Архивы Татарстан - Tatar Today - татар яңалыклары.

Җырчы Альбина Латыйпова вафат

Рамиля Валиахметова — Mon, 03 Aug 2026 10:53:18 +0000

Җырчы Альбина Латыйпова вафат. Ул яман шеш авыруы белән көрәшкән.

«Альбинаны сәхнәдә дә күреп була иде, журналистика өлкәсендә дә хезмәт куйды ул, күп еллар «Казан» телерадиокомпаниясендә эшләде.

Быел июнь аенда гына Альбинаның әнисе дә бакыйлыкка күчкән булган. Кызганыч, Альбинаның 12 яшьлек улы тулы ятим калган, элегрәк аның әтисе үлгән. Аллаһы Тәгалә сабырлык бирсен! Альбинаны хезмәттәшләре җылы хисләр белән искә ала, үз эшенең остасы иде һәм шул хәтле итагатьле кеше иде, диләр. Урыны җәннәттә булсын!» – дип язалар сайтта.

Җырчы белән хушлашу бүген 11.00 сәгатьтә Казанның Батталовлар урамындагы 16 йортта урнашкан «Наташа» хосписында була.

ЧЫГАНАК: https://intertat.tatar/news/yrcy-albina-latyipova-vafat-5880265

Запись Җырчы Альбина Латыйпова вафат впервые появилась Tatar Today - татар яңалыклары..

Диләрә Илалетдинова икенчегә әни булачакмы?

Рамиля Валиахметова — Thu, 30 Jul 2026 13:32:32 +0000

Җырчы Диләрә Илалетдинова шәхси тормышына кагылышлы зур сөенече белән уртаклашты. Ул икенчегә әни булырга җыена.

Матур хәбәр белән җырчы социаль челтәрләрдә бүлешә. Диләрә «йөклелек сериясеннән» матур видеокадрлар күрсәтә. Диләрә тормыш иптәше белән Данияр исемле малай тәрбияли.«1+1=4», – дип яза ул, тиздән гаиләсенең ишәячәгенә ишарә ясап.

Туачак сабыйның малаймы, кызмы икәнлеге әлегә сер булып калган.

ЧЫГАНАК: https://intertat.tatar/news/114-dilara-ilaletdinova-ikencega-ani-bulacak-5880227

Запись Диләрә Илалетдинова икенчегә әни булачакмы? впервые появилась Tatar Today - татар яңалыклары..

Иркә Ландыш Нигъмәтҗанова белән аңлашырга әзер

Рамиля Валиахметова — Tue, 28 Jul 2026 08:50:54 +0000

Татар эстрадасының популяр җырчысы Иркә Ландыш Нигъмәтҗанова белән дуслашырга, аңлашырга әзер булуын әйтте. Ләкин, аның сүзләренчә, теләге булса, беренче адымны Ландыш үзе ясарга, Иркәнең номерын табып, аңа шалтыратырга тиеш. Бу хакта ул үзенең язылучыларның сорауларына җавап биргәндә сөйләгән.

«Мин дуслык турында фикеремне әйтер идем. Гомумән, дуслык турында. Тик «Ландыш Нигъмәтҗанова белән сезнең дуслык» димәгез. Әйдәгез, ул әйберләрне онытабыз. Кирәк булса, ул теманы күтәрәсе килсә, Ландыш номерымны таба да, сөйләшәбез дә, проблема чишелә. Мин ул проблеманы күтәрә алам, әмма аның үзе белән бергәләп. Килсен, чөнки мин анда инде ничә еллар кара исемлектә. Мин Ландыш белән бер утырып сөйләшер идем», – дигән ул.

Җырчы үзенә каршы чыккан күп кешеләр белән күзгә-күз очрашып сөйләшүен дә әйтә. «Аларның 70-80 проценты елап-елап гафу үтенде. Мин риза, бөтен теләгән кеше белән дә аралашырга, сорауларны уртага салып сөйләшергә әзер», – дип белдерә ул.

ЧЫГАНАК: https://intertat.tatar/news/min-inde-nica-ellar-kara-isemlekta-irka-landys-nigmatanova-belan-anlasyrga-azer-5880200

Запись Иркә Ландыш Нигъмәтҗанова белән аңлашырга әзер впервые появилась Tatar Today - татар яңалыклары..

