” – “Татар кызы” бәйгесендә ачылмаган серләр кала [фото-видео] впервые появилась Tatar Today - татар яңалыклары..

View this post on Instagram

A post shared by Long Hair ❤️ (@aliia_more)

“Мин – татар кызы. Әмма, кызганычка каршы, татар телен белмим. Бүгенге көндә мин Словакиядә Братислава шәһәрендә яшим. Мин – рәссам-график һәм иллюстратор”, – диде ул.

Алия толымының озынлыгы чама белән 240 см булуын әйтте. “Минем чәчләр махсус тәрбия таләп итми. Башка кеше нәрсә эшли, мин дә шуны ук эшлим: чәчләремне юам, киптерәм һәм тарыйм. Чәчләрне мин атнага бер генә тапкыр юам һәм көн саен 40 минут тарыйм. Фен кулланмыйм, шуңа күрә югач, чәчләрем көне буе кибә. Элегрәк әни ярдәм итә иде, хәзер барысын да үзем эшләргә өйрәндем. Минемчә, кызлар табигатьтән бирелгән чәч белән яшәргә тиеш. Үзеңне яратырга һәм булган әйбереңә рәхмәт әйтеп яшәргә кирәк. Мода артыннан куарга кирәкми”, – диде ул.

View this post on Instagram

A post shared by Long Hair ❤️ (@aliia_more)

Кыз чәчләрен 20 елдан артык үстерүен сөйләде. “Толымнарым, берсүзсез, вакыт, көч һәм билгеле бер карау чаралары таләп итә. Хәзерге вакытта мин чәч тәрбияләү әйберләренә акча тотмыйм дисәң дә була”, – диде ул.

Алиянең сүзләренчә, аңа көн саен Җир шарының төрле почмакларыннан җылы сүзләр килеп тора. “Беркайчан да минем чәч толымнары белән видеолар бөтен дөнья буенча миллионлаган карау җыяр дип уйламадым. Минем толымнар турында массакүләм инглиз көндәлек газетасы Daily Mail, Америка газеталарының иң зурларының берсе New York Post, Британия таблоиды The Sun язды. Миңа көн саен Җир шарының төрле почмакларыннан яхшы һәм җылы сүзләр килә.  Мин кешеләрне рухландыра алам икән бит”, – диде татар кызы Алия Насыйрова.

Запись Чәче 240 сантиметрлы татар кызы Алия дөньяны шаккаттыра. Англия, Америка газеталары яза впервые появилась Tatar Today - татар яңалыклары..

Татар конгрессы оештырган “Татар кызы – 2018” халыкара бәйгесенең Татарстан өлешендә Чаллы, Актаныш, Балтач, Теләче, Апас, Саба, Арча, Лаеш, Кама Тамагы районнарыннан 11 кыз катнашты. Быел да, узган ел кебек, Казаннан катнашучы булмаган.

“Татар кызы”нда катнашучы 11 кызның күбесе татар телен мәктәптә ихтыярига калдыру кануны турында ишеткән. “Татар кызы президент була аламы, булсагыз беренче итеп нәрсә эшләр идегез?” дигән сорауга аларның җаваплары татар теле белән бәйле булды.

Татар кызлары президент булып телне сакларга хыяллана
Сабадан Алинә Фәйзуллина президент булса, татар телен саклау өчен төрле тәкъдимнәр кертү, гореф-гадәтләрне саклап калу яклы.

Арча кызы Алсу Гарипова Татарстанда татар телен, ана телен саклап калу өчен нәкъ менә хатын-кыз президент булырга тиеш дип саный.

Фәнзилә Җәмилева президент булса, мондый “Татар кызы” бәйгеләрен ешрак үткәрмәкче.

“Татар кызы Сөембикә кебек кыю, бар эшләрне дә үз кулына алып эшләрлек булса, президент була ала. Татар теле дә сакланыр иде”, ди Сабадан Гөлйөзем Шәйдуллина.

