Инстаграмда «Татар көндәлеге» («Дневник татарина») дип исемләнгән блог алып баручы Рәмис Гыйльметдинов бүгенге бәяләр турында сөйләде. Бигрәк тә ипотека алучыларга кыен, дип белдерә блогер.
— Менә сиңа ипотека. «Ипотекага квартира алам» диючеләр өчен! Мисалга, 2 бүлмәле квартира 4 500 000 тора, ди. Иң беренче итеп 450 000 акча бирәсең. 25 еллык ипотека алсаң, ай саен 68 мең түләргә кирәк булачак. Моңа тагын фатир өчен түләүгә дип 6000, башка әйберләргә 15 000 сум кирәк. Айга кешегә 89 000 сум таләп ителә. Бәяләрнең үсешен туктатырлык түгел. Хезмәт хакы артмый бит! Ничек яшәргә соң? Тынычлыкта яшик! Кан коюлар кирәкми! — дип үз фикерләрен яза блогер Рәмис Гыйльметдинов.