Сиринә Зәйнетдинованы танымаганнар

Рамиля Валиахметова — Tue, 28 Jul 2026 06:46:36 +0000

“Нишләргә инде хәзер?” – дип аптырашта калган ул.

Берничә көн элек Сиринә Зәйнетдинова үзенең “ВКонтакте” төркемендә үзенең чыгышы белән видеоязма куйган һәм анда болай дип язган:“Хәерле көн, кадерле тамашачыларым! Кичә шундый күңелле хәл булды минем белән. Яңа образларга кибеттә тукымалар эзлибез. Һәм мине сатучы апа танымады. Карап-карап торды да сорады: “Сез кем әле?” – ди. Мин әйттем: “Сиринә!” Ул: “Абау, җаным, нишләдең, син бит ярты гына калгансың!” – диде. Аптырашта калдым мин. Әле телевизор экранына сыймыйсың, диләр, инде хәзер бөтенләй танып булмый, диләр! Нишләргә инде хәзер?”

1.“Шул килеш кал, Сиринә, кеше сүзенә карама, без сине бик яратабыз һәм хөрмәт итәбез, мин сезне таза килеш яратам”,

2.“Нинди барсыз, шулай яратабыз, исән-сау яшәгез, жырлагыз”. – бу комментарийларны ир-атлар язган.

Аларга җырчының хатын-кыз язылучылары да кушылган.

3.“Сиринәкәебез, нинди булсаң да бик яратабыз үзеңне, җырларыңны тыңлап туеп булмый, моңлы сандугачыбыз. Сау-сәламәт, бәхетле бул!”,

4.“Хәерле кичләр, Сиринә! Бигрәк мэгънәле матур җырлар җырлыйсың, исән-сау бул. Кайчан Әлмәт якларында котәргә сезне?”

5.“Тагын да нәфисрәк булырга тырышырлык урын бар, ә җырларыңа килгәндә, барысын да бик матур итеп башкарасың”.

6.“Нишлисең килә, сеңлем, шуны эшлә. Без сине любой образда яратабыз, хормәт итәбез, уңышлар, исәнлек сиңа!”

7.“Сиринә! Сине төрле килеш яратабыз, моңлы сандугач! Жырла гына, моңыңны тарат!”

ЧЫГАНАК: https://omet-rb.com/news/yoldyzlar-tormyshynnan-/2026-07-27/sirin-z-ynetdinovany-tanymagannar-4764034

Запись Сиринә Зәйнетдинованы танымаганнар впервые появилась Tatar Today - татар яңалыклары..

Эссе вакытта ни сәбәпле аппетит булмый?

Рамиля Валиахметова — Sat, 25 Jul 2026 13:02:16 +0000

Эссе һава торышында аппетит кимү организмга җылылык балансын сакларга һәм сусызлану куркынычын киметергә ярдәм итә. Бу хакта «СберЗдоровье» медицина компаниясе табиб-эндокринологы Маргарита Белоусова сөйләгән.

Аның сүзләренчә, ризык эшкәртелгәндә организмда җылылык барлыкка килә, ә эссе вакытта бу кирәкмәгән күренеш. Шуңа күрә организм артык кызудан саклану өчен аппетитны үзе киметә.

«Эссе көннәрдә су балансын, энергия дәрәҗәсен һәм гомуми хәлне сакларга суга бай ризыклар – җиләк-җимеш һәм яшелчәләр ярдәм итә», – дигән Белоусова.

Белгеч шулай ук рационга җиңел үзләштерелә торган аксымга бай ризыклар өстәргә киңәш иткән. Алар эремчектә, тавык һәм күркә итендә, шулай ук майсыз балык сортларында күп. Моннан тыш, Белоусова спиртлы эчемлекләр һәм кофеин булган эчемлекләр бәвел кудыру үзлеге аркасында сусызлану куркынычын арттыра, дип кисәткән.

Үз чиратында, терапевт, кардиолог, медицина фәннәре кандидаты Андрей Кондрахин RT белән әңгәмәдә эсседә сусауны басу өчен иң яхшысы – гади су эчү, дип әйткән.

«Әгәр сүз организмдагы сыеклык югалтуны тулыландыру турында бара икән, тәүлеккә һәр килограмм тән авырлыгына уртача 30–40 миллилитр су кирәк. Ә кеше бик нык эссе шартларда булса, бу күләм 50–80 миллилитрга кадәр җитәргә мөмкин», – дип аңлаткан табиб.

