Архивы Татарстан - Tatar Today - татар яңалыклары.

“Булат башта сүгенде……”

Рамиля Валиахметова — Tue, 05 May 2026 08:34:46 +0000

Ләйсән Гыймаева һәм Булат Бәйрәмов гаиләсе Уфадан кайтышлый кызык хәлгә тарыган.

Алар җырчы Альбина Апанаеваны заправкада онытып калдырган. Бу хәл турында Ләйсән Гыймаева социаль челтәрләрдә язды.

«Альбина, сине заправкада онытып калдырган өчен гафу ит инде. Ай кызык та булды бу Уфага барып кайту. Баруын да бардык, әйбәт кенә чыгыш та ясадык. 3-4 сәгать йоклап алып, Казанга кайтырга чыккач, заправкага кердек. Альбина заправкадагы кибеткә кереп китте. Кузгалып, 5-6 минут баргач, артка борылып карасам – Апанаева юк. Кычкырып җибәрдем.

Булат башта сүгенде, аннан тотынды мине ачуланырга, нигә башта ук әйтмәдең, ди. Ә мин, телефонда утырып, сизми дә калганмын. Кире борылып, барып алырга туры килде. Ниләр уйлагансыңдыр инде безнең турыда», – дип язган ул бу кызыклы хәл турында.

ЧЫГАНАК: https://kiziltan.ru/articles/kultura/2026-05-05/bulat-bashta-s-gende-4674880

Запись “Булат башта сүгенде……” впервые появилась Tatar Today - татар яңалыклары..

Элвин Грей яңа һөнәр үзләштерә

Рамиля Валиахметова — Tue, 05 May 2026 08:27:22 +0000

Башкортстанның халык артисты Радик Юлъякшин тәүге тапкыр үзаллы татуировка ясаган. Беренче тәҗрибәсе белән ул социаль челтәрләрдә уртаклашкан.

Элвин үзенең популяр булган бер җырының исемен сурәтләгән (“Уфтанма”). Аның бер хезмәттәше укытучы һәм тәҗрибә ясаучы сыйфатында чыгыш ясаган.

“Гастрольләр арасында мин ниндидер яңалыкларга да вакыт табам, – дип язган җырчы үзенең Телеграм-каналында. – Мин беренче тапкыр тату ясадым, һәм, миңа калса, бераз өйрәнергә кирәк әле. Комментарийларда бәяләгез”.

Шундый ук “Уфтанма” татуировкасы Элвин Грейның үзенең кулында да пәйда булган. Комментарийларда җырчының җанатарлары “Тату остасы Радик Юлъякшин”нан аларга да татуировка ясавын үтенгән.

ЧЫГАНАК: https://omet-rb.com/news/yoldyzlar-tormyshynnan-/2026-05-04/elvin-grey-ya-a-n-r-zl-shter-4673650

Запись Элвин Грей яңа һөнәр үзләштерә впервые появилась Tatar Today - татар яңалыклары..

Җәвит Шакиров хастаханәгә эләккән

Рамиля Валиахметова — Mon, 04 May 2026 08:34:57 +0000

Юмор остасы Җәвит Шакиров хастаханәгә эләккән. Үзе социаль челтәрдәге сәхифәсендә сөйләвенчә, борчылырлык әйбер юк. Җәвит абый бераз сәламәтлеген кайгыртып алырга гына уйлаган.

«Һичбер начар әйбер уйламагыз!

Капремонтта Җәвит абзагыз…

Иске майны агызалар,

Яңасын тамызалар…

Шәфкать туташларына зур рәхмәт,

Каршы алган өчен хөрмәтләп,

Дәвалаганнары өчен әйбәтләп! – дип, тиз арада шигырь юллары белән әйтеп биргән ул үзенең хәлен.

Артистның тизрәк сәламәтләнүен теләп калабыз.

ЧЫГАНАК: https://intertat.tatar/news/kapremontta-avit-sakirov-xastaxanaga-elakkan-5879212

Запись Җәвит Шакиров хастаханәгә эләккән впервые появилась Tatar Today - татар яңалыклары..

Яшел шпинат организмны чистарта…

Рамиля Валиахметова — Thu, 30 Apr 2026 10:42:54 +0000

Бакчада беренчеләрдән булып өлгерүче бу үсемлекнең яман шешкә каршы файдасы да бар.

Яз көне сәламәтлекне ныгыту, организмга көч туплау өчен яңа гына үсеп чыккан яшел үсемлекләрне туклану рационына күбрәк кертергә киңәш ителә. Язгы кояш җылыта башлау белән өлгерә торган яшел суган кыягы, салат, кузгалак, редиска, пекин кәбестәсе, спаржа, рәваҗ кебек үлән-яшелчәләр тәмле дә, файдалы да. Шпинат та нәкъ шундый файдалы үсемлекләр сафын тулыландыра.

