Архивы тормыш - Tatar Today - татар яңалыклары.

Илмира Нәгыймова: “Мараттан киткәч…”

Рамиля Валиахметова — Wed, 10 Jun 2026 11:59:08 +0000

Илмира Нәгыймова Марат Яруллиннан киткәч тормышының ничек үзгәрүе турында сөйләгән

Татар һәм башкорт эстрадасы йолдызы Илмира Нәгыймова Башкортстанның атказанган артисты Марат Яруллиннан аерылганнан соң тормышының ничек үзгәрүе турында сөйләгән. Ул социаль челтәрләрдә язылучының соравына җавап биргән. “Мин бик тыныч һәм бәхетле. Паник атакалар тукталды. Менә ярты ел инде алар юк, ә болай даими рәвештә интегә идем”, – дип таныган җырчы. Илмира Нәгыймова организмның барысын да сизүен, әмма бу сигналларга игътибар итмәвен өстәгән. Исегезгә төшерәбез, артистлар үз мөнәсәбәтләрен дүрт ел дәвамында яшерделәр.

ЧЫГАНАК: https://omet-rb.com/news/yoldyzlar-tormyshynnan-/2026-06-10/ilmira-n-gyymova-marattan-kitk-ch-panik-atakalar-tuktaldy-4716464

Запись Илмира Нәгыймова: “Мараттан киткәч…” впервые появилась Tatar Today - татар яңалыклары..

Хатыны да җырлаячакмы?

Рамиля Валиахметова — Wed, 10 Jun 2026 10:41:46 +0000

Җырчы Ринат Рәхмәтуллин сәхнәдә янә бер “йолдыз” кабызмакчы.

Автор-башкаручы Ринат Рәхмәтуллинның яшь хатыны Динара ире белән бергә аның концертларында башкарган ике җыр яздырган.

Минем сәхнәдә чыгыш ясау турында уйларым юк иде. Бары тик юбилей сезонында бер тапкыр чыгыш ясарга карар кылдык – барыбер концертка төрле чыгышлар кертәсе килә. Шуннан соң безне “солянка”ларга чакыра башладылар, ә кире кагасы килми. Шулай ук безне банкетларга нәкъ менә дуэт итеп чакыра башладылар. Хәзер җәй көне тагын бер җыр яздырып булмасмы дип уйлыйбыз. Әмма альбом эшләү планда юк, ә кешеләр сорагач, җырлар чыгарабыз, – диде Динара Рәхмәтуллина.

Аның сүзләренчә, ул сәхнәгә омтылмый һәм ояла. Өстәвенә, ул үзенең тавышыннан бик үк канәгать булмавын әйтте, әмма хәзер ул бу өлкәдә белемен камилләштерә.

Ринат мине хуплый. Мин нәрсә теләсәм дә, ул мине һәрнәрсәдә хуплый. Беркайчан да миңа “җырлама” дип әйтмәде, – дип билгеләде ул.

ЧЫГАНАК: https://kiziltan.ru/articles/gail-uchagy/2026-06-10/hatyny-da-yrlayachakmy-4716000

Запись Хатыны да җырлаячакмы? впервые появилась Tatar Today - татар яңалыклары..

“Башкорт хуҗабикәсе” гадәти булмаган образда чыккан

Рамиля Валиахметова — Wed, 10 Jun 2026 10:32:23 +0000

“Башкорт хуҗабикәсе” язылучыларын гаҗәпләндергән.

Танылган блогер алдында гадәти булмаган образда чыккан. Ул 46 ел эчендә беренче тапкыр үзенә тоташ су коену костюмы сатып алуын хәбәр иткән. Миләүшә Шәйхлисламова хәзер Төркиядә ял итә һәм матур образлары белән язылучыларны даими гаҗәпләндерә. – Сезнең тәкъдимегез буенча тоташ су коену киемнәре киеп йөрим. Ябыккан саен, шундый кием киям. “Пончик” булганда, бикини киеп йөри идем, үземнең матур, сусыл түгәрәк гәүдәмне, матур корсагымны күрсәтә идем. Ә хәзер минем тирем салынып төшкән, ямьсез булып асылынып тора, шуңа күрә тоташ су коену костюмы сатып алырга туры килде”, – ди блогер. Әйткәндәй, ачык кызыл купальник аңа бик килешә, аның яңа фигурасын ассызыклый.

