23 гыйнварда Татарстанга кыска вакытлы салкын киләчәк. Бу хакта Россия Гидрометеорология һәм әйләнә-тирә мохитне күзәтү үзәге хәбәр итә.
Республиканың кыска вакытка циклонның тыл өлешендә булуы һава шартлары үзгәрүгә сәбәп булачак. Шуның аркасында Татарстан территориясенә төньяк-көнбатыштан салкынрак һава керә башлаячак.
Вакыты белән бераз кар явачак. Кайбер районнарда буран булуы ихтимал. Көнбатыш һәм төньяк-көнбатыштан уртача тизлектә җил исәчәк. Моннан тыш, метеорологлар Татарстан, шул исәптән Казан, юлларында көчле бозлавык булачагын кисәтә.
Төнлә температура нульдән 8 градуска кадәр төшәчәк. Көндез һава температурасы -1…-6 градус булачак.
Мәгълүмат һәм фото: tatar-inform.tatar