Алинә Шәрипҗанова Ольга Бузованы рэп-батлга дәшә

-- Лэйсирэ

Популяр җырчы, кабатланмас тавыш иясе Алинә Шәрипҗанова «Бизнес Онлайн» басмасына зур һәм эчтәлекле интервью биргән. Ул бүгенге көн эстрадасына һәм андагы үзгәрешләр турындагы сорауга җавап биреп, кызыклы эксперимент үткәрергә чакыра:

«Хәзер эстрадада иҗатка түгел, ә нәкъ менә проектны алга этәрүгә күп көч һәм акча сарыф ителә. Бу маркетинг алымы иҗат дигән төшенчәне гомумән икенче планга кысрыклый. Без моның нәтиҗәләрен күрәбез, мәсәлән, Ольга Бузованың феноменаль сикереше шуңа мисал.

Көтмәгәндә Бузованың артист, җырчы булуы ачыкланды. Мин хәтта мондый тәҗрибәгә дә риза: мондый җырчыларның һәркайсы белән вокал баттл оештыру кызык булыр иде! Мин Ольга Бузованы рэп-баттлга чакырыр идем! Мин рэп укый алам, чөнки баш мием бар, артымда билгеле бер әдәби «йөк» бар, күп укылган, күп хезмәт куелган, ә менә ул мин эшләгәнне эшли алырмы? Кызык булыр иде» дип белдергән Алинә Шәрипҗанова.

Загрузка...

Бәйле

Добавить комментарий