Айгөл Бариеваның инстаграмга бар халык күзе алдына кыска ачык түшле күлмәк киеп төшкән интим фото һәм видео куюы интернетта шау-шу куптарды. Җырчының киемен һәм үзен тәнкыйтьләп, тыйнаксызлыкта гаеплиләр.
«Айгөл, бөтенләй трусик-лифчиктан гына чыгып басып кара әле малаең каршына, матур син әни дияр микән?», дип яза бер укучы.
«Без әнинең өйдә дә болай итеп йөргәнен күрмәдек», ди тагын берсе.
Айсылу исемле инстачы: «Мин сезне бик тыйнак, чын татар хатын-кызы дип уйлый идем. Үзегезгә карата фикерне үзгәрттегез», дип язган.
Айгөл Бариева тамашачыларына җавап итеп болай дип яза:
«Барыгызның да фикерләрегезне укып чыктым, рәхмәт битараф булмавыгызга, булдыра алганча һәрберегезгә җавап бирергә тырыштым! Гафу итегез минем бүгенге хәләтем, образым сезнеке белән туры килмәсә, сезгә ошамаса… Ну нишләтим. Бүген мин шундый!Һәм мин үземне кемгәдер ошамас дип, үзгәртә алмыйм! Иң мөхиме нидер эшләгәндә, мин үземә хыянәт итмим, икенчедән үземнем якыннарымнан хәер фатиха алам! Әти Әнием исән түгел инде күптән, шуңа күрә алар өчен җавап бирә алмыйм, ләкин сезнең дә алар өчен җавап язырга хакыгыз юк дип уйлыйм! Гаиләм, якын дусларым минем бу образымны, бу хәләтемне тулаем кабул иттеләр! Каршы килмәделәр монда куюыма!Минем инстабитем — ул минем дөньям, кичерешләрем, уйларым, иҗатым, очрашуларым, хисләрем һ.б…. Мин һәрвакыт бөтен нәрсә белән сезнең белән уртаклашып барам.. Берәр киңәш, ярдәм кирәк булса — берегезне дә беркайчанда кире какканым булмады! Чөнки мин шундый! Үзем! Ничек бар — шулай! Тормышта да… Кемнәр мине якыннан белә алар алдарга бирмәсләр… Ә инде бу фотоларда ниндидер начарлык, оятсызлык… тем более гөнаһ күргән кешеләргә минем шуны гына әйтәсем килә: Гафу итегез! Беркемне дә рәнҗетергә, ничектер задевать итәргә уемда да юк иде.. Бу очракта шуны гына әйтәсем килә: «Каждый понимает в меру своей испорченности и воспитанности!» Мин монда бернинди дә оятсыз әйбер күрмим! Гафу бу минем фикерем! Тагын бер кат әйтәм — аны беркемгәдә такмыйм! Сезнеке белән туры килмәсә, ошамаса ..просто отпишитесь зинһар! Мин беркайчанда подписчиклар саны өчен кумадым. Но миңа авыр сүзләр язырга, мине рәнҗетергә беркемнең дә хакы юк!» дигән җырчы.