Шпинат яфраклары — витаминнар һәм микроэлементлар ул! Яшел яфраклар С, В1, В2, Е, Д, Р витаминнарына, каротинга бай, аларда аксым, тимер, фосфор һәм кальций тозлары бар. Шпинат организмнан токсиннарны һәм шлакларны чыгара, кандагы гемоглобинны нормада тотарга ярдәм итә. Яшел шпинатның яман шеш авыруларын булдырмау өчен дә файдасы зур.

Ашка әле сабакланмаган яшь үсемлек яфракларын файдаланалар. Шпинатны ашарга яңа җыелган хәлдә кулланалар, аны өзгәч озак сакларга ярамый, витаминнары югала. Яшел яфракларны салатка кушалар, кызу утта пешереп кызарталар, томалап пешерәләр, пюре һәм паста ясыйлар.

Шпинат — озын көн үсемлеге, 10-12 сәгатьле көндә аның яфраклары тизрәк үсә. Орлыклары дүрт градус булганда шытып чыга, ә үсү өчен 15-18 градус җылылык җитә. Яшь үсемлекләр сигез градуска кадәр төшкән салкын кырауларга да чыдам. Шпинат органик матдәләргә бай, әче булмаган, дымы җитәрлек туфракларда гына яхшы үсә. Аны пленкалы корылмаларда аерым чәчеп тә, тыгызлагыч сыйфатында да үстерәләр. Үсемлекләргә иртә белән су сибәргә һәм корылманы җилләтеп торырга кирәк. Уңышын чәчәк көпшәсе барлыкка килгәнче җыялар.

ЧЫГАНАК: https://kiziltan.ru/articles/raznoe/2026-04-24/yashel-shpinat-organizmny-chistarta-4664081

Запись Яшел шпинат организмны чистарта… впервые появилась Tatar Today - татар яңалыклары..

Дилә Нигъмәтуллина: «Әле дә ышанып бетә алмыйм…»

Рамиля Валиахметова — Thu, 30 Apr 2026 10:30:53 +0000

Җырчы Дилә Нигъмәтуллина куанычлы хәбәр җиткерә. Аның өчен бик тә авыр булган мәсьәлә хәл ителгән һәм ул моңа ни дәрәҗәдә шат булуын социаль челтәрләрдә сөйләде.

3 ел элек мин үземнең элекке җырларымны чыгара башлаган идем. Төп 3 җырым – «Бәллүр савыт», «Ком сәгате» һәм «Хатын-кыз бәхете» җырларыннан кала барысын да чыгардым. Чөнки әлеге җырлар минеке түгел. Аларның сүзләре – «Барс медиа» компаниясендә, ә көенә хокуклар – Оскар Усмановта. Миндә исә бу җырларны башкару хокукы гына бар иде. Ләкин мин аларны музыкаль мәйданчыкларга чыгару, тамашачыма тыңлату теләге белән яндым.

Әле дә ышанып бетә алмыйм, инде барлык документларга да кул куелган. Тиздән барлык җырларым да музыкаль мәйданнарда чыгачак. Әлеге күз яшьләре – шатлык күз яшьләре. Бу аңлашылмаучанлыклар башлангач, миңа бик авыр булды. Барысы да Оскар Усманов тырышлыгы белән генә хәл ителде. Әлеге искиткеч композитор, бөек шәхескә рәхмәтләрем әйтеп бетергесез. Ул принципларын читкә куеп, үзе өчен бер дә файдалы булмаган вариантны сайлады. Безнең татар эстрадасы хакына эшләде ул моны.

Мин бу мәсәләнең бернинди гаугасыз, судларсыз, негативсыз хәл ителүенә аеруча шатланам. Дөрес, минем дә гаделсезлеккә әрнеп, барысын да киң җәмәгатьчелеккә чыгарасы килгән вакытларым булды. Әмма сабырлыгым җитте һәм мин бу ситуацияне җибәрдем. Аллаһка шөкер, барысы да үзеннән үзе хәл ителде, – дип аңлатты Дилә бу хакта.

ЧЫГАНАК: https://intertat.tatar/news/dila-nigmatullina-ale-da-ysanyp-beta-almyim-bu-satlyk-kuz-yaslare-5879205

Запись Дилә Нигъмәтуллина: «Әле дә ышанып бетә алмыйм…» впервые появилась Tatar Today - татар яңалыклары..

Лилия Муллагалиева соңгы яңалыклары белән уртаклашты

Рамиля Валиахметова — Wed, 29 Apr 2026 11:11:39 +0000

Ул ябыгу һәм төрле авыруларны дәвалау белән шөгыльләнүче үзәккә килгән.