Аның сүзләренчә, суны бүлмә температурасында һәм вак-вак йотымнар белән эчәргә кирәк. Әгәр аны тиз генә эчеп бетерсәң, сыеклык организм тарафыннан тулысынча үзләштерелергә өлгермәячәк.

ЧЫГАНАК: https://radio1.ru/news/zdorove/vrach-raskrila-s-chem-svyazana-poterya-appetita-v-zharu/

Запись Эссе вакытта ни сәбәпле аппетит булмый? впервые появилась Tatar Today - татар яңалыклары..

Ришат Төхвәтуллин: Ир белән хатын бер җирдә эшләргә тиеш түгел

Рамиля Валиахметова — Wed, 22 Jul 2026 12:38:28 +0000

– Ришат үзе «ир белән хатын бер җирдә эшләргә тиеш түгел» дип саный.

Без сыналдык – мин 8 ел аның төркемендә эшләдем. Шуңа да ул мине сайлагандыр, миндә тукталгандыр, чөнки без гел бергә. Миңа алай бик кыен түгел.

– Кайчан кыен?

– Ришат бит инде ул – җитәкче. Ул минем белән дә төркемдә эшләгән һәр кеше белән сөйләшкән кебек сөйләшергә тиеш. Шуңа күрә кайбер вакытларда әзрәк тавышын үзгәртсә, эмоцияләр белән берәр нәрсә кычкырып әйтсә, мин шундый кеше – шунда ук елыйм. Ул шуңа: «Нигә шунда ук еларга тотынасың? Синең белән сөйләшеп тә булмый», – ди. «Шундый кеше мин. Елыйсы килә, бетте-китте», – дим.

Шул вакытларда гына авыр. Ә ул бит инде әйтмичә булдыра алмый. Берәр кисәтү әйтергә кирәк булса, ул бит әйтергә тиеш. Ришатның ачуы чыкса, ничектер, мине читләтеп, кайбер кешеләргә акырып, миңа акырмаска тиеш түгел бит инде.

ЧЫГАНАК:https://omet-rb.com/news/yoldyzlar-tormyshynnan-/2026-07-17/rishat-t-hv-tullin-ir-bel-n-hatyn-ber-ird-eshl-rg-tiesh-t-gel-4755391?utm_campaign=yandex.ru&utm_medium=organic&utm_referrer=yandex.ru&utm_source=yandex.ru

Запись Ришат Төхвәтуллин: Ир белән хатын бер җирдә эшләргә тиеш түгел впервые появилась Tatar Today - татар яңалыклары..

Венера Аитова гендер-пати үткәргән

Рамиля Валиахметова — Wed, 22 Jul 2026 12:35:00 +0000

Телевизион тапшырулар алып баручы, блогер Венера Аитова тормыш иптәше Динар һәм уллары белән бергәләп гендер-пати үткәргән. Аларның гаиләсендә ике малайдан соң, кыз бала дөньяга аваз салачак.

«Безнең беренче гендер-пати. Аллаһның бүләге инде. Көтәбез сине, кызым. Бу сүзгә әле тел дә ияләшмәгән. Малайларның берсе:«Ур-ра, кыз!» – ди, икенчесе: «Ур-ра, малай!», – дип яза ул бу хакта үзенең сәхифәсендә.

Социаль челтәрдәге дусларының да күбесе кыз туачак дип фаразлаган булган. «Мин алдан белгәнмен икән», «Без дә кыз булыр дип уйлаган идек», «Сезнең бәхетегез булып тусын. Белдем бит мин, белдем» – дип сөенәләр алар өчен. Калганнар Венера Аитовага йөклелеген җиңеллек белән күтәрүне, сабыйның сау-сәламәт булып тууын теләгән.

ЧЫГАНАК: https://intertat.tatar/news/allahnyn-bulage-venera-aitova-gener-pati-utkargan-5880125

Запись Венера Аитова гендер-пати үткәргән впервые появилась Tatar Today - татар яңалыклары..

Бик ансат кына кыяр тозлау ысулы

Рамиля Валиахметова — Mon, 29 Jun 2026 10:57:52 +0000

Бик тәмле була, ясап карагыз, үзегезгә саклап та куегыз әле яме.

1 литр банкага 700 миллилитр исәбеннән суга бер аш кашыгы тоз, 2 аш кашыгы шикәр комы (тоз белән шикәр комын өймичә, калакта уртача гына итеп), кара түгәрәк борыч һәм лавр яфрагы салып, аерым кәстрүлдә тозлык кайнатырга.

