Дәүләт медицина югары уку йортлары укучыларына матди ярдәм күрсәтәчәк. Россиялеләр өчен яңа акчалата түләүләр кертеләчәк. Бу ел ахырына кадәр дәүләт медицина югары уку йортлары укучыларына матди ярдәм күрсәтәчәк, дип белдерде Россия Президенты Владимир Путин Хөкүмәт әгъзалары белән узган киңәшмәдә.
Путин сырхауханәләрдә һәм хастаханәләрдә эшкә урнашмаган, әмма үз практикасы кысаларында авыруларга ярдәм күрсәтүдә катнаша торган яшьләргә өстәмә түләүләр кертергә тәкъдим итте. Ел ахырына кадәр вуз студентларына, ординаторларга һәм аспирантларга аена 10 мең сум, медицина училищелары студентларына 7 мең сум түләячәкләр. Президент сүзләренә караганда, студентларның күбесе коронавирус йогышын дәвалауга турыдан-туры катнашы юк, әмма аларның ярдәме белән тәҗрибәле табиблар «кызыл» зонада эшләүгә игътибар итә ала.
Чыганак: kazanfirst.ru