ЧЫГАНАК: https://omet-rb.com/news/bolar-kyzykly/2026-06-10/ponchik-bulganda-bikini-kiep-y-ri-idem-4716450

Запись “Башкорт хуҗабикәсе” гадәти булмаган образда чыккан впервые появилась Tatar Today - татар яңалыклары..

Айдар Галимов гаиләсенә зур кайгы килгән

Рамиля Валиахметова — Sun, 07 Jun 2026 11:42:31 +0000

Айдар Галимовның әтисе вафат булган. Бу хакта җырчы социаль челтәрләрендә хәбәр итә

– Хуш, Әти. Син көчле һәм мәрхәмәтле булдың. Үзең дә курмәгән әти тәрбиясен безгә җиткерергә тырыштың. Рәхмәт Сиңа барысы өчен дә. Бик яраттык, яратабыз һәм беркайчан да онытмаячакбыз. Урыннарың оҗмах турләрендә булсын, – дип язган Айдар Галимов.

ЧЫГАНАК:социальч елтәр

Запись Айдар Галимов гаиләсенә зур кайгы килгән впервые появилась Tatar Today - татар яңалыклары..

“Хатыныңның кадерен бел”

Рамиля Валиахметова — Sat, 06 Jun 2026 15:49:41 +0000

“Без аның белән күптәннән бергә инде”.

Хәерле көн!

Язам, анонимно чыгарыгыз.

26 ел бергә торып, ирем белән аерылдык. Сәбәп бер – бөтен хатын-кызны яратты, хәтта туганым да авырга узды үзеннән. Мин аңа хатын-кыз буларак кирәкмәдем, һәрвакыт мыскыл итте. Үзем җитәкче булып эшләдем, кешегә белгертмәдем. Әмма аның читкә йөрүен барысы да белә иде. Кыйналып дәваханәдә яткач, үзем киттем иремнән.

Менә инде 15 ел үзем генә. Үзем иремнең хатыннарыннан туйган идем. Алар миңа шалтыраталар, өйгә киләләр иде. Беркайчан да гаиләле ир белән танышмам, ди идем үземә. Тик тормыш без уйлаганча бармый икән шул, мин дә гаиләле ир белән таныштым. Әмма беркайчан да гаиләсенә кысылмадым, хөрмәт белән карадым.

Хатынында яман шеш таптылар. Хатын-кызлар авыруы иде. 1,5 ел ярым бу ир белән сөйләшмәдек. Тулысынча хатыны янында булды. Әлһәмдулилләһ, жиңеп чыкты хатыны ул чирне. Әмма табиблар аның белән якынлык кылырга ярамаганлыгын әйткән.

Ул ир башка шәһәрдә яши, кайчакта телефоннан сөйләшәбез, 3-4 айга бер күрешәбез. Шул чакларда мин үземне хатын-кыз итеп хис итәм. Ә яшь барган саен аңлашу, бер-береңне кайгырту беренче урынга күчә икән. Әйе, ул миңа бүләкләр ясый, бергә ял итәбез… Шулай аралашабыз.
Саубуллашкан саен хатыныңның кадерен бел, матур яшәгез, дип озатам.

Әйе, язарсыз инде гөнаһ, дип. Аллаһтан гафу сорыйм.

ЧЫГАНАК: https://kiziltan.ru/articles/gail-uchagy/2026-06-03/hatyny-ny-kaderen-bel-4708621

Запись “Хатыныңның кадерен бел” впервые появилась Tatar Today - татар яңалыклары..

Әнвәр Нургалиев китә…

Рамиля Валиахметова — Sat, 06 Jun 2026 15:38:02 +0000

Башкортстанның халык артисты Әнвәр Нургалиев социаль челтәрләрдә үзенең язылучыларына мөрәҗәгать итте.

Ул Урал аръягындагы турның һәм концерт сезонының тәмамлануы турында хәбәр итте. Артист җәен ялга китә.

Әнвәр Нургалиев үз тамашачыларына җылы каршы алулары һәм ярдәм итүләре, шулай ук үз командасына эшләре өчен рәхмәт белдерде.

– Гастрольләр, сәхнә, команда — ул минем тормышымның зур өлеше. Монда барысы да бар: соклану, шатлык, борчылу һәм хәтта күңел кайту минутлары, ләкин нәкъ менә шул безне көчлерәк итә һәм бер-беребезгә якынайта.

