8 февральдә мәрхүмә Вәсилә Фәттәхованың улы Кәримгә 8 яшь тулган. Кәримне әтисе Илгиз Гәбрәкыйпов шәхси инстаграм битендә котлап, фотоларын керткән. Улына әнисен югалту ничек кенә авыр булмасын, аның беркайчан да еламавын, төшенкелеккә бирелмәвен әйткән. 

“Минем яраткан улым Каримчикка бүген, 2019 елның 8 февралендә, 8 яшь тула. Гомерләр сизелмичә үтә, улым үсә, мөстәкыйль, түземле, сабыр була башлады, миңа бар эштә дә ярдәм итәргә тырыша. Котлыйм сине, кадерлем! Бу елларда аның күңеленә ничек кенә авыр булмасын, ул беркайчан да еламады, төшенкелеккә бирелмәде, әнисен югалтуны ирләрчә кабул итте. Хәзер 1 А сыйныфында укый. Акыллы бул улым, сәламәтлек, укуыңда уңышлар сиңа, бәхетле тормыш юлын узуыңны телим! Бәхет һәм изгелек һәрвакыт күңелеңдә булсын! Туган көнең белән, кадерлем!”, дип язган Илгиз Гәбдракыйпов

View this post on Instagram

A post shared by ILGIZ ABDRAKIPOV (@ilgiz_abdrakipov)

Әлеге пост астында Кәримне йөздән артык кеше туган көне белән котлаган. Аңа сәламәтлек, бәхет, уңышлар теләгәннәр. Акыллы, батыр, тәртипле егет булсын, дип язганнар.

Запись Вәсилә Фәттәхованың ире үзәк өзгеч сүзләр белән улын туган көне белән котлый, фотоларын күрсәтә впервые появилась Tatar Today - татар яңалыклары..

Эстрадабызның яшь һәм моңлы җырчысы Вәсилә Фаттахова вафат булуына бүген өч ел булды. Кызы Камиләне тапканнан соң, хәле начараеп, көтмәгәндә арабыздан китеп барды ул. Ире Илгиз ике бала белән торып калды…

– Илгиз, хәлләрегез ничек?

– Бар да шулай ук, үзгәрешсез. Кәрим мәктәптә укып йөри, 8 февраль көнне аңа 8 яшь тула. Уку ошый, аеруча математиканы ярата. Камилә кызыбыз Казанда, Мәскәүдә дәвалану курсын үтте. Быел Кытайга барырга да планлаштырабыз.

Вакытыннан алда аз авырлык белән туып, әле дә хәл җыеп китә алмый,  балакай. Ятып кына тора: утырмый да, йөрүе дә безнең хыялларда гына. Бераз сөйләшә, күзләрен, авызын күрсәтә…

– Кәрим әнисен еш хәтеренә төшерәме?

– Аңа кыен һәм ямансу, әни иркәсе, ни кочагы җитми… Мин моны күрәм һәм яхшы аңлыйм. Әмма ул аны көтми, бүтән улйтмаячагын белә. Беркөнне караңгыда урамга чыктык та, улым: “Әти, әни – ул йолдыз һәм ул безгә карап тора”, – ди.

Хәзер ул миңа гына ышана һәм миннән генә өмет итә.

Улым әлегә сабый гына булса да, олыларча сөйләшә белә. Дәү әниенә: «Əни озак яши алмады. Дәү әти белән сезгә озын гомер телим», – дигән. Сүз дә юк, ул һәрчак борчыла, без күрмәгәндә планшетыннан әнисе белән төшкән фото һәм видеоларны карый.

Вәсилә Фәттахова

 

– Кәрим белән Камиләнең мөнәсәбәтләре ничек?

– Сеңлесе өчен җан атып тора. Иртән, уяну белән, аның янына кереп уйный. Нык якын итә. Камиләсе дә, абыйсын күрү белән шундук елмая, көлә башлый.

Балалар исән-сау гына булсыннар. Аллаһыдан бары тик шуны сорыйм.

Шәһри Казан

Запись “Кызыбыз авырый. Улым әнисен күктән эзли”, – ди Вәсилә Фәттәхованың ире “Шәһри Казан”га впервые появилась Tatar Today - татар яңалыклары..

Социаль челтәрләргә эләккән видеоязма кадрларында Россия десантчылары башкорт композиторы Урал Рәшитов иҗат иткән «Туган Як» халык хитына маршлый һәм җырлый.Уфалылар кадрларда шәһәрнең Кашкадан паркын таныдылар. Әмма кайберәүләр әлеге видеоязманың Уфада төшерелгәненә шикләнә һәм хор башка төбәктә яши ала, дип саный.

Исегезгә төшерәбез, «Туган як» җыры популяр җырчы Вәсилә Фәттахованың иң популяр җырларының берсе булды. Җырчы 2016 елда икенче бала тапканнан соң өзлегүләрдән вафат булган иде.

 Чыганак: PROUFU.ru

Запись Вәсилә Фәттахованың «Туган як»җырын башкарган десантчыларның видеоязмасы халык арасында бәхәс уята впервые появилась Tatar Today - татар яңалыклары..