19 октябрьдән Мәскәүдә 6-11нче сыйныф укучыларын дистанцион укытуга күчерү турында карар кабул ителгән. Бу хакта башкала мэры Сергей Собянин үзе хәбәр итә.
Ә 1-5нче сыйныф укучылары каникулдан соң мәктәпләрдә укыячак.
Мэр сүзләренчә, ике атналык каникулларның нәтиҗәсе булган. Авыручылар арасында балалар саны 19%тан 11%ка кадәр кимегән.
Өлкән сыйныф укучыларының COVID-19 белән зарарлану куркынычы күбрәк булганлыктан алар өйдә укуга күчәчәген әйткән мэр. Шулай ук алар башлангыч сыйныф укучыларына караганда «читтән укуга» тизрәк җайлаша.
Чыганак: Бизнес-Онлайн