24 майда легендар җырчы Хәмдүнә Тимергалиеваның 70 яшьлек юбилее. Гүзәл Уразова белән Илдар Хәкимов та котлауларга кушылып, Хәмдүнә апа белән булган бер кызыклы хәлне искә төшерә.
«Хәмдүнә апа белән булган кызык хәлләр бик күп, чөнки без еш очрашабыз. Шуларның берсен сөйлим әле. «Татар җыры». Сәхнәгә чыгар алдыннан Хәмдүнә апаның туфлиенең үкчәсе сынды. Гримеркада — кипиш! Нәрсә эшләргә белмибез. Шундук үземнең ярты сәгать элек кенә сатып алынган туфлиемне суздым. Аяк киеме үлчәме һәм аның төсе туры килү бик шәп булды! «Татар җыры»ның програмасын үзгәртеп тормадылар, Хәмдүнә апа үз чиратында чыгыш ясады», — дип яза Инстаграмда Гүзәл Уразова.
Фото: соцчелтәрләрдән коллаж