30 октябрьдән 7 ноябрьгә кадәр Владимир Путин эшләми торган атна игълан итте.
Эшләми торган атнада пенсияләр график буенча биреләчәк. Әгәр дә кеше пенсияне 4 яисә 5 ноябрьдә алырга тиеш икән, ул чакта акчалар алданрак түләнеләчәк. Чөнки «Россия почтасы» да, Пенсия фонды хезмәткәрләре дә, банклар да эшләмәячәк.
Пенсия фондының клиентларга хезмәт күрсәтү бүлекләре графигында үзгәрешләр булуы бар. Шуңа да эш көннәрен алдан белешү киңәш ителә. Әмма бу пенсияләрне түләүдә чагылыш тапмаячак.
Почта бүлекләре 3,4, 5 ноябрьдән тыш, гадәти графикта эшләячәк. 4 ноябрь — дәүләт күләмендәге бәйрәм, шуңа 3 ноябрьдә эш көне бер сәгатькә кимрәк булачак. Ә 5 ноябрьдә почта шимбә графигы буенча эшләячәк.
Чыганак: http://shahrikazan.ru/news/kyiskacha-yaңalyiklar/eshlmi-torgan-atnada-pensiyalr-nichek-birelchge-mglm