Татарстанда бишекле мотоцикл йөртүчесе зур тизлектә ут баганасына бәрелеп һәлак булган. Бу хакта «Татар-информ» агентлыгына республика Дәүләт автоинспекциясеннән хәбәр иттеләр.
«29 июль 19.00 сәгатьтә Әгерҗе районының Исәнбай авылында 54 яшьлек мотоциклчы, башлангыч мәгълүматларга караганда, зур тизлектә ут баганасына килеп бәрелгән һәм әйләнеп капланган», — дип искәрттеләр ведомствоның матбугат хезмәтендә.
Алган җәрәхәтләрдән ир-ат шунда ук һәлак булган.
Мәгълүмат: tatar-inform