Стерильләштерү өчен кыярларны дуршлаг белән кайнап торган суга 1-2 секундка тыгып аласың да, өстенә салкын су коясың.

Аннары банка төбенә укропны сабагы һәм башы белән турап, 1 тырнак сарымсакны бөтен килеш салып, өстенә кыярларны турап тутырасың, тозлык саласың. Кыярларның орлыгы өлгерә язган, саргайганнарын түгел, яшелләрен генә тозлыйбыз.

Аннары зур кәстрүлдә кайнап чыккан, әмма сүрән утта торучы суга тезеп, банкаларны стерльләштерәбез, 1 литрлы банкаларны 10 минут тотабыз.

Судан алганнан соң, һәр банкага 1 аш кашыгы уксус салып, стерильләштергән капкачлар белән ябып куябыз. Бер көн өстен җылы җәймә белән каплап тотканнан соң, кыярларны салкынга “озатабыз”.

ЧЫГАНАК: https://kiziltan.ru/articles/poleznoe/2026-06-29/bik-ansat-kyna-kyyar-tozlau-ysuly-4735297

Запись Бик ансат кына кыяр тозлау ысулы впервые появилась Tatar Today - татар яңалыклары..

Рафис Кәлимуллин: «Коточкыч бу, дусларым, коточкыч…»

Рамиля Валиахметова — Mon, 29 Jun 2026 10:14:13 +0000

Җырчы Рәфис Кәлимуллинның, Башкортстан якларына барып чыккач, автозаправкалардагы хәлләрне күреп, исе киткән. Артистның сүзләреннән аңлашылганча, кайбер заправкаларда бензин юк. Ә булганына машиналардан озын чират тезелгән. Өстәвенә бәясе дә, җырчы үзе әйтмешли, «ат бәясе».

-Коточкыч, дусларым, коточкыч. Бигрәк ажиотаж. Кыскасы, Башкортстанда бензин беткән. Без Борайда, трассадан әйләнеп килеп кердек.

Бөтен чиратның алдыннан үтеп, ат бәясенә… Кыйнап үтерәләр безне хәзер, тизрәк китәргә кирәк. Мишәрлек менә шундый җирдә кирәк инде ул. Минем намус беләсеңме кайчан бетте, мәктәптә ашарга өстәмә ипи сораганда, – дип көлгән җырчы.

Ә сезнең якларда ягулык белән хәлләр ничегрәк?

ЧЫГАНАК: https://intertat.tatar/news/rafis-kalimullin-kotockyc-bu-duslarym-kotockyc-5879870

Запись Рафис Кәлимуллин: «Коточкыч бу, дусларым, коточкыч…» впервые появилась Tatar Today - татар яңалыклары..

Руслан Кираметдинов Ильмира Нәгыймова белән кире кушылалармы?

Рамиля Валиахметова — Mon, 29 Jun 2026 10:06:33 +0000

Ильмира Нәгыймова Марат Яруллин белән мөнәсәбәтләренә нокта кую белән, аны янәдән элекке тормыш иптәше Руслан Кираметдинов белән кавыштыручылар күбәеп китте. Бу хакта Ильмирага да, Русланның үзенә дә бик күп язалар. Шушы көннәрдә Руслан «подписчик»ларының сорауларына җавап биргән. Һәм төп сораулар аларның үзара мөнәсәбәтләренә кагылышлы булган. Ләкин, Русланның җавапларыннан аңлашылганча, элекке ир белән хатынның янә бергә булачагына өмет юк, ахры.

«Ильмира белән татулашырга уйламыйсызмы?» – дигән сорауга җырчы: «Сүзем юк…» – дигән комментарий калдырган. «Нәгыймова ирекле бит, бергә булырсыз кебек», – дигән фараз калдыручылар да булган.

Җырчы әле дә үзенең сөйгән ярын очратмаган, аның йөрәге ирекле. «Берәр патшабикә килгәнне көтеп утырам», – дип язган ул барлык шәхси тормышы белән кызыксынучыларга.

ЧЫГАНАК: https://intertat.tatar/news/ruslan-kirametdinov-ilmira-nagyimova-belan-kusylyrga-uilyimy-5879887

Запись Руслан Кираметдинов Ильмира Нәгыймова белән кире кушылалармы? впервые появилась Tatar Today - татар яңалыклары..