Сабадан Гөлйөзем Шәйдуллина

Әлеге сорауны “Татарстан гүзәле – 2017” бәйгесе җиңүчесе Зөлфия Шәрәфиева төгәл генә җавап бирә алмаса да, татар теленә каршы кабул ителгән канун өчен нык борчылуын белдерде.

– Татарстанда татар телен бетерү – Русиядә рус телен бетерүгә тиң. Татар теле Татарстанда мәктәпләрдә мәҗбүри булырга тиеш. Бу бәйгеләр булмаса, дәресләр булмаса – нәрсә була инде ул? Мин үзем ахыргы җиде елымны шәһәрдә яшим, монда татар теленә игътибар аз бирелә. Университетларда татар теле юк, бу эш белән дәүләт шөгыльләнергә тиеш, ди Зөлфия.

Ул үзе президент булырга теләми. Аның уйлавынча, президент булыр өчен матур булу гына җитми. Хатын-кыз өчен бу бик авыр эш. Каты характерлы ир-ат кына бу эшне башкара ала.

Зөлфия фикеренчә, “Татар кызы” бәйгесе футбол дөнья беренчелеге барган вакытта күләгәдә кала. Аны йә иртәрәк, йә соңрак оештырырга иде, ди “Татарстан гүзәле”.

Бәйгедән күренеш

Америкада яшәүче татар егете, элекке журналист Ленар Мөхәммәдиев бүгенге татар кызлары бик актив, дөньяга ачык, паровоз алдында баралар ди. Хоккей уйный белүче яки авылда бию түгәрәге ача алган кызларда өмет бар, дип Ленар бәйгедә катнашучы кызларга соклануын белдерде.

– Алар хәтта президент та була алыр иде, чөнки татар гаиләсендә әни сүзе көчле, әни роле күпкә югары. Татар милләтенә гомумән матриархат хас. Татарстан президенты хатын-кыз булырга тиеш, мин тавыш бирергә әзер, диде Мөхәммәдиев. Ул да татар телен мәктәптә калдыру яклы, киләчәк өчен борчыла, үзенең да тормыш иптәше татар телле татар кызы булуын тели.

“Татар кызы” фестиваленең жюри әгъзасы Фердинант Сәләхов сәхнәдә чыгыш ясаучылар сөйләмендә хилафлыкка борчыла. Халык артисты милләтнең телен кисүгә юл куймаска, камиллеккә омтылып, татар теле өчен кулдан килгәнчә, иҗат аша көрәшергә чакырды.

Татарстан буенча сайлап алу бәйгесендә Алсу Гарипова (Арча) – иң уңган кыз, Алинә Фәйзуллина (Саба) – иң зирәк кыз, Альбина Фәтхриева (Саба) – иң нурлы йөзле кыз, Гөлүсә Зыятдинова (Кама Тамагы) – иң иҗади кыз, Илзирә Шәрифуллина (Теләче) – иң ихлас кыз, Гүзәл Шакирҗанова (Саба) – иң җитез кыз, Илсинә Тимерова (Актаныш) – иң илһамлы кыз, Зөһрә Шәрәфетдинова (Апас) – халык гүзәле, Гүзәл Габдрахманова (Балтач) – иң акыллы кыз, Гөлйөзем Шәйдуллина (Саба) – иң тырыш кыз, Фәнзилә Җәмилева (Чаллы) – иң мөлаем кыз исемнәренә лаек булып истәлек бүләкләре алды.

Бу чараны тамаша кылган халык артисты Гөлзада Сафиуллина бәйгедә катнашучы барлык кызлар да бик лаеклы, көчле, телләре дә, үзләре дә матур дип саный.

Узган елгы җиңүче быелгысын бүләкли

Бәйгенең иң эмоциональ урыны – җиңүчене игълан итү булды. Бу эш “Татар кызы – 2017” җиңүчесе Гөлназ Гатинага йөкләнгән иде.