Ул үзенең җанатарларына көз көне аларны яңа җырлары белән сөендерергә вәгъдә итте.

ЧЫГАНАК: https://kiziltan.ru/articles/kultura/2026-06-06/nv-r-nurgaliev-kit-4712979

Запись Әнвәр Нургалиев китә… впервые появилась Tatar Today - татар яңалыклары..

Җырчы Фәрид Низамиев киңәш сорый

Рамиля Валиахметова — Fri, 05 Jun 2026 10:13:14 +0000

Җырчы Фәрид Низамиев үзенең тамашачылары һәм язылучыларыннан иҗатына кагылышлы киңәш сораган.

«Дуслар, бу җырны бер сториска куйгач, язучылар булган иде. Эшләргәме икән бу җырны, юкмы? Сезнең фикерләрне көтеп калам, язмышын хәл итегез әле. Чыгар дип әйтсәгез, эшләтәм.

Сезгә аңлашылсын өчен, ясалма фәһем ярдәмендә демо версиясен ясатып алдым. Күптән язылган җыр, көе бик ошап бетми дип, калдырган идем. Хәзер инде әйбәт тә кебек», – дип яза ул.

Язылучыларыннан фикерләр дә озак көттермәгән. «Бик матур җыр», «Көтәбез. «Ак розалар» дигән җырыгыз да бик матур. Ешрак җырлагыз яңа җырлар», «Бу җыр миңа ашыгыч рәвештә кирәк. Чыгу белән хәбәр итегез», – дип язалар аңа.

Шунысын да билгеләп үтәргә кирәк, бу җыр да Фәрид Низамиевның үз стилендә, ягъни бәхетсез мәхәббәт турында.

ЧЫГАНАК: https://intertat.tatar/news/yazmysyn-xal-itegez-ale-yrcy-farid-nizamiev-kinas-soryi-5879599

Запись Җырчы Фәрид Низамиев киңәш сорый впервые появилась Tatar Today - татар яңалыклары..

“Хәмер аркасында күпне югалттым…”

Рамиля Валиахметова — Thu, 04 Jun 2026 10:51:49 +0000

Популяр җырчы, автор-башкаручы Ринат Рәхмәтуллин үзенә начар гадәтеннән котылырга нәрсә ярдәм иткәне турында ачыктан-ачык сөйләде.

Ул элек эчәргә яратканын һәм алкогольгә һәвәслеге аркасында тормышында күп нәрсәне югалтканын әйткән.

Әйе, эчтем. Татар эстрадасында минем белән бергә күтәрелгән кешеләр минем алкоголь белән яхшы мөнәсәбәттә булуымны белә. Иң беренче чиратта Динарага (җырчының яшь хатыны — ред.) рәхмәт әйтәсем килә, ул миңа начар гадәтемнән котылырга ярдәм итте. Миңа дәвалану түгел, ә аның сүзләре, аның тормышка мөнәсәбәте һәм киләчәккә карашы ярдәм итте. Алкоголь аркасында мин тормышымда күп нәрсәне югалттым. Шуңа күрә бу юнәлештә минем беренче этәргечем Динара булды, икенчесе — мин үзем. Күп кеше сиңа «алкоголь — зарарлы», «эчәргә ярамый» дип әйтсә дә, үзеңне үзгәртми торып, син моннан котыла алмаячаксың. Бүген мин бәхетле. Мин мактанмыйм, мин шат. Алкоголь булмаса, мин күбрәк югарылыкка ирешә алыр идем, популярлык югарырак булыр иде. Бу авыру, – дип билгеләп үтте Рәхмәтуллин Tatnews Tatar интервьюсында.

Аның сүзләренчә, хәзер ул бөтенләй эчми, хәтта чараларда, банкетларда да. Тормыш иптәше Динара белән яшь аермасы 29 яшь тәшкил итә, алар инде берничә ел бергә.

ЧЫГАНАК: https://kiziltan.ru/articles/obchestvo/2026-06-04/h-mer-arkasynda-k-pne-yugalttym-4709721

Запись “Хәмер аркасында күпне югалттым…” впервые появилась Tatar Today - татар яңалыклары..

“Мунчага мәрхүм туганнарны чакырган идек…”

Рамиля Валиахметова — Thu, 04 Jun 2026 08:09:09 +0000

“Ул төн безгә зур кайгы алып килде”.

