Татар ашлары / Татарстан / Яңалыклар

Лимон бәлеше рецепты

Лимон бәлеше рецепты

Камыр өчен кирәк булачак: .
* 1 йомырка;
* 200 мл җылы сөт;
* 1 аш кашыгы коры чүпрә;
* 1 аш кашыгы шикәр комы;
* 100 г эретелгән атланмай;
* тоз;
* он

Эчлек өчен: .
* 1 лимон;
* 2 әфлисун;
* тәменчә шикәр комы, (якынча ± 1 стакан).
.
Эш барышы:
Бисмилләһир-рахмәәнир-рахииим.
.
1. Камыр басабыз. Камыр кабарган арада эчлекне әзерлибез.

2. Лимон белән әфлимунны иттарткыч аша чыгарабыз. Шикәр комы кушып болгатабыз, мин бер стакан тулыр тулмас салдым. Әз-әзләп салыгыз, әче булса өстәсәгездә була шикәр комын.

3. Камырны берсе зуррак, калган өчесен бер төсле зурлыкта кечрәк итеп, 4 өлешкә бүләбез.
.
4. Табаны майлап, камырны табага җәеп салырга, аннан камыр өстенә эчлекне сылыйбыз. Тагын кечерәк, юка итеп камырны җәябез, шулай ике тапкыр кабатлап эшлибез.

5. Кырыйларын матурлап бизәкләп, духовкага пешәргә куйябыз. 40-45 минуттан соң бәлеш әзер.
.
Чәйләрегез тәмле булсын.

Р.S. Лимон белән әфлисунның кабыгы юка булса эчлек сыеграк була. Әгәрдә инде сыек булса әз генә манный ярмасы белән куертырга була.

Эльмира Нигматзянова, Әтнә.

Загрузка...

Добавить комментарий

Такой e-mail уже зарегистрирован. Воспользуйтесь формой входа или введите другой.

Вы ввели некорректные логин или пароль

Sorry that something went wrong, repeat again!