2020 елның июнендә (узган елның шушы ук вакыт аралыгы белән чагыштырганда) Татарстанда үлүчеләр саны кискен арткан. Бу хакта Росстат хәбәр иткән иде. Казан Кремлендә бу хәлгә карата шәрехләмә бирделәр.
– Моның сәбәпләрен Сәламәтлек саклау министрлыгы аңлаткан иде инде. Кызганыч, без планлы медицина ярдәмен күрсәтә алмадык, моны яңартырга кирәк, аның булмавы һичшиксез әлеге статистикага йогынты ясый. Республика җитәкчелегенең бурычы – анализ ясау түгел, ә пандемиягә кадәр күрсәтелгән планлы медицина ярдәмен кире кайтару, – диде Татарстан Президенты матбугат хезмәте җитәкчесе Лилия Галимова.
Чыганак: Ватаным Татарстан