Мамадыш егете концерт вакытында, барлык кешеләр каршында сөйгәненә тәкъдим ясаган.
Татарстан егетләре үзләренең романтик булулары белән аерылып тора. Күптән түгел Казан егете йөргән кызына 100 машина ярдәмендә тәкъдим ясаган иде. МЧС хезмәткәре, Мамадыш егете – Марат Гасимов та сөйгәненә сюрприз ясарга булган.
Яшь пар шәһәрнең су буенда концерт карарга килгән булган. Кинәт Марат сәхнәгә менеп, яраткан кызы – Алинәгә мәхәббәтен аңлаткан һәм 101 роза чәчкәсе бүләк итеп, кияүгә чыгарга тәкъдим ясаган. Алинә, әлбәттә, “Әйе!” дип җавап биргән.
Яшьләр 10 ай очрашып йөргәннәр, ә туй көнен киләсе елга билгеләгәннәр.
Мәгълүмат, фото Мамадыш-рт.ру сайтыннан алынды