«Мин бу үзәкнең барлыгын белгәч тә килермен дигән идем, әмма, үзегез беләсез, хатын-кызның үзенә вакыты җитми. Көндәлек эш, гаилә, иҗат, балалар… Төрле сәбәпләр чыгып кына тора. Инде Аллаһка тапшырып, бүген мин монда.

Монда кемдер – ябыгыр, кемдер – төрле авырулардан арыну, сәламәтлеген ныгыту, кемдер депрессиядән чыгар өчен, ә кемдер хәтта балага узар алдыннан чистарынырга килә. Мин үзем чистарынырга, ябыгырга, сәламәтлегемне ныгытырга килдем.

Биредә яшәү рәвешен үзгәртү, ач тору ярдәмендә сәламәтлекне яхшырту ысулларына өйрәләр. 3, 6, 10, 14 көнгә килүчеләр бар. Мин 6 көнгә килдем», – дип сөйли ул үзенең әлеге карары хакында.

Артист үзенең сәхифәсендә көндәлек режимы һәм хәлләре турында сөйләп бара. Җырчы 3 көндә 3 килограмм авырлыгын ташларга өлгергән дә инде.

ЧЫГАНАК: https://intertat.tatar/news/inde-3-kilogramm-liliya-mullagalieva-ac-toryp-yabygu-uzagena-kilgan-5879161

Запись Лилия Муллагалиева соңгы яңалыклары белән уртаклашты впервые появилась Tatar Today - татар яңалыклары..

Майда нинди үзгәрешләр көтелә?

Рамиля Валиахметова — Wed, 29 Apr 2026 07:40:45 +0000

Пособие алучы гаиләләр саны арта, автомәктәпләр рейтингы төзелә, баллы ризыкның сыйфаты яхшыра. Май үзгәрешләрен тәкъдим итәбез.

– Айлык кереме төбәктәге яшәү минимумыннан бераз гына артып киткән күпбалалы гаиләләр алга таба да Бердәм пособие алуны дәвам итәчәк. Яңа закон 22 майдан үз көченә керәчәк. Билгеле булганча, бала тапкан һәм тәрбияләгән өчен бердәм пособие җан башына туры килгән айлык кереме төбәктәге яшәү минимумыннан артмаган гаиләләргә билгеләнә. Моңа кадәр керемнәре әлеге күрсәткечтән аз гына булса да артып киткән гаиләләр ярдәм алу хокукыннан мәхрүм ителде. Алга таба күпбалалы гаиләләрнең айлык керемнәре төбәктәге яшәү минимумыннан 10 процентка кадәр арткан очракта да пособие алу мөмкинлеге сакланып калачак.

– Илдә автомәктәпләр рейтингы төзеләчәк. Законга кергән үзгәрешләр нигезендә теге яки бу уку йортының уңышлары турында Дәүләт автоинспекциясе сайтыннан карарга мөмкин булачак. Биредә автомәктәптә укыган ничә кеше беренче тапкырдан имтихан тапшыруы, «права» алучылар арасында соңгы ике елда ничә кеше юл һәлакәтенә эләгүе турындагы мәгълүмат та булачак. Интернетта рейтинг елга бер тапкыр яңартылачак дип фаразлана. Хәзерге вакытта бу хактагы карар Эчке эшләр министрлыгында тикшерү уза. Аннан аңлашылганча, мәгълүмат һәр елның 15 февраленнән дә соңга калмыйча басылырга тиеш. Димәк, тәүге исемлек киләсе ел башында игълан ителәчәк.

– 1 майдан баллы һәм кондитер ризыкларын мәҗбүри маркировкалауга бәйле таләпләр үз көченә керә. Яңалык торт, рулет, круассан кебек аерым капларда сатыла торган тәм-томнарга да кагылачак. Билгеле булганча, бу елның мартында печенье, вафли, мармелад, зефир кебек кондитер ризыкларын мәҗбүри маркировкалый башлаганнар иде инде. Хәзергесе тагын да күбрәк товар төрләрен колачлаячак. Маркировкалау законсыз продукциягә, шулай ук тармакта үтә күренмәлелекне тәэмин итү өчен кирәк. Товарның сыйфаты да яхшырачак, ди яңалыкны тәкъдим итүчеләр.

– Биологик актив матдәләрнең (БАД) сыйфатын һәм нәтиҗәлелеген тикшерүгә бәйле таләпләр көчәячәк. Шул исәптән җитештерүченең БАДны дәүләт теркәве турындагы гамәлдәге таныклыгы булу-булмавын, лабораториядә үткәрелгән тикшерүләр нигезендә БАДның расланган куркынычсызлык күрсәткечләренә туры килүен, шулай ук составын игътибар үзәгенә алачаклар. Нәтиҗәлелекне исә алдан үткәрелгән тикшерүләр нигезендә ачыкларга исәплиләр.

