Сагыз чәйнәгез: хәтерне яхшырта

Һәрвакыт мәгълүмат дулкынында болганабыз. Күп очракта бик мөһим булган әйберләр дә истә калмый, чөнки кыска вакытлы хәтергә зыян килә.

Әйтик, бүлмәгән нәрсә алырга кергәнне онытып яки әйтәсе сүзегезне искә төшерә алмыйча торасызмы? Хәтерне яхшырту буенча берничә киңәшкә колак салыгыз.
Бик әһәмиятле мәгълүматны истә калдырырга кирәк булса, сагыз чәйнәгез. Нәрсәдер чәйнәгәндә, артикуляцион аппарат актви рәвештә эшли һәм баш миенең хәтер өчен җавап бирә торган өлешенә файдалы була. Каты яки кетердәп тора торган әйберләр чәйнәү дә яхшы. Юкка гына, балалар нәрсә булса да укыганда яки ятлаганда карандаш, каләм башын чәйнәми. Бу интуитив рәвештә шулай эшләнә.

Башның арткы өлеше күз хәтере өчен җавап бирә. Аны күз белән төрле күнегүләр ясап, тагында яхшыртырга була. Кулыгызга каләм алыгыз һәм аны күз биеклегендә тотыгыз да уңга-сулга йөртегез. Ләкин башыгызны бормагыз.

«Гәүдә хәтере» дигән термин турында да ишеткәнегез бардыр. Әйтик, сезнең кул-аякларыгыз велосипедта йөрүне, бию, йөзүне онытмый. Беренче мизгелдә бу шөгыльләр онытылган кебек тоелса да, гәүдә аларны тиз искә төшерә. Димәк, хәтерне яхшырту өчен дә бу алымны кулланырга мөмкин. Әйтик, сезгә бик мөһим мәгълүматны истә калдырырга кирәк, ди. Кулыгызны нык итеп йодрыклагыз. Искә төшешергә кирәк булганда, икенче кулыгызны йодрыкка җыегыз. Кулдан язылган мәгълүмат та яхшы истә кала. Болар һәркайсы дәлилләнгән фактлар.

Чыганак: http://shahrikazan.ru/news/kish-tabyish/sagyz-chyngez-khterne-yakhshyrta                                                                    Фото: https://pixabay.com/ru/

Загрузка...

Бәйле

Добавить комментарий