7 август Бөрҗәнгә Президент килгән диләр. Юк ла, Радик Юлъякшин икән.
Уфадан ЮХХДИ хезмәткәрләре озатуында килгән егетне ни өчен зур җитәкче дип уйлаганнар? Баксаң, Радикны 16 сакчы озатып йөргән икән.
«Нәрсәсен саклый микән?», «Бу кадәр кыланмаса да булыр иде», дигән сүзләр ишетергә туры килгән аның турында.
Концертын караганнан соң, суынганнар анысы. Ике сәгать буена тере тавышка җырлаган Радик. Халык күп җыелган, тирә-як авыллардан да килгәннәр. Күңелләре булган, рәхмәт әйтеп калганнар.
Ә сакчылар? Бу кадәр популяр кешедә алары гына булыр инде. — дип яза Кызыл Таң газетасы.
Чыганак: Кызыл Таң