ЧЫГАНАК: https://vatantat.ru/news/maida-nindi-uzgareslar-kotela-1777384563-114675

Запись Майда нинди үзгәрешләр көтелә? впервые появилась Tatar Today - татар яңалыклары..

Май бәйрәмнәрендә һава торышы нинди булачак?

Рамиля Валиахметова — Tue, 28 Apr 2026 12:17:10 +0000

Якындагы берничә тәүлектә Россиянең үзәк өлешендәге төбәкләрдә атмосфера басымы арту яңгыр һәм җепшек карның кимүенә китерәчәк.

“Метео” фараз үзәге җитәкчесе Александр Шувалов “Абзац” хәбәрчесе белән әңгәмәсендә шулай дип белдергән.

“Чәршәмбегә явым-төшем нык кимеп, урыны белән генә көтелә. Сишәмбедә җил асылда туктаячак инде”, – дип билгеләп үткән белгеч. Ул шулай ук атна урталарына кадәр һава температурасының түбән –төнлә 0 градус, көндез +4 градус чамасы булачагын билгеләп үткән.

Пәнҗешәмбедән җылыта башлый, ә май бәйрәмнәрендә тагын да җылырак булачак, дигән синоптик. “1 майдан явым-төшем урыны белән генә сакланып калачак, ә һава температурасы +10 градуска кадәр күтәреләчәк. Ә инде киләсе озын ялларда – 9-11 майда 12-17 градуслы май җылысы килү көтелә”, – дип йомгак ясаган сүзенә Шувалов.

Исегезгә төшерәбез: Казанның кайбер районнарында көчле җил агачларны аударган, электр чыбыкларына зыян салган. Социаль челтәрләрдә дә агачларның автомобильләргә авуы турында хәбәр итәләр.

ЧЫГАНАК: https://vatantat.ru/news/sinoptik-mai-bairamnarenda-hava-torysy-nindi-bulacagyn-aitte-114648

Запись Май бәйрәмнәрендә һава торышы нинди булачак? впервые появилась Tatar Today - татар яңалыклары..

Ришат Төхвәтуллиннар гаиләсендә күңелсез хәл килеп чыккан

Рамиля Валиахметова — Tue, 28 Apr 2026 10:44:39 +0000

Ришат Төхвәтуллинның хатыны Алия Төхвәтуллина улы белән хастаханәгә эләккән.

«Барыгызга да сәлам. Күпләр безне югалтты. Без бераз чирләдек, Алим белән хастаханәдә ятабыз. Нечкәлекләргә биреләсем килми, инде терелеп киләбез. Киләсе атнада өйгә чыгарбыз, дип өметләнәм, – дигән ул.

Күптән түгел генә җырчы социаль челтәрләрдә сөенечле яңалыклары – икенче бәби көтүләре хакында хәбәр иткән иде.

ЧЫГАНАК: https://vatantat.ru/news/risat-toxvatullinnar-gailasenda-kunelsez-xal-kilep-cykkan-114644

Запись Ришат Төхвәтуллиннар гаиләсендә күңелсез хәл килеп чыккан впервые появилась Tatar Today - татар яңалыклары..

Ни өчен бала еш авырый?

Рамиля Валиахметова — Mon, 27 Apr 2026 12:49:21 +0000

Психологлар 12 яшьлек 451 баланың әти-әнисе белән үзара бәйләнешен өйрәнгән.

Күзәтүләр балага 20 яшь тулганчы алып барылган.

Галимнәр, бала әти-әнисе тарафыннан тупаслык тою аркасында даими стресс кичерә, еш авырый, дигән нәтиҗәгә килгән. Бу гормональ фон бозылуга, йөрәк-кан тамырлары активлыгының кимүенә һәм ялкынсыну процесслары, вируслы авырулар ешаюга китерә. Кыскасы, кырыс әти-әниләрнең балалары ешрак авырый, дигән нәтиҗәгә килгән белгечләр.
Галимнәр белдерүенчә, үзләре балачакта рәхимсезлек тоеп үскән кешеләр үз балаларын да шул ук ысул белән тәрбияләргә тырыша. Психологлар балаларны тәрбияләү алымнарын үзгәртү һәм гаиләдәге яхшы мөнәсәбәтләрнең аларны укуга, спортка, уңышка дәртләндерүе турында күптән сөйли.

ЧЫГАНАК: https://kiziltan.ru/articles/iskra/2026-04-27/ni-chen-bala-esh-avyryy-4666600

Запись Ни өчен бала еш авырый? впервые появилась Tatar Today - татар яңалыклары..