Песков Путинның ни өчен смартфон йөртмәве, нинди пенсия алуы хакында сөйли

-- Гузель

//Татар тудей//

15 гыйнварда «Аргументы и факты» сайты Русия Президенты матбугат сәркатибе Дмитрий Песков белән эксклюзив интервью бастырып чыгарды. Анда Владимир Путинның санкцияләр һәм социаль челтәрләргә карашы турында сүз бара. 

Дмитрий Песковка беренче сорауны ук Владимир Путинның акчалары турында биргәннәр. Президентның нинди пенсия алуы һәм аңа бу акчалар ничек түләнүен сораганнар.

«Беренче санкцияләр кертелгәч, нигәдер америкалылар Кырымның Русиягә кушылуында төп гаепләүчеләр дип безнең күп кенә компанияләрне, шул исәптән «Россия» банкын санаган иде. Ул чакта Президент үзенең хезмәт хакын һәм хәрби пенсиясен әлеге банк карточкасына күчерергә карар кылды. Пенсиянең нинди күләмдә икәнен әйтә алмыйм, чөнки белмим. Хезмәт хакына килгәндә, ул премьер-министрның хезмәт хакы кебек, Президент Указы белән билгеләнә», дип җавап биргән Песков.

Президентка кулында елына 1-2 тапкыр гына кәгазь акча тотарга туры килә. Әйтик, тау чаңгыларында шуган вакытта тау кафесына кергәндә кирәк икән.

«Президентның кесә телефоны юк. Ә ул аннан башка ничек яши?», дигән сорауга : «Бик яхшы! Ә элек ничек телефонсыз яшәгәннәр? Кешедә телефон булу, тулы ачыклыкны күздә тота, шуңы күрә, дәүләт башлыгында смартфон була алмый». дип җавап биргән Дмитрий Песков.

 

http://www.aif.ru/
Фото:http://www.rline.tv/

 

Бәйле