Табиблар өстенә кар ишелгән 78 яшьлек имамның хәле турында комментарий бирә

-- Лэйсирэ

Чирмешән районы Әмир авылында мәчетнең баскыч төбендәге козырегыннан кар төшергәндә егылып имгәнгән имам Люцир хаҗи Зыятдиновның хәле тотрыклы авыр. Бу хакта «Татар-информ» хәбәрчесенә Әлмәт шәһәре «Татнефть» медицина-санитар часте матбугат хезмәте хәбәр итте.

78 яшьлек пациент хастаханәгә 1 февраль көнне реанимациягә китерелә.

Диагнозы түбәндәгечә: умыртка баганасының 2 һәм 4нче умырткалары сынган, арка мие кысылмаган. Сул һәм уң яктан кабыргалары сынган.

Сул яктан гематоракс – бу плевраль куышлыкта кан җыелу. Үпкә тамырларыннан, күкрәк куышлыгыннан кан китү нәтиҗәсендә барлыкка килә.

«Реанимациядә ята, хәле тотрыклы авыр, аңында. Консерватив дәвалау уздырыла. Операция әлегә кирәкми. Гемоторакс дренажланган, яки ярадагы сүле көпшәләр ярдәмендә агызылган», — дип хәбәр итәләр хастаханәдән.

Чыганак һәм фото: Татар информ
Загрузка...

Бәйле

Добавить комментарий