Бүген, 8 август, Татарстанда бераз җылытачак, әмма республика территориясендә һава торышы болытлы һәм дымлы булып калачак.
Көндезге вакытта республика территориясендә явым-төшем көтелә. Җил көнбатыштан көньяк-көнбатышка юнәлешне үзгәртә – бүгенге көннән аермалы буларак, ул уртача булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.
Тәүлекнең якты вакытында һава температурасы +17дән +22 градуска кадәр булачак. Республиканың көньяк һәм көньяк-көнбатышында җылырак булачак.
Мәгълүмат: tatar-inform.tatar