– Бу фестиваль халыкара масштабта өченче тапкыр үткәрелә. Татарстан районнарында узган сайлап алу этапларында ук кызларга күп төрле сынаулар аша үтәргә туры килде. Катнашырга теләүче кызлар елдан-ел арта бара. Шундый кызлар булганда, татар теле бетү турында сүз дә булырга мөмкин түгел. Биредә минем вазифам – репетицияләр үткәрү, бәйгене оештыруда катнашу, җиңүчене бүләкләү, дип аңлатты Гөлназ.

“Татар кызы – 2018” җиңүчесе Гүзәл Габдахманова

Нәтиҗәдә “Татар кызы – 2018” калфагы Балтач гүзәле Гүзәл Габдахмановага тапшырылды. Ул 30 июль–5 август көннәрендә Казанда узачак халыкара “Татар кызы – 2018” бәйгесенең ярымфинал өлешендә Татарстан данын яклаячак.

Бәйгенең финал өлеше 6 октябръ Казанда “Татнефть Арена”да үтәчәк.

Азатлык

Запись Татар кызлары Президент булып сайланып Сөембикә батырлыгын кабатламакчы впервые появилась Tatar Today - татар яңалыклары..

Эдельвейс Ихсанова : “Минем татар телен үстерәсем, аны таратасым килә. Безнең татар кызларына карап, үрнәк алсыннар иде, яшьләр телне онытмасын, кешеләр татарча аралашсын иде. Үзем аша телебезнең матурлыгын күрсәтәсем килә”, дигән иде. Ул шулай ук республика финалына үтүенең дә очраклы хәл булуын әйтте.

Ихсанова Эдельвейс Альберт кызына 18 яшь, ул Башкортстанның Федоров районы Юрматы авылында туган. Салават медицина колледжында “хирург” белгечлегенә укый.

Чиләбе өлкәсендә танылу алган “Татар кызы-2016” матурлык һәм сәләт бәйгесе 2011 елдан регионара дәрәҗәдә үткәрелә. Быел ул халыкара масштабта узды. Аның ярымфинал өлешенә 22, финалга исә 14 кыз чыкты. Алтын йөгертелгән таҗ өчен ярышучылар арасында Татарстан, Әстерхан, Ленинград, Томск, Төмән, Чиләбе өлкәләре, Татарстан, Башкортстан, Удмуртия, Крым Республикалары, Пермь, Ставрополь крайлары, Мәскәү һәм Латвия, Казахстан чибәрләре бар. Күчеп йөрүче таҗдан тыш, бәйге җиңүчесенә быел махсус приз – “Лада Priora” машинасы бүләк ителәчәге алдан ук игълан ителгән иде.

Киләсе елда бәйге Башкортстанда үткәреләчәк.

Татарстан вәкиле Эльвина Нәҗипова “Иң камил кыз” дип табылды.  Бөтендөнья татар яшьләре форумы вәкилләре бәйгедән соң Эльвина белән төшкән фотоны социаль челтәрдәге аккаунтларына урнаштырганнар.

Татар-информ

Төп фото: rb7.ru

Запись “Татар кызы – 2016” бәйгесенең җиңүчесе – Эдельвейс Ихсанова впервые появилась Tatar Today - татар яңалыклары..

Запись “Татар кызы – 2016” бәйгесендә җиңүче кыз нинди машина белән бүләкләнәчәк? [фото] впервые появилась Tatar Today - татар яңалыклары..

Татарча белем алган Казан кызы Алия Гыймадиева Гарәп Әмирлекләренең һава ширкәтендә стюардесса булып эшли. Үзенең анда эшләвен ул дөнья буенча сәяхәт итәргә яратуы белән аңлатты. Алия фикеренчә, теләге зур булган башка татар яшьләре дә чит илләрнең һава корабларында эшли ала. //Азатлык радиосы//

Запись Алия Гыймадиева: “Казанда татар гимназиясен бетереп чит илдә стюардесса булып эшлим” [видео] впервые появилась Tatar Today - татар яңалыклары..