10 апрель cәгать иртәнге 4:35 Казандагы «Галәм гыйбадәтханәсе»ндә янгын чыга. Нәтиҗәдә, бинаның элеккеге прорабы, баш архитектор Илдар Хановның дусты Мансур Зиннәтов һәлак була. //Tatar Today//
Искәртеп үтик, янгын сүндерүчеләр түбә һәм чарлак януын күргән. Сәгать 5:40 икенче каттта янгын сүндерелгәндә коткаручылар ир-ат гәүдәсенә юлыккан. Бинаның ишекләре йозакка бикләнгән булган. Шуңа, янгын сүндерүчеләр эчкә озак керә алмый торганнар.
Янгын 6:32 сәгатьтә тулысынча камап алган. Ул 200 квадрат метр мәйданга таралып өлгергән була. Бу хәлнең килеп чыккан сәбәпләрен төгәл генә әйтеп булмый. Янгын ут белән саксыз куллану, яисә юри ут төртү, шулай ук техника өчен дә килеп чыккан дигән фикерләр бар.
Әйтеп үтәргә кирәк, «Галәм гыйбадәтханәсен» 1994 елда рәссам, сынчы һәм архитектор Илдар Ханов төзи башлаган иде. Ул аны 16 ел дәвамында төзеде. Биредә мөселман мәчете манарасы, православ дине гөмбәзе, католиклар чиркәве, яһүдләр синагогасы, Будда гыйбадәтханәсе һәм башка диннәрнең рухын чагылдырган биналар төзелгән.