Мариларда шундый гореф-гадәт бар, искә алу көне алдыннан мунча ягып мунча керергә кирәк. Ә аннан соң төнгә мунчага үлгән туган-тумачаларны юынырга чакыралар. Төнгә алар өчен себерке, табак белән су, сабын белән мунчала калдыралар. Әмма шуннан соң мунчага ул көнне кире ишек ачып керергә ярамый.

Күршеләрдә яшь гаилә яши иде. Алар яшь булгач, гореф-гадәтләргә исләре китми иде. Ышанмыйлар иде мондый әйберләргә. Боларга менә шул көнне (Илья көне дип йөртәбез) бабалары кайта. Мунча яга. Бөтенесе дә юынып чыгалар. Аннан соң бабалары әйтә: хәзер мунчага башка керергә ярамый бүген, уйлап та карамагыз ишеген ачарга, ди. Мин үлгән туганнарны чакырдым, бу изге көн алдыннан юынсыннар, ди. Ә кияве көлеп, юк-бар белән мавыгып йөрмә әле, ди.

Һәм менә төн уртасында боларның кызларының бәдрәфкә чыгасы килә. Ул әнисен уятып, алар бергә чыгалар. Хәзер кызы сөйләгәнен язам: мунча яныннан үтеп барабыз шулай, ә анда тавышлар ишетелә. Көлешәләр, чабынган тавышлары ишетелә. Ә әни кызыксынып кереп карарга булды. Мин ярамый, кермә, бабай кермәскә кушты бит, дим. Ә ул миннән кулын тартып алып кереп китте. Минут та үтмәде әнинең бик каты кычкырганы ишетелде. Мин ишекне ачмакчы булам, ләкин анда кемдер эчтән ачарга бирми. Тизрәк өйгә йөгердем ярдәм сорарга. Бабай белән әти йөгерделәр мунчага. Ишеген ачтылар, ә анда әни идәндә ята. Күзләре, авызлары шар ачык. Йөрәк тибешен тикшерделәр. Пульс юк. Врачлар шок хәлендә үлгән, диделәр дип сүзен тәмамлады.

ЧЫГАНАК: https://kiziltan.ru/articles/donja/2026-06-03/munchaga-m-rh-m-tugannarny-chakyrgan-idek-4708625

Запись “Мунчага мәрхүм туганнарны чакырган идек…” впервые появилась Tatar Today - татар яңалыклары..

“Башкорт хуҗабикәсе” тагын шаккаттырды

Рамиля Валиахметова — Thu, 04 Jun 2026 08:00:15 +0000

Ул тагын операциягә әзерләнә. Бу юлы нәрсә булачак?

Танылган блогер үзенең трансформациясенең киләсе этабы турындагы яңалыгы белән уртаклашты.

Бу юлы аның максаты эстетик пластика. Ул рәсми рәвештә күкрәк ясатырга ниятләвен белдерде. Операциянең якынча датасы- сентябрь.

Элегрәк ул аудиториягә тиз ябыгу нәтиҗәләре турында ачыктан-ачык сөйләгән иде. Ашказанына операция ясатканнан соң авырлыгын кискен югалту аркасында, аның күп күләмдә артык тиресе барлыкка килеп, хатын бу аңа физик һәм әхлакый уңайсызлык тудыра дип берничә тапкыр зарланды.

Хәзерге операция бары тик күкрәккә генә кагылса да, җанатарлар моның организмның глобаль «апгрейд»ының бер этабы гына булуына шикләнми. Фолловерлар шәрехләрдә ике лагерьга бүленгән: берәүләр блогерны авыр ябыгу юлыннан соң үзен ышанычлы хис итү теләген хуплый, икенчеләре, күптән түгел ашказаны-эчәк трактына җитди тыкшынуны исәпкә алып, сәламәтлеге өчен борчыла.

“Башкорт хуҗабикәсе” үзе исә оптимистик кәеф саклый һәм язылучыларны сентябрь операциясенә әзерлек турында хәбәрдар тотарга вәгъдә итә.

ЧЫГАНАК: https://kiziltan.ru/articles/raznoe/2026-06-04/bashkort-hu-abik-se-tagyn-shakkattyrdy-4709564

Запись “Башкорт хуҗабикәсе” тагын шаккаттырды впервые появилась Tatar Today - татар яңалыклары..